Avropa Gənclər Olimpiya Festivalının birinci günündə…

Avropa Gənclər Olimpiya Festivalının (EYOF) Heydər Əliyev adına İdman Sarayında keçirilən güləş yarışlarının birinci günündə sərbəst güləşçimiz Əbülfəz Nəsirov (55 kq) Azərbaycan milli komandasının dördüncü medalını qazanıb.Azərtac xəbər verir ki, finalda italiyalı Simone Vinçenzo Piroddu ilə qarşılaşan pəhləvanımız 5:10 hesabı ilə uduzaraq gümüş medalla kifayətlənməli olub.Bu çəki dərəcəsində bürünc medalları macarıstanlı Benedek Kiss və rusiyalı Maqomedemi Eltemirov qazanıblar.Qeyd edək ki, Ə.Nəsirov finala gedən yolda britaniyalı Harvey Ridinqsi, gürcüstanlı Bejani Barsonidzeni, rusiyalı Maqomedemi Eltemirovu məğlubiyyətə uğradıb.Beləliklə, güləşçilərimiz Festivalın birinci günündə 2 qızıl, 1 gümüş və 1 bürünc medal qazanıblar. Yunan-Roma güləşçilərimizdən Murad Sadıqlı (45 kq) qızıl, Nihad Məmmədli (55 kq) bürünc, sərbəst güləşçilərimizdən isə Murad Haqverdiyev (45 kq) qızıl, Əbülfəz Nəsirov (55 kq) gümüş medala sahib olublar.xeber100.com

“Grand Prix 2019” seriyasının ikinci mərhələsində

Riqada FIDE və "World Chess" şirkətinin birgə təşkil etdiyi "Grand Prix 2019" seriyasının ikinci mərhələsinin yarımfinalında cavab oyunları keçiriləcək.Azərtac xəbər verir ki, Azərbaycan şahmatçısı Şəhriyar Məmmədyarov amerikalı Uesli Sonu yenidən sınağa çəkəcək. Yarımfinalın cavab oyunlarında, həmçinin Maksim Vaşe-Laqrav (Fransa) Aleksandr Qrişukla (Rusiya) mübarizə aparacaq.Qeyd edək ki, şahmatçımız yarımfinalın ilk qarşılaşmasında U.Sonu məğlub edib. Təmsilçimiz səkkizdəbir finalda rusiyalı Daniel Dubova, dörddəbir finalda isə polşalı Kriştov Dudaya qalib gəlib.Pley-off sistemi üzrə keçirilən Qran-Pri yarışında göstərilən nəticələrə görə, şahmatçılar xal qazanacaqlar. Sonda yığılan xallara görə, ilk iki yeri tutmuş şahmatçılar iddiaçılar turnirinə vəsiqə əldə edəcəklər.xeber100.com

Voleybol Federasiyasının məlumatına görə…

Qadın voleybolçulardan ibarət Azərbaycan millisi “Tokio 2020” Yay Olimpiya Oyunlarına lisenziya xarakterli təsnifat turnirinə hazırlığı ölkə xaricində davam etdirir.Azərbaycan Voleybol Federasiyasından Azərtac-a bildiriblər ki, hazırlıq planına əsasən komandamız ilk olaraq Bolqarıstanda, daha sonra isə Rusiyada təlim-məşq toplanışında iştirak edib. Hazırlıq prosesi çərçivəsində voleybolçularımız Bolqarıstan və Rusiya milliləri ilə yoldaşlıq oyunları da keçiriblər.İyulun 19-da komandamız Rusiyada təşkil olunan təlim-məşq toplanışını başa vuraraq Türkiyənin İzmir şəhərinə yollanıb. Yığmamız hazırlıq prosesi çərçivəsində Türkiyə millisi ilə yoldaşlıq oyununda gücünü sınayacaq.Qeyd edək ki, Azərbaycan millisi təsnifat turnirində Braziliya, Dominikan Respublikası və Kamerun ilə birlikdə “D” qrupunda mübarizə aparacaq. Oyunlar avqustun 1-3-də Braziliyanın Uberlandiya şəhərində keçiriləcək. Komandamız Braziliyaya iyulun 24-də Türkiyədən yollanacaq.xeber100.com

“EYOF Bakı 2019” XV Avropa Gənclər Yay Olimpiya Festivalında

Gürcüstanın Baş naziri Mamuka Baxtadze iyulun 19-da “EYOF Bakı 2019” XV Avropa Gənclər Yay Olimpiya Festivalında iştirak edəcək idmançılarla görüşüb.Azərtac xəbər verir ki, Milli Olimpiya Komitəsində (MOK) keçirilən görüşdə komitənin sədri Leri Xabelov hökumət başçısına idmançıların hazırlığı barədə məlumat verib.Təhsil, elm, mədəniyyət və idman naziri Mixeil Batiaşvili idmançıların Azərbaycanda keçiriləcək beynəlxalq idman yarışmasına ciddi hazırlaşdıqlarını bildirib.Hökumət başçısı ölkədə idmanın inkişafından danışıb, 2018-ci ilin Gürcüstanın idman həyatında ən yadda qalan və əlamətdar il olduğunu bildirib. O, gürcü idmançıların XV Avropa Gənclər Yay Olimpiya Festivalından qələbə və medallarla qayıdacaqlarına, əvvəlki illərin nəticələrini geridə qoyacaqlarına inandığını vurğulayıb, gənc atletlərə uğurlar arzulayıb.İyulun 21-27-də keçiriləcək “EYOF Bakı 2019” XV Avropa Gənclər Yay Olimpiya Festivalında Gürcüstanı idmanın altı növü üzrə 36 atlet təmsil edəcək.xeber100.com

Formula 1 yarışları 2021-ci il mövsümündə…

2021-ci il mövsümündə Formula 1 yarışlarına iki yeni komanda qoşula bilər. Azərtac xəbər verir ki, bu barədə yarışların şərhçisi Co Seyvard “Motosport Week” saytındakı bloqunda yazıb.Seyvardın verdiyi məlumata görə, layihələrdən birinin arxasında “Manora”nın keçmiş rəhbəri Qrem Loudon durur, digəri isə “Super Aquri”nin 76 yaşlı keçmiş icraçı direktoru Daniel Audetto ilə əlaqədardır. Sonuncunun yeni komanda ilə daimi əsaslarda əməkdaşlıq etməyəcəyi, lakin layihənin müəllifi üçün “kəşfiyyat” apardığı bildirilir. İkinci potensial komandanın arxasında kimim olduğu isə hələ məlum deyil.Hazırda Formula 1 qaydalarına görə, potensial yeni komandalar 20 milyon dollar girov qoymalıdırlar. Onlara ilk iki mövsümdə mükafat pulu almağa da imkan verilmir. Ehtimal olunur ki, 2021-ci ildə yeni komandalar 200 milyon dollar üzvlük haqqı ödəyəcək və bu vəsait yarışlarda iştirak edən komandalar arasında onların mükafat pullarının təzminatı olaraq bölüşdürüləcək.xeber100.com

Afrika Millətlər kubokunun bürünc mükafatçısı məlum olub

İyulun 17-də Afrika Millətlər kubokunun bürünc mükafatçısı məlum olub.Azərtac xəbər verir ki, turnirin üçüncü və dördüncü yer uğrunda mübarizələrində Nigeriya və Tunis millisi üz-üzə gəlib.Görüş Nigeriya millisinin minimal hesablı qələbəsi ilə başa çatıb - 1:0. Oyunda yeganə qolun müəllifi üçüncü dəqiqədə Odion İghalo olub. Beləliklə, Nigeriya millisi tarixində 8-ci dəfə Afrika Millətlər kubokunun bürünc mükafatçısı olub.Turnirin final görüşü iyulun 19-da keçiriləcək. Həmin görüşdə Seneqal və Əlcəzair yığmaları qarşılaşacaq.xeber100.com

Beynəlxalq şahmat turnirinin dördüncü turuna yekun vurulub

Almaniyanın Dortmund şəhərində dairəvi sistem üzrə təşkil olunan “Sparkassen Chess-Meeting” beynəlxalq şahmat turnirinin dördüncü turuna yekun vurulub.Azərtac xəbər verir ki, dördüncü turda şahmatçımız Teymur Rəcəbov Lenyer Dominqeslə (ABŞ) heç-heçə edib. Dörd turun nəticəsinə görə Teymur Rəcəbovun aktivində 2,5 xal var.Beşinci turun oyunları iyulun 19-da keçiriləcək.xeber100.com

UEFA Çempionlar Liqasının II təsnifat mərhələsindəki rəqibi müəyyənləşib

“Qarabağ” komandasının UEFA Çempionlar Liqasının 2019-2020-ci il mövsümünün II təsnifat mərhələsindəki rəqibi müəyyənləşib. Azərtac xəbər verir ki, bu, İrlandiya “Dandolk”udur.“Dandolk” I təsnifat mərhələsində Latviyanın “Riqa” komandasını mübarizədən kənarlaşdırıb. Bu komandalar arasındakı hər iki oyunun əsas vaxtı qolsuz yekunlaşıb. Bu gün Latviya paytaxtında keçirilmiş cavab görüşünün əlavə vaxtında da qol vurulmayıb. Penaltilər seriyasında isə “Dandolk” daha dəqiq olub - 5:4.“Qarabağ” İrlandiya çempionu ilə ilk oyununu iyulun 24-də səfərdə, cavab görüşünü iyulun 31-də evdə keçirəcək.xeber100.com

Beynəlxalq şahmat turnirinin növbəti oyunları keçiriləcək

Almaniyanın Dortmund şəhərində dairəvi sistem üzrə təşkil olunan “Sparkassen Chess-Meeting” beynəlxalq şahmat turnirinin dördüncü turunun oyunları keçiriləcək.Azərtac xəbər verir ki, iyulun 17-də baş tutacaq dördüncü turda şahmatçımız Teymur Rəcəbovun rəqibi turnir cədvəlində liderliyi ələ keçirən Lenyer Dominqes (ABŞ) olacaq. Amerikalı şahmatçı üç turdan 2,5 xal toplayıb. T.Rəcəbov isə ondan 0,5 xal geri qalır.Şahmatçımız üçüncü turda macarıstanlı Riçard Rapport ilə qarşılaşmada xalları yarı bölüb.Beynəlxalq turnirə iyulun 21-də yekun vurulacaq.xeber100.com

2019-2020-ci il mövsümünün birinci təsnifat mərhələsi çərçivəsində

Ağdamın “Qarabağ” futbol klubu iyulun 17-də UEFA Çempionlar Liqasında 2019-2020-ci il mövsümünün birinci təsnifat mərhələsi çərçivəsində cavab qarşılaşmasına çıxacaq.Azərtac xəbər verir ki, Qurban Qurbanovun rəhbərlik etdiyi kollektiv “Dalğa Arena”da Albaniya çempionu “Partizani” klubunu qəbul edəcək. Görüş saat 21:00-da başlayacaq.Tiranadakı ilk qarşılaşmada qolsuz heç-heçə qeydə alındığı üçün istənilən qollu bərabərlik qonaqlar üçün əlverişli nəticə olacaq.Oyunun idarə edilməsi Moldovadan olan hakimlər briqadasına tapşırılıb. Baş hakim Dumitru Muntyana Vladislav Lifçu və Andrey Bodyan yan xətt, Aleksandru Tyan isə dördüncü hakim qismində kömək edəcəklər. Şotlandiyalı Uilyam Yanq hakim-inspektor, ingiltərəli Maykl Foster UEFA nümayəndəsi funksiyasını yerinə yetirəcəklər.Qeyd edək ki, “Qarabağ” komandası “Partizani” səddini keçəcəyi halda ikinci təsnifat mərhələsində “Dundalk” (İrlandiya) - “Riqa” (Latviya) qarşılaşmasının qalibi ilə görüşəcək. Ağdamlılar məğlub olacaqları təqdirdə UEFA Avropa Liqasının ikinci təsnifat mərhələsində Moldovanın “Şerif” klubu ilə üz-üzə gələcəklər.xeber100.com