“Qalatasaray” futbol klubu üç transfer reallaşdırıb

İstanbulun “Qalatasaray” futbol klubu eyni gündə üç transfer reallaşdırıb.Azərtac klubun saytına istinadla xəbər verir ki, İstanbul təmsilçisi Rayan Babel, Adəm Böyük və Valentin Ozornvaforu heyətinə qatıb.“Qalatasaray” hollandiyalı hücumçu Rayan Babel ilə üç illik müqavilə imzalayıb. Azad agent kimi komandaya cəlb edilən futbolçunun illik məvacibi 2,5 milyon avro olacaq.İstanbul təmsilçisi “Malatyaspor” ilə müqaviləsinin müddəti başa çatan Adem Böyüyü də transfer edib. Klub rəhbərliyi 31 yaşlı hücumçu ilə ikiillik müqavilə imzalayıb.Nigeriyanın “Enyimba” klubundan transfer edilən Valentin Ozornvafor ilə dörd illik müddətə müqavilə imzalanıb. “Qalatasaray” rəhbərliyi 20 yaşlı müdafiəçinin keçidi üçün 300 min avro ödəyib.xeber100.com  

“Grand Chess Tour 2019” seriyasının növbəti oyunları keçirilir

Xorvatiyanın paytaxtı Zaqrebdə azərbaycanlı qrossmeyster Şəhriyar Məmmədyarovun da iştirak etdiyi “Grand Chess Tour 2019” seriyasının ikinci mərhələsinin dördüncü turunun oyunları keçirilir.Azərtac xəbər verir ki, üçüncü turda rusiyalı Yan Nepomnyaşiyə məğlub olan şahmatçımız növbəti turda norveçli dünya çempionu Maqnus Karlsen ilə qarşılaşır. Dördüncü turda çinli Dinq Liren amerikalı Hikaru Nakamura, hollandiyalı Aniş Giri fransalı Maksim Vaşe-Laqrav, amerikalı Fabiano Karuana ermənistanlı Levon Aronyan, rusiyalı Yan Nepomnyaşi həmyerlisi Sergey Karyakin, amerikalı Uesli So isə hindistanlı Vişvanatan Anand ilə üz-üzə gəliblər.Üç turun yekununda Ş.Məmmədyarovun aktivində cəmi bir xal var. Şahmatçımız birinci turda S.Karyakin, ikinci turda isə H.Nakamura ilə heç-heçə edib. Sonuncu turda M.Vaşe-Laqrav D.Liren, V.Anand L.Aronyan, A.Giri U.So, S.Karyakin H.Nakamura, F.Karuana M.Karlsen ilə heç-heçə ediblər.Üç turun yekununa görə Yan Nepomnyaşi 3 xalla turnir cədvəlində liderliyini qoruyur. M.Karlsen, Uesli So 2, M.Vaşe-Laqrav, L.Aronyan, F.Karuana, S.Karyakin 1,5, V.Anand, A.Giri, D.Liren, H.Nakamura isə 1 xal toplayıblar.xeber100.com

Avropa Gənclər Yay Olimpiya Festivalının atletika yarışlarında

Avropa Gənclər Yay Olimpiya Festivalının atletika yarışlarında Azərbaycanı 18 idmançı təmsil edəcək.Bunu Azərbaycan Atletika Federasiyasının baş katibinin müavini və Avropa Gənclər Yay Olimpiya Festivalında atletika yarışlarının meneceri Kənan Məhərrəmov Azərtac-a müsahibəsində bildirib.K.Məhərrəmov qeyd edib ki, festivalın atletika yarışlarında Avropanın 46 ölkəsindən 641 idmançı mübarizə aparacaq. Yarışlarda Azərbaycan atletləri qaçış, tullanma və atma növlərində çıxış edəcəklər.xeber100.com

Beynəlxalq Şahmat Federasiyasının iclası keçiriləcək

İyunun 28-də Bakıdakı “Hilton” otelində Beynəlxalq Şahmat Federasiyasının (FIDE) Prezident Şurasının iclası keçiriləcək.Azərtac xəbər verir ki, FIDE prezidenti Arkadi Dvorkoviç Prezident Şurasında iştirak etmək üçün iyunun 27-də Bakıya gələcək. İki gün davam edəcək iclasda bir sıra vacib məsələlər müzakirə olunacaq. İclasda, həmçinin federasiyaların üzvlük haqlarının azaldılması məsələsinə baxılacaq. FIDE Prezident Şurasının iclasının sonunda yekun qərarlar barədə mətbuata məlumat veriləcək.xeber100.com

II Avropa Oyunlarında səkkizdəbir final oyunu keçirilib

İyunun 27-də Azərbaycan badmintonçusu Ezmi Qovimuramadhoni II Avropa Oyunlarında səkkizdəbir final oyununu keçirib.Azərtac xəbər verir ki, bu mərhələdə idmançımızın rəqibi reytinqinə görə qitə çempionatının üçüncü ən güclü badmintonçusu sayılan hollandiyalı Mark Kalyou olub. Gərgin və maraqlı idman mübarizəsi şəraitində keçən görüşdə üç set oynanılıb. Təmsilçimiz güclü rəqibinə 1:2 (12:21, 21:17 və 14:21) hesabı ilə uduzaraq ikinci Avropa Oyunlarında mübarizəni dayandırıb.Xatırladaq ki, “Minsk 2019”un badminton yarışlarında G qrupunda yer alan E.Qovimuramadhoni ilk görüşdə Rumıniya badmintonçusu Kollins Valentin Filimona 2:1 (21:19, 18:21, 21:10) hesabı ilə qalib gəlib. İkinci turda Lüksemburq təmsilçisi Robert Mann üzərində 2:0 (21:18, 21:15) hesablı qələbə qazanan badmintonçumuz üçüncü turda turnirin reytinqinə görə yeddinci ən güclü badmintonçu olan Rusiya təmsilçisi Vladimir Malkovla qarşılaşıb. Badmintonçumuz rəqibinə 0:2 (7:21, 11:21) hesabı ilə uduzsa da səkkizdəbir finala vəsiqə qazanıb.Turnirin reqlamentinə əsasən qrup mərhələsində ilk iki yeri tutan badmintonçu səkkizdəbir final mərhələsinə vəsiqəni təmin edib.xeber100.com

“Grand Chess Tour 2019” seriyasının ikinci mərhələsinə start verilib

Xorvatiyanın paytaxtı Zaqrebdə “Grand Chess Tour 2019” seriyasının ikinci mərhələsinə start verilib.Azərtac xəbər verir ki, azərbaycanlı qrossmeyster Şəhriyar Məmmədyarovun da iştirak etdiyi nüfuzlu yarışın birinci turuna yekun vurulub. Təmsilçimiz ilk görüşdə rusiyalı Sergey Karyakin ilə heç-heçə edib. İyunun 27-də keçirilən növbəti qarşılaşmada şahmatçımız amerikalı Hikaru Nakamura ilə qarşılaşacaq.Birinci turda amerikalı şahmatçılar Fabiano Karuana Hikaru Nakamuranı məğlub edib. Digər amerikalı şahmatçı Vesli So isə çinli Dinq Lirenə qalib gəlib. Hollandiyalı Aniş Giri norveçli Maqnus Karlsen, hindistanlı keçmiş dünya çempionu Vişvanatan Anand rusiyalı Yan Nepomnyaşiyə məğlub olublar. Fransalı Maksim Vaşe-Laqrav ermənistanlı Levon Aronyanla heç-heçə oynayıb.xeber100.com

Azərbaycan Karate Federasiyasının məlumatı

Azərbaycan karateçiləri ikinci Avropa Oyunlarında iştirak etmək üçün Belarusun paytaxtı Minskə yola düşüblər.Azərbaycan Karate Federasiyasından Azərtac-a bildiriblər ki, iyunun 29-30-da keçiriləcək karate yarışlarında ölkəmizi 7 idmançı təmsil edəcək. Roman Heydərov (kata), İrina Zaretska (68 kq) və Asiman Qurbanlı (+84 kq) iyunun 29-da mübarizə aparacaqlar. Nuranə Əliyeva (50 kq), Firdovsi Fərzəliyev (60 kq), Rafiz Həsənov (67 kq) və Rafael Ağayev (75 kq) iyunun 30-da tatami üzərinə çıxacaqlar.Karateçilər Minskin “Çijovka Arena” kompleksində yarışacaqlar. Səkkiz idmançı iki qrupda mübarizə aparacaq. Hər qrupdan iki ən güclü karateçi yarımfinalda qarşılaşacaq. Qaliblər ikinci Avropa Oyunlarının qızıl, məğlub olan idmançılar isə bürünc medalı uğrunda mübarizə aparacaqlar. Hər çəki dərəcəsində Oyunların 8 iştirakçısından 6-sı idmançı təsnifat xalları ilə seçilib. Qalan iki karateçidən biri təşkilatçı ölkə, digəri isə Avropa Karate Federasiyası (EKF) tərəfindən təyin olunub.Karate yarışlarını idarə edən ədalət təmsilçiləri arasında beynəlxalq dərəcəli hakim Cahangir Babayev də var. İdmançılarla bir yerdə Minskə Azərbaycan Milli Karate Federasiyasının prezidenti Yaşar Bəşirov, birinci vitse-prezident Fərid Əsgərov, vitse-prezident Rəhman Hətəmov, baş katib Mirhəsən Seyidov, idarə heyətinin üzvü Fizuli Musayev, eləcə də baş məşqçilər Bahəddin Kandaz (kumite), Vahid Ayvazov (kata), böyük məşqçilər Şahin Xudaverdiyev, Qurban Tağıyev və karateçilərin fərdi məşqçiləri də yola düşüblər.xeber100.com

“Səbail” futbol klubu növbəti transferini reallaşdırıb

İyunun 25-də paytaxt klubu “Səbail” növbəti transferini reallaşdırıb.Azərtac klubun “facebook” səhifəsinə istinadla xəbər verir ki, “balıqçılar” milli komandanın üzvü Mirabdulla Abbasovu heyətinə qatıb.Mirabdulla Abbasov komandanın Bolqarıstandakı təlim-məşq toplanışına qoşulub. Oyunçu ilə 2019-2020-ci il mövsümünün sonunadək icarə müqaviləsi imzalanıb.xeber100.com

Güləşçilər arasında Avropa çempionatı keçiriləcək

İyunun 27-dən 30-dək Polşanın Krakov şəhərində 15 yaşadək güləşçilər arasında Avropa çempionatı keçiriləcək.Azərtac Azərbaycan Güləş Federasiyasına istinadla xəbər verir ki, qitə birinciliyində sərbəst və yunan-Roma güləşi üzrə müvafiq yığmalarımız iştirak edəcək. Sərbəst güləşçilərin yarışında məşqçi Namiq Quliyevin rəhbərliyi altında Elman Məmmədov (38 kq), Adəm Bağırov, Ruslan Abdullayev (hər ikisi 41 kq), Tural Niftiyev, İbrahim Musayev (hər ikisi 44 kq), Abdulrəhman İbrahimov, Musa Ağayev (hər ikisi 48 kq), Elcan Nadirli, İlkin Qənbərov (hər ikisi 52 kq), Elnur Qədirov (57 kq), Səlim Məmmədov, Fərman Hüseynov (hər ikisi 62 kq), Məzaim Mərdanov, Həsən Pələngov (hər ikisi 68 kq), Səttarxan Allahverdili (75 kq) və Ədalət Hümbətov (85 kq) mübarizə aparacaq.Yunan-Roma güləşi turnirində isə böyük məşqçi Əbülfət Məmmədov və məşqçi İlham Vəzirovun rəhbərliyi altında Fərahim Mustafayev, Rahim Həsənov (hər ikisi 38 kq), Məhəmməd Qasımzadə, Pərviz Dadaşov (hər ikisi 41 kq), Təvəkkül Həziyev, Balağa Mikayılzadə (hər ikisi 48 kq), Fərid Məmmədov, Fərid Xəlilov (hər ikisi 52 kq), Davud Məmmədov, Fizuli Abbasov (hər ikisi 57 kq), Kənan Abdullazadə, Həsən Əliyev (hər ikisi 62 kq), Cocu Səmədov və İbrahim Mehrəliyev (hər ikisi 75 kq) çıxış edəcək.Avropa çempionatında beynəlxalq dərəcəli hakim Babək Allahverdiyev ədaləti qoruyacaq.xeber100.com

Badminton Federasiyasının məlumatına görə…

Paytaxtın 1 saylı İdman Liseyinin yeni istifadəyə verilmiş badminton zalında keçirilən Bakı şəhər çempionatına yekun vurulub.Azərtac Azərbaycan Badminton Federasiyasına (ABF) istinadla xəbər verir ki, ABF və Bakı Şəhər Gənclər və İdman Baş İdarəsinin birgə təşkilatçılığı ilə keçirilən yarışda 5 kateqoriya üzrə 20 kişi, 16 qadın badmintonçu iştirak edib. Şəxsi oyunlar qruplar arasında dairəvi sistem üzrə keçirilib. Qoşa görüşlər isə olimpiya sistemi üzrə oynanılıb.Şəxsi mübarizələrdə kişilər arasında Orxan Qələndərov, qadınlardasa Nigar Əliyeva birinci olublar.Qoşa yarışlarda kişilərdə Cahid Əlhəsənov-Səbuhi Hüseynov, qadınlarda Nərmin Şərifova-Nigar Əliyeva tandemi qalib gəliblər.Qarışıq-qoşa yarışlarda isə Elnurə Cəfərova-Səbuhi Hüseynov cütü fəxri kürsünün ən yüksək pilləsinə qalxıblar.İlk 3 yerin sahibləri diplom və medallarla təltif olunub.xeber100.com