Aprelin 12-də yunan-Roma güləşi üzrə yarışlara start verilir

Rumıniyanın paytaxtı Buxarestdə keçirilən güləş üzrə Avropa çempionatı davam edir.Azərtac xəbər verir ki, beşinci yarış günündə - aprelin 12-də yunan-Roma güləşi üzrə yarışlara start verilir. Bu gün 55, 63, 77, 87 və 130 kiloqram çəki dərəcələrində çıxış edən güləşçilər mübarizə aparırlar.Güləşçilərimizin ilk rəqibləri müəyyənləşib. Belə ki, Eldəniz Əzizli (55 kq) serbiyalı Sebastyan Kolompar, Taleh Məmmədov (63 kq) Moldova təmsilçisi Donior İslamov, Elvin Mürsəliyev (77 kq) almaniyalı Roland Şvarts, İslam Abbasov (87 kq) digər almaniyalı Denis Kud, Sabah Şəraiti (130 kq) Çexiya idmançısı Stepan David ilə qarşılaşacaq.xeber100.com

Avropa çempionatının birinci turunun oyunları keçirilib

Antalyada qadın şahmatçılar arasında Avropa çempionatının birinci turunun oyunları keçirilib.Azərtac xəbər verir ki, çempionatda Azərbaycanı təmsil edən şahmatçılardan yalnız Gülnar Məmmədova birinci turda qələbə qazanıb. Günay Məmmədzadə, Gövhər Beydullayeva, Xəyalə Abdulla isə birinci turu heç-heçə başa vurublar. Digər şahmatçılarımız isə məğlubiyyətə uğrayıblar.Aprelin 12-də ikinci turun oyunları keçiriləcək.On bir turdan ibarət yarışda ümumilikdə 32 ölkədən 130-dan çox şahmatçı mübarizə aparır. Turnir cədvəlinin reytinq favoriti rusiyalı Aleksandra Qoryaçkinadır (2534).Ümumi mükafat fondu 60 min avro olan turnirə aprelin 21-də yekun vurulacaq.xeber100.com

UEFA Avropa Liqasının həlledici oyununda 2 komanda üz-üzə gələcək

Əlli gün sonra Bakı Olimpiya Stadionunda UEFA Avropa Liqasının həlledici oyununda 2 komanda üz-üzə gələcək. Final oyununa hazırlıq kampaniyası çərçivəsində aprelin 25-26-da futbol üzrə kiber çempionat keçiriləcək. Futbolu real həyatdan virtuala daşımağı bacaranlar üçün nəzərdə tutulan kiber çempionatın təşkili insanları finaladək həyəcanda saxlayacaq və hər kəsi futbol bayramı ətrafında toplayacaq.Kiber çempionata qeydiyyat aprelin 12-dən 22-dək davam edəcək. Aprelin 24-də isə yarışın püşkatması keçiriləcək. Çempionatda 128 nəfər iştirak hüququ qazanacaq. Oyun “FIFA 2019” qaydaları əsasında təşkil olunacaq.Qeyd edək ki, iştirakçıların seçimi Olimpiya sistemi əsasında aparılacaq. Kiber çempionatda birinci yeri tutan iştirakçıya min manat pul mükafatı təqdim olunacaq, eləcə də oyunun qalibi AFFA-nın kiber futbol üzrə yığmasında təmsil olunmaq şansı qazanacaq. İkinci yerin sahibinə 500 manat veriləcək. Çempionatda adını oyunu ilə üçüncü yerə yazdıran iştirakçıya isə təşkilatçılar tərəfindən UEFA Avropa Liqası 2019-un rəsmi “Molten” topu, həmçinin imzalı forma hədiyyə ediləcək.xeber100.com

Formula 1 üzrə dünya çempionatları tarixində

Aprelin 14-də avtoidman azarkeşləri bu il Formula 1 üzrə dünya çempionatları tarixində 1000-ci Qran-Prini izləyəcəklər. Mininci Qran-Pri Çinin Şanxay şəhərində keçiriləcək.Azərtac xəbər verir ki, indiyədək təşkil olunan 70 mövsümdə “Ferrari” komandasının pilotları yubiley yarışlarında fərqlənə bilməyiblər. Belə ki, İtaliya komandası 70 çempionatda 972 yürüşə qatılıb və bunların 235-də qələbə qazanıb.2004-cü ildən Şanxay avtodromunda keçirilən Çin Qran-Prisi bir çox əlamətdar hadisə ilə yadda qalıb. Belə ki, 2006-cı ildə dəfələrlə dünya çempionu olan Mixael Şumaxer sonuncu – 91-ci qələbəsini Şanxayda qazanıb. Üç il sonra “Red Bull Racing” komandası öz tarixində ilk qələbəni məhz Şanxay avtodromunda əldə edib. Həmçinin 2012-ci ildə “Mercedes”in pilotu Niko Rosberq ilk dəfə podiumun ilk pilləsində yer alıb.xeber100.com

Budapeştdə şahmat üzrə turnir davam edir

Macarıstanın paytaxtı Budapeştdə şahmat üzrə “Yaz festivalı” davam edir.Azərtac xəbər verir ki, Azərbaycan şahmatçılarının qatıldıqları turnirin artıq iki turuna yekun vurulub. Şahmatçılarımızdan Nail Bəşirli hər iki turda qalib (2 xal) gələrək 1-4-cü yerləri bölüşür. Vüqar Əsədli 1 qələbə və 1 heç-heçə ilə turnir cədvəlində 33-cü pillədədir. Zaur Bayramovun aktivində isə 0,5 xal var.Aprelin 11-də üçüncü turun oyunlarına start verilib. Bu turda Nail Bəşirli Hindistan təmsilçisi Kalyan Arcun, Vüqar Əsədli malayziyalı Vong Cianven, Zaur Bayramov isə isveçrəli Aditya Subramanian ilə qarşılaşacaq.Turnirdə 36 ölkədən 150-yə yaxın şahmatçı mübarizə aparır.xeber100.com

Yelkənli İdman Federasiyasının məlumatına görə…

Aprelin 18-dən 22-dək Yelkənli İdman Federasiyasının yığma komandası “Optimist” və “Laser” sinifləri üzrə keçiriləcək “32-th Izola Spring Cup” və “Easter Regata” yarışlarında iştirak etmək üçün Sloveniyaya yollanacaq.Federasiyadan Azərtac-a bildiriblər ki, yarışlardan əvvəl yelkənçilərimiz aprelin 14–dən 18-dək beynəlxalq səviyyəli məşqçi Draqan Gasicin rəhbərliyi ilə təlim-məşqlərdə iştirak edəcəklər. On dörd ölkədən 447 idmançının qatılacağı yarışlar komandamız üçün Avropa çempionatına hazırlıq məqsədi daşıyacaq.Azərbaycanı yarışlarda “Optimist” sinfi üzrə Ayla Babayeva, Fidan Ağazadə, Kristina Kərimova, Murad Hacı-zadə, Murad İsmayılov, Səxavət Əzimov, “Laser” sinfi üzrə Murad Allahverdi və İsmayıl Kərimov, heyətin rəhbəri Burcu Algon Giorgianni, “Optimist” sinfi üzrə baş məşqçi Seyhun Yıldız, “Laser” sinfi üzrə məşqçi Tuğçə Subaşı, köməkçi məşqçi Anton Vilyayev təmsil edəcəklər.xeber100.com

“Mançester Yunayted” klubu ilə “Barselona” üz-üzə gəlib

Aprelin 10-da UEFA Çempionlar Liqasının dörddəbir final mərhələsinin daha iki oyunu keçirilib.Azərtac xəbər verir ki, oyunlardan biri İngiltərədə, digəri isə Hollandiyada baş tutub.“Old Trafford” stadionunda keçirilən matçda “Mançester Yunayted” ilə “Barselona” üz-üzə gəlib. Matç 1:0 hesabı ilə qonaqların xeyrinə başa çatıb. Oyunda yeganə qol matçın 12-ci dəqiqəsində vurulub. Lionel Messinin ötürməsindən sonra Luis Suares qapıya başla vurduğu zərbə rəqibin müdafiəçisi Luk Şouya dəyərək qapıdan keçib - 0:1.Qoldan sonra hücuma atılan meydan sahibləri rəqibin qapısı önündə bir neçə təhlükəli vəziyyətlər yaratsalar da, hesab dəyişməyib.Günün digər oyunu isə Amsterdamdakı “Yohan Kroyf Arena” stadionunda keçirilib. Burada yerli “Ayaks” İtaliyanın “Yuventus” klubunu qəbul edib.Matçın 45-ci dəqiqəsində “Yuventus” Kriştiano Ronaldonun qolu sayəsində hesabda önə keçib. İkinci hissənin lap əvvəlində - 46-cı dəqiqədə isə meydan sahiblərinin futbolçusu David Neres hesabı bərabərləşdirib – 1:1. Matç elə bu hesabla başa çatıb.Qeyd edək ki, dörddəbir final mərhələsinin ilk iki oyununda "Liverpul" "Portu"nu 2:0, "Tottenhem" isə "Mançester Siti"ni 1:0 hesabları ilə məğlub edib.Qeyd edək ki, dörddəbir final mərhələsinin cavab görüşləri aprelin 16-da və 17-də keçiriləcək.xeber100.com

Çempionlar Liqasında daha iki oyun keçiriləcək

Bu gün Çempionlar Liqasında 1/4 final mərhələsinin daha iki oyunu keçiriləcək.Milli.az qarşılaşmaları yayımlayacaq kanalları təqdim edir: 23:00 "Mançester Yunayted" - "Barselona" - CBC Sport, Match! Football 2, beIN Sports 1 23:00 "Ayaks" - "Yuventus" - İdman Azərbaycan TV, Match! Football 1, beIN Sports 2.xeber100.com

“Qarabağ”futbol klubundan “Randers” klubuna transfer

"Qarabağ"la yollarını ayıran İslandiya millisinin qapıçısı Hannes Halldorssonun karyyerasını ölkəsində davam etdirəcək.Milli.az xəbər verir ki, 34 yaşlı qolkiper İslandiyanın "Valur" klubuna keçib.Reykyavik təmsilçisinin rəsmi saytı təcrübəli qolkiperin klubun aşağı yaş qrupları üzrə komandalarında qapıçılarla işləyən məşqçi kimi də fəaliyyət göstərəcəyini açıqlayıb. Qeyd edək ki, Halldorsson "Qarabağ"a bu mövsümün əvvəlində Danimarkanın "Randers" klubundan transfer olunmuşdu.xeber100.com

Güləş üzrə Avropa çempionatı davam edir

Rumıniyanın paytaxtı Buxarestdə güləş üzrə Avropa çempionatı davam edir.Azərbaycan Güləş Federasiyasından Trend-ə verilən məlumata görə, yarışın 3-cü günündə qadın güləşçilər mübarizəyə qoşulacaq. Püşkatma nəticəsində yığmamızın 4 üzvünün ilk rəqibləri müəyyənləşib. Maraqlıdır ki, püşk güləşçilərimizi MDB ölkələrinin təmsilçiləri ilə üz-üzə qoyub. 50 kq 1/4 final - Türkan Nəsirova - Oksana Livaç (UKR) 59 kq 1/4 final - Elmira Qəmbərova - Svetlana Lipatova (RUS) 68 kq Təsnifat - İrina Netreba – Yevgeniya Andreyçikava (BLR) 76 kq 1/8 final – Səbirə Əliyeva – Natalya Lanko (BLR).xeber100.com