Yelkənli İdman Federasiyasının məlumatına görə…

Aprelin 18-dən 22-dək Yelkənli İdman Federasiyasının yığma komandası “Optimist” və “Laser” sinifləri üzrə keçiriləcək “32-th Izola Spring Cup” və “Easter Regata” yarışlarında iştirak etmək üçün Sloveniyaya yollanacaq.Federasiyadan Azərtac-a bildiriblər ki, yarışlardan əvvəl yelkənçilərimiz aprelin 14–dən 18-dək beynəlxalq səviyyəli məşqçi Draqan Gasicin rəhbərliyi ilə təlim-məşqlərdə iştirak edəcəklər. On dörd ölkədən 447 idmançının qatılacağı yarışlar komandamız üçün Avropa çempionatına hazırlıq məqsədi daşıyacaq.Azərbaycanı yarışlarda “Optimist” sinfi üzrə Ayla Babayeva, Fidan Ağazadə, Kristina Kərimova, Murad Hacı-zadə, Murad İsmayılov, Səxavət Əzimov, “Laser” sinfi üzrə Murad Allahverdi və İsmayıl Kərimov, heyətin rəhbəri Burcu Algon Giorgianni, “Optimist” sinfi üzrə baş məşqçi Seyhun Yıldız, “Laser” sinfi üzrə məşqçi Tuğçə Subaşı, köməkçi məşqçi Anton Vilyayev təmsil edəcəklər.xeber100.com

“Mançester Yunayted” klubu ilə “Barselona” üz-üzə gəlib

Aprelin 10-da UEFA Çempionlar Liqasının dörddəbir final mərhələsinin daha iki oyunu keçirilib.Azərtac xəbər verir ki, oyunlardan biri İngiltərədə, digəri isə Hollandiyada baş tutub.“Old Trafford” stadionunda keçirilən matçda “Mançester Yunayted” ilə “Barselona” üz-üzə gəlib. Matç 1:0 hesabı ilə qonaqların xeyrinə başa çatıb. Oyunda yeganə qol matçın 12-ci dəqiqəsində vurulub. Lionel Messinin ötürməsindən sonra Luis Suares qapıya başla vurduğu zərbə rəqibin müdafiəçisi Luk Şouya dəyərək qapıdan keçib - 0:1.Qoldan sonra hücuma atılan meydan sahibləri rəqibin qapısı önündə bir neçə təhlükəli vəziyyətlər yaratsalar da, hesab dəyişməyib.Günün digər oyunu isə Amsterdamdakı “Yohan Kroyf Arena” stadionunda keçirilib. Burada yerli “Ayaks” İtaliyanın “Yuventus” klubunu qəbul edib.Matçın 45-ci dəqiqəsində “Yuventus” Kriştiano Ronaldonun qolu sayəsində hesabda önə keçib. İkinci hissənin lap əvvəlində - 46-cı dəqiqədə isə meydan sahiblərinin futbolçusu David Neres hesabı bərabərləşdirib – 1:1. Matç elə bu hesabla başa çatıb.Qeyd edək ki, dörddəbir final mərhələsinin ilk iki oyununda "Liverpul" "Portu"nu 2:0, "Tottenhem" isə "Mançester Siti"ni 1:0 hesabları ilə məğlub edib.Qeyd edək ki, dörddəbir final mərhələsinin cavab görüşləri aprelin 16-da və 17-də keçiriləcək.xeber100.com

Çempionlar Liqasında daha iki oyun keçiriləcək

Bu gün Çempionlar Liqasında 1/4 final mərhələsinin daha iki oyunu keçiriləcək.Milli.az qarşılaşmaları yayımlayacaq kanalları təqdim edir: 23:00 "Mançester Yunayted" - "Barselona" - CBC Sport, Match! Football 2, beIN Sports 1 23:00 "Ayaks" - "Yuventus" - İdman Azərbaycan TV, Match! Football 1, beIN Sports 2.xeber100.com

“Qarabağ”futbol klubundan “Randers” klubuna transfer

"Qarabağ"la yollarını ayıran İslandiya millisinin qapıçısı Hannes Halldorssonun karyyerasını ölkəsində davam etdirəcək.Milli.az xəbər verir ki, 34 yaşlı qolkiper İslandiyanın "Valur" klubuna keçib.Reykyavik təmsilçisinin rəsmi saytı təcrübəli qolkiperin klubun aşağı yaş qrupları üzrə komandalarında qapıçılarla işləyən məşqçi kimi də fəaliyyət göstərəcəyini açıqlayıb. Qeyd edək ki, Halldorsson "Qarabağ"a bu mövsümün əvvəlində Danimarkanın "Randers" klubundan transfer olunmuşdu.xeber100.com

Güləş üzrə Avropa çempionatı davam edir

Rumıniyanın paytaxtı Buxarestdə güləş üzrə Avropa çempionatı davam edir.Azərbaycan Güləş Federasiyasından Trend-ə verilən məlumata görə, yarışın 3-cü günündə qadın güləşçilər mübarizəyə qoşulacaq. Püşkatma nəticəsində yığmamızın 4 üzvünün ilk rəqibləri müəyyənləşib. Maraqlıdır ki, püşk güləşçilərimizi MDB ölkələrinin təmsilçiləri ilə üz-üzə qoyub. 50 kq 1/4 final - Türkan Nəsirova - Oksana Livaç (UKR) 59 kq 1/4 final - Elmira Qəmbərova - Svetlana Lipatova (RUS) 68 kq Təsnifat - İrina Netreba – Yevgeniya Andreyçikava (BLR) 76 kq 1/8 final – Səbirə Əliyeva – Natalya Lanko (BLR).xeber100.com

“Liverpul” futbol klubu “Porto” komandasını qəbul edib

"Liverpul" futbol klubu UEFA Çempionlar Liqasının 1/4 final mərhələsi çərçivəsində "Porto" komandasını qəbul edib.Trend-in məlumatına görə, "Enfild" stadionunda keçirilən oyun meydan sahiblərinin 2:0 hesablı qələbəsi ilə yekunlaşıb. Qolları Nabi Keyta (5-ci dəqiqə) və Roberto Firmino (26-cı dəqiqə) vurublar.Qeyd edək ki, komandalar arasında cavab qarşılaşması aprelin 17-də Portuqaliyada keçiriləcək.xeber100.com

Türkiyə Superliqasının XXVII turunun son oyununda

Aprelin 8-də futbol üzrə Türkiyə Superliqasının XXVII turunun son oyununda “Beşiktaş” səfərdə “Rizəspor”un qonağı olub.Azərtac xəbər verir ki, “Caykur Didi” stadionunda baş tutan görüşün 8-ci dəqiqəsində “Beşiktaş”ın müdafiəçisi Domaqoy Vida hesabı açıb. Qonaqlar yenidən 14-cü dəqiqədə Adem Lyayiçin vurduğu qol sayəsində fərqi ikiyə çatdırıblar. Meydan sahibləri 42-ci dəqiqədə vurulan qollardan birinin əvəzini çıxıblar. Vedat Muriqi qüvvətli zərbə ilə topu qapıdan keçirə bilib. Lakin Burak Yılmaz 64-cü dəqiqədə vurduğu qolla yenidən meydan sahiblərini oyuna mərkəzdən başlamağa məcbur edib. Meydan sahibləri Məhəmməd Aberhoun 70-ci dəqiqədə vurduğu qolla yenidən hesab arasındakı fərqi minimuma endiriblər. Lakin qonaqlar bir dəqiqə sonra Güvən Yalçının vurduğu qol sayəsində yenidən hesab arasındakı fərqi ikiyə çatdırıblar.Adem Lyayiç 78-ci dəqiqədə özünün ikinci komandasının beşinci qolunu vurub. Güvən Yalçın isə 82-ci və 90-cı dəqiqələrdə vurduğu qollar sayəsində öz het-trikini rəsmiləşdirib. Beləliklə, “Beşiktaş” səfərdə “Rizəspor”u 7:2 hesabla darmadağın edib.Bu oyunlardan sonra “Beşiktaş” 50 xalla turnir cədvəlinin üçüncü pilləsində qərarlaşıb.xeber100.com

UEFA Çempionlar Liqasının dörddəbir final mərhələsinə start veriləcək

Aprelin 9-da UEFA Çempionlar Liqasının dörddəbir final mərhələsinə start veriləcək.Azərtac xəbər verir ki, ilk oyun günündə iki qarşılaşma təşkil olunacaq.İngiltərə klubları “Tottenhem” və “Mançester Siti” komandaları tarixlərində ilk dəfə avrokubokda üz-üzə gələcəklər. Hər iki kollektiv səkkizdəbir finalda Almaniya təmsilçisini mübarizədən kənarlaşdırıb. Londonlular “Borussiya Dortmund”dan (3:0, 1:0), “şəhərlilər” isə “Şalke”dən (3:2, 7:0) güclü olublar.Komandaların heç birinin heyətində cəzalı futbolçu olmasa da, zədəlilər var. Erik Dayer və Erik Lamela zədə səbəbindən meydana çıxa bilməyəcəklər. Serj Orye ilə Fernando Lyorentenin vəziyyəti isə sual altındadır.“Mançester Siti”də Klaudio Bravo və Aleksandr Zinçenko zədədən əziyyət çəkir. Fabian Delf, Kayl Uoker və Kun Aqueronun isə meydana çıxacağı bilinmir.Günün ikinci görüşü də İngiltərədə baş tutacaq. “Liverpul” öz meydanında Portuqaliyanın “Portu” komandasını qəbul edəcək. Komandalar ardıcıl ikinci mövsüm UEFA Çempionlar Liqasında qarşılaşacaqlar. İngilislər ötən mövsüm səkkizdəbir final mərhələsində rəqibini səfərdə Sadio Manenin het-triki və Məhəmməd Salah və Roberto Firminonun qolları ilə 5:0 hesabı ilə məğlub edib. “Enfild”dəki görüşdə isə hesab açılmayıb.“Liverpul” səkkizdəbir finalda Almaniya təmsilçisi “Bavariya”nı mübarizədən kənarlaşdırıb (0:0, 3:1). “Portu” isə İtaliyanın “Roma” klubunu keçib (1:2, 3:1).Meydan sahiblərinin heyətində Endryu Robertson cəzalı, Co Qomez və Aleks Oksleyd-Çemberlen zədəlidir. Adam Lallananın vəziyyəti sual altındadır. “Portu”da isə Ektor Errera ilə Pepe cəzalıdır. Aleks Telles isə zədə səbəbindən meydana çıxmaya bilər.xeber100.com

“Shamkir Chess 2019” superturnirinin növbəti oyunlarında

Qrossmeyster Vüqar Həşimovun xatirəsinə həsr olunan “Shamkir Chess 2019” superturnirinin sonuncu turunun oyunları keçiriləcək.Azərtac xəbər verir ki, doqquzuncu turda Şəhriyar Məmmədyarov rusiyalı Sergey Karyakin, Teymur Rəcəbov çexiyalı David Navara ilə qarşılacaqlar.Səkkizinci turda vaxtından əvvəl dünya çempionu adını qazanmış Maqnus Karlsen rusiyalı Aleksandr Qrişuk ilə yarışacaq. Hindistanlı Vişvanatan Anand bolqarıstanlı Veselin Topalov, çinli Dinq Liren Holland Aniş Giri ilə üz-üzə gələcəklər.Səkkiz turdan sonra 6 xal toplayan Maqnus Karlsen dördüncü dəfə “Shamkir Chess 2019”un qalibi olub. Aleksandr Qrişuk, Dinq Liren, Sergey Karyakin hərəyə 4,5 xal, Vişvanatan Anand, David Navara, Teymur Rəcəbov, Veselin Topalov isə 4 xal toplayıblar. Şəhriyar Məmmədyarovun 3, Aniş Girinin 2,5 xalı var.Xatırladaq ki, norveçli dünya çempionu 2014-cü, 2015-ci və 2018-ci illərdə də turnirdə birinci yeri tutub. 2016-cı və 2017-ci illərdə isə Şəhriyar Məmmədyarov çempion adını qazanıb.xeber100.com

Həndbol üzrə beynəlxalq turnir keçiriləcək

Aprelin 10-dan 16-dək Rusiyada həndbol üzrə beynəlxalq turnir keçiriləcək.Azərbaycan Həndbol Federasiyasından Azərtac-a bildiriblər ki, yarışda həndbol üzrə qızlardan ibarət seçmə komandamız da iştirak edəcək.Baş məşqçi Vladimir Korotkiy və köməkçi məşqçi Yelena Namaliyevanın rəhbərliyi ilə komandamız Rusiyanın Volqoqrad şəhərinə yollanıb.xeber100.com