“Shamkir Chess 2019” superturnirinin növbəti oyunlarında

Qrossmeyster Vüqar Həşimovun xatirəsinə həsr olunan “Shamkir Chess 2019” superturnirinin sonuncu turunun oyunları keçiriləcək.Azərtac xəbər verir ki, doqquzuncu turda Şəhriyar Məmmədyarov rusiyalı Sergey Karyakin, Teymur Rəcəbov çexiyalı David Navara ilə qarşılacaqlar.Səkkizinci turda vaxtından əvvəl dünya çempionu adını qazanmış Maqnus Karlsen rusiyalı Aleksandr Qrişuk ilə yarışacaq. Hindistanlı Vişvanatan Anand bolqarıstanlı Veselin Topalov, çinli Dinq Liren Holland Aniş Giri ilə üz-üzə gələcəklər.Səkkiz turdan sonra 6 xal toplayan Maqnus Karlsen dördüncü dəfə “Shamkir Chess 2019”un qalibi olub. Aleksandr Qrişuk, Dinq Liren, Sergey Karyakin hərəyə 4,5 xal, Vişvanatan Anand, David Navara, Teymur Rəcəbov, Veselin Topalov isə 4 xal toplayıblar. Şəhriyar Məmmədyarovun 3, Aniş Girinin 2,5 xalı var.Xatırladaq ki, norveçli dünya çempionu 2014-cü, 2015-ci və 2018-ci illərdə də turnirdə birinci yeri tutub. 2016-cı və 2017-ci illərdə isə Şəhriyar Məmmədyarov çempion adını qazanıb.xeber100.com

Həndbol üzrə beynəlxalq turnir keçiriləcək

Aprelin 10-dan 16-dək Rusiyada həndbol üzrə beynəlxalq turnir keçiriləcək.Azərbaycan Həndbol Federasiyasından Azərtac-a bildiriblər ki, yarışda həndbol üzrə qızlardan ibarət seçmə komandamız da iştirak edəcək.Baş məşqçi Vladimir Korotkiy və köməkçi məşqçi Yelena Namaliyevanın rəhbərliyi ilə komandamız Rusiyanın Volqoqrad şəhərinə yollanıb.xeber100.com

Türkiyə Superliqasının XXVII turunun mərkəzi görüşündə…

Aprelin 7-də futbol üzrə Türkiyə Superliqasının XXVII turunun mərkəzi görüşündə “Başakşəhər” doğma meydanda “Konyaspor”u qəbul edib.Azərtac xəbər verir ki, “Fateh Terim” stadionunda baş tutan görüşün 50-ci dəqiqəsində “Başakşəhər”in hücumçusu Marsio Mossoro hesabı açıb. Meydan sahibləri 69-cu dəqiqədə qonaqları yenidən məyus ediblər. Edin Viska komandasının ikinci qolunu vurub – 2:0. Görüş elə bu hesabla başa çatıb.Günün digər qarşılaşmalarında "Fənərbağça" səfərdə "Ankaragücü"nün qonağı olub. Gərgin keçən oyunda tərəflər hərəsi bir qol vurmaqla heç-heçəyə razılaşıb – 1:1. "Kasımpaşa" öz meydanında "Ərzurumspor"u 2:1, "Akhisar Bələdiyəspor" isə səfərdə "Göztəpə"ni 1:0 hesabı ilə məğlubiyyətə uğradıb.Bu oyunlardan sonra “Başakşəhər” 61 xalla turnir cədvəlində liderliyini qoruyub saxlayır. "Fənərbağça" 32 xalla 13-cü pillədədir.Türkiyə Superliqasında XXVII turun son oyunu aprelin 8-də "Rizəspor" ilə "Beşiktaş" arasında keçiriləcək.xeber100.com

“Shamkir Chess 2019” superturnirində səkkizinci turun oyunları keçiriləcək

Aprelin 8-də qrossmeyster Vüqar Həşimovun xatirəsinə həsr olunan "Shamkir Chess 2019" superturnirində səkkizinci turun oyunları keçiriləcək.Azərtac xəbər verir ki, bu turda azərbaycanlı şahmatçılar Şəhriyar Məmmədyarov hollandiyalı Aniş Giri, Teymur Rəcəbov keçmiş dünya çempionu, hindistanlı Vişvanatan Anand ilə üz-üzə gələcəklər.Turnirin digər partiyalarında rusiyalı Sergey Karyakin norveçli dünya çempionu Maqnus Karlsen, bolqarıstanlı Veselin Topalov çinli Dinq Liren, rusiyalı Aleksandr Qrişuk çexiyalı David Navara ilə qarşılaşacaqlar.Yeddi turdan sonra Maqnus Karlsen 5 xalla liderliyini davam etdirir. Sergey Karyakin 4,5 xalla ikinci pillədə qərarlaşıb. Vişvanatan Anand, Aleksandr Qrişuk, Dinq Liren, David Navara, Teymur Rəcəbov, Veselin Topalov hərəyə 3,5 xal toplayıblar. Şəhriyar Məmmədyarovun 2,5, Aniş Girinin 2 xalı var.Turnirə aprelin 9-da yekun vurulacaq.Xatırladaq ki, 2014-cü, 2015-ci və 2018-ci illərdə yarışın qalibi Maqnus Karlsen olub. 2016-cı və 2017-ci illərdə isə Şəhriyar Məmmədyarov birinci yeri tutub.xeber100.com

Badmintonçular arasında Azərbaycan birinciliyinə yekun vurulub

Azərbaycan Badminton Federasiyası ilə Bakı Şəhər Gənclər və İdman Baş İdarəsinin birgə təşkilatçılığı ilə keçirilən 2009-2011-ci il təvəllüdlü badmintonçular arasında Azərbaycan birinciliyinə yekun vurulub.Azərtac xəbər verir ki, 5 nömrəli Bakı peşə liseyində keçirilən yarışda 18 oğlan və 12 qız mübarizə aparıb. Yarışda beş kateqoriya üzrə qaliblər müəyyənləşib. Şəxsi yarışlarda oğlanlardan Murad İbrahimli, qızlardan isə Əminə İsmayılova birinci olublar. Qoşa yarışlarda Murad İbrahimli – Əmirxan İmanov və Zəhra Rüstəmova – Əminə İsmayılova cütlükləri fəxri kürsünün ən yüksək pilləsinə qalxıblar. Qarışıq-qoşa yarışlarda isə Murad İbrahimli – Əminə İsmayılova cütlüyü qalib gəlib.Qaliblər hədiyyə, diplom və medallarla təltif olunub.xeber100.com

Güləş Federasiyasının məlumatına görə…

Dağıstanın Kaspiysk şəhərində gənc yunan-Roma güləşçiləri arasında Surakat Asyatilovun xatirə turniri keçirilib.Azərtac Azərbaycan Güləş Federasiyasına istinadla xəbər verir ki, yarışda gənclərdən ibarət yığmamızın üzvü Zaur Əliyev (55 kq) gümüş medal qazanıb.Xatırladaq ki, beynəlxalq dərəcəli hakim Cəlal Bahadurov bu yarışda ədaləti qoruyub.xeber100.com

“Yuventus” futbol klubu “Milan”ı qəbul edib

Futbol üzrə İtaliya Çempionatının 31-ci turu çərçivəsinə "Yuventus" klubu "Milan"ı qəbul edib.Trend-in məlumatına görə, oyun meydan sahiblərinin 2:1 hesablı qələbəsi ilə yekunlaşıb.Qaliblərin heyətində fərqlənənlər Paulo Dibala (60-cı dəqiqə, penalti) və Moyze Kin (84-cü dəqiqə) olublar. "Milan"ın yeganə qolunu isə 39-cu dəqiqədə Kşiştof Pyontek vurub.Qeyd edək ki, "Yuventus" 84 xalla İtaliya Çempionatının lideridir, "Milan" isə 52 xalla dördüncüdür.xeber100.com

İspaniya Çempionatının 31-ci turu çərçivəsində

"Barselona" futbol klubu İspaniya Çempionatının 31-ci turu çərçivəsində "Atletiko Madrid"i qəbul edib.Trend-in məlumatına görə, oyun meydan sahiblərinin 2:0 hesablı qələbəsi ilə yekunlaşıb.Oyunda ilk qol yalnız 85-ci dəqiqədə vurulub, Luis Suarez fərqlənib. Cəmi bir dəqiqə sonra Lionel Messi hesabda fərqi artıtırıb - 2:0.Beləliklə, 31 turdan sonra "Barselona" 73 xalla birincidir, aktivində 62 xal olan "Atletiko Madrid" isə kataloniyalıların ən yaxın izləyicisidir.xeber100.com

Azərbaycan Premyer Liqasında 23-cü tura yekun vurulacaq

Bu gün Azərbaycan Premyer Liqasında 23-cü tura yekun vurulacaq.Milli.az xəbər verir ki, turun mərkəzi görüşü "Qəbələ" ilə "Qarabağ" arasında baş tutacaq."Qarabağ" çempionluq mübarizəsi apardığı "Neftçi" ilə xalını bərabərləşdirmək üçün qələbə qazanmalıdır.Günün digər görüşündə isə "Sabah" "Səbail"i qəbul edəcək. Avrokuboklara vəsiqə uğrunda yarışan "Səbail" 3-cü pillədəki mövqeyini gücləndirmək üçün qalib gəlməyə çalışacaq. 14:00. "Qəbələ" - "Qarabağ" Bu mövsüm digər oyunların nəticələri: 1:4, 1:3, 1:2 16:30. "Sabah" - "Səbail" Bu mövsüm digər oyunların nəticələri: 0:0, 0:4, 0:1.xeber100.com

İngiltərə Premyer Liqasının 33-cü turunda

"Liverpul" İngiltərə Premyer Liqasının 33-cü turunda səfərdə "Sauthempton"u 3:1 hesabıyla məğlub edib.Milli.az xəbər verir ki, sözügedən qarşılaşmada "Liverpul"un hücumçusu Məhəmməd Salah yeni rekorda imza atıb. Komandasının 2-ci qolunu vuran misirli futbolçu Premyer Liqada 50-ci qoluna imza atıb.Salah "Liverpul" formasıyla Premyer Liqada 50 qol vurmağı ən tez bacaran futbolçu ünvanını qazanıb. O, buna 69-cu oyununda nail olub. Salahdan əvvəl Premyer Liqada 50 qol səddinə ən tez çatan "Liverpul"lu Fernando Torres idi. İspan hücumçu 72-ci Premyer Liqa matçında 50-ci qoluna imza atmışdı.xeber100.com