Qazaxıstanda qarışıq döyüş növləri üzrə turnir keçiriləcək

Martın 30-da Qazaxıstanda qarışıq döyüş növləri (MMA) üzrə nüfuzlu “M-1 Challenge 101” turniri keçiriləcək.Azərbaycan MMA Federasiyasından Azərtac-a bildiriblər ki, ölkəmizi yarışda dünya və Avropa çempionu, dünya kuboku yarışlarının qalibi Zaur Hacıbabayev təmsil edəcək.Turnirdə 93 kiloqram çəki dərəcəsində çıxış edəcək “Baku Fighters” klubunun təmsilçisi ABŞ idmançısı Tanner Boserlə üz-üzə gələcək.Yarış dünyanın 20 ölkəsində canlı yayımlanacaq.xeber100.com

“Avro-2020” seçmə mərhələsinin ikinci turuna start verilib

Martın 24-də "Avro-2020" seçmə mərhələsinin ikinci turuna start verilib.Azərtac xəbər verir ki, turun mərkəzi qarşılaşması "Johan Cruijff Arena" stadionunda oynanılıb. "C" qrupunda yer alan Hollandiya millisi Almaniya yığmasını qəbul edib.Görüş Almaniya millisinin 3:2 hesablı qələbəsi ilə başa çatıb.İlk dəqiqələrdən hücuma keçən Almaniya millisi 15-ci dəqiqədə hesabı açıb. Leroy Sane adını tabloya yazdırıb - 0:1. Matçın 34-cü dəqiqəsində almanlar yenidən fərqlənib. Serge Qnabri fərdi ustalığı sayəsində iki müdafiəçini keçərək uzaq küncə dəqiq zərbə endirib - 0:2. Birinci hissə Almaniya yığmasının 2:0 hesablı üstünlüyü ilə başa çatıb.Qarşılaşmanın ikinci hissəsinin 48-ci dəqiqəsində Hollandiya seçməsi qollardan birinin əvəzini çıxıb. Menfis Depayın cinah ötürməsini Matthjis De Ligt dəqiq baş zərbəsi ilə tamamlayıb - 1:2. Vurulan qoldan on beş dəqiqə sonra "narıncılar" hesabda tarazlıq yaradıb. Menfis Depay cərimə meydançasının daxilində qarışıqlıqdan yararlana bilib - 2:2. Oyunun 89-cu dəqiqəsində Almaniya millisi yenidən hesabda önə keçib. Niko almanların qələbə topunu vurmağa nail olub.Qalan dəqiqələrdə Hollandiya seçməsi hücuma keçsə də, hesab dəyişməyib.İlk turda Hollandiya millisi Belarus yığmasını darmadağın etmişdi (4:0), Almaniya isə reqlamentə əsasən rəqibsiz qalmışdı.Qrupun digər matçında Şimali İrlandiya doğma azarkeşlər önündə Belarus seçməsini 2:1 hesabı ilə məğlub edib.Azərbaycan millisinin yer aldığı "E" qrupunda isə iki oyun keçirilib.Mübarizəyə yeni başlayan Uels yığması "Kardiff Siti" stadionunda Slovakiyanı qəbul edib. Görüş meydan sahiblərinin qələbəsi ilə yekunlaşıb - 1:0. Yeganə qolu 5-ci dəqiqədə Daniel Ceyms vurub.Qrupun digər oyununda Macarıstan Xorvatiya ilə üz-üzə gəlib. Budapeştdəki "Groupama Arena"da təşkil olunmuş qarşılaşmada yerli komanda qalib gəlib - 2:1. Hesabı 13-cü dəqiqədə qonaq komandadan Ante Rebiç açıb. Lakin 34-cü dəqiqədə Adam Salai, 76-cı dəqiqədə isə Mate Patkai fərqləniblər.Bu oyunlardan sonra "E" qrupunda 5 komandadan 3-nün xalları bərabərləşib. Slovakiya, Macarıstan və Xorvatiyanın 2, Uelsin 1 oyundan sonra 3 xalı var. Cəmi 1 matç keçirən Azərbaycan millisi isə xalsızdır. Növbəti turda yığmanın rəqibi Macarıstan olacaq. Görüş iyunun 8-də "Bakcell Arena"da keçiriləcək.xeber100.com  

Martın 25-nə gözlənilən hava proqnozu açıqlanıb

Martın 25-də Bakıda və Abşeron yarımadasında buludlu hava şəraiti üstünlük təşkil edəcək, bəzi yerlərdə yağış yağacağı gözlənilir.Ekologiya və Təbii Sərvətlər Nazirliyinin Milli Hidrometeorologiya Departamentindən Trend-ə verilən məlumata görə, gecə və axşam yarımadanın ayrı-ayrı yerlərində yağışın intensiv olacağı ehtimal olunur. Güclü şimal-qərb küləyi əsəcək.Havanın temperaturu gecə 3-5° isti, gündüz 6-8° isti, Bakıda gecə 3-5° isti, gündüz 6-8° isti təşkil edəcək.Atmosfer təzyiqi 759 mm civə sütunundan 764 mm civə sütununa yüksələcək. Nisbi rütubət 80-90 % olacaq.Martın 24-ü axşamdan 26-sı səhərədək Bakıda və Abşeron yarımadasında şimal-qərb küləyi 15-20 m/s, arabir 23-28 m/s, 25-də yarımadanın bəzi yerlərində arabir 30 m/s. Fasilələrlə yağış yağacaq. Havanın temperaturu 6-8° isti olacaq.Azərbaycanın rayonlarında bəzi yerlərdə arabir yağış, dağlıq və dağətəyi rayonlarda qar yağacağı gözlənilir. Ayrı-ayrı yerlərdə intensiv olacağı ehtimalı var. Səhər ayrı-ayrı yerlərdə duman. Bəzi yerlərdə güclü qərb küləyi əsəcək.Havanın temperaturu gecə 4-7° isti, gündüz 7-12° isti, dağlarda gecə 1-6° şaxta, gündüz 0-4° isti təşkil edəcək.xeber100.com

Milli Paralimpiya Komitəsinin məlumatına görə…

Milli Paralimpiya Komitəsinin qılıncoynatma idman növü üzrə idmançısı Aytəkin Həsənova baş məşqçi Asəf Məlikovun rəhbərliyi altında 20-24 mart tarixlərində İtaliyanın Pisa şəhərində keçirilən Dünya kubokunda iştirak edib.Qeyd edək ki, yarış Tokio 2020 Yay Paralimpiya Oyunlarına reytinq xalı qazandırır.Trend-in məlumatına görə, Aytəkin Həsənova Dünya kubokunda bütün görüşlərini başa vurub. O, çıxış etdiyi hər 3 növdə 4 reytinq xalı qazanıb və bununla lisenziya qazanmaq şansını artırıb.Bu günə olan nəticələrə görə, idmançımız çıxış etdiyi 2 kateqoriyada 18-ci yer, və diqər 1 kateqoriyada isə 12-ci yerdə gərarlaşıb. Xatırladaq ki, 31 may 2020-ci ilədək reytinq cədvəlində ilk 25 yeri tutan idmançılar Tokio 2020 Yay Paralimpiya Oyunlarına lisenziya qazanmaq hüququna malikdir.xeber100.com

“Real Madrid” klubu və “Çelsi” komandası arasında danışıq baş tutub

"Real Madrid" klubunun baş məşqçisi Zinəddin Zidan və "Çelsi" klubunun yarımmüdafiəçisi Eden Azar arasında danışıq baş tutub.Trend-in "The Sun"a istinadən verdiyi məlumata görə, belçikalı futbolçu Z.Zidanla danışdıqdan sonra kluba İspaniya klubuna keçməyə razılıq verib.Bildirilir ki, E.Azar "kral klubu" ilə 5 illik müqavilə bağlayacaq və klubun ən yüksək maaş alan futbolçusu olacaq.Qeyd edək ki, cari mövsümdə E.Azar İngiltərə Premyer Liqasında 29 oyunda iştirak edib, 13 qol vurub və 11 qolla nəticələnən ötürmə verib.xeber100.com

Avropa çempionatının seçmə mərhələsində oyunlar başa çatıb

2020-ci ildə keçiriləcək futbol üzrə Avropa çempionatının seçmə mərhələsinin ikinci günündə oyunlar başa çatıb.Trend-in məlumatına görə, Türkiyə yığması səfərdə Albaniya millisinə 2:0 hesabı ilə qalib gəlib.Digər oyunlarda aşağıdakı nəticələr qeydə alınıb: İngiltərə – Çexiya - 5:0 Bolqarıstan – Monteneqro - 1:1 Lüksemburq – Litva - 2:1 Portuqaliya – Ukrayna - 0:0 Albaniya – Türkiyə - 0:2 Andorra – İslandiya - 0:2 Moldova – Fransa - 1:4.xeber100.com

UEFA “Yuventus”un hücumçusunu cərimələmək qərarına gəlib

Avropa Futbol Federasiyaları Birliyi UEFA "Yuventus" futbol klubunun portuqaliyalı hücumçusu Kriştiano Ronaldonu cərimələmək qərarına gəlib.Trend-in məlumatına görə, futbolçu Çempionlar Liqasının 1/8 final mərhələsinin cavab qarşılaşmasında "Atletiko Madrid"ə qarşı keçirdiyi oyunda qeyri-etik hərəkətinə görə 20 min avro məbləğində cərimə olunub.Xatırladaq ki, martın 12-də keçirilən oyun zamanı 34 yaşlı hücumçu "Atletiko"nun baş məşqçisi Diyeqo Simeonenin ədəbsiz hərəkətini təkrarlayıb.Qeyd edək ki, hər iki oyunun nəticəsinə görə, "Yuventus" 3:2 hesablı üstünlüyü ilə turnirin növbəti mərhələsinə yüksəlib.xeber100.com

Futbol üzrə Avropa çempionatının ulduz səfirlərinin siyahısı açıqlanıb

UEFA 2020-ci ildə keçiriləcək futbol üzrə Avropa çempionatının ulduz səfirlərinin siyahısını açıqlayıb.Azərac xəbər verir ki, səfirlər gələn ilin yayında təşkil olunacaq çempionatın təbliğat kampaniyasında iştirak edəcəklər.Müxtəlif ölkələri təmsil edən səfirlərin siyahısında Andrey Arşavin (Rusiya), Angelos Xaristeas (Yunanıstan), Deko (Portuqaliya), Alessandro Del Pyero (İtaliya), Marsel Dessayi (Fransa), Yuri Corkayef (Fransa), Ruud Qullit (Hollandiya), Tyerri Anri (Fransa), Kristian Karambö (Fransa), Yurgen Klinsmann (Almaniya), Patrik Klyuvert (Hollandiya), Henrik Larsson (İsveç), Brayan Laudrup (Danimarka), Luiş Fiqu (Portuqaliya), Manişe (Portuqaliya), Lotar Matteus (Almaniya), Stiv Makmanaman (İngiltərə), Qaijka Mendiyeta (İspaniya), Antonios Nikopolidis (Yunanıstan), Nuno Qomeş (Portuqaliya), Maykl Ouen (İngiltərə), Rober Pires (Fransa), Karel Poborski (Çexiya), Karles Puyol (İspaniya), Rikardo Karvalyo (Portuqaliya), Peter Şmeyhel (Danimarka), Klarens Zeedorf (Hollandiya), Alan Şirer (İngiltərə), Vladimir Şmiçer (Çexiya), David Trezeqe (Fransa), Vitor Baya (Portuqaliya), Xabi Alonso (İspaniya), Xavi Ernandes (İspaniya) və Canluka Zambrotta (İtaliya) yer alıblar.Avropa çempionatının 60 illik yubileyi münasibətilə turnirin tarixində ilk dəfə olaraq “Avro 2020”nin final mərhələsi qitənin 12 müxtəlif ölkəsində təşkil olunacaq. Bakı Olimpiya Stadionu “Avro 2020”nin qrup mərhələsində üç, 1/4 final mərhələsində isə bir oyununa ev sahibliyi edəcək.xeber100.com

Budapeşt meriyası “Red Bull Air Race” yürüşündən imtina edib

Budapeşt meriyası ənənəvi olaraq iyul ayında Macarıstan paytaxtında, Dunay üzərində keçirilən "Red Bull Air Race" yürüşündən imtina edib.Azərtac mer İştvan Tarloşun bəyanatına istinadla xəbər verir ki, rədd cavabı Budapeşt sakinlərinin tədbirin adekvat olmayan şərtləri ilə bağlı çoxsaylı şikayətləri ilə əsaslandırılıb. Şəhərin hakimiyyət orqanları təşkilatçılara yürüşü başqa yerdə, məsələn, Dunayın döngəsində, Vışeqrad yaxınlığında, yaxud Balaton gölü rayonunda keçirməyi təklif ediblər.Xatırladaq ki, bir il əvvəl "Red Bull Air Race" yürüşü Budapeştin mərkəzində başa çatandan sonra mer üzləşdikləri narahatlığa - səs-küyə, tıxaclara, yolların bağlanmasına görə şəhər sakinlərindən üzr istəmişdi. O vaxt şəhərin başçısı demişdi: "Budaperşt sakinləri belə sınaqdan bir daha keçməməlidirlər".xeber100.com

“Bakı Şəhər Halqası” Əməliyyat Şirkətinin məlumatı

Aprelin 26-28-də Bakıda keçiriləcək Formula 1 Azərbaycan Qran-Prisi ilə əlaqədar yarışın təşkilatçısı “Bakı Şəhər Halqası” Əməliyyat Şirkəti (BŞH) trekin üzərinə düşən mərkəzi küçələrdə təmir-tikinti işlərini davam etdirir.BŞH-dən Azərtac-a bildiriblər ki, Puşkin küçəsinin Üzeyir Hacibəyli və Xaqani küçələrinin kəsişmələri arasında olan yol martın 22-dən 26-dək və həmin küçənin Üzeyir Hacibəyli və Neftçilər küçələrinin kəsişmələri arasındakı yol hissəsi martın 27-dən aprelin 8-dək asfalt örtüyünün təmirinə bağlanacaq. Bu ərəfələrdə nəqliyyatın hərəkəti tamamilə dayandırılacaq. Lakin Hökumət Evinin qarşısındakı yeraltı avtomobil dayanacağının çıxışı açıq olacaq.Bundan əlavə, Neftçilər prospektinin Rəşid Behbudov və Tərlan Əliyarbəyov küçələrinin kəsişmələri arasındakı yol hissəsi martın 22-dən 26-dək, Bülbül prospektinin Xaqani və Zərifə Əliyeva küçələrinin kəsişmələri arasındakı yol hissəsi martın 27-dən aprelin 8-dək, Xaqani küçəsinin Puşkin küçəsi və Bülbül prospekti ilə kəsişməsi aprelin 1-dən 8-dək qismən bağlanacaq.Qeyd edək ki, göstərilən iş qrafikində hava şəraitindən asılı olaraq dəyişikliklər ola bilər.xeber100.com