Formula 1 üzrə dünya çempionatına start verilib

Martın 17-də Melbrunda Formula 1 üzrə dünya çempionatına Avstraliya Qran-Prisi ilə start verilib.Azərtac xəbər verir ki, yarışdan əvvəl Beynəlxalq Avtomobil Federasiyasının rəsmiləri və pilotlar ötən günü dünyasını dəyişmiş Formula 1-in yarış direktoru Çarli Uaytinqin xatirəsini bir dəqiqlik sükutla yad ediblər.Daha sonra “Albert Park” avtodromunda yeni mövsümün ilk yarışı başlayıb. Uzunluğu 5,303 kilometr olan trasda gərgin idman mübarizəsi şəraitində keçən yarışda “Mercedes”in pilotu Valtteri Bottas birinci olub. Onun komanda yoldaşı Luis Hamilton ikinci pillədə qərarlaşıb. İlk üçlüyü “Red Bull Racing”in pilotu Maks Ferstappen qapayıb.Karyerasında dördüncü qələbəsini qazanan V.Bottas ən yaxşı dönməyə görə də hesabına 1 xal yazdırıb.Pilotların sıralamasında 26 xalla V.Bottas birinci, L.Hamilton (18 xal) ikinci, M.Ferstappen (15 xal) üçüncü, Sebastian Fettel (12 xal) dördüncü, Şarl Lekler (10 xal, hər ikisi “Ferrari”) isə beşinci pillədə yer alıblar.Konstruktorlar kubokuna isə 44 xalla “Mercedes” başçılıq edir. “Ferrari” 22 xalla ikinci, “Red Bull Racing” isə 15 xalla üçüncüdür.Növbəti yarış martın 29-31-də Bəhreyndə təşkil olunacaq. Azərbaycan Qran-Prisi isə aprelin 26-28-də keçiriləcək.xeber100.com

“Barselona” futbol klubunun hücumçusu yeni rekorda imza atıb

İspaniyanın “Barselona” futbol klubunun argentinalı hücumçusu Lionel Messi yeni rekorda imza atıb.Azərtac xarici KİV-lərə istinadla xəbər verir ki, 31 yaşlı argentinalı hücumçu martın 18-də “Barselona”nın “Real Betis”lə oyununda 477-ci qələbəsini qazanıb. Bu qələbə ilə Lionel Messi Xavi Hernandezi qabaqlayıb. Hernandezin aktivində 476 qələbə var. “Barselona”da bu göstəriciyə görə üçüncü yerdə isə sabiq yarımmüdafiəçi Andres İniesta (459) yer alıb.“Betis”lə oyunu Lionel Messinin Kataloniya klubundakı 674-cü qarşılaşması olub. Bu nəticə ilə o Andreas İniestaya çatıb. “Barselona”da ən çox oyun keçirən futbolçu isə Xavi Hernandezdir (767).Messi 2004-cü ildən “Barselona”nın heyətində forma geyinir. Argentinalı hücumçu İspaniya çempionatının 9, İspan Super Kubokunun 8, İspaniya kubokunun 6, Çempionlar Liqasının 4, UEFA Super Kubokunun və dünya klublar çempionatının 3 dəfə qalibi olub.Qeyd edək ki, Lionel Messi cari mövsümdə İspaniya çempionatında 26 oyun keçirib və 29 qol vurub.xeber100.com

Boksçular arasında Avropa çempionatına yekun vurulub

Rusiyanın Vladiqafqaz şəhərində keçirilən 22 yaşadək kişi və qadın boksçular arasında Avropa çempionatına yekun vurulub.Azərtac xəbər verir ki, turnirdə Azərbaycan millisinin lideri Məhəmməd Abdullayev (+91) Avropa çempionu adına layiq görülüb. Boksçumuz həlledici görüşdə almaniyalı Viktor Yurka 5:0 hesabı ilə qalib gələrək qızıl medal qazanıb. Beləliklə, Azərbaycan millisi qitə birinciliyini 1 qızıl və 2 bürünc medalla başa vurub.Xatırladaq ki, turnirin əvvəlki günlərində Rüfət Hüseynov (49 kq) və Cəbrayıl Yelekov (81 kq) bürünc medala sahib olublar.Beləliklə, kişilərdən ibarət yığmamız komanda hesabında 38 ölkə arasında dördüncü yerdə qərarlaşıb. Yarışda Rusiya boksçuları (7 qızıl) birinci, Bolqarıstan idmançıları (2 qızıl, 1 gümüş) ikinci, Ukrayna təmsilçiləri (1 qızıl, 3 bürünc) isə üçüncü yeri tutublar.xeber100.com

İdman gimnastikası üzrə FIG Dünya Kuboku çərçivəsində

Bakıda Milli Gimnastika Arenasında kişi və qadın idman gimnastikası üzrə FIG Dünya Kuboku çərçivəsində yarışların dördüncü - sonuncu gününə start verilib.Trend-in məlumatına görə, bu gün final mərhələsində kişi idmançılar arasında dayaqlı tullanma, dəstəli at və turnikdə hərəkətlər üzrə ən güclülər müəyyənləşəcək. Qadın gimnastlar arasında isə gimnastika tiri və sərbəst hərəkətlərin yekunu üzrə qaliblər məlum olacaq.Azərbaycanı final mərhələsində Marina Nekrasova (gimnastika tiri) təmsil edir.Günün sonunda mükafatlandırma mərasimi keçiriləcək.xeber100.com

İtaliya A Seriyasında “Milan” – “İnter” derbisi təxirə düşüb

İtaliya A Seriyasında sabah keçiriləcək "Milan" - "İnter" derbisi baş tutmadan təxirə düşüb.Milli.az xəbər verir ki, Milan derbisi bilet satışı üzrə İtaliya rekordunu qırıb. Belə ki, artıq oyuna 5,7 milyon avroluq bilet satılıb.Bundan əvvəlki rekord ötən mövsümün ikinci yarısında keçirilən "İnter" - "Yuventus" oyununda qeydə alınmışdı. Həmin matça 5,29 milyon avro bilet satılmışdı.Rekordun qırılmasına səbəb ölkə xaricindən gəlmiş şəxslərə 4 min biletin satılmasıdı.xeber100.com

“Vulverhempton” futbol klubu “Mançester Yunayted”i qəbul edib

İngiltərə Kubokunun ¼ final mərhələsində “Vulverhempton” doğma meydanda “Mançester Yunayted”i qəbul edib. Trend-in məlumatına görə, hesab 2:1 ev sahibi komandanın qələbəsi ilə başa çatıb.Oyunda qolları Ximenes (70-ci dəq.), Dioqu Jota (76-cı dəq.) və Reşford (95-ci dəq.) vurub.Bununla da, “Vulverhempton” yaımfinala adlayıb, “Mançester Yunayted” isə ikinci oyun ardaarda məğlubiyyətə uğrayıb.xeber100.com

“Yuventus” komandası “Çelsi”nin futbolçusu ilə maraqlanır

"Yuventus" "Çelsi"nin futbolçusu Nqolo Kante ilə maraqlanır.Milli.az xəbər verir ki, Turin klubu 27 yaşlı yarımmüdafiəçini yayda transfer etmək istəyir.Kante ilə "Real" və PSJ-nin də maraqlandığı iddia olunur.Qeyd edək ki, Kante bu mövsüm 42 matçda 4 qol vurub, eyni sayda qolun ötürməsini verib.xeber100.com

PSJ futbol klubu hücumçuya 180 min avro pul cəzası verib

PSJ futbolçusu Kilian Mbappeni cəzalandırıb.Milli.az xəbər verir ki, 20 yaşlı hücumçuya pul cəzası verilib. Buna Mbappenin komandanın iclasına gecikməsi səbəb olub. Paris klubu hücumçuya 180 min avro pul cəzası verib.Qeyd edək ki, Mbappe bu mövsüm PSJ-də 33 oyuna 29 qol vurub və 15 məhsuldar ötürmə edib.xeber100.com

Idman gimnastikası üzrə Dünya Kubokunda güclülər müəyyənləşib

Bakıda keçirilən idman gimnastikası üzrə Dünya Kubokunda paralel qollarda hərəkətlərin yekunu üzrə ən güclülər müəyyənləşib.Trend-in məlumatına görə, rusiyalı idmançı Vladislav Polyaşov 15.133 balla bütün rəqiblərini üstələyib.Gümüş medala cüzi xal fərqi ilə (15.100) türkiyəli Fərhad Arıcan sahib olub. Çinli gimnast Hao You isə üçüncü yeri (15.066) tutub.Qeyd edək ki, Bakıda Milli Gimnastika Arenasında kişi və qadın idman gimnastikası üzrə FIG Dünya Kuboku keçirilir.Martın 17-nə qədər davam edəcək turnir Tokio-2020 Yay Olimpiya Oyunlarına vəsiqə qazanmaq istəyən gimnastlar üçün mühüm keçid rolunu oynayacaq. Belə ki, olimpiyadaya təsnifat xarakterli bu yarışda iştirak etmək üçün 41 ölkə qeydiyyatdan keçib. Medallar və lisenziya xalları uğrunda isə 121 kişi və 49 qadın idman gimnast mübarizə aparır.xeber100.com

Atçılıq Federasiyasının növbəti ümumi yığıncağı keçirilib

Bu gün Azərbaycan Respublikası Atçılıq Federasiyasının (ARAF) növbəti ümumi yığıncağı keçirilib.Federasiyadan Trend-ə verilən məlumata görə, yığıncaqda Milli Olimpiya Komitəsinin vitse-prezidenti Çingiz Hüseynzadə, ARAF İdarə Heyətinin üzvləri və 100-ə yaxın federasiya üzvü iştirak edib.Federasiyanın vitse-prezidenti Mahir Muradov son 5 il ərzində atçılığın konkur növü üzrə görülmüş işlər barədə, Federasiyanın vitse-prezidenti Elşad Abbasov son 5 il ərzində cıdır üzrə görülmüş işlər barədə, Federasiyanın idarə heyətinin üzvü Bəsirət Quliyev Milli at cinsləri və Milli atüstü oyunlarla bağlı məruzələr ediblər.Daha sonra Federasiya prezidentinin seçkiləri keçirilib, Elçin Quliyev ümumi yığıncaq üzvlərinin maksimal səs çoxluğu ilə növbəti 5 il müddətinə yenidən ARAF-ın prezidenti seçilib.Ümumi yığıncağın qərarı ilə ARAF-ın 1-ci vitse-prezidenti vəzifəsinə Mahir Muradov, vitse-prezident vəzifələrinə Elşad Abbasov, Bəsirət Quliyev, Sakit Məmmədov, Bəhruz Nəbiyev seçilib və idarə heyətinin üzvləri təsdiq olunublar.xeber100.com