2022-ci ildə keçiriləcək güləş üzrə dünya çempionatında

Krasnoyarskın 2022-ci ildə güləş üzrə dünya çempionatına ev sahibliyi etməsi üçün müraciət olunacaq.Azərtac xəbər verir ki, bu sözləri Krasnoyarskda keçirilən Dünya Qış Universiadasına həsr olunan mətbuat konfransında regionun idman naziri Sergey Alekseyev deyib.Nazir bildirib ki, hazırda Krasnoyarskda Qış Universiadası yüksək səviyyədə davam edir. Həmçinin yanvarda İvan Yarıqinin xatirəsinə həsr olunmuş beynəlxalq güləş turniri təşkil olunub. Şəhərdə digər idman növləri üzrə də yarışlar keçirilib. Bütün bunlar bizim dünya çempionatına hazır olmağımızdan xəbər verir.Rusiya Güləş Federasiyasının prezidenti Mixail Mamiaşvili də Krasnoyarskın namizədliyini dəstəkləyib.Qeyd edək ki, cari ildə güləş üzrə dünya çempionatı sentyabrın 14-dən 22-dək Qazaxıstanın paytaxtı Astanada təşkil olunacaq.xeber100.com

Azərbaycan Premyer Liqasında XX turun daha bir oyunu keçirilib

Futbol üzrə Azərbaycan Premyer Liqasında XX turun daha bir oyunu keçirilib.Milli.az bildirir ki, Qəbələ şəhər stadionunda eyniadlı komanda "Səbail"i qəbul edib. Baş hakim İnqilab Məmmədovun idarə etdiyi qarşılaşma meydan sahiblərinin qələbəsi ilə yekunlaşıb - 2:1.İlk yarıda tərəflərdən heç biri qol vura bilməyib. Fasilədən sonra "qırmızı-qaralar" sürətli qollarla istəklərinə çatıblar. Ceyms Adeniyi 49 və 55-ci dəqiqələrdə çoxgedişli kombinasiyaları dəqiq zərbələrlə tamamlayıb. Bununla da nigeriyalı yarımmüdafiəçi aktivindəki qolların sayını 8-ə çatdırıb.73-cü dəqiqədə isə "Qəbələ" azlıqda qalıb. Bəhlul Mustafazadə ikinci sarı vərəqəni alaraq, meydandan kənarlaşdırılıb. "Səbail" say üstünlüyündən təsəlli qolunu vurmaqla yararlanıb. 84-cü dəqiqədə künc zərbəsindən sonra yeni transfer Elvin Yunuszadə başla topu tora göndərib. Qalan dəqiqələrdə qonaqlar hesabı bərabərləşdirmək imkanlarından yararlana bilməyiblər.Beləliklə, bu qələbə sayəsində xallarını 28-ə çatdıran "Qəbələ" 3-cü pillədəki "Səbail"lə xal fərqini 3-ə endirib.Qeyd edək ki, turun açılış oyununda "Keşlə" "Sabah"ı darmadağın edib - 3:0. "Qarabağ" - "Zirə" matçı isə qolsuz yekunlaşıb. Tura bu gün saat 16:30-da başlanacaq "Sumqayıt" - "Neftçi" matçı ilə yekun vurulacaq.xeber100.com

“Fiorentina”nın hücumçusu “Tottenham”in maraq dairəsindədir

"Fiorentina"nın hücumçusu Federiko Kyeza karyerasını İngiltərədə davam etdirə bilər.Milli.az xəbər verir ki, gənc oyunçu "Tottenham"in maraq dairəsindədir.London klubunun baş məşqçisi Mauritsio Poçettino 21 yaşlı forvardın transfer edilməsini istəyib. İngilislər vaxt itirmədən qarşı tərəflə danışıqlara başlayıb. "Tottenham" bu keçid üçün "Fiorentina"ya 70 milyon funt-sterlinq ödəməyə hazırdı.Qeyd edək ki, Federiko Kyeza "Milan", "Juventus", "İnter" və PSG-nin də maraq dairəsindədir.xeber100.com

UEFA “Arsenal” klubuna 15 min avro cərimə kəsib

UEFA-nın İntizam Komitəsinin iclası keçirilib.Milli.az xəbər verir ki, iclasda bir sıra məsələlərə baxan qurum Avropa Liqasının qrup mərhələsinin VI turunda keçirilən "Arsenal" (İngiltərə) - "Qarabağ" matçında yaşananları da müzakirə edərək müvafiq qərar çıxarıb.Dekabrın 14-də keçirilən və xoşagəlməz olaylarla yadda qalan qarşılaşma ilə bağlı işi bir neçə dəfə təxirə salan UEFA bu dəfə yekun qərarını verib. Londonda keçirilən oyunun gedişində əlində qondarma "Dağlıq Qarabağ Respublikası" bayrağı olan azarkeşin çıxması, həmçinin görüşün startının gecikməsi İngiltərə klubunun cəzalandırılması ilə nəticələnib. UEFA "Arsenal"a 15 min avro cərimə kəsib.Qeyd edək ki, oyunda London klubu 1:0 hesabı ilə qalib gəlib.xeber100.com

Azərbaycan millisi dünya çempionatının V turunda…

Kişi şahmatçılardan ibarət Azərbaycan millisi Qazaxıstanın paytaxtı Astanada davam edən dünya çempionatında bu gün V turun oyununa çıxacaq.Milli.Az report-a istinadən xəbər verir ki, rəqib ABŞ kollektivi olacaq. Görüş Bakı vaxtı ilə saat 13:00-da başlayacaq. Beş turdan sonra altı xalı olan ABŞ komandası 2-4-cü yerləri bölüşdürür. Azərbaycan isə bir xalla 9-cu pillədə qərarlaşıb.Bu gün Misir - İsveç, Çin - İran, İngiltərə - Hindistan və Qazaxıstan - Rusiya qarşılaşmaları da keçiriləcək.Dünya çempionatı, V tur 13:00. Qazaxıstan - Azərbaycan.xeber100.com

“Roma” futbol klubuna yeni baş məşqçi təyin olunub

“Roma” futbol klubu yeni baş məşqçisinin adını bəyan edib. Trend-in məlumatına görə, Klaudio Ranyeri klubun yeni baş məşqçisi təyin edilib.Xatırladaq ki, 67 yaşlı mütəxəssis keçən həftə “Fulhem” klubundan qovulub. Ranyeri 2009-2011-ci illərdə “Roma” klubunu çalışdırıb.xeber100.com

Futbol üzrə XIX turun ən yaxşı futbolçusunun adı açıqlanıb

Futbol üzrə Azərbaycan Premyer Liqasında XIX turun ən yaxşı futbolçusunun adı açıqlanıb.Peşəkar Futbol Liqasından Trend-ə verilən məlumata görə, “InStat”ın təhlilinə əsasən, “Neftçi”nin yarımmüdafiəçisi və kapitanı Emin Mahmudov turun ən yaxşı futbolçusu seçilib.“Sabah” komandası ilə görüşdə 90 dəqiqə meydanda olan futbolçu bir qol və bir məhsuldar ötürmə ilə yadda qalıb. Araşdırmalara əsasən, Emin Mahmudov turun ən yaxşı indeksə malik futbolçusudur.xeber100.com

“Çelsi” klubu Avropa Liqasının 1/8 final mərhələsində

İngiltərənin "Çelsi" futbol klubu Avropa Liqasının 1/8 final mərhələsində öz meydanında Ukraynanın "Dinamo" komandasına qalib gəlib.Trend-in məlumatına görə, matç meydan sahiblərinin 3:0 hesablı qələbəsi ilə yekunlaşıb. Oyunda hesab 17-ci dəqiqədə açılıb, Pedro Rodriges fərqlənib. İkinci hissənin 65-ci dəqiqəsində Villian hesabda fərqi artırıb - 2:0. Oyunun sonuncu dəqiqəsində isə Odoi son qolu vurub.Qeyd edək ki, bu oyunla paralel keçirilən "Napoli" ilə Avstiyanın "Zalzburq" klubları arasındakı oyun italyanların 3:0 hesablı qələbəsi ilə yekunlaşıb.Cavab oyunları martın 14-də keçiriləcək.xeber100.com

“Arsenal ” futbol klubu “Renn” komandasına məğlub olub

İngiltərənin "Arsenal " komandası səfərdə Fransanın "Renn" komandasına məğlub olub.Trend-in məlumatına görə, Avropa Liqasının 1/8 final mərhələsi çərçivəsində keçirilən oyun 3:1 hesabı ilə yekunlaşıb.Qaliblərin heyətində Benjamin Buriqo (42-ci dəqiqə), İsmaila Sarr (88-ci dəqiqə), "Arsenal"ın heyətində isə Aleks Şvobi (4-cü dəqiqə) və avtoqola imza atan Naço Monreal fərqləniblər.Oyunun 41-ci dəqiqəsində ikinci sarı kartı alaraq qonaq komandanın müdafiəçisi Sokratis Papastatopulos meydandan qovulub.Parallel oyunların nəticələri: "Ayntraxt" (Almaniya) - "İnter (İtaliya) - 0:0, "Dinamo" (Xorvatiya) - Benfika (Portuqaliya) - 1:0, "Sevilya" (İspniya) - Slaviya (Çexiya) - 2:2.Cavab qarşılaşmalar fevralın 14-də keçiriləcək.xeber100.com

“Barselona”nın hücumçusu Argentina komandasına daxil olunub

"Barselona"nın hücumçusu Lionel Messi qarşıda duran yoldaşlıq oyunları üçün Argentinanın futbol üzrə yığma komandasınının heyətinə daxil olunub.Trend-in məlumatına görə, bunu ölkənin Futbol Assosiasiyasının mətbuat xidməti bildirib.31 yaşlı forvard Rusiyada 2018-ci ildə keçirilən Dünya Çempionatından sonra yığmaya ilk dəfə çağırılıb. 2018-ci ilin iyul ayından argentinalılar 6 yoldaşlıq oyunu keçirib, Messi onların heç birində iştirak etməyib.Qeyd edək ki, Argentina yığması martın 22-də öz meydanında Venesuela komandası, 26-da isə Mərakeş yığması ilə qarşılaşacaq.xeber100.com