İtaliya A Seriyasının növbəti turuna yekun vurulub

İtaliya A Seriyasının 26-cı turuna yekun vurulub.Azərtac xəbər verir ki, "San Paolo" stadionunda keçirilən turun mərkəzi qarşılaşmasında son çempion "Yuventus" səfərdə əzəli rəqibi "Napoli" komandasının qonağı olub.Görüş "Yuventus" klubunun 2:1 hesablı qələbəsi ilə baş çatıb.Matçın 25-ci dəqiqəsində meydan sahiblərinin qapıçısı Aleks Meret Kriştiano Ronaldoya qarşı kobudluğa görə birbaşa qırmızı vərəqə alaraq meydandan qovulub. Qarşılaşmanın 39-cu dəqiqəsində "Yuventus" hesabı açmağa nail olub. Miralem Pyaniç cərimə zərbəsindən sonra baxımlı qola imza atıb - 0:1.Birinci hissənin başa çatmasına beş dəqiqə qalmış turinlilər hesab arasındakı fərqi iki topa çatdırıblar. Emre Can dəqiq baş zərbəsi ilə adını tabloya yazdırıb - 0:2.Fasilədən sonra hücumları artıran meydan sahibləri oyunun 61-ci dəqiqəsində hesabı minimuma endirib. Xose Kalyexon Lorenso İnsinyanın ötürməsini qola çevirib - 1:2.Qalan dəqiqələrdə hər iki komandaların cəhdlərinə baxmayaraq, hesab dəyişməyib. Beləliklə, "qoca sinyora" çempionluq yolunda aktivinə vacib 3 xalı yazıb. Yetmiş iki xalla "Yuventus" birinci, 56 xalla "Napoli" ikinci yerdə qərarlaşıb."Milan” doğma meydanda “Sassuolo” klubunu qəbul edib. Görüş meydan sahiblərinin 1:0 hesablı qələbəsi ilə başa çatıb.“Milan”a vacib 3 xalı 35-ci dəqiqədə Mateo Mussakionun qolu gətirib. Bu qələbə sayəsində “Milan” xallarının sayını 48 çatdıraraq turnir cədvəlində üçüncü pilləyə yüksəlib. “Sassuolo” isə 31 xalla 11-ci yerdə qərarlaşıb.Turun digər maraq doğuran qarşılaşması “Olimpiko” stadionunda baş tutub. “Latsio” “Roma” ilə üz-üzə gəlib. Gərgin idman mübarizəsi şəraitində keçən derbidə “Latsio” klubu üstün olub (3:0).xeber100.com

Badminton Federasiyasının məlumatı əsasında…

Badmintonçumuz Edi Reski Dviçayo Lin Dan, Kento Momota kimi badminton ulduzlarının da qatıldığı "YONEX German Open 2019" turnirində iştirak edib.Azərtac Azərbaycan Badminton Federasiyasına istinadla xəbər verir ki, təmsilçimiz Almaniyanın Mülhaym şəhərində keçirilən "BWF World Tour Super 300" seriyalı turnirə təsnifat mərhələsindən başlayıb. Dviçayo ilk görüşündə Malayziya idmançısı Soonq Jo Venə 0:2 (21-23,11-21) hesabı ilə uduzub.xeber100.com

UEFA Avropa Liqasının hazırlıq kampaniyası çərçivəsində

UEFA Avropa Liqasının final oyununa hazırlıq kampaniyası çərçivəsində “28 Mall” ticarət mərkəzində Nihat Kahveci və Dekunun imza günü keçirilib.Azərtac xəbər verir ki, imza günündə azarkeşlər və qonaqlar futbolçularla yaxından tanış olub, imza alıb, eləcə də onlarla xatirə şəkli çəkdiriblər.Qeyd edək ki, Nihat Kahveci türkiyəli sabiq peşəkar futbolçudur. “Beşiktaş”ın yetirməsi olan hücumçu İspaniyanın “Villareal” və “Real Sosyedad” kimi klublarında da çıxış edib. Deku kimi tanınan Anderson Luis de Souza isə yarımmüdafiəçi mövqeyində çıxış edən sabiq portuqaliyalı futbolçudur. Deku “Porto”, “Barselona”, “Çelsi” və “Fluminense” kimi klubların şərəfini qoruyub.xeber100.com

Futbol üzrə 2018-2019-cu il mövsümündə yeni rekord qeydə alınıb

Futbol üzrə Azərbaycan Premyer Liqasının 2018-2019-cu il mövsümündə yeni rekord qeydə alınıb.Azərtac xəbər verir ki, “Səbail” klubunun futbolçusu Ədilxan Qarəhmədov cari mövsümdə meydana çıxan ən gənc futbolçu olub. Çempionatın XIX turunda “Sumqayıt” ilə keçirilən matçda (0:0) zədələnən Vüqar Bəybalayevi əvəzləyən Ə.Qarəhmədov Premyer Liqada debüt edib. Onun debütü 17 yaş 268 günlüyünə təsadüf edib. Mövsümün yeni rekorduna imza atan futbolçu “Sabah”ın üzvü Şakir Seyidovun göstəricisini yeniləyib. XII turda “Qarabağ” ilə matçda debüt edən Ş.Seyidov meydana 17 yaş 326 günlüyündə çıxmışdı.xeber100.com

“Real Madrid” futbol klubu “Barselona” komandasını qəbul edib

İspaniya Çempionatının 26-cı turu çərçivəsində “Real Madrid” klubu “Barselona” komandasını qəbul edib.Trend-in məlumatına görə, “Santiaqo Bernabeu” stadionunda keçirilən oyun qonaqların minimal hesablı qələbəsi ilə yekunlaşıb. Oyunda yeganə qolun sahibi İvan Rakitiç olub (26-cı dəqiqə).Xatırladaq ki, fevralın 28-də komandalar İspaniya Kuboku çərçivəsində qarşılaşıb. “Real Madrid”in meydanında keçirilən matçda kataloniyalılar sevinib – 0:3.Beləliklə, “Barselona” bir həftə ərzində artıq ikinci dəfə əzəli rəqibi “Real Madrid” üzərində qələbə qazanır.26 turdan sonra “Barselona” 60 xalla birinci, “Real” isə 48 xalla üçüncü yerdə qərarlaşıb.xeber100.com

İngiltərə Çempionatının 29-cu turu çərçivəsində

"Tottenhem" futbol klubu İngiltərə Çempionatının 29-cu turu çərçivəsində "Arsenal"la görüşüb.Trend-in məlumatına görə, yeni arenanın tikilməsi ilə əlaqədar olaraq "Tottenhem"in ev oyunlarını keçirdiyi "Uembli" stadionuna bu oyunu izləyəmə 81 mindən çox azarkeş gəlib.London derbisi 1:1 hesablı heç-heçə ilə yekunlaşıb. "Tottenhem"in heytində Harri Keyn (74-cü dəqiqə), "Arsenal"dan isə Aaron Remzi (16-cı dəqiqə) fərqləniblər. Oyunun 90-cı dəqiqəsində "Arsenal"ın futbolçusu Pyer-Erik Obameyanq 11-metrlik cərimə zərbəsini reallaşdıra bilməyib.Qeyd edək ki, komandalar arasında 164 oyun keçirib, onlardan 66-da "Arsenal", 52-də isə "Tottenhem" qalib gəlib.29 turdan sonra "Tottenhem" 61 xalla üçüncüdür, "Arsenal" isə 57 xalla dördüncü pillədə qərarlaşıb.xeber100.com

“Paris Sen-Jermen” futbol klubu yeni müqavilə imzalayıb

Fransanın "Paris Sen-Jermen" futbol klubu "Accor Live Limitless" otellər şirkəti ilə yeni sponsorluq müqaviləsi imzalayıb.Milli.az bildirir ki, müqaviləyə əsasən şirkət hər il Paris təmsilçisinə 60 milyon avro ödəyəcək. Klubun futbolçuları üzərində "ALL" yazılan loqonun olduğu forma ilə meydana çıxacaqlar.Qeyd edək ki, Paris klubunun cari mövsümdəki sponsoru Birləşmiş Ərəb Əmirliklərinin "Fly Emirates" hava yolları şirkətidir.xeber100.com

Velosiped İdmanı Federasiyasının məlumatı

Ölkəmizin şosse velosipedi üzrə gənc oğlanlardan ibarət yığma komandası ilin ilk beynəlxalq yarışında iştirak edəcək.Azərbaycan Velosiped İdmanı Federasiyasından Trend-ə verilən məlumata görə, heyəti Nəcəf Bağırov, Şahin Eyvazov, Əmral Əbdüləzizli, Əhməd Əhmədov və Elçin Rzazadədən ibarət komandamız İran İslam Respublikasının Kerman şəhərində keçiriləcək “Kerman Turu”nda mübarizə aparacaq.Martın 2-də start götürəcək 4 günlük yarışda həmçinin İraq, Oman, İordaniya, Pakistan və Əfqanıstan velosipedçiləri də iştirak edəcək. Bundan başqa, ev sahibi İran “Kerman Turu”nda 4 komanda ilə təmsil olunacaq.İştirakçılar martın 2-də keçiriləcək 1-ci mərhələdə 44 km məsafəyə komanda ötüşməsində mübarizə aparacaqlar. Növbəti 3 gün ərzində isə müvafiq olaraq 98, 58 və 114 km məsafələrə qrup ötüşməsi keçiriləcək.xeber100.com

Azərbaycan Ağır Atletika Federasiyasının məlumatı

Martın 8-15-də ABŞ-ın Las-Veqas şəhərində yeniyetmə ağır atletlər arasında VIII dünya birinciliyi keçiriləcək. Azərbaycan Ağır Atletika Federasiyasından Trend-ə verilən məlumata görə, yarışa milli komandamız da qatılacaq.Dünya birinciliyində baş məşqçi Asif Məmmədovun rəhbərliyi altında Ömər Cavadov (55 kq), Elşən Məmmədov (61 kq), Rüstəm Qasımov (67 kq), Əli Şükürlü (96 kq) və Rəhman Kazımov (+102 kq) nəyə qadir olduğunu nümayiş etdirəcəklər.Qeyd edək ki, dünya birinciliyin 50 ölkədən 200-dən çox atlet mübarizə aparacaq.xeber100.com

“Qalatasaray”ın baş məşqçisi yeni müqavilə imzalayıb

"Qalatasaray"ın baş məşqçisi Fatih Terim dünən sonuncu dəfə müqavilə imzalayıb.Milli.az xəbər verir ki, "cim-bom"la sözləşmə müddətini 2024-cü ilə qədər uzadan təcrübəli mütəxəssis həmin tarixdən sonra karyerasını bitirəcək.Ancaq 66 yaşlı çalışdırıcının sevimli komandasından ayrılmaq fikri yoxdu. Belə ki, o, məhz 2024-cü ildən etibarən rəhbər vəzifədə çalışmaq üçün hərəkətə keçəcək. Terimin müqavilə müddəti bitər-bitməz "Qalarasaray"da prezident seçkiləri olacaq. O da həmin seçkilərdə namizədliyini irəli sürmək niyyətindədi.Hər şey planlaşdırılan məcrada getsə, Fatih Terim 70 yaşında "sarı-qırmızılılar"ın prezidenti seçiləcək.xeber100.com