“Barselona” futbol klubu “Valensiya”nı qəbul edib

İspaniya La Liqasının 22-ci turunda "Barselona" doğma meydanda "Valensiya"nı qəbul edib.Milli.az xəbər verir ki, oyun 2:2 hesabı ilə başa çatıb.Oyunda hesabı 24-cü dəqiqədə Qameyro açıb. 32-ci dəqiqədə isə Parexo penalti zərbəsini dəqiq yerinə yetirərək qonaqları hesabda irəli çıxarıb. Lakin 39 və 63-cü dəqiqələrdə Messi dubl etməklə oyunda tarazlığı bərpa edib.Bununla da, "Barselona"nın qələbə seriyasına son qoyulub və hazırda 50 xalla birinci yerdə, "Valensiya" isə 30 xalla 7-ci yerdədir.xeber100.com

Futbol üzrə XV turun daha iki oyunu keçiriləcək

Futbol üzrə Azərbaycan Premyer Liqasında XV turun daha iki oyunu keçiriləcək.Milli.az xəbər verir ki, günün ilk matçında "Qəbələ" doğma azarkeşlər önündə "Sumqayıt"la qarşılaşacaq.Sənan Qurbanovun baç məşqçisi olduğu kollektiv çempionatda "gənclik şəhəri" təmsilçisinə qarşı keçirdiyi 26 matçın hamısında qol vurmağı bacarıb və ev oyunlarının heç birində məğlub olmayıb. "Sumqayıt" həmçinin altı oyundur ki, "Qəbələ"ni məğlub edə bilmir. 26 oyunun 16-da "Qəbələ", 2-də isə qonaqlar qələbə qazanıb, 8 qarşılaşma heç-heçə yekunlaşıb. Topların fərqində də əyalət təmsilçisinin aşkar üstünlüyü var - 46:20 . "Qəbələ" hazırda 17 xalla beşinci, "Sumqayıt" isə 15 xalla altıncıdır.XV tura mərkəzi qarşılaşma ilə yekun vurulacaq. Son ölkə çempionu "Qarabağ" turnir cədvəlinin lideri "Neftçi"nin müqavimətini qırmağa çalışacaq. Azərbaycan çempionatlarının daimi iştirakçıları yubiley - 75-ci çempionat oyununda üz-üzə gələcək."Neftçi" son 4 matçda rəqibinə məğlub olmamaqla yanaşı, ardıcıl 3 oyundur rəqib qapısına yol tapa bilir. Bu vaxta qədər keçirilmiş 74 oyunun 27-də Ağdam təmsilçisi, 20-də isə flaqman meydanı qələbə ilə tərk edib. 27 qarşılaşmada isə qalib müəyyənləşməyib. Topların fərqində də "köhlən atlar" öndədir - 78:68. "Neftçi" hazırda 33 xalla birinci, "Qarabağ" isə 30 xalla ikinci sıradadır.Qeyd edək ki, turun digər matçlarında "Sabah" səfərdə "Zirə"ni 2:0, "Səbail" isə "Keşlə"ni 3:0 hesabı ilə məğlub edib.xeber100.com

İtaliya A Seriyasının 22-ci turu çərçivəsində

İtaliya A Seriyasının 22-ci turu çərçivəsində “Yuventus” doğma meydanda “Parma”nı qəbul edib. Trend-in məlumatına görə, oyun 3:3 hesabı ilə başa çatıb.Ev sahibi komandanın heyətidə Ronaldu (36 və 66-cı dəq.) və Ruqani (62-ci dəq.), qonaq komandadan isə Barilla (64-cü dəq.) və Jervinyo (74 və 90-cı dəq.) fərqləniblər.Ronaldu dubl etməklə bombardirlər siyahısında 17 qolla başçılıq edir.“Yuventus” heç-heçədən sonra 60 xalla birinci, “Parma” isə 29 xalla 12-ci yerdə qərarlaşıb.xeber100.com

“Tottenhem” futbol klubu yeni rekorda imza atıb

"Tottenhem" klubu Premyer Liqada yeni rekorda imza atıb.Milli.az xəbər verir ki, London təmsilçisi Premyer Liqanın 25-ci turunda "Newcastle United"i öz meydanında 1:0 hesabıyla məğlub edib. Bununla da "Tottenhem" ardıcıl 29 oyundur ki, Premyer Liqada heç-heçə etmir.London təmsilçisi son 29 oyunda 22 qələbə qazanıb, 7 dəfə də məğlub olub.Qeyd edək ki, Premyer Liqada sonuncu dəfə Bolton 2011-ci ildə 28 oyun ardıcıl heç-heçə etməmişdi.xeber100.com

Stolüstü tennisçilər arasında beynəlxalq turnirə yekun vurulub

Fevralın 2-də Rusiyanın Voljsk şəhərində 2006-cı il təvəllüdlü və daha azyaşlı stolüstü tennisçilər arasında beynəlxalq turnirə yekun vurulub.Azərtac xəbər verir ki, qızların şəxsi yarışlarında tennisçimiz Mehriban Dadaşova yüksək nəticə göstərərək qızıl medal qazanıb. Digər tennisçimiz Fatimə Cəfərova isə gümüş medala layiq görülüb. Oğlanların yarışında isə Xaliq Becanov ikinci, Hacımurad Məmmədbəyov isə üçüncü yeri tutublar.xeber100.com

Türkiyə Superliqasının XX turunun ilk görüşündə

Fevralın 1-də futbol üzrə Türkiyə Superliqasının XX turunun ilk görüşündə turnir cədvəlində 14-cü pillədə qərarlaşan İstanbulun “Fənərbağça” komandası doğma meydanda “Göztəpə” ilə qarşılaşıb.Azərtac xəbər verir ki, “Şükrü Saracoğlu” stadionunda baş tutan görüş qarşılıqlı hücumlar şəraitində keçsə də, oyunda qalib meydan sahibləri olub. Qarşılaşmanın 7-ci dəqiqəsində “Fənərbağça”nın hücumçusu Andre Ayev hesabı açıb. Meydan sahibləri görüşün 73-cü dəqiqəsində yeni transfer olmuş Viktor Mozesin qolu ilə hesabı 2-yə çatdırıblar. Oyun elə bu hesabla da başa çatıb.Bu qalibiyyət sayəsində “Fənərbağça” xallarının sayını 23-ə çatdıraraq turnir cədvəlində 12-ci pilləyə qalxıb. “Göztəpə” isə 22 xalla geriləyərək 13-cü yerdə qərarlaşıb.Qeyd edək ki, turun digər oyunları fevralın 2, 3 və 4-ü keçiriləcək. Türkiyə Superliqasının XX turunun digər oyunları aşağıdakılardır: “Yeni Malatyaspor” - “Kayserispor”, “Kasımpaşa” - “Sivasspor”, “Trabzonspor” - “Ankaragücü”, “Alanyaspor” - “Qalatasaray”, “Ərzurumspor” - “Rizespor”, “Akhisar Bələdiyəspor” - “Başakşəhər”, “Antalyaspor” - “Beşiktaş”, “Bursaspor”-“Konyaspor”.xeber100.com  

Topaz Premyer Liqasının XV turuna start veriləcək

Fevralın 2-də qış fasiləsindən sonra Topaz Premyer Liqasının XV turuna start veriləcək.Azərtac xəbər verir ki, iki günü əhatə edəcək XV turun ilk oyunu Zirə İdman Kompleksinin stadionunda baş tutacaq. “Zirə” komandası “Sabah”ı qəbul edəcək. Rauf Cabbarovun idarə edəcəyi oyun saat 16:30-da başlayacaq.Bu komandalar cari mövsümdə iki dəfə üz-üzə gəliblər. Hər iki oyunda “Sabah”a məğlub olan Samir Abasovun yetirmələri bu dəfə qalib gələrək sonuncu pillədən qurtulmağa çalışacaqlar. Elşad Əhmədovun yetirmələri əvvəlki iki görüşdə “Zirə”ni iki qolla məyus edə bilib. Hazırda “Sabah” 17 xalla turnir cədvəlində dördüncü, “Zirə” isə 10 xalla səkkizinci pillədə qərarlaşıb.“ASK Arena”da keçiriləcək digər oyunda “Keşlə” komandası “Səbail”i sınağa çəkəcək. Komandalar indiyədək Premyer Liqada 6 dəfə qarşılaşıblar. Bu oyunların üçündə “Keşlə”, ikisində isə “Səbail” qələbə qazanıb. Digər görüşdə isə qalib müəyyənləşməyib. Top fərqində də “Səbail” öndədir - 6:5. Autsayderlər sırasından uzaqlaşmaq istəyən “Keşlə” son iki oyunda Aftandil Hacıyevin komandasına 1:2 hesabı ilə uduzub. Tərlan Əhmədovun rəhbərlik etdiyi kollektiv “Səbail”ə qarşı keçirdiyi son dörd qarşılaşmada meydanı qolsuz tərk etməyib. “Səbail” hazırda 21 xalla üçüncü, “Keşlə” isə 12 xalla yeddincidir. Rəhim Həsənovun idarə edəcəyi oyun saat 19:00-da start götürəcək.Turun digər qarşılaşmaları isə fevralın 3-də keçiriləcək. Günün ilk oyunu saat 14:00-da Qəbələ şəhər stadionunda başlayacaq. Meydan sahibləri “Sumqayıt” ilə qarşılaşacaqlar. Matçı Əliyar Ağayev idarə edəcək.XV turun sonuncu və mərkəzi qarşılaşmasında isə “Qarabağ” və “Neftçi” komandaları üz-üzə gələcəklər. Saat 18:30-da başlayacaq qarşılaşmanın idarə olunması Rəvan Həmzəzadəyə tapşırılıb. Oyun Tofiq Bəhramov adına Respublika stadionunda keçiriləcək.Hazırda 33 xalla çempionata liderlik edən “Neftçi” qalib gələcəyi təqdirdə ikinci sıradakı “Qarabağ” ilə xal fərqini 6-ya çatdıracaq.xeber100.com

“Yuventus” klubu “Real Madrid”in müdafiəçisini transfer edəcək

“Yuventus” klubu “Real Madrid”in braziliyalı müdafiəçisi Marselonu transfer etməyi planlaşdırır.Azərtac xəbər verir ki, Turin təmsilçisi cari mövsümün sonunda Marselo üçün 45 milyon avro təklif edəcək. Futbolçuya isə illik 12 milyon avro məbləğində məvacibin təklif olunması nəzərdə tutulur.Marselonun “kral klubu” ilə hazırkı müqaviləsinin müddəti 2022-ci ildə başa çatır. Transfer reallaşacağı təqdirdə, “Yuventus” hazırda həmin mövqedə çıxış edən Aleks Sandronu İngiltərənin əsas klublarından birinə satacağı ehtimal olunur.xeber100.com  

“İnter” futbol komandası “Latsio” ilə qarşılaşıb

İtaliya kubokunun dörddəbir final mərhələsinin sonuncu görüşü keçirilib.Azərtac xəbər verir ki, “San Siro” stadionunda baş tutan görüşdə “İnter” komandası “Latsio” ilə qarşılaşıb. Gərgin keçən görüşdə hesab açılmayıb.Oyunun əlavə olunmuş dəqiqələrində hər iki komanda bir dəfə fərqlənib - 1:1. Qalibi müəyyən etmək üçün 11 metrlik cərimə zərbələri təyin olunub. Penalti seriyasında "Latsio" komandası üstün olub (4:3). Beləliklə, “Latsio” İtaliya kubokunun yarımfinal mərhələsinə vəsiqə qazanıb. Paytaxt təmsilçisi yarımfinal mərhələsində “Milan” klubu ilə qarşılaşacaq. Digər yarımfinal görüşündə “Atalanta” – “Fiorentino” ilə üz-üzə gələcək.xeber100.com  

İspaniya kuboku final mərhələsində

İspaniya kubokunun dörddəbir final mərhələsinin sonuncu görüşü keçirilib.Azərtac xəbər verir ki, görüşdə "Jirona" "Real Madrid" klubunu qəbul edib. Bu komandaların arasında ilk görüş 4:2 hesabı ilə "kral" klubunun xeyrinə başa çatmışdı.Cavab qarşılaşmasında da, inamlı oyun keçirən "Real Madrid" 3:1 hesabı ilə qələbə qazanıb. Bu qələbədən sonra Madrid təmsilçisi yarımfinal mərhələsinə vəsiqə qazanıb. Madridlilərin rəqibi püşkatmadan sonra məlum olacaq.xeber100.com