“Başakşəhər” futbol klubu yeddinci transferini reallaşdırıb

İstanbulun “Başakşəhər” futbol klubu qış transfer pəncərəsində yeddinci transferini reallaşdırıb.Azərtac klubun saytına istinadla xəbər verir ki, İstanbul təmsilçisi Muhammet Arslantaş, Robino, Sərdar Taşçı, Alican Özfəsli, Mərd Çelik və Demba Badan sonra müdafiəçi Cəmali Sərteli transfer edib. Müdafiəçi “Başakşəhər” klubu ilə 2023-cü ilin yayınadək qüvvədə olan müqavilə imzalayıb. Türkiyənin “Eskişəhərspor” klubundan transfer edilən Cəmali Sərtel 2019-2020-ci mövsümünün sonunadək Eskişəhər təmsilçisində icarə əsasında forma geyinəcək.Qeyd edək ki, 19 yaşlı müdafiəçi karyerasının debütünü “Eskişəhərspor” klubunda edib.xeber100.com

Türkiyə Kubokunda 1/4 final mərhələsinin püşkü atılıb

Futbol üzrə Türkiyə Kubokunda 1/4 final mərhələsinin püşkü atılıb.Milli.Az xəbər verir ki, bu mərhələdə aşağıdakı komandalar üz-üzə gələcəklər: "Qalatasaray" - "Hatayspor" "Akhisarspor" - "Kasımpaşa" "Yeni Malatyaspor" - "Göztəpə" "Trabzonspor" - "Ümraniyespor" Yarımfinalda "Qalatasaray" - "Hatayspor" cütünün qalibi "Yeni Malatyaspor" - "Göztəpə" cütünün qalibi, "Trabzonspor" - "Ümraniyespor"un qalibi isə "Akhisarspor" - "Kasımpaşa" cütündə sevinən tərəflə qarşılaşacaq.xeber100.com

Azərbaycan Ağır Atletika Federasiyasının məlumatı

19-27 yanvar tarixlərində Azərbaycanın bütün bölgələrini əhatə edən ağır atletika üzrə Respublika yarışlarının 1-ci seçmə mərhələ yarışları keçirilib.Azərbaycan Ağır Atletika Federasiyasından Trend-ə verilən məlumata görə, məqsəd regionlarda atletlərin hazırlıq durumlarının yoxlanılması, ehtiyat qüvvənin nəzərdən keçirilməsi, güclü idmançıların seçilməsi, ağır atletika idman növünün şəhər, rayon, qəsəbə və kəndlərdə təbliği və inkişafı, idmançılar və məşqçılər arasında dostluq əlaqələrinin möhkəmləndirilməsi, idmançıların ustalıq səviyyəsinin artırılması və təkmilləşdirilməsi olub.Yarışlar Xırdalan, Lənkəran və Samux şəhərlərində keçirilib. Xırdalanda yanvarın 19-da Sumqayıt, Xırdalan, Qobustan, Şamaxı, İsmayıllı və Bakıdan (bütün idman cəmiyyətləri) olan atletlər mübarizəyə qoşulublar. 23-24 yanvar tarixlərində Lənkəranda Cəlilabad, Neftçala, Lənkəran, Lerik və Astaranı, yanvarın 26-27-də isə Samuxda Goranboy, Gəncə, Samux, Qazax, Yevlax, Şəki və Qaxı təmsil edən atletlər körpücük üzərinə çıxıblar.xeber100.com

Türkiyə Superliqasının XIX turunun turnir cədvəlində

Yanvarın 28-də futbol üzrə Türkiyə Superliqasının XIX turunda turnir cədvəlində birinci pillədə qərarlaşan “Başakşəhər” komandası doğma meydanda “Kasımpaşa” ilə qarşılaşıb.Azərtac xəbər verir ki, “Başakşəhər Fateh Terim” stadionunda baş tutan görüş qarşılıqlı hücumlar şəraitində keçsə də, oyunda qalib meydan sahibləri olub.Qarşılaşmada hesabı 42-ci dəqiqədə “Başakşəhər”in hücumçusu Edin Visca hesabı açıb. Meydan sahibləri görüşün 84-cü dəqiqəsində hesabı 2-yə çatdırıblar. Oyun elə bu hesabla da bitib.Bu qalibiyyət sayəsində “Başakşəhər” xallarının sayını 41-ə çatdıraraq turnir cədvəlində öz mövqeyini möhkəmləndirib. “Kasımpaşa” isə 28 xalla 7-ci yerdə qərarlaşıb.Qeyd edək ki, bu gün oynanılan “Fənərbağça” - “Yeni Malatyaspor” matçında qalib İstanbul təmsilçisi olub – 3:2. Həmçinin “Ankaragücü” və “Alanyaspor” oyununda 0:2 hesab ilə qonaqlar qalib gəlib.Türkiyə çempionatında 41 xalla “Başakşəhər” komandası hazırda vahid liderdir. Hesabında 35 xalı olan “Qalatasaray” ikinci, 32 xala malik “Yeni Malatyaspor” isə üçüncü yerdədir.xeber100.com

Futbol üzrə XV turun oyunlarının hakimləri müəyyənləşib

Futbol üzrə Azərbaycan Premyer Liqasının XV turunun oyunlarının hakimləri müəyyənləşib.Peşəkar Futbol Liqasından Azərtac-a bildiriblər ki, fevralın 2-də Zirə İdman Kompleksində oynanılacaq “Zirə”–“Sabah” qarşılaşmasını Rauf Cabbarov idarə edəcək.Həmin gün saat 19:00-da “ASK Arena”da keçiriləcək “Keşlə”–“Səbail” görüşünün baş hakimi Rəhim Həsənov olacaq.Fevralın 3-də Qəbələ şəhər stadionunda oynanılacaq “Qəbələ” – “Sumqayıt” matçına əsas referi Əliyar Ağayev təyin edilib.Turun Tofiq Bəhramov adına Respublika Stadionunda keçiriləcək sonuncu və mərkəzi qarşılaşmasında - “Qarabağ”-“Neftçi” görüşündə baş hakim funksiyasını Rəvan Həmzəzadə yerinə yetirəcək.XV turun bütün görüşləri “CBC Sport” kanalı ilə birbaşa yayımlanacaq.Qeyd edək ki, on beş turdan sonra turnir cədvəlinə 33 xalla “Neftçi” klubu başçılıq edir. Ağdamın “Qarabağ” klubu 30 xalla ikinci, aktivində 19 xal olan “Səbail” üçüncü yerdədir. Digər pillələrdə isə müvafiq olaraq, “Qəbələ” (17), “Sabah” (17), “Sumqayıt” (15), “Keşlə” (12) və “Zirə” (11) qərarlaşıblar.xeber100.com

UEFA İcraiyyə Komitəsinin qərarına əsasən…

Gələn il keçiriləcək futbol üzrə Avropa çempionatının başlamasına 500 gün qalır. Çempionatın 60 illik yubileyinə həsr olunacaq qitə birinciliyinin final mərhələsinin 4 oyununa Bakı ev sahibliyi edəcək. Azərbaycan paytaxtında A qrupunun 3 oyunu (13, 17, 21 iyun) və dörddəbir final mərhələsinin bir görüşü (4 iyul) təşkil olunacaq. Oyunların hamısı Azərbaycanın ən böyük stadionunda – 68,7 min azarkeş tutumuna malik Bakı Olimpiya Stadionunda keçiriləcək. Bilet satışına iyunun 12-də başlanması planlaşdırılır.Azərtac xəbər verir ki, Avropa çempionatının 60 illik yubileyi münasibətilə keçiriləcək turnirin bütün qitəni əhatə etməsi məqsədilə UEFA İcraiyyə Komitəsi 2012-ci ildə qərar qəbul edib. Avro 2020”nin 2019-cu ilin martından noyabrınadək keçiriləcək seçmə mərhələsi nəticəsində 20 komanda final mərhələsinə yüksələcək. Digər dörd lisenziyaya isə UEFA Millətlər Liqasında ilk dörd yeri tutan komandalar sahib olacaq.xeber100.com

“Yuventus”un müdafiəçisi “Əl-Duhayl” klubuna transfer olunub

İtaliyanın “Yuventus” klubunun müdafiəçisi Mehdi Benatia Qətərin “Əl-Duhayl” komandasına transfer olunub.Azərtac klubun rəsmi saytına istinadla xəbər verir ki, futbolçunun transfer qiyməti 8 milyon avro təşkil edib. Bu məbləğ 2019-cu ilin oktyabrınadək iki dəfəyə ödəniləcək. Məbləğ bonuslar hesabına daha 2 milyon avro arta bilər.Otuz bir yaşlı Benatia “Yuventus”a 2016-cı ildə Almaniyanın “Bavariya” klubundan 3 milyon avro müqabilində icarə əsasında keçib. Bir ildən sonra İtaliya klubu futbolçunun transfer hüququnu 17 milyon avroya alıb. Müdafiəçi Turin komandasında ümumilikdə 59 oyunda meydana çıxıb və 5 qol vurub. O, “qoca sinyora”nın heyətində iki dəfə İtaliya çempionu, iki dəfə də İtaliya Kubokunun qalibi olub. Benatia bunadək “Marsel”, “Tur”, “Loryan, “Klermon”, “Udineze” və “Roma” kimi komandaların şərəfini qoruyub. O, Mərakeş yığmasında 55 oyun keçirib və 2 qolun müəllifi olub.xeber100.com

İtaliya A Seriyasının 21-ci turunun növbəti oyunlarında…

Yanvarın 27-də İtaliya A Seriyasının 21-ci turunun növbəti oyunları keçirilib.Azərtac xəbər verir ki, turun maraq doğuran oyunu “Olimpiko” stadionunda baş tutub. Çempionatın lideri “Yuventus” səfərdə “Latsio” komandasının qonağı olub. Qarşılıqlı hücumlar şəraitində keçən birinci hissədə hesab açılmayıb. Fasilədən sonra hücumların sayını artıran “Latsio” klubu 59-cu dəqiqədə hesabı açıb. Belə ki, künc ötürməsindən sonra top “Yuventus”un futbolçusu Emre Cana dəyərək qapıdan keçib. Qoldan sonra hücuma atılan “qoca sinyora” qarşılaşmanın 74-cü dəqiqəsində hesabı bərabərləşdirə bilib. Juan Kanselo adını tabloya yazdırıb – 1:1.Matçın 88-ci dəqiqəsində turinlilər hesabda önə keçməyə nail olublar. Oyunun baş hakimi Marko Quidanın təyin etdiyi 11 metrlik cərimə zərbəsini Kriştiano Ronaldo dəqiq zərbə ilə tamamlayıb – 1:2. Bu portuqaliyalı ulduzun çempionatda vurduğu 14-cü qol olub. Beləliklə, “Yuventus” İtaliya A Seriyasında ardıcıl üçüncü qələbəsini qazanıb.Turun gözlənilməz hesabı isə “Torino” – “İnter” oyununda qeydə alınıb. Milan təmsilçisi səfərdə “Torino”ya minimal hesabla məğlub olub (1:0).Günün digər maraqlı görüşlərindən biri “Atleti Azzuri” stadionunda keçirilib. “Atalanta” doğma azarkeşlər önündə çempionatın favoritlərindən sayılan “Roma” komandasını qəbul edib. Qonaqlar hesabda 3:0 irəlidə olsa da, “Atalanta” oyunda dönüş yaradıb. Meydan sahibləri ardıcıl üç qol vuraraq məğlubiyyətdən xilas olublar.Turun digər oyunlarında aşağıdakı nəticələr qeydə alınıb: “Sassuolo” – “Kalyari” – 3:0; “Sampdoriya” – “Udineze” – 4:0; “Milan” – “Napoli” – 0:0; “Kyevo” – “Fiorentino” – 3:4; “Bolonya” – “Frosinone” – 0:4; “Parma” – SPAL – 2:3. Qeyd edək ki, 21 turdan sonra turnir cədvəlinə 59 xalla “Yuventus” klubu başçılıq edir, 48 xalla “Napoli” ikinci, “İnter” 40 xalla üçüncü, “Milan” isə 35 xalla dördüncü yerdə qərarlaşıb.Tura yanvarın 28-də “Empoli”-“Genoa” oyunu ilə yekun vurulacaq.xeber100.com

İspaniya La Liqasının 21-ci turunun görüşləri keçirilib

Yanvarın 27-də İspaniya La Liqasının 21-ci turunun görüşləri keçirilib.Azərtac xəbər verir ki, Kataloniya təmsilçisi “Espanyol” doğma meydanda Madridin “Real” klubunu qəbul edib. Görüş qonaqların 4:2 hesablı qələbəsi ilə başa çatıb. “Kral” klubunun heyətində Kərim Benzema (4, 45), Serxio Ramos (15), Qaret Beyl (67), meydan sahiblərin isə Leo Baptistao (25) və Roberto Rosales (81) fərqləniblər.“Real Madrid”in əzəli rəqibi “Barselona” isə səfər matçında “Girona” klubuna 2:0 hesabı ilə qalib gəlib. Topları rəqib qapısından Nelson Semedo və Lionel Messi keçirib. Bombardirlər siyahısına başçılıq edən Messinin hesabında hazırda 19 qol var.Xatırladaq ki, turnir cədvəlində ikinci pillədə qərarlaşan “Atletiko Madrid” doğma meydanda “Xetafe” klubunun qapısından iki cavabsız top keçirdib.Turun digər oyunları aşağıdakılardır: “Sevilya” – “Levante” – 5:0; “Leganes” – “Eybar” – 2:2; “Valensiya” – “Villyareal” – 3:0; “Real Valladolid” – “Selta Viqo” – 2:1; “Atletik Bilbao” – “Real Betis” – 1:0; “Real Sosyedad” – “Hueska” – 0:0. Qeyd edək ki, 21 turdan sonra turnir cədvəlinə 49 xalla “Barselona” klubu başçılıq edir, 44 xalla “Atletiko Madrid” ikinci, “Real Madrid” 39 xalla üçüncü, “Sevilya” isə 36 xalla dördüncü yerdə qərarlaşıb.Tura yanvarın 29-da “Deportivo Alaves” – “Rayo Valladolid” oyunu ilə yekun vurulacaq.xeber100.com

Həndbolçuların Azərbaycan çempionatında daha bir oyunu keçirilib

Qadın həndbolçuların Azərbaycan çempionatında daha bir oyun keçirilib.Azərtac Azərbaycan Həndbol Federasiyasının saytına istinadla xəbər verir ki, Tbilisidə “Olimpiya” komandasının qonağı olan “Azərsu” Gürcüstan həndbolçuları ilə ikinci görüşü də qələbə ilə başa vurub. Bir gün əvvəl 43:21 hesabı ilə qalib gələn Bakı təmsilçisi, növbəti qarşılaşmada da rəqibə aman verməyib. Matçın əvvəlindən təşəbbüsə yiyələnən “Azərsu” 40:17 hesablı qələbə qazanıb.On iki oyundan 22 xal toplayan “Azərsu” çempionatın lideridir. İki oyun az keçirən “Azəryol” ikinci pillədədir. “Qarabağ” 12 xalla 3-cü yerdə qərarlaşıb. Dördüncü pillənin sahibi Tbilisi “Olimpiya”sının aktivində 7 xal var. “İdman Akademiyası” 5 xalla 5-ci yerdədir. Autsayder “Gənclər Birliyi” hələ ki xal qazana bilməyib.xeber100.com