“Australian Open-2019” turnirinin ikinci qarşılaşmasında

Yanvarın 25-də “Australian Open-2019” turnirində kişilər arasında yarımfinal mərhələsinin ikinci qarşılaşmasında Novak Cokoviç və fransalı Lukas Pouille üz-üzə gəliblər.Azərtac xəbər verir ki, “Roda Leyver Arena” kortunda keçirilən görüşün hər üç seti serbiyalı Novak Cokoviçin xeyrinə başa çatıb (6:0, 6:2, 6:2). Beləliklə, yanvarın 27-də keçiriləcək finalda ATP-ın reytinqində ilk iki yeri tutan tennisçi qarşılaşacaq. Xatırladaq ki, bir gün əvvəl keçirilən yarımfinal oyunu ispaniyalı Rafael Nadalin qələbəsi ilə başa çatıb. Hazırda Cokoviç reytinqin birinci, Nadal isə ikinci pilləsində qərarlaşıb.Serbiyalı tennisçi “Böyük dəbilqə” seriyası turnirlərində 13 dəfə fəxri kürsünün ən yüksək pilləsinə qalxmağa nail olub. O, “Australian Open” turnirinin beşqat qalibidir.Rafael Nadal “Böyük dəbilqə” seriyası turnirlərində 15 dəfə qalib gəlib. O, “Australian Open” turnirini bir dəfə - 2009-cu ildə qazanıb.Qeyd edək ki, “Australian Open” “Böyük dəbilqə” seriyasının 2019-cu il mövsümündəki ilk turniridir. Turnirin ümumi mükafat fondu 44,5 milyon dollardır.xeber100.com

Formula 1 çempionatının 2019-cu il mövsümündə

Formula 1 çempionatının 2019-cu il mövsümündə “Force India” bolidinin rəngləri barədə şayiələr dolaşır.Azərtac xəbər verir ki, daha əvvəl “Force India” Keniyanın «SportPesa» bukmeker şirkəti ilə sponsor müqaviləsi imzalayıb. Gözlənildiyinə görə, “SportPesa” əməkdaşlığın birinci ilində “Force India”ya 8 milyon dollar, 2020-ci ildə 10 milyon dollar və əgər 2021-ci ildə bir yerdə işləsələr, 12 milyon dollar ödəyəcək.“Force India”nın indiki baş sponsoru - BWT-nin aqibəti məlum deyil. BWT ilə müqaviləyə görə Formula 1 komandasının bolidinin rəngi çəhrayı olmalı idi.«Sport Business»dən bildiriblər ki, onun mənbəyinin verdiyi məlumata görə, “Force India”nın bolidi göy-çəhrayı rənglərdə olacaq. Əgər bu informasiya gerçəkdirsə, deməli, “Force India” BWT ilə işləməyə davam edir.xeber100.com

“Neftçi” futbol klubu növbəti yoxlama oyununu keçirib

Türkiyədə təlim-məşq toplanışını davam etdirən “Neftçi” komandası yanvarın 23-də növbəti yoxlama oyununu keçirib.Azərtac xəbər verir ki, rəqib Çexiyanın “Slovan” kollektivi olub. "Arslan Zeki Demirci" İdman Kompleksində keçirilən görüş Liberets təmsilçisinin qələbəsi ilə yekunlaşıb - 2:1.Hesabı 21-ci dəqiqədə Baqali Dabonun ötürməsindən sonra Mirabdulla Abbasov açıb. Lakin 36-cı dəqiqədə Matey Hibş hesabı bərabərləşdirib, 46-cı dəqiqədə isə Yan Mikula “Neftçi” müdafiəçilərinin səhvindən yararlanaraq komandasının qələbə topunu vurub.Qeyd edək ki, bu, “Neftçi”nin ikinci yoxlama oyunu olub. Flaqman ilk görüşündə Rumıniya "Qaz-Metan" klubuna böyük hesabla qalib gəlib - 3:0. Hazırda “Slovan” Çexiya çempionatında 19 oyundan 25 xalla 7-ci pillədə qərarlaşıb.xeber100.com

Karate üzrə yeni yarış mövsümünə start verilib

Karate üzrə Azərbaycan milli komandası yeni yarış mövsümünə start verib. Qəbələdə təlim-məşq toplanışından sonra yığmamız 18 nəfərlik heyətlə yanvarın 25-27-də Fransanın paytaxtında keçiriləcək “Paris Open” Karate1 Premyer Liqa turnirinə yollanıb.Azərbaycan Milli Karate Federasiyasından Azərtac-a verilən məlumata görə, federasiyanın prezidenti Yaşar Bəşirovun rəhbərlik etdiyi heyətdə baş katib Mirhəsən Seyidov, media və ictimaiyyətlə işlər katibi Sənan Məhərrəmov, beynəlxalq hakimlər Cahangir Babayev və Vüqar Kərimov da yer alıblar.Medallar uğrunda həlledici görüşlər bazar günü keçiriləcək. Bu yarış həm də kumite üzrə yeni baş məşqçi B.Kandazın Azərbaycan karateçiləri ilə ilk rəsmi turniri olacaq.Dünya Karate Federasiyasının (WKF) mötəbər Karate1 Premyer Liqa seriyasından ilin ilk turnirində 82 ölkədən 776 idmançı iştirak edəcək. Karateçilər hər qələbəyə və medallara görə dünya reytinqində mövqelərini gücləndirməkdən əlavə, “Tokio-2020” və ikinci Avropa Oyunlarına vəsiqə almaq uğrunda reytinq xalları da qazanmağa çalışacaqlar.xeber100.com

“Australian Open-2019” turnirinin yarımfinal qarşılaşması keçirilib

“Australian Open-2019” turnirinin qadınlar arasında ikinci yarımfinal qarşılaşması keçirilib.Azərtac xəbər verir ki, Karolina Pliskova (Çexiya) və Naomi Osaka (Yaponiya) üz-üzə gəliblər. Bir saat 53 dəqiqə davam edən gərgin qarşılaşmada yaponiyalı tennisçi Naomi Osaka rəqibini məğlub edib (6:2, 6:4, 4:6).Beləliklə, “Australian Open” turnirinin qadınlar arasında hər iki finalçısı məlum olub. Yanvarın 26-da baş tutacaq final görüşündə Naomi Osaka çexiyalı tennisçi Petra Kvitova ilə qarşılaşacaq.İyirmi bir yaşlı Naomi Osakanın “Australian Open” turnirində ən yaxşı göstəricisi 2018-ci ildə dörddəbir final mərhələsinə çıxması olub. Yaponiyalı tennisçi 2018-ci ildə “US Open” turnirin qalibi adını qazanıb. Naomi 25 il ərzində “Australian Open” turnirin final mərhələsinə vəsiqə qazanan yeganə Yaponiya idmançısıdır.Xatırladaq ki, bu gün keçirilən ilk yarımfinal oyununda Petra Kvitova (Çexiya) Danielle Colinslə (ABŞ) qarşılaşıb. Görüş çexiyalı idmançının qələbəsi ilə başa çatıb (7:6, 6:0).“Australian Open” “Böyük dəbilqə” seriyasının 2019-cu il mövsümündəki ilk turniridir. Turnirin ümumi mükafat fondu 44,5 milyon dollardır.Turnirə yanvarın 27-də yekun vurulacaq.xeber100.com

“Tata Steel Masters 2019” turnirində

Azərbaycan şahmatçıları Şəhriyar Məmmədyarov və Teymur Rəcəbovun da iştirak etdikləri “Tata Steel Masters 2019” turnirində sabah on birinci turun oyunları keçiriləcək.Azərtac xəbər verir ki, 10 turun nəticəsinə görə, Teymur Rəcəbov 5 xalla 6-7-ci, Şəhriyar Məmmədyarov 4 xalla 12-13-cü yerləri bölüşürlər.Şəhriyar Məmmədyarovu növbəti turda Santoş Viditlə qarşılaşma gözləyir. Digər təmsilçimiz Teymur Rəcəbov dünya şahmat tacının sahibi Maqnus Karlsenlə üz-üzə gələcək. Teymur Rəcəbovu ilk beşlikdən 1 pillə ayırır. Dünya çempionu Maqnus Karlsen isə 7 xalla turnir cədvəlinin lideridir. Ondan yarım xal geridə olan Aniş Giri ikinci pillədə qərarlaşıb.Bu gün şahmatçılar üçün istirahət günü olduğundan növbəti turun oyunlarına sabah start veriləcək.xeber100.com

“Qalatasaray” futbol klubu “Boluspor”un qonağı olub

Türkiyə Kubokunda 1/8 finalın oyunları keçirilir.Milli.Az xəbər verir ki. "Qalatasaray" səfərdə I Liqa klubu "Boluspor"un qonağı olub. Qarşılaşma "cim bom"un minimal hesablı qələbəsiylə başa çatıb.Bu komandalar arasında cavab oyunu gələn həftə İstanbulda baş tutacaq. "Boluspor" - "Qalatasaray" 0:1 Qol: Selçuk İnan, 42 (pen).xeber100.com

İngiltərə Premyer Liqasının 23-cü turunda

"Tottenhem"in futbolçusu Dele Alli zədələnib.Milli.az xəbər verir ki, 22 yaşlı yarımmüdafiəçi İngiltərə Premyer Liqasının 23-cü turunda "Fulhem"lə matçda zədə alıb.Tibbi müayinədən keçən ingilis futbolçunun dizaltı vətərində problem aşkarlanıb. Onun martın əvvəli məşqlərə qayıdacağı gözlənilir.Qeyd edək ki, Allidən öncə komandanın əsas qol silahı Harri Keyn sıradan çıxmışdı.xeber100.com

“Beşiktaş” futbol klubunun rəsmi açıqlamasına əsasən…

"Beşiktaş"dan ayrılmaq istədiyi deyilən Rikardo Kuarejma ilə bağlı klubdan rəsmi açıqlama verilib.Milli.az xəbər verir ki, "qartallar"ın rəsmisi Ahmed Kavalcı, 35 yaşlı futbolçunun rəhbərliyə ayrılmaq istədiyi barədə heç bir şey demədiyini bildirib:"Kuarejmanın sosial şəbəkə hesablarından komandadan ayrılacağının siqnalını verdiyini deyirlər. Hər kəs bunu deyir, amma onun mənə hansısa müraciəti olmayıb. Bizə, "mən getmək istəyirəm" demədi. Nə baş məşqçi Şenol Günəşə, nə də hansısa klub rəsmisinə bu barədə bir şey deyib".Klub rəsmisi qış transfer dövründə ediləcək transferlər barədə də məlumat verib:"Baş məşqçi komandadan ayrılacaq futbolçu olsa, onun əvəzləyicisini almağı deyib. Bu mövsüm üçün hansısa axtarışımız yoxdur, gələn mövsüm üçün isə hər mövqeyə diqqət edirik.Rayan Babelin yerinə futbolçu alınmayacaq, baş məşqçimizin belə bir tələbi yoxdur".xeber100.com

“Barselona” klubunun yeni futbolçusu təqdim olundu

Kevin-Prins Boatenq artıq "Barselona"nın yeni futbolçusu kimi təqdim olunub.Azərtac bildirir ki, qanalı futbolçu yeni komanda yoldaşı Lionel Messini dünyanın ən yaxşı oyunçusu adlandırıb."Messi dünyanın ən yaxşı oyunçusudur. Bu doğrudan da belədir. Son on ildə o, bunu sübut edib", - deyə futbolçu əlavə edib.xeber100.com