Asiya Kubokunda finala çıxan komandalar məlum olub

Asiya Kubokunda yarımfinala çıxan komandalar məlum olub. Trend-in məlumatına görə, yarımfinalda Yaponiya İranla, turnir sahibi Qətər isə BƏƏ ilə görüşəcək.Yaponiya Vyetnam üzərində minimal qələbə qazanıb. İran Çini 3:0 hesaı ilə darmadağın edib, BƏƏ Avstraliyanı bir qolla qalib gəlib, Qətər isə Cənubi Koreyanı minimal hesabla məğlub edib.xeber100.com

“Zirə” futbol klubu heyətinə yeni futbolçu cəlb edib

"Zirə" heyətinə yeni futbolçu cəlb edib.Milli.az-ın klubun rəsmi saytına istinadən verdiyi məlumata görə, botsvanalı Mfo Kqasvane ilə 6 ay + 1 illik müqavilə bağlanılıb. 24 yaşlı hücumçu daha əvvəl ölkəsinin "Qaborone Yunayted" və CAR-ın "Baroka" klublarında çıxış edib.Kqasvane Botsvana milli komandasının da üzvüdür.xeber100.com

“Beşiktaş”ın futbolçusu karyerasını Braziliyada davam etdirəcək

"Beşiktaş"ın futbolçusu Vaqner Lav karyerasını Braziliyada davam etdirəcək.Milli.az xəbər verir ki, "Korintians" klubu 34 yaşlı hücumçunu heyətinə qatıb. Bu barədə Braziliya təmsilçisinin mətbuat xidməti məlumat yayıb.Lavla 2020-ci ilə qədər müqavilə imzalanıb.Lav 2018-ci ilin yanvarından "Beşiktaş"da forma geyinirdi.Braziliyalı forvard cari mövsümdə 16 qarşılaşmada iştirak edərək, 7 qol vurub.xeber100.com

Milli Paralimpiya Komitəsinin məlumatına görə…

Parataekvondo üzrə Azərbaycan yığma komandası fevralın 5-6-da Antalyada keçiriləcək dünya çempionatına hazırlaşır.Azərbaycan Milli Paralimpiya Komitəsindən (AMPK) Azərtac-a bildiriblər ki, idmançılarımız təlim-məşq toplanışını Azərbaycan Taekvondo Federasiyasının idman zalında davam etdirirlər.Dünya çempionatında ölkəmizi baş məşqçi Fərid Tağızadənin və böyük məşqçi Yaşar Səfərovun rəhbərliyi ilə Sadiq Həmidov, Emin Nüsrəddinov, İmaməddin Xəlilov (hər üçü 61 kq), Elimxan Manafov, Nicat Müslümov, Əbülfəz Abuzərli, Hüseyn Həsənov (hamısı 75 kq), Vüsal İsmayılov, Vüqar Adışirinov (hər ikisi 75 kq-dan yuxarı), Röyalə Fətəliyeva (49 kq) və Aynur Məmmədova (58 kq-dan yuxarı) təmsil edəcəklər.xeber100.com

Cüdo üzrə açıq Bakı birinciliyi davam edir

“Sərhədçi” İdman Olimpiya Mərkəzində gənclər arasında cüdo üzrə açıq Bakı birinciliyi davam edir.Bakı Şəhər Gənclər və İdman Baş İdarəsindən Azərtac-a bildiriblər ki, iki gün davam edəcək paytaxt birinciliyində 28 klubdan 277 gənc cüdoçu (247 oğlan və 30 qız) medallar uğrunda mübarizə aparır.Yarışın ilk günündə qızların mübarizəsində Şəfiqə Mollazadə (44 kq), Ləman Əhmədova (52 kq) və Günel Quliyeva (63 kq) qızıl medal qazanıblar. Oğlanların yarışında Cavid Piriyev (55 kq), Adil Osmanov (66 kq), İbrahim Ağakişiyev (81 kq) və Emin Qasımov (100 kq) fəxri kürsünün ən yüksək pilləsinə qalxıblar.xeber100.com

“Australian Open-2019” turnirinin ikinci qarşılaşmasında

Yanvarın 25-də “Australian Open-2019” turnirində kişilər arasında yarımfinal mərhələsinin ikinci qarşılaşmasında Novak Cokoviç və fransalı Lukas Pouille üz-üzə gəliblər.Azərtac xəbər verir ki, “Roda Leyver Arena” kortunda keçirilən görüşün hər üç seti serbiyalı Novak Cokoviçin xeyrinə başa çatıb (6:0, 6:2, 6:2). Beləliklə, yanvarın 27-də keçiriləcək finalda ATP-ın reytinqində ilk iki yeri tutan tennisçi qarşılaşacaq. Xatırladaq ki, bir gün əvvəl keçirilən yarımfinal oyunu ispaniyalı Rafael Nadalin qələbəsi ilə başa çatıb. Hazırda Cokoviç reytinqin birinci, Nadal isə ikinci pilləsində qərarlaşıb.Serbiyalı tennisçi “Böyük dəbilqə” seriyası turnirlərində 13 dəfə fəxri kürsünün ən yüksək pilləsinə qalxmağa nail olub. O, “Australian Open” turnirinin beşqat qalibidir.Rafael Nadal “Böyük dəbilqə” seriyası turnirlərində 15 dəfə qalib gəlib. O, “Australian Open” turnirini bir dəfə - 2009-cu ildə qazanıb.Qeyd edək ki, “Australian Open” “Böyük dəbilqə” seriyasının 2019-cu il mövsümündəki ilk turniridir. Turnirin ümumi mükafat fondu 44,5 milyon dollardır.xeber100.com

Formula 1 çempionatının 2019-cu il mövsümündə

Formula 1 çempionatının 2019-cu il mövsümündə “Force India” bolidinin rəngləri barədə şayiələr dolaşır.Azərtac xəbər verir ki, daha əvvəl “Force India” Keniyanın «SportPesa» bukmeker şirkəti ilə sponsor müqaviləsi imzalayıb. Gözlənildiyinə görə, “SportPesa” əməkdaşlığın birinci ilində “Force India”ya 8 milyon dollar, 2020-ci ildə 10 milyon dollar və əgər 2021-ci ildə bir yerdə işləsələr, 12 milyon dollar ödəyəcək.“Force India”nın indiki baş sponsoru - BWT-nin aqibəti məlum deyil. BWT ilə müqaviləyə görə Formula 1 komandasının bolidinin rəngi çəhrayı olmalı idi.«Sport Business»dən bildiriblər ki, onun mənbəyinin verdiyi məlumata görə, “Force India”nın bolidi göy-çəhrayı rənglərdə olacaq. Əgər bu informasiya gerçəkdirsə, deməli, “Force India” BWT ilə işləməyə davam edir.xeber100.com

“Neftçi” futbol klubu növbəti yoxlama oyununu keçirib

Türkiyədə təlim-məşq toplanışını davam etdirən “Neftçi” komandası yanvarın 23-də növbəti yoxlama oyununu keçirib.Azərtac xəbər verir ki, rəqib Çexiyanın “Slovan” kollektivi olub. "Arslan Zeki Demirci" İdman Kompleksində keçirilən görüş Liberets təmsilçisinin qələbəsi ilə yekunlaşıb - 2:1.Hesabı 21-ci dəqiqədə Baqali Dabonun ötürməsindən sonra Mirabdulla Abbasov açıb. Lakin 36-cı dəqiqədə Matey Hibş hesabı bərabərləşdirib, 46-cı dəqiqədə isə Yan Mikula “Neftçi” müdafiəçilərinin səhvindən yararlanaraq komandasının qələbə topunu vurub.Qeyd edək ki, bu, “Neftçi”nin ikinci yoxlama oyunu olub. Flaqman ilk görüşündə Rumıniya "Qaz-Metan" klubuna böyük hesabla qalib gəlib - 3:0. Hazırda “Slovan” Çexiya çempionatında 19 oyundan 25 xalla 7-ci pillədə qərarlaşıb.xeber100.com

Karate üzrə yeni yarış mövsümünə start verilib

Karate üzrə Azərbaycan milli komandası yeni yarış mövsümünə start verib. Qəbələdə təlim-məşq toplanışından sonra yığmamız 18 nəfərlik heyətlə yanvarın 25-27-də Fransanın paytaxtında keçiriləcək “Paris Open” Karate1 Premyer Liqa turnirinə yollanıb.Azərbaycan Milli Karate Federasiyasından Azərtac-a verilən məlumata görə, federasiyanın prezidenti Yaşar Bəşirovun rəhbərlik etdiyi heyətdə baş katib Mirhəsən Seyidov, media və ictimaiyyətlə işlər katibi Sənan Məhərrəmov, beynəlxalq hakimlər Cahangir Babayev və Vüqar Kərimov da yer alıblar.Medallar uğrunda həlledici görüşlər bazar günü keçiriləcək. Bu yarış həm də kumite üzrə yeni baş məşqçi B.Kandazın Azərbaycan karateçiləri ilə ilk rəsmi turniri olacaq.Dünya Karate Federasiyasının (WKF) mötəbər Karate1 Premyer Liqa seriyasından ilin ilk turnirində 82 ölkədən 776 idmançı iştirak edəcək. Karateçilər hər qələbəyə və medallara görə dünya reytinqində mövqelərini gücləndirməkdən əlavə, “Tokio-2020” və ikinci Avropa Oyunlarına vəsiqə almaq uğrunda reytinq xalları da qazanmağa çalışacaqlar.xeber100.com

“Australian Open-2019” turnirinin yarımfinal qarşılaşması keçirilib

“Australian Open-2019” turnirinin qadınlar arasında ikinci yarımfinal qarşılaşması keçirilib.Azərtac xəbər verir ki, Karolina Pliskova (Çexiya) və Naomi Osaka (Yaponiya) üz-üzə gəliblər. Bir saat 53 dəqiqə davam edən gərgin qarşılaşmada yaponiyalı tennisçi Naomi Osaka rəqibini məğlub edib (6:2, 6:4, 4:6).Beləliklə, “Australian Open” turnirinin qadınlar arasında hər iki finalçısı məlum olub. Yanvarın 26-da baş tutacaq final görüşündə Naomi Osaka çexiyalı tennisçi Petra Kvitova ilə qarşılaşacaq.İyirmi bir yaşlı Naomi Osakanın “Australian Open” turnirində ən yaxşı göstəricisi 2018-ci ildə dörddəbir final mərhələsinə çıxması olub. Yaponiyalı tennisçi 2018-ci ildə “US Open” turnirin qalibi adını qazanıb. Naomi 25 il ərzində “Australian Open” turnirin final mərhələsinə vəsiqə qazanan yeganə Yaponiya idmançısıdır.Xatırladaq ki, bu gün keçirilən ilk yarımfinal oyununda Petra Kvitova (Çexiya) Danielle Colinslə (ABŞ) qarşılaşıb. Görüş çexiyalı idmançının qələbəsi ilə başa çatıb (7:6, 6:0).“Australian Open” “Böyük dəbilqə” seriyasının 2019-cu il mövsümündəki ilk turniridir. Turnirin ümumi mükafat fondu 44,5 milyon dollardır.Turnirə yanvarın 27-də yekun vurulacaq.xeber100.com