“Tottenhem” klubu 1/2 finalın ilk oyununda qalib gəlib

İngiltərənin "Tottenhem" klubunun futbolçuları ölkə Kubokunun 1/2 finalının ilk oyununda "Çelsi"yə qalib gəliblər.Trend-in məlumatına görə, oyun minimal hesablı üstünlüklə başa çatıb.Matç "Uembli" stadionunda baş tutub. Oyunda yeganə qolu 26-cı dəqiqədə penaltidən Harri Keyn vurub.Komandalar arasında ikinci oyun yanvarın 22-də "Stemford Bric" stadionunda keçiriləcək.Qeyd edək ki, "Tottenhem" İngiltərə Kubokunu dörd (1971, 1973, 1999, 2008), "Çelsi" isə beş (1965, 1998, 2005, 2007.xeber100.com

Milli komandaların yeni reytinqi açıqlanıb

Futzal üzrə milli komandaların yeni reytinqi açıqlanıb.Milli.az xəbər verir ki, yeni reytinqdə millimizin mövqeyi dəyişməyib. Yığmamız 1430 xalla 11-ci pillədə qərarlaşıb.Qeyd edək ki, cədvələ 1878 xala malik Braziliya başçılıq edir. 1. Braziliya - 1878 2. İspaniya - 1791 3. Rusiya - 1667 4. Portuqaliya - 1665 5. Argentina - 1663 6. İran - 1653 7. Qazaxıstan - 1542 8. İtaliya - 1509 9. Ukrayna - 1490 10. Paraqvay - 1468 11. Azərbaycan – 1430.xeber100.com

“Qəbələ”klubunun məşqçilər korpusunda dəyişikliklər olub

2018-2019-cu illər mövsümünün ikinci yarısına hazırlıqları Bakıda davam etdirən “Qəbələ”nin məşqçilər korpusunda dəyişikliklər olub.Trend-in məlumatına görə, “qırmızı-qaralar” serbiyalı məşqçi Miloş Yevtiçlə yollarını ayırıb.Bundan başqa, Zaur Həşimov “qırmızı-qaralar”ın məşqçisi təyin olunub. O, Sənan Qurbanovun rəhbərlik etdiyi məşqçilər korpusunda yer alıb. 38 yaşlı məşqçi ilə ilyarımlıq müqavilə imzalanıb.Z.Həşimov futbolçu karyerası ərzində “Şəfa”, “İnter”, “MKT-Araz”, “Xəzər Lənkəran”, “Qarabağ”, “Sumqayıt”da, həmçinin Azərbaycanın əsas və aşağı yaş qruplarında çıxış edib. Komandanın yeni çalışdırıcısı bunadək “Qarabağ” və “Zirə”də məşqçi, Azərbaycanın U-18 yığmasında baş məşqçi kimi fəaliyyət göstərib.xeber100.com

“Real Madrid” klubu “Real Sosyedad” komandasını qəbul edib

İspaniya La Liqasında 18-ci turunda “Real Madrid” doğma meydanda “Real Sosyedad” komandasını qəbul edib. Trend-in məlumatına görə, oyun 0:2 hesabı ilə başa çatıb.Oyunda hesabı qeyri-müəyyən epizodda təyin olunan penalti zərbəsindən Villian Joze açıb. 61-ci dəqiqədə meydan sahibi komandasının yarımmüdafiəçisi Lukas Vaskes ikinci sarı vərəqə alaraq “Real Madrid”i azlıqda qoyub.Oyunda hesabı 83-cü dəqiqədə Pardo artırıb.Hakimin kobud səhvləri və bərbad qərarları ilə yadda qalan oyun qonaqların qələbəsi ilə başa çatıb.Beləliklə, “Real Madrid” 30 xalla 5-ci, “Real Sosyedad” isə 22 xalla 11-ci pillədə məskunlaşıb. xeber100.com

Stolüstü Tennis Federasiyasının məlumatı

Budapeştdə keçirilən stolüstü tennis üzrə yeniyetmələr arasında beynəlxalq turnirə yekun vurulub.Stolüstü Tennis Federasiyasından Trend-ə verilən məlumata görə, turnirdə qızlardan ibarət komandamız uğurla çıxış edərək iki medal qazanıb. Yarışların ikinci günündə fərdi birincilikdə mübarizə aparan Arzu Aslanova gümüş medala sahib olub. Bundan əvvəl isə Arzu Aslanovanın, Mərziyyə Nurmətovanın və Aysu Ağayevanın yer aldığı komanda fəxri kürsünün üçüncü pilləsində qərarlaşıb.Turnirdə oğlanlardan və qızlardan ibarət komandalarımız məşqçilər Elnur Hidayətzadənin və Ramil Cəfərovun rəhbərliyi ilə mübarizə aparıb.xeber100.com

“Qarabağ” klubu 5 yoxlama oyununda qüvvəsini sınayacaq

“Qarabağ” futbol klubu bu gün səhər saatlarında Türkiyəyə yola düşüb. Qurban Qurbanovun kollektivi qardaş ölkədə 3 həftəlik hazırlıq keçəcək. Milli.az bildirir ki, "Qarabağ" Antalyada olduğu müddətdə 5 yoxlama oyununda qüvvəsini sınayacaq. Qurban Qurbanovun komandası yanvarın 12-də Rumıniyanın "Botoşani", 16-sı Özbəkistanın "Paxtakor", 19-u Çexiyanın "Bohemians", 23-ü Polşanın "Piast" və 26-sı Ukraynanın "Şaxtyor" (Donetsk) klublarıyla qarşılaşacaq. Ağdamlılar bir gün sonra isə Bakıya dönəcək.xeber100.com

“Real Madrid” futbol klubunun qərarına əsasən…

"Real Madrid" yarımmüdafiəçisi Luka Modriçlə vidalaşmaq fikrindədir.Milli.az xəbər verir ki, xorvatiyalı orta sahə oyunçusunun oyunundakı geriləmə rəhbərliyin qərarına təsir göstərib. "Qızıl top"un son qalibinin zəif çıxışını klub prezidenti Florentino Peres yaşı ilə əlaqələndirib. Bu səbəbdən o, yayda 33 yaşlı oyunçunu satmağı planlaşdırır. "Kral klubu"nun Modriçə yeni müqavilə təklif etməməsi də məhz bununla bağlıdır.Qeyd edək ki, Luka Modriçin Real-la müqavilə müddəti 2020-ci ilin yayına qədərdir.xeber100.com

“Yuventus” futbol klubu yeni müqavilə imzalayacaq

"Yuventus"un hücumçusu Mario Mandzukiç Turin klubundan ayrılmayacaq.Milli.az xəbər verir ki, xorvatiyalı futbolçu "qoca sinyora" ilə müqaviləsinin müddətini uzatmağa yaxındır. Tərəflər arasında bir müddətdir davam edən danışıqlar yekunlaşmaq üzrədir. 32 yaşlı forvardın yaxın günlərdə İtaliya klubu ilə 2 illik sözləşmə imzalayacağı gözlənilir. Yeni anlaşmaya əsasən, onun illik maaşı 7,5 milyon avro olacaq.Qeyd edək ki, Mandzukiçin hazırkı müqaviləsi 2020-ci ilə qədərdir və futbolçu ilinə 4,5 milyon avro qazanır.xeber100.com

Şahmat üzrə altıncı turun oyunlarına yekun vurulub

İtaliyanın Villorba şəhərində şahmat üzrə üçüncü “Vergani Cup” festivalında altıncı turun oyunlarına yekun vurulub.Azərtac xəbər verir ki, Azərbaycan şahmatçısı Ülviyyə Fətəliyeva (2301) sonuncu turda Rusiya təmsilçisi Yekaterina Dyakonova üzərində qələbə qazanaraq xalların sayını 3-ə çatdırıb. O, bu nəticə ilə turnir cədvəlində 34-cü yerdən 25-ci pilləyə yüksəlib.40 iştirakçının (13 qrossmeyster) qatıldığı turnirə yanvarın 6-da yekun vurulacaq.xeber100.com

“Bournemouth” futbol klubu iki futbolçu transfer edib

İngiltərənin “Bournemouth” klubu “Liverpul”un iki futbolçusunu transfer edib.Azərtac “Bournemouth” klubunun saytına istinadla xəbər verir ki, 27 yaşlı müdafiəçi Nataniel Klayn icarə əsasında yeni komandada forma geyəcək. İyirmi bir yaşlı hücumçu Dominik Solanke ilə isə birdəfəlik müqavilə imzalanıb. “Bournemouth” bu futbolçunun transferi üçün “Liverpul”a 19 milyon funt sterlinq ödəyib.Xatırladaq ki, D.Solanke cari mövsümdə “Liverpul”un heyətində 27, N.Klayn isə 5 oyunda meydana çıxıb.Hər iki futbolçu İngiltərə millisinin də heyətində yer alıb.xeber100.com