“Mançester Siti” Çempionlar Liqasında birinci yerdə qərarlaşıb

İngiltərənin “Mançester Siti” klubu maliyyə “Fair play” qaydalarını pozduğuna görə avrokuboklardan kənarlaşdırıla bilər.TASS agentliyi xəbər verir ki, UEFA növbəti mövsümdən komandanı Avropanın ən nüfuzlu klub turnirində iştirakdan məhrum edə bilər.UEFA “Leaks Football” nəşrinin İngiltərə təmsilçisinin 2014-cü ildə maliyyə pozuntularına yol verməsi barədə məlumat dərc etməsindən sonra qurum klubla bağlı araşdırmalara başlayıb. Həmin xəbərdə qeyd edilmişdi ki, sponsor mənfəəti olaraq göstərilən 60 milyon funt sterlinq əslində “Mançester Siti”yə klubun ərəb sahiblərindən daxil olub. Bu vəsaitin Riyad Mahrezin transferində istifadə olunduğu bildirilir. Məlumatda o da vurğulanır ki, klub 2014-cü ildə “Fair play” qaydalarını pozaraq 88 milyon avroluq maliyyə fırıldaqçılığına yol verib.Klubun bu və digər məsələlərdə maliyyə dələduzluğu etdiyi sübut olunarsa, UEFA komandanı avrokuboklardan kənarlaşdıracaq.Hazırki mövsümdə “Mançester Siti” Çempionlar Liqasının F qrupunda 5 matçdan 10 xal toplayaraq birinci yerdə qərarlaşıb. Qrup mərhələsinin sonuncu turunda “şəhərlilər” “Hoffenhaym” komandasını qəbul edəcəklər. Qarşılaşma dekabrın 12-də baş tutacaq.İngiltərə çempionatında isə 38 xalla birinci pillədə qərarlaşan “Mançester Siti” ən yaxın izləyicisini 2 xal qabaqlayır.xeber100.com

Bədii gimnastika üzrə kubok yarışları başlayacaq

Sabah Milli Gimnastika Arenasında bədii gimnastika üzrə 25-ci Azərbaycan birinciliyi və 5-ci bölgələrarası kubok yarışları başlayacaq.Azərtac Azərbaycan Gimnastika Federasiyasına istinadla xəbər verir ki, yarışların ilk üç günündə fərdi gimnastlar balacalar, yeniyetmələr, gənclər, qrup hərəkətləri komandaları isə balacalar və yeniyetmələr yaş kateqoriyalarında mübarizə aparacaqlar. İdmançılar arasında “Ocaq Sport” klubu, Bakı Gimnastika Məktəbi, Respublika Kompleks İdman Məktəbi, “AyUlduz” klubu, “Zirvə” beynəlxalq idman klubu, “Sərhədçi” İdman Olimpiya Mərkəzi, Bakı Su İdmanı Sarayı, “Zabrat” idman klubu, həmçinin Sumqayıt şəhərinin, Qusar, Gəncə, Mingəçevir, İsmayıllı, Kürdəmir, Şirvan və Göyçay rayonlarının yetirmələri çıxış edəcəklər.Turnirin sonuncu günündə bölgələrarası kubok yarışları start götürəcək. Sayca beşinci olan bu turnirdə bölgələri təmsil edən gimnastlar həm fərdi, həm də qrup hərəkətləri proqramında çıxışlarını yerinə yetirəcəklər.Yarışların ən maraqlı məqamı sonuncu günə təsadüf edəcək. Tamaşaçılar ötən il olduğu kimi, bu il də “Qızıl yaş” şousunda məşqçilərin iştirakı ilə maraqlı gimnastika nömrələrini izləyə biləcəklər.Yarışa dekabrın 9-da yekun vurulacaq.xeber100.com

“Avro 2020”yə hazırlıq üzrə işçi qrupunun beşinci görüşü keçirilib

Strasburqda Avropa Şurasının “Futbol oyunları və digər idman tədbirləri zamanı təhlükəsizlik, mühafizə və xidmət məsələlərinə vahid yanaşma haqqında” Konvensiyasının daimi komitəsinin nəzdində yaradılan “Avro 2020”yə hazırlıq üzrə işçi qrupunun beşinci görüşü keçirilib.Azərtac xəbər verir ki, AFFA-nın beynəlxalq əlaqələr şöbəsinin müdiri, “Avro 2020”nin final mərhələsinin Bakıda keçiriləcək oyunları üzrə Əməliyyat Qrupunun layihə koordinatoru Könül Mehdiyeva görüşdə iştirak edib.Xatırladaq ki, oktyabrın 13-16-da Avropa Şurasının daimi komitəsinin nümayəndələri Bakıya səfər edərək Bakı Olimpiya Stadionuna baxış keçiriblər. Nümayəndələr aidiyyəti dövlət qurumlarının (Gənclər və İdman, Daxili İşlər, Fövqəladə Hallar, Səhiyyə nazirlikləri, Xüsusi Dövlət Mühafizə, Dövlət Təhlükəsizliyi xidmətləri) təmsilçiləri ilə görüşlərində “Avro 2020”yə hazırlıq prosesi və digər əməliyyat prosesi barədə müzakirələr aparıblar.xeber100.com

FIFA “Qızıl top” mükafatının sahibinin adını açıqlayıb

Dekabrın 4-də FIFA və “France Football” jurnalı 2018-ci ilin ən yaxşı futbolçusuna verilən “Qızıl top” mükafatının sahibinin adını açıqlayıb.Azərtac xəbər verir ki, “Qızıl top” mükafatına Xorvatiya millisinin və İspaniyanın "Real Madrid" klubunun futbolçusu Luka Modriç layiq görülüb. O, səsvermə nəticəsində "Atletiko Madrid" klubunun hücumçusu Antuan Qrizmanı, "Çelsi" komandasının əsas qol silahı sayılan Edən Hazardı və Kriştiano Ronaldonu ("Real Madrid"- "Yuventus") qabaqlayıb.Mərasimdə, həmçinin FIFA tərəfindən bu il ilk dəfə olaraq ən yaxşı gənc (20 yaşa qədər) və qadın futbolçuya da mükafatlar təqdim edilib. Ən gənc kişi futbolçusu nominasiyasında qalib Fransanın PSJ komandasının hücumçusu Kilyan Mbappe olub. Ən yaxşı qadın futbolçu adına isə Fransanın "Lion" klubunun hücumçusu Ada Heqerberq layiq görülüb.Qeyd edək ki, "France Football” jurnalı 1956-cı ildən etibarən ilin ən yaxşı futbolçusunu təltif edir. Bu mükafatın ilk qalibi ingiltərəli Stenli Metyuz olub. Kriştiano Ronaldo və Lionel Messi mükafatı ən çox qazanan futbolçulardır. Onlar hərəyə beş dəfə “Qızıl top”a sahib olublar.xeber100.com

Futbol üzrə Türkiyə Superliqasının XIV turunda

Futbol üzrə Türkiyə Superliqasının XIV turunda "Fənərbağça" turnir cədvəlində ikinci sırada qərarlaşan "Kasımpaşa"nı qəbul edib.Azərtac xəbər verir ki, meydan sahiblərinin çempionatın ən çox qol vuran komandası ilə qarşılaşması 2:2 hesablı heç-heçə başa çatıb.Oyunda "Fənərbağça"nın heyətində 44-cü dəqiqədə Roman Neustadter fərqlənib. Qonaqların heyətində Mbaye Diagne (22,54) dubl edib, Ozgur Cek isə 45-ci dəqiqədə topu öz qapısından keçirib.Bu matçdan sonra "Kasımpaşa" xallarının sayını 26-ya çatdıraraq ikinci pillədəki mövqeyini möhkəmləndirib. Komanda, eyni zamanda, çempionatın lideri "Başakşəhər"lə arasındakı xal fərqini dördə qədər azaldıb.On dörd xala malik olan "Fənərbağça" isə 15-ci yerdə qərarlaşıb.Qeyd edək ki, “sarı-lacivərdlilər” bu mövsüm öz meydanında oynadığı matçlarda cəmi 8 xal toplaya bilib.Xatırladaq ki, dekabrın 2-də çempionluq uğrunda yarışan komandaların görüşündə “Beşiktaş” “Qalatasaray”ı İstanbul derbisində 1:0 hesabı ilə məğlub edərək üçüncü pilləyə yüksəlib.On dörd turdan sonra hesabında 30 xal olan "Başakşəhər" çempionata başçılıq edir. Hesablarında 24 xal olan "Beşiktaş" və "Qalatasaray" üçüncü, dördüncü yerləri bölüşürlər.xeber100.com

“France Football” jurnalının versiyasına görə…

“Real” klubunun və Xorvatiya yığmasının yarımmüdafiəçisi Luka Modriç öz milli komandasının tərkibində qazanacağı futbol üzrə dünya çempionu titulunu bütün mükafatlardan üstün tutur. “France Football” jurnalının versiyasına görə “Qızıl top” mükafatının sahibi olmuş futbolçunun jurnalistlərə verdiyi bu bəyanatı Fransanın “L'Equipe” nəşri yayıb.TASS agentliyi xəbər verir ki, bundan əvvəl – 2018-ci ildə Modriç Beynəlxalq Futbol Federasiyasının (FIFA) versiyası üzrə dünyanın ən yaxşı futbolçusu elan edilib. Xorvat oyunçu, həmçinin UEFA-nın versiyası üzrə Avropanın ən yaxşı oyunçusu və 2018-ci ildə Rusiyada keçirilmiş dünya çempionatının ən yaxşı futbolçusu olub. Bu çempionatın finalında xorvatlar Fransa yığmasına 2:4 hesabı ilə məğlub olublar.“Əvvəl də dediyim kimi, FIFA-nın ən yaxşı futbolçu titulunu, bütün şəxsi mükafatlarımı böyük məmnuniyyətlə dünya çempionu adına dəyişərdim. Təəssüf ki, hər şey istədiyimiz kimi alınmadı, amma Xorvatiya kimi kiçik ölkənin finala çıxması da böyük nailiyyətdir”, -deyə Modriç əlavə edib.xeber100.com

“Advokat” futbol komandası formalaşdırılıb

Azərbaycan Respublikası Vəkillər Kollegiyası Rəyasət Heyətinin qərarı ilə vəkillərdən ibarət “Advokat” futbol komandası formalaşdırılıb. Hazırda komanda bir sıra regional və beynəlxalq səviyyəli futbol turnirlərində uğurla iştirak edir.Vəkillər Kollegiyası Rəyasət Heyətindən Azərtac-a bildiriblər ki, bu ənənənin davam etdirilməsi, o cümlədən vəkil qurumları və vəkillər arasında kollektiv ruhun və qarşılıqlı münasibətlərin daha da möhkəmləndirilməsi məqsədilə ilk dəfə olaraq vəkillər arasında turnirin keçirilməsi qərara alınıb.Dekabrın 8-dən fevralın 2-dək davam edəcək turnirdə 8 komanda – “Barrister”, “Veteranlar”, “Advokat”, “Sumqayıt”, “Abşeron”, “11 saylı Vəkil Bürosu”, “16 saylı Vəkil Bürosu” və “Ədalət” komandaları iştirak edəcəkər.Oyunlar hər həftənin şənbə günü saat 10-dan 12-dək Böyükşor bulvarında, Olimpiya stadionunun yaxınlığındakı “Azfar” stadionunda keçiriləcək. Oyunları izləmək istəyən şəxslər stadiona gələrək qarşılaşmalara baxa bilərlər.Gələn il Azərbaycan vəkilliyinin 100 illiyi çərçivəsində müxtəlif ölkələrin Vəkillər kollegiyalarının futbol komandalarının iştirak edəcəyi beynəlxalq turnirin təşkil olunması da nəzərdə tutulub.Qeyd edək ki, “Advokat” futbol komandası hazırda həm futzal üzrə 2-ci liqada, həm də Bakı Futbol Liqasında mübarizə aparır. “Advokat” Litva Vəkillər Kollegiyasının təşkilatçılığı ilə Vilnüsdə keçirilmiş beynəlxalq turnirdə üçüncü yeri tutub. Həmin turnirdə Şərqi Avropa və bir sıra MDB ölkələrinin Vəkillər kollegiyalarının futbol komandaları mübarizə aparıblar. Komanda, həmçinin Ukrayna Vəkillər Kollegiyasının təşkilatçılığı ilə vəkillər arasında keçirilmiş beynəlxalq futzal turnirin qalibi olub.xeber100.com

İtaliya A Seriyasının 14-cü turun oyunları keçirilib

Dekabrın 3-də İtaliya A Seriyasının 14-cü turun oyunları keçirilib.Azərtac xəbər verir ki, turun mərkəzi qarşılaşması "Olimpiko" stadionunda keçirilib. "Roma" klubu "İnter" komandasını qəbul edib. Görüşdə qalib müəyyənləşməyib (2:2). Bu heç-heçədən sonra xalların sayını 29-a çatdıran "İnter" ikinci pillədə qərarlaşıb. "Roma" isə 20 xalla yeddinci yerdədir.Milan şəhərinin digər təmsilçisi "Milan" çempionatın autsayderi "Kyevo" klubunu "San Siro" stadionunda qəbul edib. Qonaqlar 49-cu dəqiqədə Roberto İnglesin qolu ilə önə keçsə də, ardıcıl iki qol vuran milanlılar oyunda qələbəni təmin ediblər. "Rossoneri"lərin heyətində Patrik Kutrone (55) və Frank Kessie (71) fərqləniblər.Turun digər maraq doğuran oyunu "Artemio Françi" stadionunda oynanılıb. "Fiorentino" doğma azarkeşlər önündə lider "Yuventus"u qəbul edib. Görüş Turin təmsilçisinin 3:0 hesablı qələbəsi ilə başa çatıb. "Qoca sinyora"nın heyətində Roberto Bentankur (31), Jorje Kiellini (69) və Kriştiano Ronaldo (79 - penalti) fərqləniblər. Bu, "Yuventus" klubunun cari mövsümdə 14 turdan sonra on üçüncü qələbəsidir.Turun açılış oyununda "Empoli" səfərdə SPAL-ın qonağı olub. Görüşdə qalib müəyyənləşməyib - 2:2.On dördüncü turun digər oyunlarda növbəti nəticələr qeydə alınıb: "Torino" - "Genoa" - 2:1 "Frosinone" - "Kalyari" - 1:1 "Sassuolo" - "Udineze" - 0:0 "Sampdoriya" - "Bolonya" - 4:1. Qeyd edək ki, tura "Atalanta" - "Napoli" oyunu ilə yekun vurulacaq.xeber100.com

AVRO-2020″ oyunlarının təqvimi müəyyənləşib

Bu gün Azərbaycan milli komandasının "AVRO-2020" seçmə mərhələsində oyunlarının təqvimi müəyyənləşib.xeber100.com Azərtac-a istinadla xəbər verir ki, Qurban Qurbanovun rəhbərlik etdiyi komandanın ilk matçı 2019-cu il martın 21-də Xorvatiyada, son oyunu isə noyabrın 19-da Slovakiyada təşkil olunacaq.Təqvim aşağıdakı kimi müəyyən olunub: 21 mart Xorvatiya - Azərbaycan 8 iyun Azərbaycan - Macarıstan 11 iyun Azərbaycan - Slovakiya 6 sentyabr Uels - Azərbaycan 9 sentyabr Azərbaycan - Xorvatiya 13 oktyabr Macarıstan - Azərbaycan 16 noyabr Azərbaycan - Uels 19 noyabr Slovakiya - Azərbaycan

Klublararası üçüncü turnirin yaradılması planlaşdırılır

UEFA İcraiyyə Komitəsi 2021/2024-cü illər üçün klublararası üçüncü turnirin yaradılmasını planlaşdırır.Azərtac xəbər verir ki, "UEL2" adlanan yeni turnir Çempionlar Liqası və Avropa Liqasındakı sxemlə keçiriləcək.Qrup mərhələsində 32 komanda mübarizə aparacaq. Onlar hər birində 4 komanda olmaqla, 8 qrupa bölünəcək. Daha sonra səkkizdəbir final, dörddəbir final, yarımfinal və final olacaq. Səkkizdəbir final öncəsi əlavə pley-off matçları keçiriləcək. Həmin oyunlarda "UEL2" qruplarında 2-ci yeri tutmuş klublarla Avropa Liqası qruplarının 3-cü yer sahibləri qarşılaşacaqlar.Yeni turnir Avropa Liqasındakı kimi, 15 oyun günü ərzində 141 qarşılaşmanı nəzərdə tutur. "UEL2"nin qalibi növbəti mövsümün Avropa Liqasına vəsiqə qazanacaq. Oyunlar həftənin 4-cü günləri keçiriləcək. Beləliklə, Çempionlar Liqasının görüşləri 2-3-cü, Avropa Liqası və yeni turnirin matçları 4-cü günlərə təsadüf edəcək. Bütün klub turnirlərinin final oyunları eyni həftədə - çərşənbə (yeni turnir), cümə axşamı (Avropa Liqası) və şənbə (Çempionlar Liqası) günləri keçiriləcək.Yeni turnir qrup mərhələsində azı 34 (hazırda minimum 26-dır) milli assosiasiyanın avrokuboklarda təmsil olunmasını təmin edəcək və bütün ölkələrin klublarına açıq olacaq. Bütün assosiasiyalar indiki say kvotalarını saxlayacaqlar.2021/2024 təşkilində Avropa Liqası formatı yeni turnirin formatına uyğunlaşdırılacaq. Səkkizdəbir final öncəsi əlavə pley-off raundu tətbiq olunacaq. Burada Avropa Liqası qruplarının ikinci yer sahibləri ilə Çempionlar Liqası qruplarının üçüncüləri qarşılaşacaqlar. Çempionlar Liqası formatı və seçim sxemi dəyişikliyə məruz qalmayacaq.xeber100.com