Həndbol Federasiyasının “Challenge Cup” turniri çərçivəsində

“Azəryol” həndbol klubu qadınlar arasında Avropa Həndbol Federasiyasının “Challenge Cup” (Çağırış kuboku) turniri çərçivəsində “Ankara Yenimahalle BSK” komandasına qalib gəlib.Azərtac Azərbaycan Həndbol Federasiyasının saytına istinadla xəbər verir ki, gərgin idman mübarizəsi şəraitində keçən matçın birinci hissəsi 17:17 hesabı ilə başa çatıb. İkinci hissədə daha üstün oyun nümayiş etdirən “Azəryol” rəqibini 30:29 hesabı ilə məğlub edib.Ankaranın THF İdman Kompleksində keçirilmiş ilk qarşılaşmanı Şerif Xhema və Besfort Yahyadan ibarət kosovolu hakimlər briqadası idarə edib. EHF nümayəndəsi kimi isə gürcüstanlı Levan Gelaşvili fəaliyyət göstərib.xeber100.com

UEFA Millətlər Liqasında 6-cı turun oyunlarına start veriləcək

Bu gün UEFA Millətlər Liqasında 6-cı turun oyunlarına start veriləcək. Milli.az xəbər verir ki, ilk oyun günündə 4 liqada ümumilikdə 7 görüş təşkil olunacaq. Növbəti mərhələyə yüksələn daha dörd komanda müəyyənləşəcək. A liqasının 2-ci qrupunda İsveçrə ilə Belçika 1-ci yerin sahibini müəyyənləşdirəcək.4-cü qrupda İngiltərə Xorvatiyanı qəbul edib. 2:1 hesabı ilə qalib gələn İngiltərə növbəti mərhələyə yüksəlib. Xorvatiya isə B Liqasına düşüb.xeber100.com

“Mançester Yunayted” klubu “Napoli” ilə anlaşa bilməyib

İngiltərənin "Mançester Yunayted" klubu İtaliyanın "Napoli" klubu ilə anlaşa bilməyib.Milli.az xəbər verir ki, italyanlar ingilislərə müdafiəçi Kalidu Kulibalini satmayacaqları bildiriblər.İmtinaya səbəb kimi futbolçunun transfer qiyməti göstərilir.Mançester təmsilçisi seneqallı futbolçuya görə "Napoli"yə 90 milyon avro təklif etsə də, italyanlar futbolçunu 100 milyon avrodan aşağı satmayacaqlarını bildiriblər.Nəticədə iki klub arasında aparılan danışıqlar uğursuz başa çatıb.Qeyd edək ki, Kulibalinin transferində həmçinin "Real", "Barselona", "Manşester Siti" və "Bavariya" kimi klublar maraqlıdır.xeber100.com

FİFA “Bursaspor”klubuna transfer qadağası qoyub

FİFA Türkiyənin daha bir klubunu cəzalandırıb.Milli.az xəbər verir ki, Superliqa təmsilçisi "Bursaspor"a transfer qadağası qoyulub. Bursa təmsilçisi qış transfer pəncərəsində futbolçu ala bilməyəcək.Buna səbəb kimi ötən il "Bursaspor"u çalışdırmış fransız mütəxəssis Pol Le Quenin klubdan ona ödənilməli olan 240 min avronu vaxtında ala bilməməsi göstərilib.Xatırladaq ki, iki gün əvvəl digər Superliqa təmsilçisi "Kaysersipor"a da transfer qadağası qoyulub.xeber100.com

Akrobatika gimnastikası üzrə Dünya Kuboku çərçivəsində

Bakıda Milli Gimnastika Arenasında keçirilən akrobatika gimnastikası üzrə Dünya Kuboku çərçivəsində Azərbaycan Gimnastika Federasiyası tərəfindən xüsusi olaraq təsis edilən AGF Trophy Kubokunun - mükafatlandırma mərasim baş tutub.Milli.az bildirir ki, AGF Trophy mükafatı ən yüksək icra xalını toplamış Rusiyalı gimnast cütlük - Timofey İvanov və Maksim Karavayevə təqdim edilib. Mükafatı Azərbaycan Respublikası Milli Olimpiya Komitəsinin baş katibi Ağacan Əbiyev təqdim edib.Qeyd edək ki, Bakıda ilk dəfə olaraq akrobatika gimnastikası üzrə Dünya Kuboku keçirilir. Milli Gimnastika Arenasında iki gün davam edəcək yarışlarda 2003-cü il təvəllüdlü və daha böyük gimnastlar kişi cütlüyü, qadın cütlüyü, qarışıq cütlük, qadın qrupu və kişi qrupu tərkibində mübarizə aparırlar.Turnirdə Belarus, İsrail, Qazaxıstan, Hindistan, Rusiya və Ukrayna komandaları təmsil olunur.Gimnastikanın ən maraqlı və həyəcanlı növlərindən biri olan akrobatika gimnastikası üzrə Dünya Kubokunda Azərbaycan komandasının heyətində son Avropa çempionatının bürünc medalçıları, qarışıq cütlüklərimiz Abdulla Əl-Məşayxi - Ruhidil Qurbanlı və Ağasif Rəhimov - Nurcan Cabbarlı çıxış edəcəklər. Kişi cütlükləri proqramında isə Dünya Yaş Qrupu Yarışlarının (2016-cı il) gümüş medalçıları Seymur Cəfərov - Murad Əkpərov ən yaxşı yer uğrunda mübarizə aparırlar.xeber100.com

Futbol üzrə UEFA Millətlər Liqasının növbəti oyununda

FIFA referimiz Əliyar Ağayev futbol üzrə UEFA Millətlər Liqasının oyununa təyinat alıb.Azərtac AFFA-ya istinadla xəbər verir ki, noyabrın 19-da keçiriləcək Danimarka–İrlandiya qarşılaşmasının baş hakimi Ə.Ağayev olacaq.Ona Zeynal Zeynalov və Rza Məmmədov kömək edəcəklər. Dördüncü hakim funksiyasını Mübariz Haşımov yerinə yetirəcək. Əlavə köməkçi hakimlər isə Rəhim Həsənov və Orxan Məmmədov olacaqlar.Görüş Aarhus şəhərindəki “Ceres Park” stadionunda keçiriləcək.xeber100.com

Voleybol üzrə dünya çempionatı keçiriləcək

Voleybol üzrə kişilərdən ibarət komandalar arasında 2022-ci il dünya çempionatı Rusiyada keçiriləcək.Azərtac Rusiya Voleybol Federasiyasına istinadla xəbər verir ki, Beynəlxalq Voleybol Federasiyasının konqresində 2022-ci il dünya çempionatına ev sahibliyi etmək istəyən ölkələrin namizədlikləri səsə qoyulub. Səsvermə nəticəsində Rusiyanın namizədliyi təsdiq edilib. Qeyd olunur ki, turnirin keçiriləcəyi şəhərlər və yarışların vaxtı 2019-cu ilin fevralında Beynəlxalq Voleybol Federasiyasının inzibati şurasında müəyyən olunacaq.Voleybol üzrə dünya çempionatları hər dörd ildən bir keçirilir. Kişilərdən ibarət komandaların yarışları 1949-cu ildən, qadın yığmalarının turnirləri isə 1952-ci ildən təşkil olunur. Kişilər arasında turnirinin ikisi (1952, 1962) və qadın komandaların yarışlarının üçü (1952, 1962, 1978) SSRİ-də keçirilib.Rusiya tarixində ilk dəfə voleybol üzrə dünya çempionatına ev sahibliyi edəcək.xeber100.com

Futbol üzrə 2018-2019-cu il mövsümünün püşkü atılıb

Noyabrın 14-də futbol üzrə Azərbaycan Kuboku uğrunda turnirin 2018-2019-cu il mövsümünün püşkü atılıb.Azərtac Peşəkar Futbol Liqasının saytına istinadla xəbər verir ki, AFFA-nın inzibati binasında keçirilən mərasimdə yarışda iştirak edəcək 12 komandanın rəqibləri müəyyənləşib. Kubok uğrunda turnirdə Premyer Liqada çıxış edən 8 klubla yanaşı, I Divizionda mübarizə aparan 4 klub da iştirak edəcək.Püşkatma mərasimində komandalar üç səbətə bölünüblər. Birinci səbətdə yer alan “Qarabağ”, “Qəbələ”, “Neftçi” və “Zirə” mübarizəyə dörddəbir finaldan başlayacaq. Püşk zamanı “Sumqayıt”, “Keşlə”, “Səbail” və “Sabah” ikinci, “Kəpəz”, “Qaradağ Lökbatan”, “Şüvəlan” və “Ağsu” klubları üçüncü səbətdə yer alıblar.Püşkün nəticələrinə əsasən, dekabrın 6-da keçiriləcək səkkizdəbir finalda “Ağsu” – “Sabah”, “Şüvəlan” – “Keşlə”, “Sumqayıt” – “Qaradağ Lökbatan” və “Səbail” – “Kəpəz” görüşləri oynanılacaq. Səkkizdəbir finalda komandalar bir oyun keçirəcəklər.Turnirin dörddəbir finalında “Qəbələ” klubu “Ağsu” - “Sabah”, “Qarabağ” komandası isə “Şüvəlan” - “Keşlə” görüşlərinin qalibi ilə qarşılaşacaq. Dörddəbir finalın digər oyunlarında isə “Neftçi” komandası “Sumqayıt” - “Qaradağ Lökbatan”, “Zirə” isə “Kəpəz” - “Səbail” matçlarında üstün olan tərəflə üz-üzə gələcək. Bu görüşlər dekabrın 15-16-da, cavab qarşılaşmaları isə dekabrın 19-20-də oynanılacaq.Turnirin yarımfinal matçları aprelin 23-də, cavab oyunları mayın 1-də keçiriləcək. Final qarşılaşması isə mayın 19-da baş tutacaq.xeber100.com  

Sərbəst güləş üzrə “Continental Cup” turniri keçiriləcək

Noyabrın 16-18-də Dağıstanın Xasavyurt şəhərində sərbəst güləş üzrə “Continental Cup” turniri keçiriləcək.Azərtac xəbər verir ki, ölkəmizi yarışda məşqçilər Rövşən Hacıyev və Əşrəf Əliyevin rəhbərliyi altında Mircəlal Həsənzadə, İslam Bazarqanov, Əliabbas Rzazadə (hər üçü 57 kq), İntiqam Vəlizadə (61 kq), Ənvərbəy Dalqatov (65 kq), Gitinoməhəmməd Hacıyev, Ağahüseyn Mustafayev (hər ikisi 70 kq), Coşqun Əzimov (74 kq), Elçin Məmmədov, Ravil Babazadə, Abdulmuslim Məmmədov (hər üçü 79 kq), Hacımurad Məhəmmədsəidov (86 kq), Məhəmmədhacı Xatıyev, Cavid Sadıqov (hər ikisi 92 kq) və Roman Bəkirov (97 kq) təmsil edəcəklər.İkinci dərəcəli beynəlxalq hakimlər Elman İsmayılov, Vüqar Şükürov, Vaqif Zeynallı və Kamran Əliyev, eləcə də üçüncü dərəcəli beynəlxalq hakim Babək Allahverdiyev turnirdə ədaləti qoruyacaq.xeber100.com

“Barselona” futbol klubu yardım üçün 6 milyon avro ayırıb

“Barselona” Fondu Yunanıstan, Livan və İtaliyada sığınacaq tapmış qaçqınlara yardım üçün 6 milyon avro ayırıb.“Marca” xəbər verir ki, “Barselonanın” keçmiş futbolçusu Lilian Tyüram yardımı çatdırmaq üçün Livana səfər edib.“Barselona” klubunun vitse-prezidenti Jorji Kardoner bununla bağlı deyib: “Biz qərara gəldik ki, hərəkətə keçək. Dünyada 68 milyon qaçqın var və onların 50 faizi uşaqlardır. Azyaşlılar bu münaqişələrin baş verməsində heç bir məsuliyyət daşımırlar. İstəyirik ki, bir çoxları öz ləyaqət hissini bərpa etsinlər”.Fondun təsisçisi Mariya Valles isə bildirib ki, onlar bu proqram sayəsində uşaqların öz problemlərini bir anlığa unutduqlarının və tənhalıq hissi keçirmədiklərinin şahidi olublar.xeber100.com