Milli Karate Federasiyasının məlumatına görə…

İspaniyanın paytaxtı Madriddə Dünya Karate Federasiyasının (WKF) növbəti konqresi keçirilib.Azərbaycan Milli Karate Federasiyasından Azərtac-a bildiriblər ki, Konqresdə ötən iki ilin hesabatı dinlənilib, qarşıdakı dövrün planları müzakirə olunub və bir sıra məsələlər həlini tapıb.Azərbaycan Milli Karate Federasiyasının prezidenti Yaşar Bəşirov, vitse-prezident Rəhman Hətəmov və baş katib Mirhəsən Seyidov konqresdə iştirak ediblər.Konqresin əvvəlində WKF-in prezidenti Antonio Espinosa Yaponiyanın ən yüksək mükafatlarından olan “Gümüş və Qızıl ulduzlu Doğan Günəş” ordeni təqdim olunub. O, bu ordenə dünyada karatenin inkişafı, Tokio Olimpiadasının proqramına daxil edilməsi və beynəlxalq əlaqələrdə gərgin zəhmətinə görə layiq görülüb.Buenos-Ayresdə Yeniyetmələrin III Olimpiya Oyunlarında karatenin uğurlu debütündən danışan WKF prezidenti A.Espinos Tokio Olimpiadasına hazırlıq işləri, rəhbərlik etdiyi təşkilatın fəaliyyətində bir sıra irəliləyişlər və yeniliklər olduğunu diqqətə çatdırıb. O, həmçinin karatenin 2022-ci ildə Dakarda Yeniyetmələrin IV Olimpiadasının və 2024-cü ildə Paris Yay Olimpiya Oyunlarının proqramına daxil edilməsi istiqamətində işlərə başlanıldığını, eləcə də WKF-in parlaq gələcəyi olduğunu və bu nailiyyətlərin bütün milli federasiyalarla birgə fəaliyyət nəticəsində əldə edildiyini söyləyib.Polşa və Filippin karate federasiyaları işlərində ciddi nöqsanlara görə, səsvermə yolu ilə WKF-dən uzaqlaşdırılıblar. Bundan başqa WKF-in müxtəlif komitələri təşkilatın 200-dək ölkədən rəsmi üzvləri qarşısında hesabat verib.Konqresdə böyüklərin 25-ci dünya çempionatının 2020-ci ildə Birləşmiş Ərəb Əmirliklərinin Dubay şəhərində, 2022-ci ildə isə Macarıstanın paytaxtı Budapeştdə keçirilməsi, 2019-cu ildə yeniyetmə və gənclərin növbəti dünya çempionatının Çilinin paytaxtı Santyaqoda təşkil edilməsi də təsdiqlənib. 2021-ci ildə isə yeniyetmə və gənclərin dünya çempionatının Cənubi Afrika Respublikasının Keyptaun şəhərində keçirilməsinin namizədliyi qeydə alınıb. Konqresdə, həmçinin səsvermə ilə WKF-in İcraiyyə Komitəsinin üzvləri seçilib.xeber100.com

Həndbol üzrə Azərbaycan çempionatında bir oyun keçirilib

Noyabrın 6-da həndbol üzrə Azərbaycan çempionatında bir oyun keçirilib.Azərtac Azərbaycan Həndbol Federasiyasının rəsmi saytına istinadla xəbər verir ki, qadın həndbolçuların mübarizəsində “Azəryol” və “İdman Akademiyası” komandaları üz-üzə gəliblər.“ABU Arena”da keçirilən görüşdə “Azəryol” komandası 38:18 hesabı ilə qalib gəlib.xeber100.com

UEFA Gənclər Liqasında növbəti oyun keçiriləcək

Bu gün “Qəbələ”nin 19 yaşadək futbolçulardan ibarət komandası UEFA Gənclər Liqasında növbəti oyununu keçirəcək.Azərtac xəbər verir ki, Çempionlar yolunda mübarizə aparan “qırmızı-qaralar” II mərhələnin ilk oyununda Almaniya çempionu “Herta” ilə qarşılaşacaqlar. Berlin klubu ilə ilk görüş Qəbələ şəhər stadionunda keçiriləcək.Matçı Qazaxıstandan olan hakimlər briqadası idarə edəcək. Görüşün baş hakimi Daniyar Saxi olacaq. Ona həmyerliləri Rustam Matyakubov və Maral Abdikerov kömək edəcəklər. Qarşılaşmanın dördüncü hakimi funksiyasını azərbaycanlı İnqilab Məmmədov yerinə yetirəcək.Qarşılaşmanın hakim-inspektoru AFFA-nın Hakimlər Departamentinin sədri Frits Ştuxlik, UEFA nümayəndəsi isə monteneqrolu Aleksandra Ana Raspopoviç olacaqlar.Görüş saat 17:00-da başlayacaq.Komandalar arasında cavab oyunu noyabrın 28-də Belində baş tutacaq. Qalib komanda pley-off mərhələsinə yüksələcək.Xatırladaq ki, “Qəbələ” birinci mərhələdə Moldova “Şerfi”ini mübarizədən kənarlaşdırıb – 1:1, 3:1.xeber100.com

“CİES Football Observatoru” araşdırma mərkəzi təqdim edir

“Pari Sen-Jermen”in və Fransa yığmasının hücumçusu Kilian Mbappe “CİES Football Observatoru” araşdırma mərkəzinin təqdim etdiyi dünyanın ən bahalı futbolçuları siyahısında ilk pillədə qərarlaşıb.Azərtac qurumun rəsmi saytına istinadla xəbər verir ki, 2018-ci il dünya çempionatının qalibinin dəyəri 216,5 milyon avro təşkil edir. Mbappedən sonra ən bahalı oyunçu “Tottenham Hotspur” və İngiltərə yığmasının hücumçusu Harri Keyn hesab edilir (197, 3 milyon avro). İlk üçlüyü Paris klubunun hücumçusu Neymar qapayır (197 milyon avro).CİES-in siyahısında ən bahalı futbolçular arasında ilk 10-luqda Məhəmməd Salah (“Liverpul”, 173 milyon avro), Filipp Koutinyo (“Barselona”, 171,3 milyon), Lionel Messi (“Barselona”, 170,6 milyon), Rahim Sterlinq (“Mançester Siti”, 164,6 milyon), Romelu Lukaku (“Mançester Yunayted”, 164,3 milyon), Dele Alli (“Tottenham”, 163,4 milyon) və Antuann Qrizman (“Atletiko”, 157,7 milyon) yer alıblar.xeber100.com

Qılıncoynatma Federasiyasının məlumatı

Qılıncoynatma üzrə milli komandamızın üzvləri Muzey Mərkəzində keçirilən moda sərgisində iştirak ediblər.Azərbaycan Qılıncoynatma Federasiyasından Azərtac-a bildiriblər ki, Mədəniyyət Nazirliyinin dəstəyi ilə reallaşan “Azerbaijan Fashion Week”də əcnəbi modelyer-dizaynerlərin yeni kolleksiyası nümayiş olunub. Yeni kolleksiyada qılıncoynatmanın elementlərini özündə əks etdirən geyimlər də yer alıb.xeber100.com

UEFA Çempionlar Liqasının dördüncü turuna start veriləcək

Bu gün UEFA Çempionlar Liqasının qrup mərhələsinin dördüncü turuna start veriləcək.Azərtac xəbər verir ki, turun mərkəzi qarşılaşması İtaliyanın “San Siro” stadionunda keçiriləcək. “İnter” klubu İspaniyanın “Barselona” komandasını qəbul edəcək. Üçüncü turda bu komandalar artıq üz-üzə gəliblər. Həmin görüşdə kataloniyalılar rəqibin qapısından iki cavabsız top keçirib.Bu komandalar UEFA Çempionlar Liqasinda, ümumilikdə, 7 dəfə qarşılaşıblar. Onların 4-də “Barselona”, 1-də isə “İnter” klubu qalib gəlib. İki oyun heç-heçə yekunlaşıb. Qrupun digər oyununda PSV (Niderland) İngiltərənin “Tottenhem” klubunun qonağı olacaq (ilk oyun – 2:2).Üç turdan sonra B qrupuna 9 xalla “Barselona” klubu başçılıq edir. Aktivində 6 xalı olan “İnter” ikinci yerdə qərarlaşıb. Hərəyə bir xal toplayan “Tottenhem” və PSV üçüncü və dördüncü yerləri bölüşürlər.Turun digər maraq doğuran oyunu isə İtaliyanın Neapol şəhərində oynanılacaq. “Napoli” (İtaliya) Fransanın PSG klubu ilə üz-üzə gələcək. Komandalar arasında Fransada baş tutan ilk matçda qalib müəyyənləşməyib - 2:2.C qrupuna üç turdan sonra 6 xalla “Liverpul” liderlik edir. Beş xalı olan “Napoli” ikinci, dörd xala malik PSG isə üçüncü yerdə qərarlaşıb. “Crevena Zvezda” 1 xalla dördüncü yerdədir.xeber100.com

Həndbol Federasiyasının məlumatı əsasında…

Qadın həndbolçuların Azərbaycan çempionatında növbəti turun oyunları keçirilib.Azərtac Azərbaycan Həndbol Federasiyasının rəsmi saytına istinadla xəbər verir ki, çempionatın lideri “Azərsu” “İdman Akademiyası” komandasını sınağa çəkib. Nominal meydança sahibinin üstünlüyü ilə keçən qarşılaşmada sürpriz qeydə alınmayıb. Daha inamlı oyun göstərən “Azərsu” 20 top fərqi ilə qalib gəlib – 38:18.Yarışın autsayderi – “Gənclər Birliyi”nin “qara zolaqdan” qurtulmaq cəhdi bu dəfə də alınmayıb. “Qarabağ”ın kəskin həmlələrini dəf etməkdə çətinlik çəkən “Gənclər Birliyi” 22:44 hesabı ilə uduzub.“Azərsu” 6 oyundan maksimum nəticə ilə çempionatın vahid lideridir. Ondan 3 oyun az keçirən “Azəryol” 4 xalla ikinci pillədə qərarlaşıb. Eyni xalı 4 oyuna qazanan “Qarabağ” 3-cü yerdədir. “Olimpiya” ilə “İdman Akademiyası” hərəyə 3 xalla 4-cü–5-ci yerləri bölüşür. Aktivinə hələ ki, xal yazdıra bilməyən “Gənclər Birliyi” yarışın autsayderidir.xeber100.com

“Milan” futbol klubu “Udineze”nin qonağı olub

Noyabrın 4-də İtaliya A Seriyasının 11-ci turuna yekun vurulub.Azərtac xəbər verir ki, turun sonuncu qarşılaşması “Daçia Arena”da keçirilib. “Milan” “Udineze”nin qonağı olub. Görüş “rossoneri”lərin 1:0 hesablı qələbəsi ilə başa çatıb. Oyunun taleyini həll edən qol qarşılaşmanın 97-ci dəqiqəsində vurulub. “Milan” klubunun kapitanı Alesio Romanyoli əks hücum zamanı müdafiəçilərin səhvini bağışlamayıb. Bu gənc müdafiəçinin artıq ikinci həlledici qolu olub.Xatırladaq ki, çempionatın 10-cu turunda “Genoa” ilə oyunda A.Romanyoli sonuncu dəqiqələrdə vurduğu qolla milanlılara qələbə qazandırıb (2:1).“Milan” ardıcıl üçüncü qələbəsini qazanaraq turnir cədvəlində dördüncü yerini qoruyub saxlayıb.İtaliya A Seriyasının 12-ci turunda "Milan" doğma meydanda “Yuventus” klubunu qəbul edəcək. "Udineze" isə səfərdə "Empoli"nin qonağı olacaq.Turun digər oyunlarında növbəti nəticələr qeydə alınıb: "Napoli"-"Empoli" - 5:1 "İnter"-"Genoa" - 5:0 "Fiorentino"-"Roma" - 1:1 "Yuventus"-"Kalyari" - 3:1 "Lazio"- SPAL- 4:1 "Kyevo"-Sassuolo" - 0:2 "Parma"-"Frosinone" - 0:0 "Sampdoriya"-"Torino" - 1:4 "Bolonya"-"Atalanta" - 1:2.xeber100.com

Futzalçılardan ibarət Azərbaycan yığması yoldaşlıq oyunu keçirəcək

On doqquz yaşadək futzalçılardan ibarət Azərbaycan yığması noyabrın 10-da və 11-də Tbilisi şəhərində Gürcüstanın müvafiq yaş qrupundan ibarət komandası ilə iki yoldaşlıq oyunu keçirəcək.Azərtac xəbər verir ki, oyunlar müvafiq olaraq saat 19:00-da və 13:00-da başlayacaq.Millimizin heyətində Rauf Rüstəmov, Rəfael Mütəllimov, Ceyhun Nuriyev, Turan Əhmədov, Sabir Həsənov, Nurlan Mehdizadə, Niyaz Əhmədov, Nicat Quluzadə, Kənan Əsədli, Fuad Məmmədzadə, Tofiq Hüseynov, Vladislav Reznov, İqbal Pənahov və Hüseyn Qarayev yer alıblar.xeber100.com

“Bahrain International Series-2018” turnirinə yekun vurulub

Bəhreynin Madinat-İsa şəhərində badminton üzrə “Bahrain International Series-2018” turnirinə yekun vurulub. Turnirdə iştirak edən badmintonçularımız Edi Reski Dviçayo və Ezmi Qovimuramadhoni uğurlu çıxışla yadda qalıblar.Azərtac xəbər verir ki, kişilərin şəxsi yarışında mübarizəyə 1/16 finaldan start verən Ezmi Qovimuramadhoni yarımfinala kimi məğlubiyyətsiz irəliləyib. Yarımfinala kimi Bəhreyn, Pakistan, İordaniya badmintonçularına qalib gələn Ezmi bu mərhələdə ABŞ təmsilçisi Timoti Lamla qarşılaşıb. Üç set davam edən görüş amerikalı badmintonçunun 2:1 hesablı qələbəsi ilə başa çatıb. Mübarizəni yarımfinalda dayandıran Qovimuramadhoni kişilərin şəxsi yarışında bürünc medal qazanıb.Mübarizəyə 1/8 finaldan qoşulan Edi Reski Dviçayo isə yarımfinala kimi İngiltərə və Bəhreyn badmintonçularına qalib gəlib. Yarımfinalda Yaponiya idmançısı Haruki Fukuda üzərində 2:1 hesablı qələbə qazanan Edi finalda ABŞ badmintonçusu Timoti Lamla üz-üzə gəlib. Amerikalı rəqibini 2:0 hesabı ilə məğlub edən Dviçayo “Bahrain International Series-2018” turnirinin qızıl medalını qazanıb.Badmintonçularımız eyni uğuru kişilərin qoşa yarışında da təkrarlayıblar. Bu kateqoriya üzrə yarışda mübarizəyə 1/4 finalda başlayan badmintonçularımız finala kimi Bəhreyn və Pakistandan olan həmkarlarına qalib gəliblər. Həlledici görüşdə yerli idmançılar Adnan və Cəfər İbrahim tandeminə 2:0 hesabı ilə qalib gələn Edi-Ezmi cütlüyü badmintonçuların qoşa yarışında qızıl medala sahib çıxıb.Beləliklə, ilk dəfə badmintonçularımız beynəlxalq turnirdə ümumilikdə 3 medal qazanıblar.