“Real Madrid” klubunun baş məşqçisi istefaya göndərilib

Oktyabrın 29-da İspaniyanın "Real Madrid" klubunun baş məşqçisi Yulen Lopeteqi istefaya göndərilib.Azərtac İspaniyanın "Marca" nəşrinə istinadla xəbər verir ki, bu haqda La Liqanın 10-cu turunda "Barselona"ya böyük hesablı məğlubiyyətdən sonra (5:1) klubun prezidenti Flarentino Peres deyib. O, "kral" klubun yeni baş məşqçisinin adında açıqlayıb. Bu İngiltərənin "Çelsi" komandasının sabiq çalışdırıcısı Antonio Kontedir. İtaliyalı mütəxəssisin rəsmi təqdimetmə mərasimi bu gün keçiriləcək müşahidə şurasının iclasından sonra elan olunacaq.xeber100.com

İtaliya çempionatının 10-cu turun növbəti oyunları keçirilib

Oktyabrın 28-də İtaliya çempionatının 10-cu turun növbəti oyunları keçirilib.Azərtac xəbər verir ki, turun maraq doğuran oyunu "San Siro" stadionunda keçirilib. "Sampdoriya" klubu "Milan"nın qonağı olub. Görüş meydan sahiblərinin 3:2 hesablı qələbəsi ilə başa çatıb. "Rossoneri"lərin heyətində Patrik Kutrone, Qonsalo Hiquayin və Suso, qonaqlardan isə Rikardo Saponara və Fabio Quagliarella fərqləniblər.Turun mərkəzi qarşılaşmasında isə "Napoli" və "Roma" klubları arasında oynanılıb. Bu görüşdə qalib müəyyənləşməyib (1:1)."Karlo Kastellani" stadionunda keçirilən qarşılaşmada son çempion "Yuventus" autsayder "Empoli" klubunun qonağı olub. Görüş "qoca sinyora"nın 2:1 hesablı qələbəsi ilə başa çatıb.Oyunda hesabı meydan sahibləri açıb. Rəqib qapısına topu 28-ci dəqiqədə Francesko Kaputo vurub. Fasiləyə üstün yollanan "Empoli" qarşılaşmanın ikinci hissəsində qapısında iki qol görüb. Hər iki qolun müəllifi turinlilərin yeni transferi Kriştiano Ronaldo olub. Bu dubl sahəsində portuqaliyalı hücumçu İtaliya çempionatında qollarının sayını 7-yə çatdırıb. Ronaldo bombardirlərin siyahısında "Genoa"nın polşalı hücumçusu Kşiştof Piontekdən sonra ikinci yerdədir.Turun digər oyunları belə nəticələnib: "Atalanta"-"Parma" - 3:0 "Torino"-"Fiorentino" - 1:1 "Sassuolo"-"Bolonya" - 2:2 "Kalyari"-"Kyevo" - 2:1 "Genoa"-"Udineze" - 2:2 SPAL-"Frosinone" - 0:3. Qeyd edək ki, tura bu gün keçiriləcək "Lazio"-"İnter" oyunu ilə yekun vurulacaq.xeber100.com

“Egypt International 2018” turnirinə yekun vurulub

Misirin paytaxtı Qahirədə badminton üzrə “Egypt International 2018” turnirinə yekun vurulub.Azərbaycan Badminton Federasiyasından Azərtac-a bildiriblər ki, ölkəmizi turnirdə badmintonçularımız Edi Reski Dviçayo və Ezmi Qovimuramadhoni təmsil edib.Mübarizəyə əsas mərhələdən start verən Edi Reski Dviçayo ilk görüşünü Yunanıstan təmsilçisi İlias Xansouya qarşı keçirib. Oyunun ilk setində hesab 9:4 Edinin xeyrinə olarkən Xansou ayağından zədə alıb. Texniki qələbə ilə səkkizdəbir final mərhələsinə yüksələn E.Dviçayo burada Macarıstan badmintonçusu Gerqo Pitelə 2:0 (21:6, 21:14) hesabı ilə qalib gəlib. Badmintonçumuz dörddəbir finalda Mavriki Respublikasının təmsilçisi, yarışın bir nömrəli reytinq favoriti Julyen Polu 2:0 (21:14, 21:18) hesabı ilə məğlub edib. Yarımfinalda çexiyalı Milan Ludik üzərində 2:0 (21:16, 21:8) hesablı qələbə qazanan idmançımız finalda macarıstanlı Gergeli Krauza da set vermədən qalib gəlib - 2:0 (21:16, 21:16). Beləliklə, təmsilçimiz kişilərin şəxsi yarışında “Egypt International 2018” turnirinin qalibi adını qazanıb.Digər badmintonçumuz Ezmi Qovimuramadhoni isə ilk görüşündə Rio Olimpiadasının iştirakçısı Lino Munoza 0:2 (13:21, 11:21) hesabı ilə uduzub.Edi Reski Dviçayo - Ezmi Qovimuramadhnoni cütü kişilərin qoşa yarışında uğurlu çıxışla yadda qalıblar. Edi və Ezmi dörddəbir finalda Pakistan (Anjum Bəşir/Şahmer İltikhar) ardınca isə Misir (Əhməd Salah/Əbdülrəhman Əbdülhakim) badmintonçularına 2:0 hesabı ilə qalib gəliblər. İdmançılarımız həlledici görüşdə misirli Əli Əhməd Əl Xateb və malayziyalı Yogendran Krişnan cütünü 2:1 (18:21, 21:15, 21:18) hesabı ilə məğlub edərək, kişilərin qoşa yarışında qızıl medal qazanıb.xeber100.com

Topaz Premyer Liqada 9-cu tura yekun vurulub

Bu gün Topaz Premyer Liqada 9-cu tura yekun vurulub. Milli.az xəbər verir ki, son oyun günündə 2 qarşılaşma keçirilib. Günün ilk matçında "Səbail" autsayderlər qrupunda yer alan "Keşlə"ni qəbul edib. Oyun meydan sahiblərinin 2:1 hesablı qələbəsi ilə başa çatıb. Bu qələbə ilə xalını 16-a çatdıran Aftandil Hacıyevin komandası 3-cü pilləyə yüksəlib.Turun mərkəzi görüşü isə "Bakcell Arena"da olub. Burada çempionatın lideri "Neftçi" ikinci pillədə qərarlaşan "Qarabağ"ı qəbul edib. Oyun meydan sahiblərinin qələbəsi ilə başa çatıb - 3:1.Bu komandalar arasında ilk dövrədə "Azersun Arena"dakı görüşdə qalib müəyyənləşməmişdi - 1:1. Qeyd edək ki, turun ilk iki oyunu dünən keçirilib.xeber100.com

İspaniya Çempionatının 10-cu turunda…

"Barselona" futbol klubunun futbolçuları İspaniya Çempionatının 10-cu turunun mərkəzi qarşılaşmasında "Real Madrid" üzərində böyük hesablı qələbə qazanıblar.Milli.az bildirir ki, Kataloniyada keçirilən oyun 5:1 hesabı ilə "Barsa"nın xeyrinə yekunlaşıb."Barselona"dan qolları Luis Suares (30-cu dəqiqə - penalti, 75 və 83-cü dəqiqələr), Filippe Koutinyo (11-ci dəqiqə) və Arturo Vidal (87-ci dəqiqə) vurublar. "Real Madrid"in yeganə qolunu oyunun 50-ci dəqiqədə Marselo vurub."Barselona" 21 xalla turnir cədvəlində birinci yerdə qərarlaşıb, "Real" isə 14 xalla doqquzuncudur.xeber100.com

Topaz Premyer Liqada 9-cu tura start verilib

Bu gün Topaz Premyer Liqada 9-cu tura start verilib.Milli.az xəbər verir ki, ilk oyun günündə iki görüş keçirilib. Turun açılış matçında debütant "Sabah" autsayder "Zirə"ni qəbul edib və rəqibini məğlub edib - 2:1. Bu qələbə ilə "Sabah" yenidən 3-cü pilləyə yüksəlib.Günün digər oyununda isə "Qəbələ" səfərdə "Sumqayıt"la qarşılaşıb. Matç 2:2 hesabı ilə başa çatıb.Qeyd edək ki, tura sabah keçiriləcək iki oyunla yekun vurulacaq.xeber100.com

İngiltərə Premyer Liqasında növbəti oyun…

"Liverpul" İngiltərə Premyer Liqasında növbəti oyununa çıxıb.Milli.Az qol.az-a istinadən xəbər verir ki, Yurgen Kloppun komandası 10-cu turda "Kardiff"i qəbul edib. Matç meydan sahiblərinin 4:1 hesablı qələbəsi ilə başa çatıb."Liverpul" - "Kardiff" - 4:1 Qollar: Salah, 10 (1:0), Mane, 66 (2:0), Paterson, 77 (2:1), Şaqiri, 84 (3:1), Mane, 87 (4:1)Bu qələbə ilə xalını 26-ya yüksəldən "Liverpul" vahid lider olub. Ancaq ikini pillədə olan "Mançester Siti"nin (23 xal) ehtiyatında artıq 1 oyun var. "Çelsi", "Arsenal", "Tottenhem" isə 21 xalla 3-5-ci pillələri bölüşdürürlər.xeber100.com

Şahmat festivalı Sankt-Peterburqda start götürəcək

Ənənəvi şahmat festivalı olan Mixail Çiqorin Memorialı oktyabr ayında Sankt-Peterburqda keçiriləcək. Sayca 25-ci dəfə təşkil olunacaq yarışma kişi şahmatçılar arasında Rusiya Kubokunun mərhələsi və dünyanın ən iri turnirlərindən biridir.Azərtac xəbər verir ki, yubiley festivalında dünyanın 20 ölkəsinin şahmatçıları, o cümlədən bir çox məşhur Kaissa ustaları mübarizə aparacaqlar. Yarışlarda hərəsi 3 dəfə Çiqorin Memorialının qalibləri olmuş qrossmeysterlər Sergey Volkov və Kirill Alekseyenko iştirak edəcəklər.Çiqorin Memorialına, həmçinin FIDE versiyası üzrə dünya çempionu, beynəlxalq qrossmeyster Aleksandr Xalifman və vitse-çempion, beynəlxalq qrossmeyster Qata Kamski qatılacaqlar.Sabah XXV şahmat festivalı Sankt-Peterburqda blits-turnirlə açılacaq. Əsas turnir olan Rusiya Kuboku mərhələsi İsveçrə sistemi üzrə 9 turda keçiriləcək. Blitsdə 300 şahmatçı, o cümlədən 32 qrossmeyster mübarizə aparacaq. Azərbaycanlı şahmatçılar – beynəlxalq usta Kamal Ağasıyev, FIDE ustası Altay Eynullayev, həmçinin Vüsal Abbasov, Atilla Eynullayev, Fərid Mustafayev, Kamal İsfəndiyarlı, Emin Xəlilov və Fikrət Yusifzadə iştirakçıların siyahısındadırlar.Çiqorin Memorialı oktyabrın 26-dan noyabrın 5-dək “Park Krestovski” otelində keçiriləcək.Vaxta nəzarət - 90 dəqiqə üstəgəl ilk gedişdən başlayaraq hər bir gediş üçün 30 saniyədir.xeber100.com

“Qarabağ” və “Vorskla” arasında oyun qələbə ilə başa çatıb

UEFA Avropa Liqasının III turu çərçivəsində “Qarabağ” və Ukraynanın “Vorskla” komandaları arasında oyun qonaqların qələbəsi ilə başa çatıb.Azərtac xəbər verir ki, Bakı Olimpiya Stadionunda oynanılan qarşılaşmanın 48-ci dəqiqəsində “Vorskla”nın 10 nömrəli oyunçusu Vladislav Kulaç topu “Qarabağ”ın qapısından keçirib - 0:1.“Qarabağ”ın futbolçuları bir neçə dəfə hesabı bərabərləşdirməyə yaxın olsalar da, bu imkanlardan istifadə edə bilməyiblər.xeber100.com

UEFA Avropa Liqasının üçüncü turuna yekun vurulub

Oktyabrın 25-də UEFA Avropa Liqasının üçüncü turuna yekun vurulub.Azərtac xəbər verir ki, turun gözlənilməz hesabı Türkiyədə qeydə alınıb. "İ" qrupunda yer alan "Beşiktaş" doğma meydanda Belçikanın "Genk" klubuna 2:4 hesabı ilə uduzub. Qrupun digər oyununda "Malmö" səfərdə "Sarpsborg 08"lə 1:1 hesabı ilə heç-heçə edib.Digər Türkiyə təmsilçisi "Fənərbağça" isə səfərdə Belçikanın "Anderlext" klubu ilə heç-heçə edib (2:2). "D" qrupunun digər oyununda "Spartak Trnava" doğma meydanda "Dinamo Zaqreb"ə uduzub (1:2).İspaniyanın "Sevilya" klubu Türkiyənin digər təmsilçisi "Akhisarspor"u 6:0 hesabı ilə darmadağın edib.Azərbaycan milli komandasının futbolçusu Riçard Almeydanın çıxış etdiyi "Astana" klubu səfərdə Çexiya "Yablonets"i heç-heçə edib.xeber100.com