Akrobatika üzrə dünya kuboku yarışları keçiriləcək

Azərbaycan Gimnastika Federasiyası gimnastikanın daha bir növü üzrə beynəlxalq turnirə ev sahibliyi etməyə hazırlaşır.Azərtac xəbər verir ki, noyabrın 17-18-də Milli Gimnastika Arenasında gimnastikanın ən maraqlı və həyəcanlı növlərindən biri olan akrobatika üzrə Bakıda ilk dəfə olaraq dünya kuboku təşkil olunacaq.İki gün davam edəcək yarışlarda 2003-cü il təvəllüdlü və daha böyük gimnastlar kişi cütlüyü, qadın cütlüyü, qarışıq cütlük, qadın qrupu və kişi qrupu tərkibində mübarizə aparacaqlar. İlkin sifarişə əsasən, Azərbaycan akrobatları ilə yanaşı, Belarus, İsrail, Qazaxıstan, Portuqaliya, Rusiya və Ukrayna komandaları turnirdə iştirak etmək üçün qeydiyyatdan keçiblər.Ölkəmizi kubok yarışlarında son Avropa çempionatının bürünc medalçıları, qarışıq cütlüklərimiz Abdulla Əl-Məşayxi – Ruhidil Qurbanlı və Ağasif Rəhimov–Nurcan Cabbarlı təmsil edəcəklər. Kişi cütlükləri proqramında isə Dünya Yaş Qrupu Yarışlarının gümüş medalçıları Seymur Cəfərov–Murad Əkpərov ən yaxşı yer uğrunda mübarizə aparacaqlar.Turnirdə ən yüksək icra xalını toplamış cütlüklər və qruplara ənənəvi “AGF Trophy” Kuboku da təqdim olunacaq.xeber100.com

PSJ futbol klubu yeni müqavilə imzalayıb

Fransanın PSJ klubu futbolçu Anxel Di Mariya ilə yeni müqavilə bağlayıb.Azərtac xəbər verir ki, 30 yaşlı futbolçu daha üç il PSJ klubunun şərəfini qoruyacaq. Klub müqavilənin maliyyə tərəflərini açıqlamayıb.“Çox sevinirəm ki, klub ilə müqaviləni uzada bildim. Mən karyeramın üç gözəl illərini məhz bu klubda keçirmişəm. Burada mənim gözəl oyun göstərmək üçün hər cur şəraitim var. Ümidvaram ki, qarşıdakı illərdə də kluba faydalı olacağam”, – deyə Anxel Di Mariya bildirib.Qeyd edək, hücuma meyilli argentinalı yarımmüdafiəçi PSJ klubunda 150 dəfə meydana start heyətdə çıxıb, 57 dəfə fərqlənib. A.Di Mariyanın hesabında 58 məhsuldar ötürmə var. O, PSJ heyətində üç dəfə Fransa liqasını və Fransa kubokunu, həmçinin iki dəfə Fransa Super kubokunu qazanıb.xeber100.com

“Qəbələ” klubunun keçirəcəyi oyunların vaxtı müəyyənləşib

“Qəbələ” futbol klubunun U-19 komandasının UEFA Gənclər Liqasında “Herta” (Almaniya) ilə keçirəcəyi oyunların başlama vaxtı müəyyənləşib.Azərtac xəbər verir ki, Çempionlar yolunun II mərhələsinin ilk oyunu noyabrın 7-də Qəbələ şəhər stadionunda saat 17:00-da başlayacaq.Cavab matçı Berlində “Vurfplats” stadionunda oynanılacaq. Noyabrın 28-də baş tutacaq “Herta”–“Qəbələ” görüşü Bakı vaxtı ilə saat 16:00-da start götürəcək.Xatırladaq ki, cütün qalibi pley-off mərhələsinə yüksələcək və bu raundda Çempionlar Liqası yolunun qrup ikincilərindən biri ilə qarşılaşacaq.xeber100.com

2021-ci ildə ağır atletika üzrə dünya çempionatı keçiriləcək

2021-ci ildə ağır atletika üzrə dünya çempionatı Perunun paytaxtı Limada keçiriləcək.Azərtac xəbər verir ki, bu haqda qərar Beynəlxalq Ağır Atletika Federasiyasının İcraiyyə Komitəsinin Türkmənistanın paytaxtı Aşqabadda keçirilən iclasında qəbul olunub.Cari ildə dünya çempionatı Aşqabadda noyabrın 1-10-da keçiriləcək. Ötən il mundiala ABŞ-ın Anahaym şəhəri ev sahibliyi edib. Növbəti il isə çempionat Tailandın Pattaya şəhərində təşkil ediləcək.xeber100.com

“Lazio” futbol klubu “İnter” komandasını qəbul edib

Oktyabrın 30-da İtaliya çempionatının 10-cu turuna yekun vurulub.Azərtac xəbər verir ki, turun maraq doğuran oyunu “Olimpiko” stadionunda keçirilib. “Lazio” klubu “İnter” komandasını qəbul edib. Görüş qonaqların 3:0 hesablı qələbəsi ilə başa çatıb. “Neradruzuri”nin heyətində Mauro İkardi (2) və Marselo Brozoviç fərqlənib.Bu qələbədən sonra “İnter” xallarının sayini 22-yə çatdıraraq turnir cədvəlində ikinci pilləyə yüksəlib. “Lazio” isə 18 xalla 4-cü yerdə qərarlaşıb.İtaliya A Seriyasının 11-ci turunda “İnter” noyabrın 3-də “Genoa” klubunu qəbul edəcək. “Lazio” isə səfərdə SPAL komandası ilə üz-üzə gələcək.xeber100.com

İngiltərə Premyer Liqasının növbəti turuna yekun vurulub

İngiltərə Premyer Liqasının 10-cu turuna yekun vurulub.Azərtac xəbər verir ki, turun mərkəzi qarşılaşması “Uebli” stadionunda keçirilib. “Tottenhem” klubu son çempion “Mançester Siti” komandasını qəbul edib. Görüş qonaqların 1:0 hesablı qələbəsi ilə başa çatıb. Oyunun taleyini həll edən yeganə qolun müəllifi qarşılaşmanın 6-cı dəqiqəsində Riyad Mahrez olub. O, Rəhim Sterlinqin cinah ötürməsini dəqiq zərbə ilə tamamlayıb.Bu qələbədən sonra Pep Qvardiolanın yetirmələri xallarının sayını 26-ya çatdıraraq turnir cədvəlində birinci pillədəki mövqeyini qoruyub. “Tottenhem” isə 21 xalla 5-ci yerdə qərarlaşıb.İngiltərə Premyer Liqasının 11-ci turunda “Mançester Siti” noyabrın 4-də “Southampton” klubunu qəbul edəcək. “Tottenhem” isə səfərdə “Volverhampton” komandasının qonağı olacaq.xeber100.com

Milli Karate Federasiyasının təlim-məşq bazasında

Azərbaycan Milli Karate Federasiyasının (AMKF) təlim-məşq bazasında hakimlər və məşqçilər üçün Dünya Karate Federasiyasının (WKF) qaydalarına uyğun növbəti seminar və nəzəri imtahan keçirilib.AMKF-dən Azərtac-a bildiriblər ki, yerli federasiyanın prezidenti Yaşar Bəşirov seminar iştirakçılarına uğurlar arzulayaraq yarışlarda və milli komandanın heyətinə üzvlərin seçilməsində hakimlərin işinin əhəmiyyətindən, həmçinin onların bilik səviyyələrinin artırılmasından, nəzərdə tutulan gələcək planlardan danışıb.Hakimlər komitəsinin sədri Cahangir Babayevin rəhbərliyi və digər beynəlxalq hakimlər Şahin Xudaverdiyev və Anar Allahverdiyevin assistentliyi ilə seminarda WKF-in qaydalarında dəyişiklik və yeniliklər milli dərəcəli hakimlərin diqqətinə çatdırılıb. Seminarın ardından dərəcə imtahanları keçirilib. Respublikanın müxtəlif bölgələrindən olan hakimlər və məşqçilər müvafiq səviyyələrinə uyğun qiymətlər alıblar.xeber100.com

Türkiyə Superliqasının X turunun növbəti görüşü keçirilib

Oktyabrın 28-də futbol üzrə Türkiyə Superliqasının X turunun növbəti görüşü keçirilib. Çempionluğa əsas namizədlərdən olan “Qalatasaray” səfərdə “Yeni Malatyaspor”la qarşılaşıb.Azərtac xəbər verir ki, maraqlı idman mübarizəsi şəraitində keçən matçda turnir cədvəlində üçüncü pillədə yer alan İstanbul təmsilçisi 0:2 hesabı ilə məğlub olub.Baş hakim Halis Özkahyanın idarə etdiyi oyunda hesabı 35-ci dəqiqədə Mitçell Donaldın vurduğu qolla meydan sahibləri açıblar. İlk hissə “Yeni Malatyaspor”nın 1:0 üstünlüyü ilə başa çatıb. Fasilədən sonra “Yeni Malatyaspor” qarşılaşmanın 66-cı dəqiqəsində hesab arasındakı fərqi ikiyə çatdırıb. Bu dəfə Adem Büyük penalti zərbəsini dəqiq yerinə yetirib.Hesabında 19 xal olan “Qalatasaray” komandası üçüncü sırada qərarlaşıb. Eyni xala malik olan “Kasımpaşa” isə top fərqinə görə turnir cədvəlində ikinci yeri tutur. “Başakşəhər” komandası 21 xalla çempionatın vahid lideridir. “Antalyaspor” 17 xalla dördüncü, “Trabzonspor” 15 xalla beşinci pillədədir.Ötən gün oynanılan “BŞB Ərzurum” - “Kasımpaşa” (1:1) və “Antalyaspor -“Trabzonspor” (1:1) qarşılaşmalarında qalib müəyyənləşməyib. “Konyaspor” – “Başakşehir” matçında isə qonaqlar üstün olublar - 0:1.Bu gün keçirilmiş digər görüşdə “Kayserispor” komandası “Sivasspor”a 2:0 hesabı ilə qalib gəlib.Tura oktyabrın 29-da oynanılacaq “Beşiktaş” – “Rizespor” və “Akhisarspor” – “Göztəpə” matçları ilə yekun vurulacaq.“Qalatasaray” növbəti turda noyabrın 2-də əzəli rəqibi “Fənərbağça”nı “Türk Telekom” stadionunda qəbul edəcək.xeber100.com

“Real Madrid” klubunun baş məşqçisi istefaya göndərilib

Oktyabrın 29-da İspaniyanın "Real Madrid" klubunun baş məşqçisi Yulen Lopeteqi istefaya göndərilib.Azərtac İspaniyanın "Marca" nəşrinə istinadla xəbər verir ki, bu haqda La Liqanın 10-cu turunda "Barselona"ya böyük hesablı məğlubiyyətdən sonra (5:1) klubun prezidenti Flarentino Peres deyib. O, "kral" klubun yeni baş məşqçisinin adında açıqlayıb. Bu İngiltərənin "Çelsi" komandasının sabiq çalışdırıcısı Antonio Kontedir. İtaliyalı mütəxəssisin rəsmi təqdimetmə mərasimi bu gün keçiriləcək müşahidə şurasının iclasından sonra elan olunacaq.xeber100.com

İtaliya çempionatının 10-cu turun növbəti oyunları keçirilib

Oktyabrın 28-də İtaliya çempionatının 10-cu turun növbəti oyunları keçirilib.Azərtac xəbər verir ki, turun maraq doğuran oyunu "San Siro" stadionunda keçirilib. "Sampdoriya" klubu "Milan"nın qonağı olub. Görüş meydan sahiblərinin 3:2 hesablı qələbəsi ilə başa çatıb. "Rossoneri"lərin heyətində Patrik Kutrone, Qonsalo Hiquayin və Suso, qonaqlardan isə Rikardo Saponara və Fabio Quagliarella fərqləniblər.Turun mərkəzi qarşılaşmasında isə "Napoli" və "Roma" klubları arasında oynanılıb. Bu görüşdə qalib müəyyənləşməyib (1:1)."Karlo Kastellani" stadionunda keçirilən qarşılaşmada son çempion "Yuventus" autsayder "Empoli" klubunun qonağı olub. Görüş "qoca sinyora"nın 2:1 hesablı qələbəsi ilə başa çatıb.Oyunda hesabı meydan sahibləri açıb. Rəqib qapısına topu 28-ci dəqiqədə Francesko Kaputo vurub. Fasiləyə üstün yollanan "Empoli" qarşılaşmanın ikinci hissəsində qapısında iki qol görüb. Hər iki qolun müəllifi turinlilərin yeni transferi Kriştiano Ronaldo olub. Bu dubl sahəsində portuqaliyalı hücumçu İtaliya çempionatında qollarının sayını 7-yə çatdırıb. Ronaldo bombardirlərin siyahısında "Genoa"nın polşalı hücumçusu Kşiştof Piontekdən sonra ikinci yerdədir.Turun digər oyunları belə nəticələnib: "Atalanta"-"Parma" - 3:0 "Torino"-"Fiorentino" - 1:1 "Sassuolo"-"Bolonya" - 2:2 "Kalyari"-"Kyevo" - 2:1 "Genoa"-"Udineze" - 2:2 SPAL-"Frosinone" - 0:3. Qeyd edək ki, tura bu gün keçiriləcək "Lazio"-"İnter" oyunu ilə yekun vurulacaq.xeber100.com