Cüdo üzrə “Böyük dəbilqə” turniri keçiriləcək

Oktyabrın 27-dən 29-dək Əbu-Dabidə cüdo üzrə “Böyük dəbilqə” turniri keçiriləcək.Azərtac xəbər verir ki, reytinq xarakterli turnirdə ölkəmizi Oruc Vəlizadə (60 kq), Telman Vəliyev (73 kq), Tural Səfquliyev, Məmmədəli Mehdiyev (hər ikisi 90 kq), Elmar Qasımov (100 kq), Şahin Qəhrəmanov (100 kq-dan yuxarı), Aişə Qurbanlı (48 kq) və İrina Kindzerskaya (78 kq-dan yuxarı) təmsil edəcəklər.Qeyd edək ki, turnirdə 64 ölkədən 400-dək cüdoçu birincilik uğrunda mübarizə aparacaq.xeber100.com

Bədii gimnastika üzrə növbəti yarış baş tutacaq

Noyabrın 2-dən 3-dək Bakı Olimpiya İdman Kompleksində bədii gimnastika üzrə növbəti yerli yarış baş tutacaq. Bu dəfə zərif gimnastlar öz güclərini Bakı çempionu adı uğrunda mübarizədə sınayacaqlar.Azərtac xəbər verir ki, sayca 25-ci olan çempionatda Ocaq Sport Klubu, Bakı Gimnastika Məktəbi, Respublika Kompleks İdman Məktəbi, Su İdman Sarayı, AyUlduz Klubu, Daxili İşlər Nazirliyinin İdman Cəmiyyəti, “Sərhədçi” Olimpiya İdman Mərkəzi və Zabrat İdman Klubunun yetirmələri iştirak edəcəklər.İki gün davam edəcək turnirdə 100-dək gimnastın çıxış edəcəyi gözlənilir. Yarışların ilk günü məhz balaca gimnastların çıxışları ilə əlamətdar olacaq. Belə ki, azyaşlı gimnastlar alətsiz, ip, halqa ilə öz proqramlarını təqdim edəcəklər və günün sonunda onlar fərdi çoxnövçülükdə öz aralarında qalibləri müəyyənləşdirəcəklər.Növbəti yarış gününə isə yeniyetmələr start verəcəklər. Onlar da hakimlər qarşısına alətsiz, ip və halqa ilə çıxaraq, yüksək xal almaq üçün çalışacaqlar. Gənclər və böyüklər yaş kateqoriyasına bölünmüş gimnastlar isə halqa, top, gürzlər və lent ilə proqramlarını icra edəcəklər. Beləliklə, turnirin sonunda bütün alətlər üzrə yekun xal əsasında fərdi çoxnövçülükdə fərqlənmiş gimnastlar fəxri kürsüyə yüksələcəklər.xeber100.com

“Çelsi” futbol klubu müqavilə müddətini uzadıb

İngiltərənin “Çelsi” klubu aparıcı müdafiəçisi Markos Alonso ilə müqaviləni uzadıb.Azərtac xəbər verir ki, 27 yaşlı ispaniyalı futbolçu daha beş il “Çelsi” klubunun şərəfini qoruyacaq. Klub müqavilənin maliyyə tərəflərini açıqlamayıb.“Çelsi” klub ilə yeni müqaviləmə görə, çox xoşbəxtəm. Ümidvaram ki, qarşıdakı illərdə də kluba faydalı olacağam”, – deyə ispaniyalı bildirib.Qeyd edək ki, Markos Alonso “Çelsi” klubuna İtaliyanın “Fiorentina” komandasından 2016-ci ildə transfer olunub.xeber100.com

Stolüstü Tennis Federasiyasının təşkilatçılığı ilə…

Oktyabrın 22-də “Şüa” İdman Sağlamlıq Mərkəzində Azərbaycan Stolüstü Tennis Federasiyasının təşkilatçılığı ilə gənclər və yeniyetmələr arasında Azərbaycan kuboku yarışlarına start verilib.Federasiyadan Azərtac-a bildiriblər ki, şəxsi və komanda xarakteri daşıyan yarışlarda gənclər üzrə dörd qız və dörd oğlan, yeniyetmələr üzrə isə doqquz qız və doqquz oğlan komandası olmaqla, ümumilikdə 100-dək idmançı mübarizə aparacaq.Yarışlara oktyabrın 25-də yekun vurulacaq.xeber100.com

UEFA Çempionlar Liqasının üçüncü turuna start veriləcək

Bu gün UEFA Çempionlar Liqasının üçüncü turuna 8 oyunla start veriləcək.Azərtac xəbər verir ki, “E” qrupunda Yunanıstanın AEK komandası doğma meydanda Almaniyanın “Bavariya” kollektivini qəbul edəcək. Qrupun digər oyununda isə Portuqaliya “Benfika”sı səfərdə Hollandiya “Ayaks”ının qonağı olacaq.İki turdan sonra “E” qrupuna aktivlərində 4 xal olan "Ayaks" və "Bavariya" başçılıq edir. “Benfika” 3 xalla üçüncü, xalı olmayan AEK isə dördüncü yerdədir.“F” qrupunda yer alan İngiltərə çempionu “Mançester Siti” səfərdə Ukraynanın “Şaxtyor Donetsk” komandasının qonağı olacaq. Almaniyada isə “Hoffenhaym”la “Lion” (Fransa) qarşılaşacaq.Bu qrupa 4 xalla “Lion” başçılıq edir, 3 xalla “Mançester Siti” ikinci, “Şaxtyor Donetsk” 2 xalla üçüncü, “Hoffenhaym” isə 1 xalla dördüncü yerdə qərarlaşıb.İki turdan sonra “G” qrupunun dörd xalla liderlik edən Rusiyanın ÇSKA-sı səfərdə İtaliyanın “Roma” komandasının qonağı olacaq. Digər oyunda isə “Real Madrid” İspaniyada qrupun autsayderi “Viktoriya Plzen”i (Çexiya) sınağa çəkəcək.Turun maraq doğuran oyunu İngiltərənin "Old Traford" stadionunda keçiriləcək. Burada “Mançester Yunayted” və “Yuventus” (İtaliya) qarşılaşacaq.Bu komandalar arasında ilk oyun 1972-ci ilə təsadüf edir. Həmin görüş “Qırmızı şeytanlar”ın 1:0 hesablı qələbəsi ilə başa çatmışdı. Ümumilikdə isə komandalar 12 dəfə qarşılaşıblar. Hər iki komandanın aktivində 5 qələbə var. İki oyun heç-heçə başa çatıb. Qrupun digər oyununda İspaniya “Valensiya”sı İsveçrənin “Yanq Boyz” kollektivinin qonağı olacaq.Qeyd edək ki, UEFA-nın yeni reqlamentinə əsasən AEK–“Bavariya” və “Yanq Boyz”-“Valensiya” matçları Bakı vaxtı ilə saat 20:55-də, digər qarşılaşmalar isə saat 23:00-da başlayacaq.xeber100.com

U-17 millisi Norveç yığması ilə qarşılaşacaq

On yeddi yaşadək futbolçulardan ibarət komandalar arasında Avropa çempionatının ilkin seçmə mərhələsində yığmamız bu gün ilk oyununu keçirəcək.Azərtac xəbər verir ki, futbolçularımız Albaniyanın Lishnija şəhərindəki Roza Haxhiu stadionunda Norveç yığması ilə qarşılaşacaq.Bakı vaxtı ilə saat 14:00-da başlayacaq görüşü idarə edəcək hakimlər müəyyənləşib. Matçı Bosniya və Herseqovinadan olan baş hakim Admir Şehoviç idarə edəcək. Ona Sreten Udoviçiç (Bosniya və Herseqovina) və Elis Pulaj (Albaniya) kömək edəcəklər. Dördüncü hakim funksiyasını albaniyalı Florian Lata yerinə yetirəcək.Avropa çempionatının ilkin seçmə mərhələsində U-17 millimiz Norveç seçməsi ilə yanaşı, Albaniya və İsrail yığmaları ilə qarşılaşacaq. Futbolçularımız oktyabrın 23-də Norveç, 3 gün sonra Çexiya, oktyabrın 29-da isə Albaniya komandası ilə üz-üzə gələcəklər.xeber100.com

Premyer Liqanın oyunlarının vaxtı müəyyənləşib

Futbol üzrə Azərbaycan Premyer Liqasının 9-cu turunun oyunlarının vaxtı müəyyənləşib.Azərtac Peşəkar Futbol Liqasına istinadla xəbər verir ki, doqquzuncu turun oyunları iki günü əhatə edəcək.“Sabah”–“Zirə” görüşü oktyabrın 27-də saat 16:00-da start götürəcək. Həmin gün keçiriləcək “Sumqayıt” – “Qəbələ” oyunu isə saat 18:00-da başlayacaq.Oktyabrın 28-də baş tutacaq “Səbail” – “Keşlə” matçı saat 15:00-da start götürəcək. Tura mərkəzi qarşılaşma ilə yekun vurulacaq. Həmin görüşdə turnir cədvəlinin iki lideri - “Neftçi” və “Qarabağ” komandaları üz-üzə gələcəklər. Oyun saat 17:00-da başlayacaq.“Sabah”–“Zirə” oyunu “Əlincə Arena”da, “Sumqayıt”–“Qəbələ” qarşılaşması “Dalğa Arena”da, “Səbail”–“Keşlə” matçı “Bayıl Arena”da, “Neftçi”–“Qarabağ” görüşü isə “Bakcell Arena”da keçiriləcək.Qeyd edək ki, səkkiz turdan sonra turnir cədvəlinə 19 xalla “Neftçi” klubu başçılıq edir. Bir oyun az keçirən Ağdamın “Qarabağ” klubu 16 xalla ikinci, aktivində 13 xal olan debütant “Sabah” üçüncü, “Sumqayıt” və “Səbail” klubları 10 xalla dördüncü və beşinci yerləri bölüşürlər. Digər pillələrdə isə müvafiq olaraq “Qəbələ” (8), “Keşlə” (5) və “Zirə” (4) qərarlaşıblar.xeber100.com

Formula 1 üzrə ABŞ Qran-Prisi başa çatıb

Ostin avtodromunda Formula 1 üzrə ABŞ Qran-Prisi başa çatıb.Azərtac xəbər verir ki, yarışların qalibi ümumi hesabda üçüncü mövqe tutan “Ferrari” komandasının pilotu Kimi Raykkonendir. 15 xal toplayan Lyuis Hemilton finiş xəttinə üçüncü çatıb. Çempion titulu uğrunda mübarizədə onun əsas rəqibi Sebastyan Fettel isə 12 xalla dördüncü yeri tutub. Onun bu mövsümün çempionu olmaq üçün nəzəri şansı qalır. Hazırda Fettel Hemiltondan 70 xal geridədir.Konstruktorlar Kuboku yarışlarında “Mersedes”in “Ferrari” üzərində üstünlüyü isə 66 xal azalıb.xeber100.com

Həndbol Federasiyasının məlumatına görə…

Kişi həndbolçuların Azərbaycan çempionatında mübarizəyə start verilib.Azərtac Azərbaycan Həndbol Federasiyasının rəsmi saytına istinadla xəbər verir ki, ilk turda keçirilən “Təhsil”–“Məhsul” görüşü daha maraqlı alınıb. Gözlənildiyi kimi gərgin idman mübarizəsi şəraitində keçən oyunda “Məhsul” komandasının imkanlarını yüksək qiymətləndirənlər yanılmayıblar. “Təhsil” rəqibə ciddi müqavimət göstərməsinə baxmayaraq, məğlubiyyətlə barışmalı olub – 25:28.Günün digər oyununda isə ölkə çempionu “Bakı” gözlənildiyi kimi “U-16” komandası üzərində inamlı qələbə qazanıb. Yeniyetmə həndbolçular daha təcrübəli rəqibə 14:54 hesabı ilə uduzublar.xeber100.com

Cüdo üzrə paralimpiya milli komandasının üzvləri ilə iclas keçirilib

Azərbaycan Milli Paralimpiya Komitəsində (AMPK) kişilərdən ibarət cüdo üzrə paralimpiya milli komandasının üzvləri ilə iclas keçirilib.AMPK-dən Azərtac-a bildiriblər ki, Komitənin prezidenti İlqar Rəhimovun sədrlik etdiyi iclasda noyabrda Portuqaliyada keçiriləcək dünya çempionatına və 2020-ci ildə Tokioda XVI Yay Paralimpiya Oyunlarına hazırlıqla əlaqədar məşqçi və idmançıların məlumatları dinlənilib, görülmüş işlər və qarşıda duran vəzifələr geniş müzakirə edilib. Müzakirələrin yekununda müvafiq qərarlar qəbul olunub.Paralimpiyaçı kişi cüdoçulardan ibarət milli komanda “Neftçi” İdman Klubunun dəstəyi ilə noyabrın 13-19-da Portuqaliyanın Odivellas şəhərində keçiriləcək dünya çempionatında iştirak edəcək.xeber100.com