“Neftçi” klubu transfer çalışmalarını davam etdirir

Transfer çalışmalarını davam etdirən "Neftçi” daha bir keçidi rəsmiləşdirib.Apasport.az saytının məlumatına görə, qanalı futbolçu Kvame Karikari ilə 2 il müddətinə müqavilə imzalanıb.26 yaşlı hücumçu komandada 11 nömrəli formanı geyinəcək.Sonuncu klubu "Əl Ərəbi” (Qətər) olan Kvame Karikari Qananın "İnternational Ellies”, İsveçin AİK, "Deqerfors”, "Halmstad”, Türkiyənin "Balıkesirspor”, Norveçin "Hauqesund”, Ukraynanın "Stal”, Qətərin "Əl Marhiya” və Qananın gənclərdən ibarət milli komandasında çıxış edib.Qeyd edək ki, "Neftçi” bundan əvvəl cinah müdafiəçisi Tural Axundov, mərkəz müdafiəçisi Slavko Braliç, yarımmüdafiəçilər – Rəşad Eyubov, Qoran Paratski, hücumçular – Dario Frederiko və Baqali Dabonun keçidini rəsmiləşdirmişdi.xeber100.com

DÇ-2018-də 1/8 final mərhələsinə start veriləcək

Bu gün DÇ-2018-də 1/8 final mərhələsinə start veriləcək. Apasport.az saytının məlumatına görə, ilk oyun günündə iki cütlük meydana çıxacaq.Dünya çempionatı başlamamışdan əvvəl turnirin əsas favoritlərindən hesab olunan iki komanda ilk 1/8 final mübarizəsində üz-üzə gələcəklər. C qrupunda Danimarka, Peru və Avstraliya ilə mübarizəni lider tamamlayan Fransa D qrupunun ikincisi Argentina ilə qarşılaşacaq. Müasir dünya futbolunun ən güclü oyunçularını qarşı-qarşıya gətirəcək matç gərgin mübarizə və maraqlı oyun vəd edir.Qrup mərhələsinə istədiyi kimi başlamayan, yalnız son oyundan sonra pley-offlara yüksəlməyi bacaran cənubi amerikalılar həlledici məqamda onlara bəslənən ümidləri doğrultmaq üçün əllərindən gələni edəcəklər. Fransızlar isə qrup liderliyinin təsadüfi olmadığını sübuta yetirmək iddiasındadır.Günün ikinci matçında isə Uruqvayla Portuqaliya münasibətlərinə aydınlıq gətirəcəklər. Qrupu qol buraxmadan və naməğlub lider kimi bitirən ilk dünya çempionu Uruqvay bu uğurunu pley-offda da davam etdirmək əzmindədir. Portuqaliya millisi isə çətinliklə yüksəldiyi növbəti mərhələdə işini şansa buraxmaq istəmir.xeber100.com

“Neftçi” futbol klubu təlim-məşq toplanışı çərçivəsində

“Neftçi” futbol klubu Türkiyədəki təlim-məşq toplanışı çərçivəsində ikinci yoxlama oyununu keçirib.Azərtac xəbər verir ki, komandamız Rumıniyanın “Dunarea Kalarası” klubuna 2:0 hesabı ilə qalib gəlib.“Neftçi”nin heyətində Dario Frederiko və Mirabdulla Abbasov fərqləniblər.Qeyd edək ki, ilk yoxlama oyununda Makedoniyanın "Şkupi” klubunu məğlub edən (2:0) “Neftçi” iyulun 5-də “Politexnika” (Rumıniya) ilə üz-üzə gələcək. Bakı təmsilçisinin iyulun 2-dəki rəqibinin kimliyi yaxın günlərdə müəyyənləşəcək.xeber100.com

“Qəbələ” futbol klubu ikinci yoxlama oyununu keçirib

Sloveniyada təlim-məşq toplanışını davam etdirən “Qəbələ” futbol klubu ikinci yoxlama oyununu keçirib. “Qırmızı-qaralar” Xorvatiyanın “Dinamo” klubu ilə qarşılaşıb və 0:2 hesabı ilə məğlub olublar.Azərtac xəbər verir ki, gərgin idman mübarizəsi şəraitində keçən matçın ilk yarısında hesab açılmayıb. Fasilədə və ikinci hissənin gedişində hər iki komandanın heyətində dəyişikliklər olub.Matçdakı hər iki qol da ikinci 45 dəqiqəyə təsadüf edib. İki qol vuran xorvatiyalılar qalib gəliblər. “Qəbələ” Sloveniya toplanışında ilk məğlubiyyətini alıb.Xatırladaq ki, “Qəbələ” Sloveniyadakı ilk matçında Albaniyanın “Kukesi” klubu ilə heç-heçə edib – 1:1.xeber100.com

“Qarabağ” klubu 2018/2019-cu il mövsümünün hazırlığını davam etdirir

2018/2019-cu il mövsümünün hazırlığını davam etdirən Ağdamın “Qarabağ” klubu daha bir futbolçu ilə yollarını ayırıb.Azərtac xəbər verir ki, ukraynalı qolkiper Anton Kanibolotski ilə müqaviləyə qarşılıqlı razılaşma əsasında xitam verilib.“Qarabağ” klubunun rəhbərliyi Kanibolotskiyə göstərdiyi xidmətlərə görə, təşəkkür edib və gələcək karyerasında uğurlar arzulayıb.xeber100.com

Futbol üzrə dünya çempionatının qrup mərhələsində

Futbol üzrə dünya çempionatında ötən gün keçirilən İngiltərə-Belçika və Panama-Tunis matçları ilə qrup mərhələsinə yekun vurulub. Səkkiz qrupda 32 komandanın mübarizə apardığı mundialın qrup mərhələsində ümumilikdə 48 qarşılaşma oynanılıb.Azərtac xəbər verir ki, qrup mərhələsində 48 qarşılaşmada qapılara 122 top vurulub. Məhsuldarlıq hər oyuna orta hesabla 2,5 qol təşkil edir. Qrup mərhələsində ən məhsuldar futbolçu İngiltərə yığmasının hücumçusu Harri Keyndir. Onun aktivində 5 qol var. H.Keyn bu qollardan ikisini Tunis, üçünü isə Panama yığmasının qapısından keçirib. İngilis futbolçunu 4 qolla portuqaliyalı Kriştiano Ronaldo və belçikalı Romelu Lukaku təqib edirlər. Rusiyalı Deniş Çerişev və ispaniyalı Dieqo Kosta üç dəfə fərqləniblər. Bu futbolçuların yer aldığı komandalar səkkizdəbir finala vəsiqə qazandığından onlar öz göstəricilərini daha da yaxşılaşdıra bilərlər.Xatırladaq ki, Harri Keyn və Romelu Lukaku 1986-cı ildəki dünya çempionatında Maradonadan sonra ilk dəfədir ardıcıl iki oyunda dubl ediblər.Bu çempionatda ən maraqlı göstəricilərdən biri də qeydə alınan 122 qolun 27-sinin (22 faiz) son on dəqiqədə və artırılan vaxtda vurulmasıdır. Neymarın Braziliya – Kosta-Rika görüşünün 90+7-ci dəqiqəsində rəqib komandanın qapısından keçirdiyi top mundiallar tarixində ən gec vurulan qol kimi qeydə alınıb.Ümumiyyətlə, XXI dünya çempionatının qrup mərhələsində statistik göstəricilərə görə ən yaxşı nəticə Belçika millisinə məxsusdur. Bütün görüşləri qələbə ilə başa vuran belçikalılar rəqib qapılarına 9 top vurub, öz qapılarında isə cəmi iki qol görüblər. Qrup mərhələsinin ən məhsuldar görüşü də (7 qol) Belçika yığmasının Tunis millisi ilə keçirdiyi görüşdə qeydə alınıb. Həmin görüşdə belçikalılar 5:2 hesabı ilə qalib gəliblər.Öz qapısından top buraxmayan yeganə komanda ikiqat dünya çempionu Uruqvay yığmasıdır. Belçikadan əlavə, Xorvatiya və Uruqvay milliləri də bütün görüşləri qələbə ilə başa vurublar.Qrup mərhələsində Belçika ən çox qol vuran (9), Almaniya ən çox hücum edən (252), İspaniya ən yaxşı ötürmə edən (2089), İran isə ən yaxşı müdafiə olunan (149) komanda olub. Futbolçular üzrə göstəricilərə gəldikdə isə, qol cəhdinə görə ən çox fərqlənən braziliyalı Neymar olub – 17 dəfə. Ən çox məsafə qət edən oyunçu danimarkalı Kristian Erikksen (36 km), ən çox ötürmə edən almaniyalı Toni Kroos (310), ən çox zərbə dəf edən qapıçı isə Meksika millisinin qolkiperi Gilyermo Okoçadır (17).Futbol tarixində ilk dəfə videonəzarət sistemindən (VAR) istifadə olunduğu bu çempionatın qrup mərhələsində qapılara 24 dəfə 11 metrlik cərimə zərbəsi təyin edilib ki, bu da rekord göstəricidir. Belə ki, bundan əvvəl bir çempionatda ən çox 11 metrlik cərimə zərbəsinin sayı cəmi 18 olub.Tunis millisinin üzvü Faxreddin Ben Yussefin Panama ilə görüşün 51-ci dəqiqəsində vurduğu top futbol üzrə dünya çempionatları tarixində 2500-cü qol olub. Argentina-Nigeriya oyunun 14-cü dəqiqəsində Lionel Messi XXI dünya çempionatının 100-cü qolunun müəllifi kimi tarixə düşüb.Mundialda Avropanı təmsil edən milli komandalardan dördü – Almaniya, Polşa, İslandiya və Serbiya qrup mərhələsində mübarizəni dayandırıb. Almaniya dünya çempionatları tarixində ilk dəfə qrupdan çıxa bilməyib. Cənubi Amerikadan bu mundialda çıxış edən beş komandadan dördü səkkizdəbir finala yüksəlib. Mundialda debüt edən Panama yığması qrupda mübarizəni dayandırıb. Afrika qitəsini təmsil edən bütün milli komandalar qrupdan çıxa bilməyiblər.xeber100.com  

“Neftçi” futbol klubu müqavilə müddətini artırıb

“Neftçi” futbol klubu Rəhman Hacıyev ilə müqavilənin müddətini artırıb.Azərtac kluba istinadla xəbər verir ki, 24 yaşlı yarımmüdafiəçi ilə 2018/2019-cu il mövsümünün sonunda bitməli olan anlaşma daha 1 il müddətinə uzadılıb. Yeni müqaviləyə görə, R.Hacıyev 2019/2020-ci il mövsümünün sonunadək ağ-qara formanı geyinəcək.Milli komandamızın da üzvü olan futbolçu ötən mövsüm 32 oyunda 6 qola imza atıb.Qeyd edək ki, “Neftçi” bundan əvvəl Ruslan Abışov, Kirilo Petrov, Məhəmməd Mirzəbəyov və Emin Mahmudovla müqaviləni yeniləyib.xeber100.com

Futbol üzrə dünya çempionatının qrup mərhələsinə yekun vurulur

İyunun 28-də Rusiyada keçirilən futbol üzrə dünya çempionatının qrup mərhələsinə yekun vurulur. Mundialın on beşinci günündə “G” və “H” qruplarında qərarlaşan komandalar mübarizə aparacaqlar.Azərtac xəbər verir ki, günün ilk iki oyununda “H” qrupunda yer alan Yaponiya ilə Polşa və Seneqal ilə Kolumbiya milliləri üz-üzə gələcəklər. “G” qrupunda isə Belçika–İngiltərə və Panama–Tunis görüşləri keçiriləcək. “H” qrupunun görüşləri Bakı vaxtı ilə saat 18:00-da, “G” qrupunun oyunları isə saat 22:00-da başlayacaq.Günə “H” qrupunda yer alan komandaların oyunu ilə start veriləcək. Bu qrupda Polşanın səkkizdəbir finala vəsiqə qazanmaq şansı qalmayıb. Hazırda 4 xala malik Yaponiya və Seneqal yığmalarını növbəti mərhələyə adlamaq üçün bir xal qane edir. Qrupda üç xalı olan Kolumbiya isə qələbə barədə düşünəcək.Yaponiya-Polşa görüşü “Volqoqrad Arena”da, Seneqal-Kolumbiya matçı isə “Samara Arena”da baş tutacaq.“H” qrupu ilə müqayisədə “G” qrupunda növbəti mərhələyə vəsiqə qazanan komandalar bəllidir. Hesabında 6 xal olan İngiltərə və Belçika komandaları qrup birinciliyi uğrunda üz-üzə gələcəklər. Hər iki oyunda məğlub olan Panama və Tunis isə ilk xallarını qazanmağa çalışacaqlar.İngiltərə-Belçika oyunu “Kalininqrad” stadionunda, Panama-Tunis qarşılaşması isə “Mordoviya Arena”da keçiriləcək.FIFA-nın qaydalarına görə, əgər qrupda iki komandanın xalları və top fərqi eyni olarsa, bu zaman rəqib qapılarına daha çox qol vuran komandaya üstünlük verilir. Əgər bu göstərici də eyni olarsa, o zaman həmin komandalar arasındakı oyunun nəticəsi əsas götürülür. Komandaların qarşılaşması da heç-heçə başa çatıbsa, onda üstünlük “fair play” göstəricilərinə əsasən, daha yaxşı vəziyyətdə olan komandaya verilir.Yaponiya – Polşa və İngiltərə – Belçika görüşləri Azərbaycan Televiziyasında təqdim olunacaq. Seneqal – Kolumbiya və Panama – Tunis görüşləri isə İdman Azərbaycan və İctimai Televiziyada yayımlanacaq.Xatırladaq ki, indiyədək səkkizdəbir final mərhələsinin 12 iştirakçısı müəyyənləşib. Bu mərhələdə Uruqvay ilə Portuqaliya, Fransa ilə Argentina, İspaniya ilə Rusiya, Xorvatiya ilə Danimarka, İsveç ilə İsveçrə, Meksika ilə Braziliya milliləri qarşılaşacaqlar.Futbol üzrə XXI dünya çempionatının səkkizdəbir final mərhələsinin görüşləri iyunun 30-dan iyulun 3-dək keçiriləcək.xeber100.com  

“Milan” futbol klubu avrokuboklardan kənarlaşdırılıb

UEFA İtaliyanın “Milan” klubunu maliyyə “fair play” qaydalarını pozduğuna görə, iki il müddətinə avrokuboklardan kənarlaşdırıb.Azərtac xəbər verir ki, komanda 2018-2019-cu il mövsümündə Avropa Liqasında iştirak edə bilməyəcək.Milan təmsilçisinin əvəzinə “Atalanta” turnirdə çıxış edəcək, “Fiorentina” isə təsnifat mərhələsində mübarizə aparacaq.“Milan” Avropa Liqasından uzaqlaşdırılma cəzasının ləğvi üçün UEFA-ya müraciət etsə də, istəyi baş tutmayacaq. Qitə futbol qurumu əksinə, “rossonyerlər”i böyük məbləğdə cərimələmək qərarına gəlib. Belə ki, maliyyə “fair play” qaydalarını pozduğu üçün “Milan” 30 milyon avro məbləğində cərimələnib. UEFA-nın tezliklə bunu rəsmən açıqlaması gözlənilir. Hətta qərarın kluba bildirildiyi vurğulanıb.xeber100.com

“Keşlə” futbol klubu UEFA Avropa Liqasının birinci təsnifat mərhələsində

Bakı toplanışını başa vuran “Keşlə” futbol klubu UEFA Avropa Liqasının birinci təsnifat mərhələsinin ilk oyununa hazırlığını davam etdirmək məqsədilə Türkiyəyə gedib.Azərtac kluba istinadla xəbər verir ki, iyulun 10-dək davam edəcək təlim-məşq toplanışında Bakı təmsilçisi 3 yoxlama matçı keçirməyi planlaşdırır.Komandamız ilk yoxlama matçını iyunun 30-da Bolu vilayətində Bosniya və Herseqovinanın “NK Celik Zenica” komandasına qarşı keçirəcək. Oyun Bakı vaxtı ilə saat 17.00-da başlayacaq.İkinci yoxlama matçında rəqibimiz “Levadia” komandası olacaq. Estoniya təmsilçisi ilə qarşılaşma iyulun 3-də Bakı vaxtı ilə saat 17.00-da baş tutacaq.Toplanış çərçivəsində sonuncu yoxlama matçı iyulun 6-da keçiriləcək. Bu dəfə “Keşlə” İranın “Traktorzasi” komandası ilə üz-üzə gələcək. Oyunun başlanma saatı hələ dəqiqləşməyib.xeber100.com