Azərbaycan Basketbol Liqasının XIX turunun növbəti oyunu keçirilib

Fevralın 25-də Gəncə Olimpiya İdman Kompleksində Azərbaycan Basketbol Liqasının XIX turunun növbəti oyunu keçirilib.“Gəncə” komandası doğma azarkeşlər önündə “Neftçi”ni qəbul edib. Oyunun ilk dəqiqələrindən üstünlüyü ələ alan “Gəncə” azarkeş dəstəyini də hiss edərək paytaxt klubu üzərində 83:73 hesablı qələbə qazanıb. Matçın ən məhsuldar basketbolçuları “Gəncə”dən Kolin Törner (22 xal, 11 asist ), “Neftçi”dən Qlen Börns (19 xal, 4 ribaund) seçiliblər. Qeyd edək ki, tura fevralın 26-da Şəkidə “Olimpik Şəki” – “Zirvə Astara” oyunu ilə yekun vurulacaq.xeber100.com

Azərbaycan Premyer Liqasında XXIV turun oyunları davam edir

Futbol üzrə . “Şamaxı” doğma meydanda çempionatın iddialılarından “Sabah”ı qəbul edib. Mövsümün ikinci dövrəsində güclü rəqibi ilə heç-heçə (1:1) edən “Şamaxı” bu dəfə qələbə qazanıb – 2:1. “Şamaxı”nın heyətində Amil Yunanov dubl edib. Rəqib komandanın qolunu isə Aleksey Kaşuk vurub. Turnir cədvəlinin ikinci pilləsində qərarlaşan “Sabah”ın hesabında 53 xal var. “Şamaxı” isə xallarının sayını 19-a çatdıraraq son pillədən qurtulub. Qeyd edək ki, turun ilk iki oyununda “Zirə” səfərdə “Turan Tovuz”a (2:0) qalib gəlib, “Səbail”-“Qəbələ” matçında heç-heçə qeydə alınıb - 2:2. Bu gün “Sumqayıt”la “Kəpəz”, fevralın 27-də isə “Qarabağ”la “Neftçi” üz-üzə gələcək.xeber100.com

“Qarabağ” klubu UEFA Konfrans Liqasında mübarizəni dayandırıb

Ağdamın “Qarabağ” klubu UEFA Konfrans Liqasında mübarizəni dayandırıb. Onaltıdabir finalda Belçikanın “Gent” klubu ilə qarşılaşan “Köhlən atlar” səfərdə rəqibinə 0:1 hesabı ilə məğlub olub. İlk oyunda “Qarabağ” eyni hesabla qalib gəldiyindən, oyunda əlavə vaxt oynanılıb. İki əlavə vaxtda da hesab açılmayıb. Oyundan sonra təyin olunan penalti zərbələrində daha dəqiq oynayan “Gent” futbolçuları 5:3 hesabı ilə qalib gələrək növbəti mərhələyə yüksəliblər.xeber100.com  

UEFA Avropa Liqasında onaltıdabir final mərhələsinə yekun vurulub

Fevralın 23-də UEFA Avropa Liqasında onaltıdabir final mərhələsinə yekun vurulub. İlkin olaraq "Yuventus", "Sevilya", “Bayer” və "Sportinq" rəqiblərindən üstün olaraq səkkizdəbir final mərhələsinə vəsiqə qazanıblar. Cavab görüşlərində “Yuventus” səfərdə “Nant”ı 3:0 (ilk oyun 1:1), “Sportinq” “Müddelland”ı 4:0, “Bayer” isə “Monako”nu 3:2 (İlk oyun 2:3, penaltilərlə) hesabı ilə məğlubiyyətə uğradıblar. “Sevilya” isə səfərdə “PSV”yə 2:0 hesabı ilə uduzub. İlk oyunda öz meydanında rəqibinə 3:0 hesabı ilə qalib gəlmiş “Sevilya” növbəti mərhələyə yüksəlib. Bu komandalardan əlavə, “Roma”, “Mançester Yunayted”, “Union” (Berlin) və “Şaxtyor” da Avropa Liqasında mübarizələrini davam etdirəcəklər. Belə ki, “Mançester Yunayted” səfərdə heç-heçə (2:2) etdiyi “Barselona”nı öz meydanında 2:1 məğlub edərək adını səkkizdəbir finala yazdırıb. “Roma” isə səfərdə 0:1 hesabı ilə uduzduğu “Zaltsburq”dan üstün olub – 2:0. “Union” “Ayak”sı mübarizədən kənarlaşdırıb – 3:1. “Şaxtyor” öz meydanında rəqibini 2:1 hesabı ilə məğlub etsə də, səfərdə eyni hesabla uduzub. On bir metrlik zərbələrdə daha dəqiq olan “Şaxtaçılar” səkkizdəbir finala yüksəliblər.xeber100.com

Azərbaycan millisinin dünya çempionatının əsas mərhələsi üçün heyəti açıqlanıb

Futzal üzrə Azərbaycan millisinin 2024-cü ildə keçiriləcək dünya çempionatının əsas mərhələsi üçün heyəti açıqlanıb. Futzal yığmamız mundialın əsas mərhələsi çərçivəsində martın 3-də Bakıda Yunanıstan, martın 7-də isə səfərdə Polşa yığması ilə qarşılaşacaq. Komandamız fevralın 27-dən martın 3-dək Bakıda, martın 5-dən 7-dək isə Polşada toplanış keçirəcək. Hazırlıq prosesinə 16 futzalçı dəvət olunub. Millimizin heyəti Rövşən Hüseynli, Ramiz Çovdarov, İsa Atayev, Xətai Bağırov, Amadeu, Felipinyo, Cavad Məmmədov, Emin Kürdov, Xəzər Ağalızadə, Amir Şojaei, Fineo De Araujo, Tyaqo Teles MartinsEduardo Borges, Rafael Vilela, Everton Kardoso və Hadi Ahmadidən ibarətdir.xeber100.com

UEFA Avropa Liqasında 1/8 final mərhələsinin püşkü atılıb

UEFA Avropa Liqasında 1/8 final mərhələsinin püşkü atılıb. İsveçrənin Nyon şəhərində keçirilən mərasimdə növbəti raundun cütləri bəlli olub. Qitənin ikinci dərəcəli klub turniri olan UEFA Avropa Liqasında mübarizəni davam etdirən 16 komanda 8 cüt təşkil edib. Yarışda qrup qalibi olan komandalar pley-off mərhələsini keçənlərlə qarşılaşacaq. Püşkün nəticəsinə görə 1/8 final mərhələsində İstanbulun “Fənərbaxça” komandası “Sevilya” ilə qarşılaşacaq. Bu raundun ilk görüşləri martın 9-da baş tutacaq. Cavab oyunları bir həftə sonra keçiriləcək. UEFA Avropa Liqası- 1/8 final "Union" Berlin (Almaniya) - "Union" (Belçika) "Sevilya" (İspaniya) - "Fənərbaxça" (Türkiyə) "Yuventus" (İtaliya) - "Frayburq" (Almaniya) "Bayer" Leverkuzen (Almaniya) - "Ferentsvaroş" (Macarıstan) "Sportinq" (Portuqaliya) - "Arsenal" (İngiltərə) "Mançester Yunayted" (İngiltərə) - "Betis" (İspaniya) "Roma" (İtaliya) - "Real Sosyedad" (İspaniya) "Şaxtyor" Donetsk (Ukrayna) - "Feyenoord" (Niderland).xeber100.com

Azərbaycan Gimnastika Federasiyası: Dünya kuboku yarışları keçiriləcək

Aprelin 21-23-də Bakıda bədii gimnastika üzrə dünya kuboku yarışları keçiriləcək. Azərbaycan Gimnastika Federasiyası xəbər verir ki, ölkəmizin gimnastika növləri üzrə bu il ev sahibliyi edəcəyi üçüncü beynəlxalq yarışda qeydiyyat siyahısına əsasən, 46 ölkədən idmançıların fərdi və qrup hərəkətləri proqramında mübarizə aparacağı gözlənilir. Üç gün ərzində baş tutacaq yarışlarda gimnastlar ayrı-ayrı alətlər və çoxnövçülük üzrə mübarizə aparacaqlar. Ənənəyə uyğun olaraq, yarışlarda ən çox icra xalını toplamış gimnast və qrup komandasına “AGF Trophy” kuboku təqdim olunacaq. Qeyd edək ki, bu, ölkəmizdə bədii gimnastika üzrə təşkil olunacaq onuncu dünya kuboku yarışları olacaq. Paytaxtımız 2005-ci və 2019-cu illərdə bu növ üzrə dünya çempionatına ev sahibliyi edib.xeber100.com

“Antalyaspor” futbol klubu hücumçusu Luis Adriano ilə yollarını ayırıb

Türkiyənin “Antalyaspor” klubu hücumçusu Luis Adriano ilə yollarını ayırıb. Braziliya milli komandasının sabiq üzvü ölkəsinə qayıdıb. Otuz beş yaşlı oyunçu yetirməsi olduğu “İnternasional”la anlaşıb. O, yeni klubu ilə 2023-cü ilin sonunadək müqavilə bağlayıb. 2022-ci ilin əvvəlindən “Antalyaspor”da çıxış edən futbolçu 38 oyuna 8 qol vurub.xeber100.com

“Qarabağ” futbol klubu UEFA Konfrans Liqasının pley-off mərhələsində

“Qarabağ” bu gün UEFA Konfrans Liqasının pley-off mərhələsində cavab oyununa çıxacaq. Ağdam təmsilçisi Belçikada "Gent" klubunun qonağı olacaq. "Gelamko Arena"da keçiriləcək qarşılaşma Bakı vaxtı ilə saat 00:00-da başlayacaq. Matçı şotlandiyalı FIFA referisi Uilyam Kollam idarə edəcək. Azərbaycan çempionu Bakıdakı ilk görüşdə 1:0 hesablı qələbə qazandığından istənilən heç-heçə və ya qalibiyyət komandanı 1/8 finala yüksəldəcək. "Köhlən atlar" matça ciddi itkilərlə çıxacaqlar. Qapıçı Şahruddin Məhəmmədəliyev, müdafiəçi Abbas Hüseynov və yarımmüdafiəçi Marko Yankoviç zədə səbəbindən oyunu buraxacaqlar. Meydan sahiblərinin heyətində də bəzi itkilər var. Yarımmüdafiəçi Endryü Hülsager zədəyə görə heyətdən çıxarılıb. Müdafiəçi Cozef Okumu və digər orta xətt oyunçusu Alessio Kastro-Montesin "Qarabağ"a qarşı oynaması isə sual altındadır.xeber100.com

Voleybolçular arasında təxirə salınan oyunların keçiriləcəyi vaxt dəqiqləşib

Kişi voleybolçular arasında Azərbaycan Yüksək Liqasında təxirə salınan oyunların keçiriləcəyi vaxt dəqiqləşib. Həmin oyunlar fevralın 25-də və 28-də keçiriləcək. Fevralın 25-də VI turdan təxirə salınmış “Xarı bülbül” - “Murov” qarşılaşması baş tutacaq. Oyun saat 15:00-da başlayacaq. Fevralın 28-də isə VII turun təxirə salınan “Xarı bülbül” - MOİK matçı təşkil olunacaq. Bu görüşün start fiti saat 16:00-da çalınacaq. Hər iki matç Voleybol Mərkəzində keçiriləcək.xeber100.com