“Neftçi” futbol klubu üçüncü yoxlama oyununu keçirib

Bakının “Neftçi” futbol klubu Türkiyədəki təlim-məşq toplanışı çərçivəsində üçüncü yoxlama oyununu keçirib.Azərtac xəbər verir ki, Bakı təmsilçisi Bosniya və Herseqovinanın “Çelik” klubu ilə qarşılaşıb. Görüş “Neftçi”nin 4:1 hesablı qələbəsi ilə başa çatıb.Komandamızın heyətində Rəhman Hacıyev dubl edib, Baqali Dabo və Namik Ələskərov hərəyə bir dəfə fərqləniblər.Qeyd edək ki, bundan əvvəlki yoxlama oyunlarında Makedoniyanın “Şkupi” və Rumıniyanın "Dunarea Kalarası” klublarını eyni hesabla (2:0) məğlub edən “Neftçi”nin iyulun 5-dəki rəqibi “Politexnika” (Rumıniya) olacaq.xeber100.com

XXI dünya çempionatının səkkizdəbir final mərhələsinə yekun vurulacaq

İyulun 3-də Rusiyada keçirilən futbol üzrə XXI dünya çempionatının səkkizdəbir final mərhələsinə iki oyun ilə yekun vurulacaq.Azərtac xəbər verir ki, günün Bakı vaxtı ilə saat 18:00-da başlayacaq ilk görüşündə İsveç və İsveçrə yığma komandaları üz-üzə gələcəklər. “Sankt-Peterburq Arena”da keçiriləcək matçın baş hakimi sloveniyalı Damin Skomina olacaq.İsveç “F” qrup mərhələsində Meksika, Almaniya və Cənubi Koreya yığmaları ilə mübarizə aparıb. Komanda qrupun ilk matçında Cənubi Koreyanı 1:0 hesabı ilə məğlub etsə də, ikinci turda Almaniyaya 1:2 hesabı ilə uduzub. Avropa təmsilçisi son turda Meksikanı 3:0 hesabı ilə üstələyib. İsveçlilər qrup birincisi kimi play-off mərhələsinə vəsiqə qazanıblar.İsveçrə isə Braziliya, Kosta-Rika və Serbiya ilə birgə “E” qrupunda mübarizə aparıb. İlk turda Braziliya ilə 1:1 hesabı ilə heç-heçə edən komanda, ikinci turda Serbiyanı 2:1 hesabı ilə məğlub edib. Avropalılar son turda isə Kosta-Rika ilə heç-heçə ediblər - 2:2.İsveç və İsveçrə yığmaları bu vaxta kimi beş dəfə qarşılaşıblar. Bu görüşlərin üçündə İsveç millisi 1961-ci, 1976-cı, 1978-ci illərdə qalib tərəf olub. İki oyunda isə İsveçrə qalib gəlib (1962-ci il, 1966-cı il).Qeyd edək ki, isveçrəlilərin dünya çempionatlarında debütü 1934-cü ildə olub. Onlar mundialda on birinci dəfədir ki, iştirak edirlər və ən yaxşı nəticəni 1934-cü, 1938-ci və 1954-cü illərdə göstərərək dörddəbir final mərhələsinə vəsiqə qazanıblar.İsveç millisi isə 1958-ci ildə VI dünya çempionatına ev sahibliyi edib. İndiyədək 11 mundialda iştirak edən İsveç bir dəfə ikinci (1958-ci il), iki dəfə üçüncü yeri tutub (1950-ci il, 1994-cü il). Milli komandanın tarixində ən çox qol vuran oyunçu Zlatan İbrahimoviç (116 oyunda 62 qol), ən çox oyun keçirən isə Anders Svenssondur (148 oyun).xeber100.com

UEFA Avropa Liqasının ilk oyunları çərçivəsində

UEFA Avropa Liqasının birinci təsnifat mərhələsinin ilk oyunları çərçivəsində iyulun 12-də keçiriləcək “Qəbələ” – “Proqres” (Lüksemburq) oyununu Moldovadan olan hakimlər idarə edəcəklər.Azərtac xəbər verir ki, oyunun baş hakimi Vyaçeslav Banari olacaq.Baş hakimin köməkçiləri Vasili Ermişin və Dimitri Çiobanudur. Dördüncü hakim funksiyasını Andrey Kojakaru yerinə yetirəcək.Matçın hakim-inspektoru xorvatiyalı İqor Pristovnik, UEFA nümayəndəsi gürcüstanlı Nikoloz Jgarkavadır.Qeyd edək ki, “Qəbələ” – “Proqres” matçı saat 20.00-da Qəbələ şəhər stadionunda keçiriləcək.xeber100.com

“Napoli” klubunun qapıçısı “Milan” ilə müqavilə imzalayıb

“Napoli” klubunun sabiq qapıçısı Pepe Reyna “Milan” klubu ilə müqavilə imzalayıb.Azərtac xəbər verir ki, 35 yaşlı ispaniyalının müqaviləsi 2021-ci ilədək nəzərdə tutulub.Reyna İspaniyanın “Barselona”, “Villyareal”, həmçinin İngiltərənin “Liverpul”, Almaniyanın “Bavariya” və İtaliyanın “Napoli” kimi klublarında çıxış edib. Qapıçı “Liverpul” klubunda İngiltərə kubokunun qalibi, “Bavariya”nın heyətində isə Almaniya çempionu olub. Həmçinin ispaniyalı sonuncu klubu “Napoli”də İtaliya kubokunun sahibi olub. Keçən mövsüm “Napoli”nin heyətində 47 oyuna çıxan Reyna 22 matçda qapısını toxunulmaz saxlayıb.“Milan” klubu, həmçinin xorvatiyalı müdafiəçi İvan Straniçi də heyətinə cəlb edib. “Sampdoriya” klubundan transfer olunan Xorvatiya millisinin oyunçusu 2021-ci ilədək “rossoneri”lə müqavilə imzalayıb.xeber100.com

“Neftçi” futbol klubu müqavilənin müddətini artırıb

Bakının “Neftçi” futbol klubu Anton Krivotsyukla müqavilənin müddətini artırıb.Azərtac xəbər verir ki, 19 yaşlı müdafiəçi ilə 2018/2019-cu il mövsümünün sonunda bitməli olan anlaşma daha 1 il müddətinə uzadılıb. Yeni müqaviləyə əsasən, Krivotsyk 2019/2020-ci il mövsümünün sonunadək ağ-qara formanı geyinəcək.U-21 milli komandamızın da üzvü olan futbolçu ötən mövsüm 30 oyunda meydana çıxıb.Qeyd edək ki, bundan əvvəl “Neftçi” Ruslan Abışov, Kirilo Petrov, Məhəmməd Mirzəbəyov, Emin Mahmudov və Rəhman Hacıyevlə müqaviləni yeniləyib.xeber100.com

“Qarabağ” klubu təlim-məşq toplanışı çərçivəsində

Ağdamın “Qarabağ” futbol klubu Avstriyada təlim-məşq toplanışı çərçivəsində üçüncü yoxlama matçını keçirib.Azərtac xəbər verir ki, komandamız Suriya millisi ilə qarşılaşıb və rəqibinə 0:1 hesabı ilə məğlub olub.“Qarabağ” növbəti yoxlama oyununu iyulun 4-də Ukraynanın “Dinamo Kiyev” komandasına qarşı keçirəcək.Qeyd edək ki, təlim-məşq toplanışı çərçivəsində “Qarabağ” Bolqarıstanın "Ludoqorets” komandası ilə 1:1, Avstriyanın "Vakker İnsbruk" klubu ilə 0:0 hesablı heç-heçə edib.xeber100.com

“Real Madrid”in hücumçusu karyerasını “Yuventus”da davam etdirə bilər

“Real Madrid” və Portuqaliya millisinin hücumçusu Kriştianu Ronaldu karyerasını “Yuventus”da davam etdirə bilər.Azərtac xəbər verir ki, bu transfer onun agenti Jorje Mendeşin 11 illik düşmənçilikdən sonra “Yuventus” rəhbərliyi ilə barışması sayəsində mümkün ola bilər. Bu barədə “Tuttosport” və “As” nəşrləri məlumat yayıb.J.Mendeş bu həftə müdafiəçi Joao Kanselunun “Valensiya”dan “qoca senyora”ya keçidini təşkil edib.İtaliya klubunun əsas transfer hədəfi “Latsio”nun yarımmüdafiəçisi Sergey Milinkoviç-Saviçdir. Roma klubu onun keçidinə görə, 120 milyon avro tələb edir. Turin klubu serbiyalı futbolçunun transferindən imtina edə və həmin pulları Ronaldonun keçidinə sərf edə bilər.“Real Madrid” artıq Ronaldonun buraxılış qiymətini 1 milyard avrodan 120 milyon avroya endirmək qərarına gəlib.xeber100.com

Güllə atıcılığı üzrə Azərbaycan çempionatına yekun vurulub

Bakı Atıcılıq Mərkəzində güllə atıcılığı üzrə Azərbaycan çempionatına yekun vurulub. Çempionatda 48 idmançı pnevmatik tapançadan, 19-u isə tüfəngdən atəşaçma yarışlarında mübarizə aparıblar.Azərtac xəbər verir ki, “Neftçi İdman Klubu”nun təmşilçiləri ölkə çempionatını 4 medalla başa vurublar.Qadınların pnevmatik tapançadan atəşaçma yarışında Lalə Mirzəzadə 550 xalla gümüş medala layiq görülüb. Zeynəb Abbasova isə 547 xallıq nəticə ilə bürünc medal qazanıb. Kişilərin mübarizəsində Rəsul Məmmədov 574 xalla fəxri kürsünün ən yüksək pilləsinə qalxıb. Ruslan Lunyov (560 xal) isə üçüncü yeri tutub.xeber100.com

Güləşçilərin dünya çempionatı start götürüb

Xorvatiyanın paytaxtı Zaqrebdə yeniyetmə güləşçilərin dünya çempionatı start götürüb.Azərtac xəbər verir ki, ilk yarış günündə 48, 55, 65, 80 və 110 kiloqram çəki dərəcəsində sərbəst güləşçilər yarışırlar.İlk gündə mübarizə aparan güləşçilərimizdən dördü – Əlihəsən Əmirli (48 kq), Turan Bayramov (65 kq), Saqadulla Ağayev (80 kq) və İslam Abuyev (110 kq) yarımfinala yüksəlib. Yarımfinal görüşləri Bakı vaxtı ilə saat 20:00-da başlayacaq.Görüşlərin idarə edilməsində ölkəmizi beynəlxalq dərəcəli hakim Əbdül Nuriyev təmsil edir.xeber100.com

Dünya çempionatının qrup mərhələsinin yekunlarına əsasən…

Seneqal Futbol Federasiyası (FSF) FIFA-ya iki məktub göndərib. Bu məktublarda dünya çempionatında pley-off mərhələsində çıxış üçün feyr-pley meyarı qaydasına yenidən baxılması xahiş olunur.Azərtac BBC-yə istinadla xəbər verir ki, 2018-ci il dünya çempionatının qrup mərhələsinin yekunlarına əsasən Seneqal və Yaponiya yığmalarının göstəriciləri eyni olub, lakin seneqallılarla müqayisədə daha az sarı vərəqə almış Yaponiya yığması əlavə göstəricilərə görə pley-off mərhələsinə çıxıb. DC-2018-in qrup mərhələsində Asiya komandası Polşa yığması ilə yekun matçının 75-ci dəqiqəsindən etibarən hücumu dayandırıb. Nəticədə Yaponiya yığması bu görüşdə 0:1 hesabı ilə məğlub olub.Seneqal Futbol Federasiyasının məktublarından birində deyilir: “Federasiya belə hesab edir ki, Yaponiya yığması Polşa ilə matçın hesabı onu qane etməyə başlayanda Yaponiya yığması sözün hərfi mənasında oyunu dayandırıb. Yaponiya yığmasının məşqçisi matçdan sonra mətbuat konfransında bu faktı inkar etmədi. Biz buna görə şokda idik. Gələcəkdə FIFA bu cür oynayan komandaları cəzalandırmalıdır.Seneqal Futbol Federasiyası təəssüflənir ki, Yaponiya yığması özünün cəzasız qalacağını hiss edərək feyr-pley prinsiplərinə əməl etməyib. Belə hallarda vərəqələrin sayılması qaydasının mənası yoxdur”.xeber100.com