“Qarabağ” futbol klubu yeni müqavilə imzalayıb

“Qarabağ” klubu Bolqarıstan yığmasının və Portuqaliyanın “Sportinq” klubunun futbolçusu Simeon Slavçev ilə müqavilə bağlayıb.Azərtac xəbər verir ki, 25 yaşlı yarımmüdafiəçinin keçidi klubun rəsmi saytında elan olunsa da, müqavilənin detalları hələlik açıqlanmayıb.Qeyd edək ki, 2014-cü ildən “Sportinq”də çıxış edən Simeon Slavçev icarə əsasında İngiltərənin “Bolton”, Kiprin “Apollon” və Polşanın “Lexiya” klublarının formasını geyib.Xatırladaq ki, bir neçə gün əvvəl “Qarabağ” fransalı yarımmüdafiəçi Abdullah Zubiri heyətinə qatıb. Futbolçu ilə ikiillik müqavilə imzalanıb. Fransanın “Lans” klubunda çıxış edən A.Zubir 70 oyunda 6 qol və 12 məhsuldar ötürmə ilə yadda qalıb.Ağdam klubu İslandiya yığmasının qapıçısı Hannes Tur Halldorsson ilə də ikiillik müqavilə bağlayıb. Ağdam təmsilçisinin Avstriyada davam edən təlim-məşq toplanışına yollanan qolkiper tibbi müayinədən keçdikdən sonra rəsmi müqaviləyə qol çəkib.Hannes Tur Halldorsson karyerasına 2009-cu ildə ölkəsinin “Fram” klubunda başlayıb. Qolkiper daha sonra KR (İslandiya), “Brann” (Norveç), “Sandnes” (Norveç), NEK (Hollandiya), “Bodo/Qlimt” (Norveç) klublarında forma geyib. O, son olaraq Danimarkanın “Randers” klubunda çıxış edib və bu komandada 69 matçda meydana çıxıb.İslandiyalı qapıçı 2012-ci ildə milli komandanın heyətinə dəvət alıb və 52 oyunda meydanda olub. O, 2016-cı ildə Avropa çempionatının final mərhələsində İslandiyanın oynadığı 5 oyunun hamısında çərçivəni qoruyub.Halldorsson dünya çempionatının seçmə mərhələsi çərçivəsində 9 oyunda meydana çıxıb və komandasının heyətində mundiala vəsiqə qazanıb. Qapıçı dünya çempionatının qrup mərhələsində hər 3 oyunda meydanda olub və Argentina ilə matçda Lionel Messinin vurduğu 11 metrlik cərimə zərbəsini dəf edib.xeber100.com

XXI dünya çempionatının final mərhələsinin sonuncu oyununda

İyulun 3-də Rusiyada keçirilən futbol üzrə XXI dünya çempionatının səkkizdəbir final mərhələsinin sonuncu oyununda İngiltərə və Kolumbiya milliləri qarşılaşıblar.Azərtac xəbər verir ki, Moskvadakı “Spartak” stadionunda keçirilən matçda 11 metrlik cərimə zərbələri seriyasında qalib gələn İngiltərə millisi dörddəbir finala sonuncu vəsiqənin sahibi olub.Qarşılıqlı hücumlar şəraitində keçən oyunun birinci hissəsində qapılara top vurulmayıb və komandalar fasiləyə qolsuz heç-heçə ilə yollanıblar.Matçın ikinci hissəsində “dumanlı albion” təmsilçiləri hesabı açıblar. Görüşün 57-ci dəqiqəsində Kolumbiya millisinin qapısına təyin olunan 11 metrlik cərimə zərbəsini dəqiq yerinə yetirən Harri Keyn mundialda altıncı qoluna imza atıb – 1:0.Lakin İngiltərə millisi bu üstünlüyü oyunun sonunadək qoruyub saxlaya bilməyib. Matçın əsas vaxtına əlavə edilən hissənin 3-cü dəqiqəsində (90+3) Yerri Mina hesabı bərabərləşdirib – 1:1.Görüşün əsas vaxtı heç-heçə başa çatdığından qalibi müəyyənləşdirmək üçün təyin olunan 15 dəqiqəlik iki əlavə hissədə də hesab açılmayıb. On bir metrlik cərimə zərbələri seriyasını daha dəqiq yerinə yetirən (4:3) İngiltərə yığması dörddəbir finala sonuncu vəsiqənin sahibi olub.İngilislər dörddəbir finalda İsveç yığması ilə qarşılaşacaqlar. Yarımfinala vəsiqə uğrunda digər oyunlarda Uruqvay millisi Fransa yığması ilə, Rusiya Xorvatiya ilə, Braziliya isə Belçika millisi ilə qarşılaşacaq.Xatırladaq ki, səkkizdəbir final mərhələsinin ilk oyununda Fransa millisi argentinalıları məğlub edib (4:3), Uruqvay isə Portuqaliya yığmasından üstün olub (2:1). Bu mərhələnin ən gözlənilməz nəticəsi ev sahibi Rusiyanın İspaniya millisini mübarizədən kənarlaşdırması olub. Oyunun əsas vaxtı və əlavə olunmuş dəqiqələrdə hesab bərabər olduğundan (1:1) qalibi müəyyənləşdirmək üçün təyin olunan 11 metrlik cərimə zərbələri seriyasını ruslar daha dəqiq yerinə yetiriblər - 4:3. Xorvatiya-Danimarka oyununda da əsas vaxtda qalib müəyyənləşmədiyindən (1:1) Balkan təmsilçiləri 11 metrlik cərimə zərbələri seriyasını dəqiq yerinə yetirərək (3:2) dörddəbir final mərhələsinə vəsiqə qazanıblar. Braziliya yığması Meksika millisinə (2:0), Belçika isə Yaponiyaya (3:2) qalib gələrək dörddəbir finala yüksəliblər.Mundialın dörddəbir final mərhələsinin görüşləri iyulun 6-7-də, yarımfinal matçları isə iyulun 10-11-də oynanılacaq. Üçüncü yer uğrunda görüş iyulun 14-də, final qarşılaşması isə iyulun 15-də keçiriləcək.xeber100.com

Həndbol Federasiyasının məlumatına görə…

Azərbaycanın 2002-2003-cü il təvəllüdlü həndbolçu qızları İsveçin Göteborq şəhərində keçirilən açıq Avropa turnirində növbəti oyunlarına çıxıblar.Azərtac Avropa Həndbol Federasiyasına istinadla xəbər verir ki, “C” qrupunda yarışan həndbolçularımız İslandiya təmsilçilərinə 27:8, İspaniya kollektivinə 21:12 hesabı ilə məğlub olublar.Beləliklə, bu nəticələrdən sonra yığmamız 2 xalla qrup sonuncusu olub. Fransa millisi 8 xalla birinci, İspaniya komandası 6 xalla ikinci yerdə qərarlaşıb. İslandiya və Finlandiya yığmaları isə 2 xalla üçüncü-dördüncü yerləri bölüşüblər.Dörd qrupun ümumi nəticələrinə görə, ilk iki yeri tutanlar əsas mərhələdə birinci və ikinci qruplara bölünərək mübarizə aparacaqlar. Qruplarda digər yerin sahibləri isə aralıq mərhələdə üçüncü və dördüncü qruplarda yarışacaqlar.Komandamız dördüncü qrupda yer alıb. Təmsilçilərimiz iyulun 4-də Estoniya həndbolçuları ilə üz-üzə gələcəklər.Çempionata iyulun 6-da yekun vurulacaq.xeber100.com

“Səbail” futbol klubu yeni futbolçusu ilə yollarını ayırıb

“Səbail” klubu yeni futbolçusu Orxan Əliyevlə yollarını ayırıb.Azərtac xəbər verir ki, yay transfer pəncərəsində komandaya cəlb olunan Orxan Əliyev məşqçilər korpusuna müraciət edərək səhhəti ilə bağlı problemi olduğunu bildirib.Müayinə nəticəsində futbolçunun diz nahiyəsində zədə olduğu aşkarlanıb və qarşılıqlı razılıq əsasında “Səbail” klubu ilə Orxan Əliyev arasında mövcud müqaviləyə xitam verilib.Qeyd edək ki, Orxan Əliyev “Zirə”dən “Səbail”ə keçib. Futbolçu ilə bağlanmış müqavilənin müvafiq bəndinə əsasən, futbolçunun tibbi müayinəsinin nəticəsi müsbət olduğu təqdirdə müqavilə hüquqi qüvvəyə minir. Ötən müddət ərzində Orxan Əliyevin “Səbail” klubunda tibbi müayinədən keçməməsinin səbəbi müqavilənin imzalanmasından dərhal sonra futbolçunun şəxsi işləri ilə əlaqədar ölkə xaricinə yollanması olub.xeber100.com

“Qəbələ” növbəti transferini gerçəkləşdirib

2018/2019-cu il mövsümünün hazırlığını davam etdirən “Qəbələ” növbəti transferini gerçəkləşdirib. “Qırmızı-qaralar” toqolu futbolçu Lalavele Atakoranı heyətinə qatıb.Azərtac kluba istinadla xəbər verir ki, 28 yaşlı yarımmüdafiəçi ilə 1+1 illik müqavilə imzalanıb.On doqquz yaşından Avropada legioner həyatı yaşayan Atakora 2009-cu ildə Norveçin “Fredrikstad” klubuna keçib. 2009-2010-cu illərdə bu klubda çıxış edən yarımmüdafiəçi İsveçdə “Varnamo” (2010), AİK (2011-14) və “Helsinqborq”un (2015-2016) formasını geyinib. O, AİK-in heyətində UEFA Avropa Liqasında 9 oyun keçirib. 2013/2014-cü il mövsümündə Türkiyədə “Balıkəsirspor”un formasını geyinən Lalavelenin son komandası da qonşu ölkədə olub. Atakora ötən mövsüm “Adana Dəmirspor”un heyətində ümumilikdə 33 qarşılaşmada 3 qol vurub. Milli komanda ilə 2007-ci ildə Toqoda keçirilən 17 yaşadək futbolçular arasında Afrika çempionatında iştirak edən Atakora turnirin gümüş mükafatını qazanıb, həmçinin ən yaxşı futbolçusu seçilib. O, Toqo yığmasının heyətində həmin il təşkil olunan yeniyetmələrin dünya çempionatına da qatılıb. 2008-ci ildə Toqonun ən yaxşı gənc futbolçusu adına yiyələnən yarımmüdafiəçi 2011-ci ildə ölkəsinin əsas milli komandasında debüt edib. Lalavele bu komandada 13 oyunda 1 qol vurub.Xatırladaq ki, “Qəbələ” bunadək albaniyalı müdafiəçi Sabien Lilay və nigeriyalı hücumçu Ceyms Adeniyi ilə müqavilə bağlayıb.xeber100.com

Güləşçilərin dünya çempionatı davam edir

Xorvatiyanın paytaxtı Zaqrebdə yeniyetmə güləşçilərin dünya çempionatı davam edir.Azərtac xəbər verir ki, ilk yarış günündə 48, 55, 65, 80 və 110 kiloqram çəki dərəcəsində sərbəst güləşçilər yarışıblar. Güləşçilərimiz ilk yarış gününü 2 qızıl və 1 bürünc medalla başa vurublar.İlk gündə mübarizə aparan güləşçilərimizdən dördü yarımfinala yüksəlib. Yarımfinal görüşlərini qələbə ilə başa vuran Əlihəsən Əmirli (48 kq) və Turan Bayramov (65 kq) finala yüksəliblər. Final görüşlərini də qalib başa vuran hər iki güləşçimiz çempionatın qızıl medalını qazanıb.Təsəlliverici görüşdə qələbə qazanan Əbülfəz Nəsirov (55 kq) da bürünc medal görüşünə haqq qazanıb. Gürcüstan idmançısına da qalib gələn güləşçimiz çempionatın bürünc medalına sahib olub.Yarımfinalda uduzan Saqadulla Ağayev (80 kq) və İslam Abuyev (110 kq) bürünc medal görüşünə haqq qazansa da bu imkandan yararlana bilməyiblər. Hər iki güləşçimiz çempionatı 5-ci sırada tamamlayıb.xeber100.com

“Qarabağ” futbol klubu 2018/2019-cu il mövsümündə…

2018/2019-cu il mövsümünün hazırlığını davam etdirən Ağdamın “Qarabağ” futbol klubu bu dəfə qapı xəttini gücləndirib.Azərtac kluba istinadla xəbər verir ki, komandamız İslandiya yığmasının qapıçısı Hannes Tur Halldorssonla ikiillik müqavilə bağlayıb. Ağdam təmsilçisinin Avstriyada davam edən təlim-məşq toplanışına yollanan qolkiper tibbi müayinədən keçdikdən sonra rəsmi müqaviləyə qol çəkib.Yeni transfer karyerasına 2009-cu ildə ölkəsinin “Fram” klubunda başlayıb. Qolkiper daha sonra KR (İslandiya), “Brann” (Norveç), “Sandnes” (Norveç), NEK (Hollandiya), “Bodo/Qlimt” (Norveç) klublarında forma geyinib. Qolkiper son olaraq Danimarkanın “Randers” klubunda çıxış edib və bu klubda 69 matçda meydana çıxıb.Hannes 2012-ci ildə milli komandasının heyətinə dəvət alıb və 52 oyunda meydanda olub. 2016-ci ildə Avropa çempionatının final mərhələsində çıxış edib. Burada da İslandiyanın oynadığı 5 oyunun hamısında çərçivəni qoruyub.Halldorsson dünya çempionatının seçmə mərhələsi çərçivəsində 9 oyunda meydana çıxıb və komandası mundiala vəsiqə qazanıb. Qapıçı dünya çempionatının qrup mərhələsində hər 3 oyunda meydanda olub və bu oyunlar zamanı 1 penalti qaytarmaq diqqət mərkəzinə düşüb.xeber100.com

Avropa Həndbol Federasiyasının məlumatı

İyulun 2-də İsveçin Höteburq şəhərində 16 yaşadək qızlar arasında 14-cü açıq Avropa turnirinə start verilib.Avropa Həndbol Federasiyası xəbər verir ki, “C” qrupunda 2002-2003-cü il təvəllüdlü qızlardan ibarət Azərbaycan millisi ilk yarış günündə Fransa və Finlandiya yığmaları ilə üz-üzə gəlib.Təmsilçilərimiz birinci oyunda Fransa kollektivinə məğlub olublar - 23:6. Daha sonra Finlandiya həndbolçuları ilə qarşılaşan komandamız görüşdən minimal hesabla qalib ayrılıb - 18:17.Qeyd edək ki, çempionat iyulun 6-dək davam edəcək.xeber100.com

“Neftçi” futbol klubu üçüncü yoxlama oyununu keçirib

Bakının “Neftçi” futbol klubu Türkiyədəki təlim-məşq toplanışı çərçivəsində üçüncü yoxlama oyununu keçirib.Azərtac xəbər verir ki, Bakı təmsilçisi Bosniya və Herseqovinanın “Çelik” klubu ilə qarşılaşıb. Görüş “Neftçi”nin 4:1 hesablı qələbəsi ilə başa çatıb.Komandamızın heyətində Rəhman Hacıyev dubl edib, Baqali Dabo və Namik Ələskərov hərəyə bir dəfə fərqləniblər.Qeyd edək ki, bundan əvvəlki yoxlama oyunlarında Makedoniyanın “Şkupi” və Rumıniyanın "Dunarea Kalarası” klublarını eyni hesabla (2:0) məğlub edən “Neftçi”nin iyulun 5-dəki rəqibi “Politexnika” (Rumıniya) olacaq.xeber100.com

XXI dünya çempionatının səkkizdəbir final mərhələsinə yekun vurulacaq

İyulun 3-də Rusiyada keçirilən futbol üzrə XXI dünya çempionatının səkkizdəbir final mərhələsinə iki oyun ilə yekun vurulacaq.Azərtac xəbər verir ki, günün Bakı vaxtı ilə saat 18:00-da başlayacaq ilk görüşündə İsveç və İsveçrə yığma komandaları üz-üzə gələcəklər. “Sankt-Peterburq Arena”da keçiriləcək matçın baş hakimi sloveniyalı Damin Skomina olacaq.İsveç “F” qrup mərhələsində Meksika, Almaniya və Cənubi Koreya yığmaları ilə mübarizə aparıb. Komanda qrupun ilk matçında Cənubi Koreyanı 1:0 hesabı ilə məğlub etsə də, ikinci turda Almaniyaya 1:2 hesabı ilə uduzub. Avropa təmsilçisi son turda Meksikanı 3:0 hesabı ilə üstələyib. İsveçlilər qrup birincisi kimi play-off mərhələsinə vəsiqə qazanıblar.İsveçrə isə Braziliya, Kosta-Rika və Serbiya ilə birgə “E” qrupunda mübarizə aparıb. İlk turda Braziliya ilə 1:1 hesabı ilə heç-heçə edən komanda, ikinci turda Serbiyanı 2:1 hesabı ilə məğlub edib. Avropalılar son turda isə Kosta-Rika ilə heç-heçə ediblər - 2:2.İsveç və İsveçrə yığmaları bu vaxta kimi beş dəfə qarşılaşıblar. Bu görüşlərin üçündə İsveç millisi 1961-ci, 1976-cı, 1978-ci illərdə qalib tərəf olub. İki oyunda isə İsveçrə qalib gəlib (1962-ci il, 1966-cı il).Qeyd edək ki, isveçrəlilərin dünya çempionatlarında debütü 1934-cü ildə olub. Onlar mundialda on birinci dəfədir ki, iştirak edirlər və ən yaxşı nəticəni 1934-cü, 1938-ci və 1954-cü illərdə göstərərək dörddəbir final mərhələsinə vəsiqə qazanıblar.İsveç millisi isə 1958-ci ildə VI dünya çempionatına ev sahibliyi edib. İndiyədək 11 mundialda iştirak edən İsveç bir dəfə ikinci (1958-ci il), iki dəfə üçüncü yeri tutub (1950-ci il, 1994-cü il). Milli komandanın tarixində ən çox qol vuran oyunçu Zlatan İbrahimoviç (116 oyunda 62 qol), ən çox oyun keçirən isə Anders Svenssondur (148 oyun).xeber100.com