Azərbaycan yığma komandası yoldaşlıq oyunu keçirəcək

On yeddi yaşadək futbolçulardan ibarət Azərbaycan yığma komandası iyunun 20-dən iyulun 11-dək Bakıda təlim-məşq toplanışı və 2 yoldaşlıq oyunu keçirəcək.Azərtac xəbər verir ki, İranın müvafiq yaş qrupundan ibarət yığması ilə qarşılaşacaq komandamızın heyəti açıqlanıb.Heyətdə Vüsal Şabanov (“Qəbələ”), Qurban Məhərrəmov (“Qarabağ”), Müşviq Nadirov (“Qəbələ”), Ramin Məhərrəmov (“Keşlə”), Mehmet Ali Serin (“Neftçi”), Nemət Şıxəmirov (“Qəbələ”), Nemət Musayev (“Kəpəz”), Rüfət Əhmədov (“Qəbələ”), Abubəkir İbragimov (“Mahaçqala”), Nika Baçaliaşvili (“Qəbələ”), Fərid Yusifli (“Neftçi”), Fərid Muxtarov (“Keşlə”), Veysəl Rzayev (“Qəbələ”), İbrahim Novruzov, Samir Abdullayev (hər ikisi “Keşlə”), Samir Məhərrəmli, Rauf Məhərrəmov (hər ikisi “Qəbələ”), Tuqay Əlizadə (“Şaxtyor”, Ukrayna), Emil Quluzadə (“Vətən”), İlahi Quliyev, Samir Qasımov (hər ikisi “Zirə”), Elçin Qasımov (“Turan Tovuz”), Musa Qurbanlı (“Qarabağ”), Cəlal Cəbrayılov (“Sumqayıt”), Valeh Qəhramanlı (“Neftçi”) və Cavidan Abbaszadə (“Sumqayıt”) yer alıblar.Qeyd edək ki, iyulun 7-də ilk yoldaşlıq oyunu “Dalğa Arena”da, üç gün sonra təşkil olunacaq ikinci matç isə Bakı Olimpiya Stadionunda keçiriləcək.xeber100.com

Rusiyadakı dünya çempionatında daha 3 görüş keçiriləcək

Rusiyadakı dünya çempionatında bu gün daha 3 görüş keçiriləcək. Apasport.az saytının məlumatına görə, bununla həm qrup mərhələsində ilk tura yekun vurulacaq, həm də ikinci tura start veriləcək.H qrupunda mübarizə Kolumbiya – Yaponiya görüşü ilə başlayacaq. Heyətində ulduz futbolçuları olan Cənubi Amerika təmsilçisi bunun köməyi ilə mundiala qələbə ilə start götürmək niyyətindədir. Lakin indiyə qədər baş tutan matçlar ulduzların varlığının uğur üçün kifayət etmədiyini ortaya qoyub.Qrup mərhələsində ilk tura Polşa – Seneqal qarşılaşması ilə yekun vurulacaq. Bu oyun daha çox Levandovski – Mane mübarizəsi kimi qələmə verilir. Polşalılar bir çoxları tərəfindən qrupun favoriti hesab olunsa da, Seneqal millisinin heyətində kifayət qədər tanınmış sima var.Günün son duelində isə II turun ilk görüşü oynanılacaq. A qrupunun açılış matçında Səudiyyə Ərəbistanını darmadağın edən Rusiya ilk ciddi sınağını Misirə qarşı verəcək. Məhəmməd Salahın yoxluğunda Uruqvaya yenilən Misir yığması bu dəfə mütləq qalib gəlməlidir. Meydan sahibləri isə qələbə qazanmaqla 1/8 finala vəsiqəni əldə edə bilər. Dünya çempionatı 19 iyun H qrupu 16:00. Kolumbiya – Yaponiya Saransk, “Mordoviya Arena” 19:00. Polşa – Seneqal Moskva, “Spartak” stadionu A qrupu 22:00. Rusiya – Misir Sankt-Peterburq, Şəhər stadionu.xeber100.com

Futbol üzrə dünya çempionatı davam edir

Rusiyada futbol üzrə dünya çempionatı davam edir.Apasport.az saytının məlumatına görə, “G” qrupunda Belçika yığması Panama ilə qarşılaşıb.Görüş Belçikanın böyük hesablı qələbəsi ilə başa çatıb. DÇ-2018 I tur 18 iyun G qrupu Belçika – Panama - 3:0 Qollar: Dris Mertens, 47; Romelu Lukaku, 69,75 Soçi. “Fişt” stadionu.xeber100.com

“Fənərbağça” 2017-2018-ci il futbol mövsümündə…

Türkiyənin “Fənərbağça” futbol komandasının baş məşqçisi Aykut Kocaman vəzifəsindən kənarlaşdırılıb.Apa-nın xəbərinə görə, bunu klubun rəsmi saytında klubun yeni prezidenti Əli Koç açıqlayıb.Ə. Koç qarşılıqlı razılaşma əsasında A. Kocaman ilə yollarını ayırdıqlarını bildirib və ona təşəkkür edib.Qeyd edək ki, “Fənərbağça” 2017-2018-ci il futbol mövsümünü ikinci sırada tamamlayıb. Klubun iyunun 2-3-də keçirilən qurultayında məşhur iş adamı Əli Koç prezident seçilib.xeber100.com

DÇ-2018-də keçirilən növbəti oyunların nəticələri…

DÇ-2018-də növbəti oyun keçirilib. Apasport.az saytının məlumatına görə, günün son matçında Xorvatiya Nigeriya ilə üz-üzə gəlib. Xorvatlar qələbə qazanmaqla qrupun liderliyini ələ alıb. Xorvatiya - Nigeriya - 2:0 Qollar: Oqenekaro Etebo, 23 (avtoqol), Luka Modriç, 71 (pen.) Hakimlər: Sandro Riççi, Emerson de Karvalyo, Marselo van Qasse (hamısı Braziliya), Antonio Maryö Lahoz, Pau Sebrian Devis (hər ikisi İspaniya) Kalininqrad, "Kalininqrad" stadionu Xorvatiya: 23. Daniel Subaşiç, 2. Şime Vrsalko, 6. Deyan Lovren, 21. Domaqoy Vida, 3. İvan Striniç, 7. İvan Rakitiç, 10. Luka Modriç (k), 4. İvan Perişiç, 18. Ante Rebiç, 9. Andrey Kramariç, 17. Mario Mandzukiç, Ehtiyat oyunçular: 1. Dominik Livakoviç, 5. Vedran Çorluka, 8. Mateo Kovaçiç, 11. Marselo Brozoviç, 12. Lovre Kaliniç, 13. Tin Edvay, 14. Filip Bradariç, 15. Duje Çaleta-Sar, 16. Nikola Kaliniç, 19. Milan Badel, 20. Marko Pyatsa, 22. Yosip Pivariç Baş məşqçi: Zlatko Daliç Nigeriya: 23. Fransis Uzoho, 6. Leon Baloqun, 5. Uilyam Trost-Ekonq, 2. Brayan İdovu, 4. Vilfrid Ndidi, 12. Abdullahi Şeku, 10. Con Obi Mikel (k), 11. Viktor Mozes, 16. Daniel Akpeyi, 8. Oqenekaro Etebo, 9. Odion İqalo Ehtiyat oyunçular: 1. Ezenva İkeçukvu, 3. Elderson Eçicile, 7. Ahmad Musa, 13. Simeon Nvankvo, 14. Keleçi İhenaçço, 15. Joel Obi, 17. Oqenyi Onazi, 18. Aleks İvobi, 19. Con Oqu, 20. Çidozi Avazyem Kollins, 21. Tiron Ebuehii, 22. Kennet Omeruo/Baş məşqçi: Gernot Ror.xeber100.com

DÇ-2018-də növbəti oyunlar keçirilib

Bu gün DÇ-2018-də növbəti oyunlar keçirilib.Apasport.az saytının məlumatına görə, gün ərzində baş tutacaq 4 oyunla C və D qrupunda ilk tura yekun vurulacaq.İlk olaraq Fransa ilə Avstraliya meydana çıxacaqlar. Heyət baxımından turnirin ən güclülərindən biri hesab olunan fransızlar mundialın favoritlərindən hesab olunurlar. Didye Deşamın komandası Avstraliya qarşısında turnirə uğurlu başlanğıc eləmək istəyir. Bunun üçün qələbə şərtdir.Ardınca Argentina və İslandiya münasibətlərinə aydınlıq gətirəcəklər. AÇ-2016-dakı çıxışı ilə hər kəsi təəccübləndirən və yaxşı formada olan avropalılarla daimi favorit cənubi amerikalıların dueli maraqlı mübarizə vəd edir. Messi və dostlarının hədəfi çempionluqdusa, bu görüşdən mütləq 3 xalla ayrılmalıdırlar.Peru – Danimarka matçının da maraqlı keçəcəyi gözlənilir. Sərt futbol oynayan danimarkalıların əsasən texnikalı və pasa söykənən çıxışı ilə parlayan Peru qarşısında nə edəcəyi maraqlıdır.Günə Xorvatiya – Nigeriya görüşü ilə yekun vurulacaq. “Ölüm qrupu” adlandırılan D qrupundan çıxmağı hədəfləyən hər iki komanda xüsusilə də Avropanın müxtəlif üst səviyyəli klublarında çıxış edən oyunçularına arxalanır. Bu görüşün qalibi böyük ehtimalla qrupda ikinci yerin əsas namizədi olacaq.xeber100.com

Dünya çempionatında növbəti oyunlar keçirilib

Bu Bu gün dünya çempionatında növbəti oyunlar keçirilib. Apasport.az saytının məlumatına görə, azarkeşlər bu dəfə 3 qarşılaşmaya şahidlik edəcəklər.İlk olaraq meydana Misirlə Uruqvay çıxacaq. A qrupunda növbəti mərhələyə namizədlər arasında göstərilən komandaların mübarizəsinə maraq kifayət qədərdi. Birincilərin lideri Məhəmməd Salahın iştirakı sual altındadı. Bu qarşılaşmada qələbə qazanacaq komanda ciddi mənada üstünlük əldə etmiş olacaq.Ardından B qrupunda mübarizəyə start veriləcək. Əvvəlcə qrupun autsayderləri Mərakeşlə İran münasibətlərinə aydınlıq gətirəcək. Gözlənilənin əksinə, sürpriz etmək arzusunda olan komandalar əvvəlcə ilk turda qələbə qazanmalıdı.Günün son qarşılaşması, bəlkə də, qrup mərhələsində ilk turun ən çox maraq doğuran matçıdı. Son Avropa çempionu Portuqaliya iki gün əvvəl baş məşqçisini dəyişən İspaniya ilə üz-üzə gələcək. Hər iki komanda qrupu birinci pillədə bitirmək niyyətindədi. Bu gün hansı yığma qalib gəlsə, böyük ölçüdə arzusunu həyata keçirməyi bacaracaq.xeber100.com

Milli Atçılıq Festivalı çərçivəsində Dünya Kubokuna start verilib

Bu gün Azərbaycan Xalq Cümhuriyyətinin 100 illiyi münasibəti ilə keçirilən Milli Atçılıq Festivalı çərçivəsində sonuncu yarışa – polo üzrə Dünya Kubokuna start verilib. Apasport.az saytının məlumatına görə, Heydər Əliyev Fondunun dəstəyi və Azərbaycan Respublikası Atçılıq Federasiyasının təşkilatçılığı ilə təşkil olunan yarışa ölkəmizlə yanaşı, Hindistan, Almaniya və İrlandiya klubları qatılıblar.3 gün davam edəcək turnirdə “Elite Horse & Polo Club” (“PaşaBank”), “İndian Polo & Riding Club New Delhi” (“Bot”, Hindistan), “Polo Club Wicklow” (“Palladium”, İrlandiya) və “Rhein Polo Club Düsseldorf” (“Altun 97”, Almaniya) komandaları mübarizə aparır.Bakıda VI dəfə keçirilən Dünya Kubokunun açılış oyununda “Elite Horse & Polo Club” (“PaşaBank”) və “İndian Polo & Riding Club New Delhi” (“Bot”) qüvvəsini sınayıb.Binə Atçılıq Mərkəzində təşkil olunan yarışın ilk gününə “Polo Club Wicklow” (“Palladium”) və “Rhein Polo Club Düsseldorf” (“Altun 97”) qarşılaşması ilə yekun vurulub. Matç almanların 8:5 hesablı qələbəsi ilə bitib. Sabah ilk oyunda “Rhein Polo Club Düsseldorf” (“Altun 97”) və “İndian Polo & Riding Club New Delhi” (“Bot”) mübarizə aparacaq. İkinci qarşılaşma isə “Elite Horse & Polo Club” (“PaşaBank”) və “Polo Club Wicklow” (“Palladium”) arasında baş tutacaq.Festivalın və VI dəfə keçiriləcək Dünya Kubokunun sonuncu günü – iyunun 17-də mükafatçıların adlarına aydınlıq gələcək. Öncə 3-cü yerin sahibi bilinəcək. Ardınca isə final görüşü olacaq. Qeyd edək ki, iyunun 2-dən başlayan və 4 müxtəlif növ üzrə keçirilən Milli Atçılıq Festivalında bunadək cıdır, çövkən və konkur növləri üzrə yarışlar da təşkil olunub.xeber100.com

“Qəbələ” futbol klubunun məlumatına görə…

“Qəbələ” futbol klubunun məşqçilər korpusunda dəyişiklik edilib.Azərtac kluba istinadla xəbər verir ki, serbiyalı Miloş Yevtiç bundan sonra “qırmızı-qaralar”ın uğurları üçün çalışacaq. O, Sənan Qurbanovun baş məşqçisi olduğu komandanın fiziki hazırlıq üzrə çalışdırıcı funksiyasını yerinə yetirəcək.Mütəxəssis bunadək Azərbaycanda “İnter” (indiki “Keşlə”), Qazaxıstanda “Kayrat” klublarında, həmçinin Gürcüstan milli komandasında məşqçi kimi fəaliyyət göstərib.xeber100.com

Futbol üzrə XXI dünya çempionatına start veriləcək

İyunun 14-də Moskvada futbol üzrə XXI dünya çempionatına start veriləcək.Azərtac xəbər verir ki, izləyici sayına görə Olimpiya Oyunları ilə yanaşı, ən böyük iki yarışdan biri olan XXI dünya çempionatına planetin bütün bölgələrindən 3,5 milyard tamaşaçının baxacağı gözlənilir.Dünyanın ən nüfuzlu idman yarışı Bakı vaxtı ilə saat 18:30-da möhtəşəm açılış mərasimi ilə başlayacaq. Açılış mərasimi və ilk oyun Moskvadakı 81 min tamaşaçı tutumuna malik “Lujniki” stadionunda keçiriləcək. Çempionatın açılış mərasiminin şousunda ingiltərəli məşhur müğənni Robbi Uilyams, rusiyalı tanınmış opera müğənnisi Aida Qarifullina və futbol üzrə ikiqat dünya çempionu, braziliyalı Ronaldo iştirak edəcəklər.Açılış mərasimindən sonra keçiriləcək ilk oyunda “A” qrupunda yer alan ev sahibi Rusiya millisi Səudiyyə Ərəbistanı yığması ilə qarşılaşacaq. Mundialın açılış oyununu argentinalı Nestor Pitana idarə edəcək.Dünya çempionatında 32 milli komanda mübarizə aparır. Millilər hər birində dörd komanda olan səkkiz qrupda yer alıblar: “A” qrupu: Rusiya, Səudiyyə Ərəbistanı, Misir və Uruqvay; “B” qrupu: Portuqaliya, İspaniya, Mərakeş, İran; “C” qrupu: Fransa, Avstraliya, Peru, Danimarka; “D” qrupu: Argentina, İslandiya, Xorvatiya, Nigeriya; “E” qrupu: Braziliya, İsveçrə, Kosta-Rika, Serbiya; “F” qrupu: Almaniya, Meksika, İsveç, Koreya Respublikası “G” qrupu: Belçika, Panama, Tunis, İngiltərə; “H” qrupu: Polşa, Seneqal, Kolumbiya, Yaponiya. Hər qrupda ilk iki yeri tutan komandalar səkkizdəbir final mərhələsinə vəsiqə qazanacaqlar.Dünya çempionatının qrup mərhələsinin oyunları iyunun 14-dən 28-dək keçiriləcək. Bir günlük istirahətdən sonra - iyunun 30-da start veriləcək səkkizdəbir final mərhələsinə iyulun 3-də yekun vurulacaq. İyulun 4-ü və 5-i çempionatda növbəti istirahət günləri olacaq. İyulun 6-da və 7-də dörddəbir, iyulun 10-da və 11-də yarımfinal görüşləri keçiriləcək. İyulun 14-də üçüncü yer uğrunda görüş, 15-də isə final matçı və bağlanış mərasimi olacaq.xeber100.com