Kanada Qran-Prisinə yekun vurulub

Formula 1 üzrə Kanada Qran-Prisinə yekun vurulub.Azərtac xəbər verir ki, qalib adını “Ferrari” komandasının almaniyalı pilotu Sebastyan Fettel qazanıb. Finlandiyalı Valtteri Bottas (“Mercedes”) ikinci, “Red Bull” komandasının hollandiyalı pilotu Mark Ferstappen isə üçüncü yerin sahibi olub.Karyerasında 50-ci qələbəni qazanan S.Fettel “Mersedes” komandasının britaniyalı pilotu Luis Hemiltonu ümumi hesabda qabaqlayıb.Qeyd edək ki, növbəti Qran-Pri Fransada iyunun 22-24-də keçiriləcək.xeber100.com

“Qəbələ” klubu dörd yoxlama oyununda gücünü sınayacaq

“Qəbələ” futbol klubunun mövsümlərarası fasilədəki hazırlıq proqramı müəyyənləşib. 2017/2018-ci il mövsümü başa çatdıqdan sonra istirahətə buraxılan komanda iyunun 12-də hazırlıqlara start verəcək.Azərtac kluba istinadla xəbər verir ki, Qəbələdə bir araya gələcək “qırmızı-qaralar” iyunun 18-dək məşqlərini doğma arenada keçirəcəklər. Milli komandaların düşərgəsindən qayıdan futbolçular xüsusi proqramla hazırlaşacaqlar.Komanda UEFA Avropa Liqası ilə start verəcəyi 2018/2019-cu il mövsümünün hazırlığını Sloveniyada davam etdirəcək. İyunun 20-də bu ölkəyə yollanacaq “Qəbələ”nin təlim-məşq toplanışı iyulun 7-dək davam edəcək. Bu müddətdə komanda 4 yoxlama oyunu keçirəcək. Bu matçlardakı rəqiblər dəqiqləşməsə də, qarşılaşmalar iyunun 23-də, 28-də, iyulun 1-də və 5-də baş tutacaq.xeber100.com

Qallini dünya kuboku yarışlarına yekun vurulub

Macarıstanın paytaxtı Budapeştdə 15 yaşadək futbolçular arasında Qallini dünya kuboku yarışlarına yekun vurulub. “Qəbələ”nin U-15 komandası turnirin sonuncu günündə iki matç keçirib.Azərtac xəbər verir ki, 5-8-ci yerlər uğrunda mübarizədə ilk rəqib İtaliya təmsilçisi “Kavolano” olub. “Qırmızı-qaralar” bu görüşdə böyük hesablı qələbə qazanıblar – 6:0. Mehrac Baxşəliyev və Kamal Kazımovun dubl etdiyi qarşılaşmada Gülağa Əsədov və Ümüd Həmzəyev hərəyə 1 qol vurublar.“Qəbələ” 5-ci yer uğrunda matçda Macarıstanın “Uypeşt” klubu ilə görüşüb. Rəqibinə 0:2 hesabı ilə uduzan komandamız turniri 6-cı pillədə başa vurub.Yarışın qalibi adına isə İtaliya “Udineze”si yiyələnib.xeber100.com

Braziliya yığması yoldaşlıq görüşündə qüvvəsini sınayıb

Dünya çempionatına hazırlaşan Braziliya yığması yoldaşlıq görüşündə qüvvəsini sınayıb.Apasport.az saytının məlumatına görə, “pentakampeonlar” Avstriya ilə qarşılaşıb.Vyanada baş tutan görüş cənubi amerikalıların böyükhesablı qələbəsi ilə nəticələnib – 3:0. Braziliyanın heyətində Qabriel Jezuş 36, Neymar 63, Filip Koutinyo isə 69-cu dəqiqədə fərqlənib.Qeyd edək ki, Braziliya yığması dünya çempionatında Serbiya, İsveçrə və Kosta-Rika ilə bir qrupda mübarizə aparacaq.xeber100.com

Azərbaycan millisi növbəti oyununu keçirib

Azərbaycan millisi ötən gün növbəti oyununu keçirib. Apasport.az saytının məlumatına görə, yığmamız Latviya ilə yoxlama oyununda qüvvəsini sınayıb.Səfərdə oynayan Qurban Qurbanovun yetirmələri Millətlər Liqasına hazırlıq çərçivəsində son sınağını Riqada gerçəkləşdirib. Bu matça qədər bu il keçirdiyi 5 qarşılaşmada yalnız bir qələbəsi olan komandamız azarkeşlərini sevindirməyi bacarıb.Oyuna fəal başlayan komandamız yekunda 3:1 hesablı qələbə qazanıb.Yığmamızın heyətində Maksim Medvedev, Cavid İmamverdiyev və Emin Mahmudov fərqlənib.xeber100.com

Futbol üzrə dünya çempionatının komandaları açıqlanıb

Gələn həftə start götürəcək dünya çempionatının ən dəyərli komandaları açıqlanıb. Apasport.az saytının xarici mətbuata istinadən məlumatına görə, sıralama 32 millinin heyətində yer alan 23 futbolçunun qiymətləndirməsinə əsasən müəyyənləşib.Beləliklə, ilk pillədə Fransa millisi qərarlaşır. Didye Deşamın yetirmələrinin ümumi dəyəri 1 milyard 80 milyon avrodur. Fransızların ən dəyərli oyunçusu 120 milyon avro ilə Kilian Mbappedidir. Onu Antuan Qrizmann (100) və Poq Poqba (90) izləyir.İkinci yer İspaniyaya məxsusdur. “Buğalar”ın dəyəri 1 milyard 30 milyon avro göstərilib. Bu baxımdan 80 milyon avro ilə komandanın lideri Serxio Busketsdir. İsko və Asensio 75 milyona bərabərdir.İlk “üçlüy”ü Braziliya millisi qapayır. “Pentakampeonlar”ın ən bahalı oyunçusu Neymardı – 180 milyon. Filip Koutinyonun dəyəri isə 100 milyondur. Son dünya çempionu Almaniya 4-cü pillədə özünə yer edib. Bundestimdə Toni Kroos (80 milyon) komanda yoldaşlarını qabaqlayır. 5-ci olan İngiltərədə Harri Keynə 150, Dele Alliyə isə 100 milyon avro qiymət qoyulub.690 milyon avroluq dəyəri olan Argentinada Lionel Messi faktoru var. Neymar kimi, onun da qiyməti 180 milyon avro göstərilir. Paulo Dibala 110 milyon avro dəyərindədir. Argentina siyahıda Belçikanın ardından 7-ci sırada qərar tutub. 8-ci olan Portuqaliyanın superulduzu Kriştianu Ronaldonun dəyəri isə 100 milyon avroya bərabərdir.Mundialda bütün diqqətləri üzərinə çəkəcək oyunçulardan biri də Məhəmməd Salahdır. 23 nəfərlik Misir yığmasının ümumi dəyəri 197 milyon avrodusa, bunun 150 milyonu Salaha görədir. Yəni, Salah təkbaşına bütün komanda yoldaşlarının cəmindən 3 dəfədən də bahadır.Siyahının son pilləsində yer alan Panama 8 milyon 430 min avro ilə ölçülüb.Dünya çempionatının ən bahalı futbolçuları isə Neymar və Lionel Messidir. 180 milyonluq super ulduzları Harri Keyn, Məhəmməd Salah və Kevin De Bruyne (150) izləyir.xeber100.com

“Football Italia”nın məlumatına əsasən…

ABŞ-ın “Los-Anceles Qelaksi” klubunun isveçli hücumçusu Zlatan İbrahimoviç dünya çempionatında iştirak etməməsinin səbəbini açıqlayıb.Apa-nın xəbərinə görə, bu barədə “Football Italia” məlumat verib.”Dünya çempionatında iştirak etməməyimin səbəbi İsveç jurnalistləridir. Təəssüf ki, yerli KİV-lərin mentaliteti belədir. Mənim adım, davranışım, təbiətim onlara yad gəlir. Amma unudurlar ki, yığmada rekord hələ də, mənə məxsusdur. Dünya çempionatı futbolda ən böyük bayramdır. Orda ən yaxşı futbolçular oynayır, ancaq Zlatan mundialda olmayacaq. Onlar deyirlər ki, komanda oyununa uyğun gəlmirəm. Karyerama nəzər salın, çox sayda mükafatlar qazanmışam. Mən komanda üçün oynaya bilmirəmsə, bu mükafatları necə qazanmışam?”, Z.İbrahimoviç deyib.xeber100.comm

Beynəlxalq Avtomobil Federasiyası idman reqlamentinə dəyişikliklər edib

Beynəlxalq Avtomobil Federasiyası (FIA) Formula 1-in idman reqlamentinə dəyişikliklər edib. Kanada Qran-Prisində qüvvəyə minəcək dəyişikliklərə görə, pilotlar yürüşdən əvvəl start meydanında daha çox vaxt keçirməlidirlər.Azərtac xəbər verir ki, hazırda pilotlar yalnız milli himni dinləmə proseduranda iştirak etmək üçün meydana çıxırlar ki, bu da jurnalistlərin startqabağı operativ xəbərlər yaymasına mane olur.Hazırda pit-peyni hazırlıq dövrəsinin başlanmasından 20 dəqiqə əvvəl bağlayırlar. Monreal yürüşündən başlayaraq isə yarım saat əvvəl bağlayacaqlar. Beləliklə, pilotlar start meydanında 10 dəqiqə artıq vaxt keçirəcəklər.xeber100.com

“Neftçi” futbol klubuna yeni baş məşqçi təyin edilib

“Neftçi” futbol klubunun Müşahidə Şurasının və təsisçilərin növbədənkənar ümumi yığıncağı keçirilib.Azərtac xəbər verir ki, iclasda əsas komandanın baş məşqçisi postuna namizədin müzakirəsi aparılıb və italiyalı mütəxəssis Roberto Bordin bu vəzifəyə təyin edilib.Komandanın yeni baş məşqçisi 1965-ci il yanvarın 10-da anadan olub. 2005-ci ildə futbolçu karyerasını bitirən Roberto Bordin həmin il məşqçilik fəaliyyətinə başlayıb. O, İtaliyanın “Bolonya”, “Padova”, “Hellas Verona”, “Sassuolo”, Rumıniyanın ÇFR klublarında məşqçi, İtaliyanın “Triestina” və Moldovanın “Şerif” klublarında baş məşqçi vəzifələrində çalışıb.Məşqçi kimi 2010-cu ildə Rumıniya çempionu olub. 2016-2018-ci illərdə çalışdırdığı “Şerif” Moldova çempionatının, kubokunun və Superkubokunun qalibi olub. İtaliyalı məşqçi 2017-ci ildə komandanı UEFA Avropa Liqasının qrup mərhələsinə çıxarıb. 2018-ci ildə İtaliya Futbol Federasiyasının qərarı ilə “Qızıl skamya” mükafatına layiq görülüb.xeber100.com

Beynəlxalq idman turniri keçiriləcək

İyunun 16-da Gənclər və İdman Nazirliyinin, Milli Olimpiya Komitəsinin təşkilati dəstəyi ilə beynəlxalq səviyyəli ekstremal idman turniri - “Mübarizlər” yarışı keçiriləcək.Azərtac xəbər verir ki, ötən il Bakıda təşkil olunan və böyük maraq doğuran “Mübarizlər” layihəsi ikinci mövsümdə ekstremal idman həvəskarlarına fəal istirahətin tamamilə yeni formatını - çətin keçilən ərazidə maneəli qaçış təklif edir. Maneələr məxsusi olaraq elə hazırlanıb ki, trasın qət edilməsi zamanı iştirakçıların bütün qrup əzələləri hərəkətdə olur. Qaydalara əsasən, iştirakçılar yarış ərzində 5 kilometr uzunluğunda trası qət etməlidirlər. Daha sonra çempionat iştirakçıları uzunluğu 7 kilometr olan 42 maneədən ibarət məsafə üzrə qüvvələrini sınayacaqlar.Ötənilki yarışdan fərqli olaraq bu mövsümdə “Mübarizlər” layihəsində hər iki formatda iştirak edənlər üçün pul mükafatı nəzərdə tutulub. Yarışın ümumi mükafat fondu 15 min manatdır. Qalib komandalar və fərdi iştirakçılar sentyabrda keçiriləcək Super Finala vəsiqə qazanacaqlar. Bundan əlavə, fəal iştirakçılar çoxlu sayda qiymətli hədiyyələrlə təltif ediləcəklər.Hər iki format üçün avtopark, idman və əyləncə fəaliyyəti təqdim edən fan-zona, konsert proqramı, duş kabinələri və soyunub-geyinmə otaqları nəzərdə tutulub. Fiziki formasından asılı olmayaraq, yarışda arzu edən hər kəs iştirak edə bilər.Hazırda maneəli yarışlar bütün dünyada məşhurlaşan fəaliyyətlərdən biridir. Yeni idman növünə çevrilən bu yarışlar artıq klassik idman növlərini geridə qoyur. Dünyanın ən məşhur trendlərdən birinə qovuşmaq, idman və sağlamlıq festivalında əylənmək və həmfikirləri ilə ünsiyyət yaratmaq üçün gənclərə bu unikal şansdan istifadə etmək təklif olunur.Yarışda iştirak etmək üçün biletləri “Iticket” kassalarından əldə etmək mümkündür.xeber100.com