“Reuters” agentliyinin məlumatına görə…

Avstraliya Olimpiya Komitəsinin (AOK) prezidenti Con Koates federasiyanı medal planından imtina etməyə çağıran üzgüçülük üzrə beşqat Olimpiya çempionu Yan Torpun çıxışını şərh edib. “Reuters” agentliyi xəbər verir ki, Koates medal planlarının idmançılar üçün zərərli olduğu barədə Torpun fikirləri ilə razılaşıb.Koates deyib: “AOK və Yanın mövqeləri tamamilə üst-üstə düşür. 2016-cı ilin noyabrında AOK rəhbərliyi qərara gəlib ki, 2018-ci il Pxençan Qış və 2020-ci il Tokio Yay Olimpiya oyunlarında medal planları ləğv edilsin. Yanın söylədiyi mülahizələrdən çıxış edərək, biz medal qazanılması üzrə plan qoyulmasından imtina edirik”.xeber100.com

BMX növü üzrə dünya çempionatının üçüncü günündə

İyunun 7-də Bakıda velosiped idmanının BMX növü üzrə dünya çempionatının üçüncü gününə start verilib. Dünya çempionatında 43 ölkədən 1500-dək velosipedçi birincilik uğrunda mübarizə aparır.Azərtac xəbər verir ki, mundialın üçüncü günündə 13 yaş kateqoriyasında qaliblər müəyyənləşəcək. Həmçinin elit kateqoriyasında olan velosipedçilər mübarizəyə qoşulacaqlar.Mundialın üçüncü günündə Azərbaycanı Orxan Məmmədov, Vüqar Nəsibov, Kənan Babayev və Yelmar Şahmarzadə təmsil edəcəklər.Azərbaycan indiyədək Olimpiya idman növü olan güləş, boks və bədii gimnastika üzrə dünya çempionatlarına uğurla ev sahibliyi edib. Velosiped idmanının Olimpiya növü olan BMX üzrə bu mundial isə Azərbaycanda keçirilən sayca dördüncü dünya çempionatıdır.Çempionatın keçirildiyi BMX stadionu 2014-cü ildə tikilib və burada ilk Avropa Oyunlarının BMX üzrə velosiped yarışları təşkil olunub. Lakin 2016-cı ildə Beynəlxalq Velosipedçilər İttifaqı (UCI) BMX stadionlarının standartlarını dəyişib. Trekin uzunluğu, eni, döngələrin hündürlüyü artırılıb, maneələrin konfiqurasiyası dəyişdirilib.xeber100.com

Beynəlxalq boks turniri start götürüb

Dağıstanda dövlət xadimi Maqomedsalam Umaxanovun xatirəsinə həsr olunmuş beynəlxalq boks turniri keçirilir. Bu görkəmli ictimai-siyasi xadimin anadan olmasının yüzilliyinə həsr olunmuş turnirdə 16 ölkədən 140 idmançı, o cümlədən Azərbaycan təmsilçiləri iştirak edirlər.Azərtac xəbər verir ki, Kaspiysk şəhərində XX beynəlxalq turnirin açılışı olub. Yarış iyunun 12-də başa çatır.Qeyd edək ki, Maqomedsalam Umaxanovun xatirəsinə həsr olunmuş ilk turnir 1996-cı ildə keçirilib.xeber100.com

Hərbi atıcılıq üzrə 50-ci dünya çempionatı keçirilir

Beynəlxalq Hərbi İdman Şurasının (CISM) təşkilatçılığı ilə İsveçrənin Tun şəhərində hərbi atıcılıq üzrə 50-ci dünya çempionatı keçirilir.Müdafiə Nazirliyinin mətbuat xidmətindən Azərtac-a bildiriblər ki, çempionatda ölkəmizi Mərkəzi Ordu İdman Klubunun iki idmançısı - baş leytenant Ruslan Lunev və Nigar Nəsirova təmsil edirlər.Ruslan Lunev tapançadan 25 metr məsafəyə atəşaçma yarışında Estoniya və Çindən olan rəqiblərini üstələyərək qızıl medala layiq görülüb və dünya çempionu adını qazanıb.Xatırladaq ki, mayın 30-da start götürən çempionata iyunun 6-da yekun vurulacaq.xeber100.com

BMX növü üzrə dünya çempionatının ikinci gününə start verilib

İyunun 6-da Bakıda velosiped idmanının BMX növü üzrə dünya çempionatının ikinci gününə start verilib. Dünya çempionatında 43 ölkədən 1500-dək velosipedçi birincilik uğrunda mübarizə aparır.Azərtac xəbər verir ki, mundialın ikinci günündə yeniyetmə (Challenge) və həvəskarlar arasında daha bir neçə kateqoriyada qaliblər müəyyənləşəcək.Dünya çempionatında Azərbaycan 8 idmançı ilə təmsil olunur. “Challenge” kateqoriyasında yarışacaq velosipedçilərdən Xəyal İbrahimov, Soltan İsrafilov və Justinas Pavlovas bu gün mübarizəyə qoşulacaqlar. İyunun 7-də Orxan Məmmədov, Vüqar Nəsibov, Kənan Babayev və Yelmar Şahmarzadə çıxış edəcəklər. Elit kateqoriyasında yarışacaq Aqşin İsmayılov isə iyunun 8-də start xəttinə çıxacaq.Azərbaycan indiyədək Olimpiya idman növü olan güləş, boks və bədii gimnastika üzrə dünya çempionatlarına uğurla ev sahibliyi edib. Velosiped idmanının Olimpiya növü olan BMX üzrə bu mundial isə Azərbaycanda keçirilən sayca dördüncü dünya çempionatıdır.Çempionatın keçirildiyi BMX stadionu 2014-cü ildə tikilib və burada ilk Avropa Oyunlarının BMX üzrə velosiped yarışları təşkil olunub. Lakin 2016-cı ildə Beynəlxalq Velosipedçilər İttifaqı (UCI) BMX stadionlarının standartlarını dəyişib. Trekin uzunluğu, eni, döngələrin hündürlüyü artırılıb, maneələrin konfiqurasiyası dəyişdirilib.Qeyd edək ki, çempionatın birinci günündə yeniyetmələr (“Challenge”), həvəskarlar və veteranlar arasında 14 yaş kateqoriyası üzrə qaliblər müəyyənləşib.xeber100.com

Milli Atçılıq Festivalı çərçivəsində ikinci turnirə start verilib

Azərbaycan Respublikası Atçılıq Federasiyasının (ARAF) Azərbaycan Xalq Cümhuriyyətinin yaradılmasının 100 illik yubileyi münasibətilə təşkil etdiyi Milli Atçılıq Festivalı çərçivəsində iyunun 6-da çövkən milli atüstü oyunu üzrə “100 İllik Yubiley Kuboku” turnirinin ikinci gününə start verilib.Azərtac xəbər verir ki, gün ərzində dörddəbir final mərhələsinin iki oyunu keçiriləcək. İlk görüşdə “Omar” komandası Ağstafa təmsilçiləri ilə qarşılaşır. Günün ikinci oyununda isə “Buta Qolden” komandası ilə Ağcabədi çaparları qələbə uğrunda mübarizə aparacaqlar.Yarışın proqramına əsasən, iyunun 7-də yarımfinal oyunları təşkil olunacaq. İyunun 9-da isə üçüncü yer uğrunda qarşılaşma və final oyunu ilə turnirə yekun vurulacaq. Yarışın ümumi mükafat fondu 50 min manatdır.xeber100.com

Güləş üzrə U-23 Avropa çempionatı davam edir

İstanbulda keçirilən güləş üzrə U-23 Avropa çempionatı davam edir.Azərtac xəbər verir ki, yarışın üçüncü günündə beş çəki dərəcəsində qadın güləşçilər mübarizə aparırlar. Azərbaycan çempionatda üç qadın güləşçi ilə təmsil olunur. Ölkəmizin idman şərəfini Türkan Nəsirova (50 kq), Alyona Kolesnik (59 kq) və Səbirə Əliyeva (76 kq) qoruyacaqlar.Dörddəbir final mərhələsində Türkan Nəsirovanın ilk rəqibi Bolqarıstan təmsilçisi Kseniya Stankeviç olacaq. Alyona Kolesnik səkkizdəbir finalda hollandıyalı Tamara Dollak ilə qarşılaşacaq. Səbirə Əliyeva isə dörddəbir finalda türkiyəli Ayşegül Özbeğin müqavimətini qırmağa çalışacaq.xeber100.com

“Ferrari” komandası nümunəvi yürüşlər keçirəcək

“Ferrari” komandası iyunun 16-da Kiyevdə nümunəvi yürüşlər keçirəcək.Azərtac xəbər verir ki, Kiyevin “Kontraktovaya” meydanında keçiriləcək yürüşdə “Ferrari” bolidini Mark Jene idarə edəcək. Tədbir çərçivəsində, həmçinin motobayk yürüşləri, musiqili proqram və əyləncə zonaları təşkil olunacaq.Formula 1 bolidi Kiyevdə sonuncu dəfə yürüşə 2012-ci ildə - Daniel Rikkardonin “Red Bull” ilə birlikdə “Peçerskaya” metrosu qarşısında nümunəvi yürüşü zamanı daxil edilib.xeber100.com

Çin millisi futbol üzrə dünya çempionatının final mərhələsində

Çin millisi futbol üzrə dünya çempionatının final mərhələsində iştirak etməsə də, mundiala tamaşa etmək üçün Rusiyaya 100 mindən çox çinli azarkeş gələcək. Onların yarıdan çoxu qadınlardır.TASS informasiya agentliyi xəbər verir ki, bu barədə məlumat Çinin “Global Times” qəzetində dərc olunub. Azarkeşlərin fikrincə, Braziliya və Cənubi Afrika Respublikasında keçirilən dünya çempionatlarından fərqli olaraq, Rusiya Çinə coğrafi cəhətdən yaxındır və bu ölkəyə səfər xeyli ucuz başa gəlir.Bununla belə, bəzi çinli azarkeşlər oyunlar zamanı bilavasitə stadionda olmaq üçün böyük pullar xərcləməyə hazırdır. Onlardan biri, “Ctrip” turizm agentliyinin müştərisi bunun üçün 850 min yuanından (132 min dollardan çox) keçib.Xatırladaq ki, futbol üzrə növbəti dünya çempionatı iyunun 14-dən iyulun 15-dək Rusiyanın 11 şəhərində keçiriləcək. İlk oyun “Lujniki” stadionunda ev sahibləri ilə Səudiyyə Ərəbistanı arasında baş tutacaq. ÇXR sədrinin xüsusi nümayəndəsi, Dövlət Şurası sədrinin müavini Sun Çunlanın çempionatın açılış mərasimində iştirak edəcəyi bildirilir.Rusiyada keçiriləcək dünya çempionatına vəsiqə qazana bilməyən Çin yığması yalnız bir dəfə - 2002-ci ildə bu turnirin final mərhələsində iştirak edib.xeber100.com

Velosiped idmanının BMX növü üzrə dünya çempionatı start götürüb

Bu gün Bakıda velosiped idmanının BMX növü üzrə dünya çempionatı start götürüb. Apasport.az saytının məlumatına görə, Veloparkda (Şıxov) keçirilən mötəbər yarışda 43 ölkənin 1500-dən artıq idmançısı mübarizə aparacaq.Proqrama əsasən saat 09:30-da çempionatın rəsmi açılış mərasimi təşkil olunub. Tədbirdə yarışın Təşkilat Komitəsinin sədri, baş nazirin I müavini Yaqub Eyyubov, gənclər və idman naziri Azad Rəhimov, Azərbaycan Velosiped İdmanı Federasiyasının vitse-prezidenti Sahib Ələkbərov, Milli Olimpiya Komitəsinin vitse-prezidenti Çingiz Hüseynzadə və digər rəsmi şəxslər iştirak ediblər.Mərasimi giriş sözü ilə açan Eyyubov belə mötəbər yarışların ölkəmizə həvalə edilməsinin səbəblərindən danışıb. O bildirib ki, beynəlxalq qurumların bizə etimadı Azərbaycanın gündən-günə çiçəklənməsinin və sürətli inkişafından irəli gəlir.Natiq indiyədək ölkəmizdə təşkil olunan mötəbər turnirlərdən, o cümlədən I Avropa Oyunları, IV İslam Həmrəyliyi Oyunlarına ev sahibliyimizdən söhbət açıb. Onun sözlərinə görə, bütün idman növlərinə qayğı ilə yanaşan cənab İlham Əliyevin təşəbbüsü ilə yaradılan Təşkilat Komitəsi bu dünya çempionatının da yüksək səviyyədə təşkilini təmin edəcək.Eyyubov çıxışını bitirdikdən sonra mundialı açıq elan edib.Ardınca “Challenge” kateqoriyasında yarışan kiçik yaşlı yeniyetmələrin mübarizəsinə start veriləcək.Qeyd edək ki, dünya çempionatında Azərbaycan 8 idmançı ilə təmsil olunacaq. “Challenge” kateqoriyasında yarışacaq velosipedçilərimizdən Xəyal İbrahimov, Soltan İsrafilov və Justinas Pavlovas mübarizəyə iyunun 6-da qoşulacaqlar.İyunun 7-də Orxan Məmmədov, Vüqar Nəsibov, Kənan Babayev və Yelmar Şahmarzadə çıxış edəcəklər. Elit kateqoriyasında yarışacaq Aqşin İsmayılov isə iyunun 8-də start xəttinə çıxacaq.xeber100.com