“Hueska” klubuna yeni baş məşqçi təyin olunub

Növbəti mövsümdən İspaniya La Liqasında mübarizə aparmaq hüququ qazanan “Hueska” klubuna yeni baş məşqçi təyin olunub. Debütant argentinalı Leo Frankoya tapşırılıb.Azərtac xəbər verir ki, bu barədə klubun mətbuat xidməti məlumat yayıb. Qırx bir yaşlı mütəxəssislə birillik müqavilə imzalanıb.Qeyd edək ki, bir vaxtlar Türkiyənin “Qalatasaray” klubunun da şərəfini qorumuş Leo Franko futbolçu karyerasını 2016-cı ildə məhz “Hueska”da başa vurub. “Hueska” hazırda İspaniya Birinci Divizionunda sona bir tur qalmış 75 xalla ikinci pillədə qərarlaşıb. Bu komandanı lider “Rayo Valyekano”dan cəmi 1 xal ayırır.xeber100.com  

“Böyük Moskva reqatası” yarışlarında…

Azərbaycan da daxil olmaqla səkkiz ölkədən 750-yə yaxın idmançı avarçəkmə üzrə “Böyük Moskva reqatası” yarışlarında iştirak etmək üçün müraciət ediblər.Yarışların baş hakimi Pavel Melnikov mətbuat konfransında deyib: “Builki reqatada səkkiz ölkə iştirak edəcək. Hələlik 750-yə yaxın idmançı bu tədbirdə iştirak etmək arzusunu bildirib. Bütün müraciətlər operativ şəkildə işlənilir. Ümidvaram ki, mübarizə gərgin olacaq, yarışların qalibi isə ədalətli və güzəştsiz şəkildə müəyyən olunacaq”.Azərtac xəbər verir ki, Rusiya Avarçəkmə İdmanı Federasiyasının prezidenti Aleksey Svirinin sözlərinə görə, təşkilatçılar bu reqatanın əvvəlki statusunu qaytarmaq üçün hər cür səy göstərəcəklər. O deyib: “Bu yarışlar beynəlxalq federasiyanın təqviminə daxildir. Ənənələrə hörmət əlaməti olaraq heç bir idmançı böyük Moskva reqatasına laqeyd qalmayıb. Hazırda bu turnir öz statusunu bir qədər itirib, lakin Rusiya və dünya miqyaslı reqatanın sovet dövründə qazandığı səviyyəyə yenidən çıxması üçün hər cür səy göstərəcəyik”.Xatırladaq ki, “Böyük Moskva reqatası” iyunun 1-dən 3-dək Moskvadakı “Krılatskoye” avarçəkmə kanalında keçiriləcək. Bu il reqatada Rusiya, Azərbaycan, Belarus, Latviya, Litva, Moldova, Estoniya və Ermənistan komandaları iştirak edəcəklər.xeber100.com

Həndbol Federasiyasının məlumatı

Bosniya və Herseqovinanın Tuzla şəhərində 2000-2001-ci il təvəllüdlü qızlar arasında keçirilən “Challenge Trophy” yarışında Azərbaycan yığması ilk oyununa çıxıb.Azərbaycan Həndbol Federasiyasından Azərtac-a bildirilib ki, meydan sahibləri ilə qarşılaşan yığmamız 34:16 hesabı ilə məğlub olub.Qrupun digər oyununda isə Lüksemburq həndbolçuları Böyük Britaniya təmsilçilərindən üstün olublar - 28:20."B" qrupunda yarışan Azərbaycan millisi mayın 30-da növbəti oyununu Lüksemburq kollektivinə qarşı keçirəcək. Bosniya və Herseqovina komandası isə Böyük Britaniya yığması ilə üz-üzə gələcək.Qeyd edək ki, "A" qrupunun komandaları arasında keçirilən görüşlərdə Belçika komandası Estoniya yığmasına 31:18, Moldova kollektivi Kipr təmsilçisinə 30:22 hesabı ilə qalib gəlib. Yarışın ikinci günü Kipr Estoniyanı, Belçika Moldovanı sınağa çəkəcək.xeber100.com

Atçılıq Federasiyası milli atçılıq festivalına start verəcək

Azərbaycan Xalq Cümhuriyyətinin yaradılmasının 100 illik yubileyi münasibətilə ölkəmizdə və onun hüdudlarından kənarda silsilə tədbirlər davam edir. Azərbaycan Respublikası Atçılıq Federasiyası (ARAF) da yubiley münasibətilə milli atçılıq festivalına start verəcək. İyunun 2-17-ni əhatə edəcək festival çərçivəsində bir neçə yerli və beynəlxalq turnirlər keçiriləcək.ARAF-dan Azərtac-a bildiriblər ki, əvvəlcə iyunun 2-də Binə Atçılıq Mərkəzində cıdır üzrə “100 illik yubiley kuboku” keçiriləcək. Kubok uğrunda yarışda 24 at və jokeyin iştirakı gözlənilir. Tədbiri izləyəcək qonaqlar ölkədə fəaliyyət göstərən atçılıq idman klublarının üzvlərinin iştirakı ilə parad izləmək imkanını da əldə edəcəklər. Cıdırın ümumi mükafat fondu 15 min manatdır.İyunun 5-də, 6-da, 7-də və 9-da isə Çövkən Milli Atüstü Oyunu üzrə “100 illik yubiley kuboku” turniri keçiriləcək. Turnirdə ümumilikdə səkkiz komanda iştirak edəcək. İyunun 5-də və 6-da keçiriləcək təsnifat mərhələlərindən sonra iyunun 7-də yarımfinal oyunları təşkil olunacaq. İyunun 9-da isə üçüncü yer uğrunda mübarizə və final oyunları ilə turnirə yekun vurulacaq. Yarışın ümumi mükafat fondu 50 min manat təşkil edəcək.Ondan sonra iyunun 8-də atçılığın konkur növü üzrə Heydər Əliyev Kuboku turniri keçiriləcək. “Elite Horse & Polo Club”un yaşıl arenasında keçiriləcək turnir iki kateqoriyadan ibarət olacaq. Yarışların ümumi mükafat fondu 34 min manatdır.İyunun 15-17-də isə Azərbaycan, Almaniya, İrlandiya və Hindistanı təmsil edən klubların iştirakı ilə artıq altıncı dəfə ölkəmizdə Arena Polo üzrə Dünya Kuboku yarışları keçiriləcək. Üç gün davam edəcək turnirdə ümumilikdə altı oyun olacaq. Azərbaycanı təmsil edən milli polo komandasının idmançılarından ibarət “Elite Horse & Polo Club” komandasının bu turnirə qatılması yarışları azarkeşlərimiz üçün xüsusilə maraqlı edəcək.Silsilə tədbirlərlə əlaqədar mayın 31-də saat 12:00-da “Elite Horse & Polo Club”da mətbuat konfransı və ziyafət təşkil olunacaq. Konfransda Milli Atçılıq Festivalı ilə bağlı bütün məlumatlar ictimaiyyətə ətraflı çatdırılacaq.xeber100.com

UEFA 2018-2019-cü il mövsümünün yeni kateqoriyalarını açıqlayıb

UEFA 2018-2019-cü il mövsümünün birinci yarısı üçün hakimlərin yeni kateqoriyalarını açıqlayıb.Azərtac AFFA-ya istinadla xəbər verir ki, indiyədək ikinci kateqoriyada yer alan FIFA referisi Əliyar Ağayev birinci kateqoriyaya daxil edilib.Əliyar Ağayev birinci kateqoriyaya daxil edilən ilk azərbaycanlı hakimdir.xeber100.com

XXVI respublika çempionatına yekun vurulub

Azərbaycan Kunq-Fu Federasiyasının təşkilatçılığı ilə “Sərhədçi” İdman Olimpiya Mərkəzində XXVI respublika çempionatına yekun vurulub.Azərtac xəbər verir ki, “Yaşasın Cümhuriyyət” devizi altında kadetlər, yeniyetmələr, gənclər və böyüklər arasında keçirilən yarışda respublikanın müxtəlif regionlarından 30 komandanın tərkibində 500-ə yaxın idmançı mübarizə aparıb.Yarışın rəsmi açılış mərasimində Gənclər və İdman Nazirliyinin idman şöbəsinin müdiri Fərid Mansurov, Kunq-Fu Federasiyanın prezidenti, polis kapitanı Nurlan Aslanov çıxış edərək idman sahəsində əldə edilən hər bir uğur və inkişafın bilavasitə Azərbaycan Prezidenti İlham Əliyevin apardığı mütərəqqi, qətiyyətli siyasi faktorlara əsaslandığını diqqətə çatdırıblar. Vurğulanıb ki, Azərbaycanın idman sahəsində əldə etdiyi uğurlar dünyanın bir çox ölkəsinə örnəkdir.Sonra yarışlara start verilib.“Sərhədçi” atletləri çempionatda daha yaxşı çıxış edərək böyüklər arasında kuboka sahib olublar. “Cəlilabad” komandasının yetirmələri gənclər, “Xocalı” klubunun təmsilçiləri isə yeniyetmələr arasında kuboku qazanıblar.Qaliblərə Gənclər və İdman Nazirliyinin diplomu, Kunq-Fu Federasiyasının xüsusi mükafatları təqdim olunub.xeber100.com

“Barselona” futbol klubu 2018-ci il dünya çempionatında

“Barselona” klubunun və Argentina yığmasının hücumçusu Lionel Messi 2018-ci ilin dünya çempionatında komandasının perspektivlərini qiymətləndirib.Azərtac xəbər verir ki, futbolçu deyib: “Mən “Barselona” ilə çempionluğu yığmanın heyətində çempionluğa dəyişərdim. Argentina yığması ilə bu titulu qazanmaq unikal hadisə olardı”.L.Messi daha sonra deyib: “Amma dünya çempionu ola biləcəyimiz, çünki yaxşıların yaxşısı olduğumuz barədə məlumatlar yaymaq lazım deyil. Reallıq başqadır.Qrupdakı rəqiblərimizə gəldikdə isə İslandiya sonuncu Avropa çempionatında göstərdi ki, hər hansı komanda üçün çətin opponentdir.Xorvatiya yığmasının yaxşı yarımmüdafiəçiləri var. Onlar İspaniya yığması tərzində, amma daha zəif oynayırlar. Nigeriyaya gəldikdə isə bu yığma bizə həmişə meydan oxuyub”.xeber100.com

Qazaxıstan millisi yoldaşlıq görüşü üçün heyətini açıqlayıb

Futbol üzrə Qazaxıstan millisi Azərbaycan yığması ilə keçirəcəyi yoldaşlıq görüşü üçün heyətini açıqlayıb.Azərtac xəbər verir ki, baş məşqçi Stanimir Stoilov oyuna 24 futbolçu dəvət edib.Heyətdə qapıçılar - Nenad Eriç ("Astana"), Vladimir Plotnikov ("Kayrat"), müdafiəçilər - Sergey Malıy, Yuri Loqvinenko, Dmitri Şomko, Yevgeni Postnikov, Abzal Baysebekov (hamısı "Astana), Qafurjan Suyumbayev, Stanislav Lunin, Yan Voroqovski, Nuralı Alip (hamısı "Kayrat"), yarımmüdafiəçilər - Serikjan Mujikov, Baxtiyor Zaynutdinov (hər ikisi "Astana"), Bauırjan İslamxan, Maqomed Paraqulqov, İslambek Kuat, Georgi Jukov (hamısı "Kayrat"), Maksim Fedin ("Tobol"), Yerkebulan Tunqışbayev ("Ordanbası"), hücumçular - Roman Murtazayev, Aleksey Şetkin (hər ikisi "Astana"), Vyaçeslav Şvıryov ("Kayrat"), Bauırjan Turısbek ("Tobol") və Yerkebulan Seydaxmet ("Ufa", Rusiya) yer alıblar.Qeyd edək ki, Qazaxıstan millisi iyunun 1-də Astanada toplaşacaq. Oyun isə iyunun 5-də “Astana Arena”da təşkil olunacaq. Görüş Bakı vaxtı ilə saat 18:00-da başlanacaq.xeber100.com

Pauerliftinq üzrə Avropa çempionatı keçirilib

Fransanın Berk-sur-Mer şəhərində paralimpiyaçı idmançılar arasında pauerliftinq üzrə Avropa çempionatı keçirilib.Azərtac xəbər verir ki, Azərbaycan Respublikası Milli Paralimpiya Komitəsinin pauerliftinq idman növü üzrə yığmasının üzvü Aytən Bağırova 52 kiloqramlıq nəticə ilə bürünc medal qazanıb.xeber100.com

Milli komandalar arasında yoldaşlıq oyunu keçiriləcək

Bu gün futbol üzrə Azərbaycan və Qırğızıstan milli komandaları arasında yoldaşlıq oyunu keçiriləcək.Azərtac xəbər verir ki, oyunu Türkiyədən olan hakimlər idarə edəcəklər. Yoldaşlıq oyununun baş hakimi Ali Palabıyık olacaq. Ona həmyerliləri Serkan Olguncan və İbrahim Çağlar Uyarcan kömək edəcəklər. Dördüncü hakim funksiyasını Alper Ulusoy yerinə yetirəcək.Azərbaycan-Qırğızıstan yoldaşlıq oyunu Bakı Olimpiya Stadionunda saat 20:00-da start götürəcək. Bu, millimizin baş məşqçi Qurban Qurbanovun rəhbərliyi altında dördüncü sınağı olacaq. O, qırğızlarla görüşədək Moldova və Makedoniya ilə heç-heçə etdiyi halda, Belarusa məğlubiyyətə üzülüb.Qeyd edək ki, millimiz Qırğızıstanla oyundan sonra iyunun 5-də Qazaxıstan, iyunun 9-da isə Latviya yığması ilə səfərdə yoldaşlıq oyunu keçirəcək.xeber100.com