PSJ futbol klubu ikiillik müqavilə imzalayıb

Tomas Tuxel Fransanın PSJ futbol klubunun baş məşqçisi təyin olunub.Azərtac klubun rəsmi saytına istinadla xəbər verir ki, Tomas Tuxellə ikiillik müqavilə imzalanıb. O, 2017/2018-ci il mövsümü başa çatdıqdan sonra Paris klubunda fəaliyyətə başlayacaq.PSJ-nin hazırkı baş məşqçisi Unai Emeri mövsümün sonunda klubdan ayrılacağını açıqlamışdı.Xatırladaq ki, Tuxel bundan əvvəl Almaniyanın “Maynts” və “Borussiya Dortmund” komandalarını çalışdırıb.“Sevinc, qürur və həvəslə PSJ kimi böyük bir kluba qoşuluram. Bundan sonra mən böyük oyunçularla işləyəcəyəm və onların hər biri dünyanın ən yaxşısıdır” - deyə Tomas bildirib.Tuxelin son klubu “Borussiya Dortmunt” olub. O, iki mövsüm çalışdırdığı klubla Almaniya kubokunu qazanıb.xeber100.com

Almaniya millisinin futbol üzrə heyəti açıqlanıb

Almaniya millisinin futbol üzrə dünya çempionatı üçün genişləndirilmiş heyəti açıqlanıb.Azərtac xəbər verir ki, 27 nəfərlik heyətdə zədə səbəbindən bütün mövsümü buraxan “Bavariya”nın qapıçısı Manuel Noyer də yer alıb.Heyətə qapıçılar - Bernd Leno ("Bayer"), Manuel Noyer (“Bavariya”), Mark-Andre ter Stegen (“Barselona”), Kevin Trapp (PSJ), müdafiəçilər - Jerom Boatenq, Mats Hummels, Niklas Zyule, Yozua Kimmix (hamısı "Bavariya"), Mattias Qinter ("Borussiya" Münhenqladbax), Yonas Hektor ("Köln"), Conatan Ta ("Bayer"), Marvin Plattenxardt ("Herta"), Antonio Rüdiqer ("Çelsi"), yarımmüdafiəçilər - Yulian Brandt ("Bayer"), Yulian Draksler (PSJ), İlkay Gündoğan ("Mançester Siti"), Sami Xedira ("Yuventus"), Toni Kroos ("Real"), Leon Qoretska, Sebastyan Rudi (hər ikisi "Bavariya"), Məsut Özil ("Arsenal"), hücumçular - Mario Qomes ("Ştutqart"), Marko Roys ("Borussiya" Dortmund), Lera Sane ("Mançester Siti"), Nils Petersen ("Frayburq"), Tomas Müller ("Bavariya") və Timo Verner ("Leyptsiq") daxil edilib.Almaniya millisi dünya çempionatının “F” qrupunda Meksika, İsveç və Koreya Respublikası yığmaları ilə qarşılaşacaq.Qeyd edək ki, yekun heyətə 23 futbolçunun adı daxil ediləcək.xeber100.com

UEFA Çempionlar Liqasının final oyunu 226 ölkədə yayımlanacaq

Mayın 26-da UEFA Çempionlar Liqasının Kiyevdə keçiriləcək final oyunu 226 ölkədə yayımlanacaq.Azərtac xəbər verir ki, “Liverpul” və “Real” komandaları arasında keçiriləcək həlledici oyun Olimpiya Stadionunda təşkil olunacaq.Məşhur niderlandlı DJ Hardwell final oyununda konsert proqramı ilə çıxış edəcək. Musiqiçi 2013-cü və 2014-cü illərdə DJ-lərin reytinq cədvəlində birinci pillədə qərarlaşıb. DJ Hardwell irimiqyaslı musiqi festivallarında iştirak edib.Daha öncə final oyununda məşhur britaniyalı müğənni Dua Lipanın iştirak edəcəyi bildirilirdi.Qeyd edək ki, Dua Lipa Formula 1 Azərbaycan Qran-Prisindən sonra “Baku Crystal Hall”da möhtəşəm konsert proqramı ilə çıxış edib.xeber100.com

Uruqvay millisinin genişləndirilmiş heyəti açıqlanıb

Uruqvay millisinin futbol üzrə dünya çempionatı üçün genişləndirilmiş heyəti açıqlanıb.Azərtac xəbər verir ki, baş məşqçi Oskar Vaşınqton 26 futbolçudan ibarət geniş heyəti açıqlayıb.Heyətdə qapıçılar - Fernando Muslera (“Qalatasaray”, Türkiyə), Martin Silva (“Vasco da Gama”, Braziliya), Martin Campaqna (“Independienta”, Argentina), müdafiəçilər - Dieqo Godin, Xose Mariya Ximenez (hamısı “Atletiko Madrid”, İspaniya), Sebastian Koates (“Sportinq”, Portuqaliya), Maksimiliano Pereyra (“Porto”, Portuqaliya), Qaston Silva (“Independienta”, Argentina), Martin Kaceres (“Lazio”, İtaliya), Qiliyermo Varela (“Penarol”, Uruqvay), yarımmüdafiəçilər - Naytan Nandes (“Boka Xuniors”, Argentina), Lukas Torreyra, Gaston Ramirez (hər ikisi – “Sampdoriya”, İtaliya), Matias Vesino (“Inter Milan”, İtaliya), Federiko Valverde (“Deportivo”, İspaniya), Rodriqo Bentankur (“Juventus”, İtaliya), Karlos Sancez, Jonatan Uretabeskaya (hər ikisi - “Monterey”, Meksika), Qeorqes de Araskaeta (“Kruzeiro”, Braziliya), Dieqo Laxalt (“Qenoya”, İtaliya), Khristian Rodriqez (“Penarol”, Uruqvay), Nikolas Lodeiro (“Ceate”, ABŞ), hücumçular - Kristian Stuani (“Girona”, İspaniya), Maksimiliano Gomez (“Selta Viqo”, İspaniya), Edison Kavani (“PSJ”, Fransa) və Luis Suarez (“Barselona”, İspaniya) yer alıblar.Qeyd edək ki, Uruqvay yığması Rusiyada keçiriləcək dünya çempionatında Rusiya, Səudiyyə Ərəbistan və Misir ilə eyni qrupda mübarizə aparacaq.xeber100.com

Futbol üzrə Azərbaycan Premyer Liqasında

Mayın 16-da AFFA-nın inzibati binasında futbol üzrə Azərbaycan Premyer Liqasında çıxış edən klubların məşqçiləri üçün “İnstat” şirkətinin nümayəndələrinin iştirakı ilə seminar təşkil olunub.Azərtac xəbər verir ki, Azərbaycan Premyer Liqasında çıxış edən futbolçuların ətraflı statistik göstəricilərinin əhəmiyyətini, həmçinin əksər klubların daha əvvəl də “İnstat” şirkəti ilə əməkdaşlığını nəzərə alaraq Azərbaycan Futbol Federasiyaları Assosiasiyası danışıqlardan sonra şirkətlə ikiillik müqavilə imzalayıb. Müqaviləyə əsasən, “İnstat” şirkəti növbəti iki mövsüm ərzində bütün milli komandaları, Premyer Liqa klublarını və AFFA-nın Gənclər Liqasını oyunların hesabatı, videoanaliz, statistika və fitness göstəricilərlə təmin edəcək.AFFA layihənin bütün xərclərinin ödənilməsini öz üzərinə götürüb.xeber100.com

Portuqaliya yığmasının ilkin heyəti açıqlanıb

Qadın voleybolçulardan ibarət Azərbaycan millisi ilə Qızıl Avropa Liqasının “A” qrupunda mübarizə aparacaq Portuqaliya yığmasının ilkin heyəti açıqlanıb.Azərtac xəbər verir ki, Portuqaliya millisinin baş məşqçisi Manuel Almeyda ilkin heyətdə Beatriş Baştu, Ana Foneşka, Daniela Lureyru, Joana Resende, Ana Koutu, Eliana Durau, Mariana Lopeş, Vanessa Rodriqeş, Eduarda Duarte, Nuria Lopeş da Silva, Karina Moura, Neuşa Netu, Alin Rodriqeş, Juliana Antuneş, Barbara Qomeş, Fabiola Qomeş, Ana Quveya, Marta Hurst, Yuliya Kovalenko, Patrisiya Leal, Maria Lopeş, Maria Mayyu və Ana Valeyə yer verib.Turnirin “A” qrupunda Azərbaycan və Portuqaliya yığmalarından başqa, Ukrayna və Bolqarıstan milliləri də mübarizə aparacaq.Qeyd edək ki, qrup qalibləri, həmçinin ən yaxşı ikinci yerin sahibi iyunun 14-15-də “Dördlər finalı”nda mübarizəni davam etdirəcək. “B” qrupunda Xorvatiya, Finlandiya, Macarıstan, Fransa, “C” qrupunda isə Slovakiya, Belarus, İspaniya və Çexiya milliləri yarışacaqlar.xeber100.com

Sambo üzrə Avropa çempionatı keçiriləcək

Mayın 17-dən 21-dək Yunanıstanın paytaxtı Afinada sambo üzrə Avropa çempionatı keçiriləcək.Azərtac xəbər verir ki, yarışda ölkəmizi Ağasif Səmədov (52 kq), Mehman Xəlilov (57 kq), Cavidan Qarayev (62 kq), Emil Həsənov (68 kq), Kamran Əsgərov (74 kq), Ceyhun Hüseynov (82 kq), Nizami Məmmədov (100 kq) və Vasif Səfərbəyov (100 kq-dan yuxarı) təmsil edəcəklər.Döyüş sambosu yarışlarında isə Ramil Vəliyev (74 kq) və Nəbi Məmmədov (100 kq) birincilik uğrunda mübarizə aparacaqlar.Millimiz çempionatda Azərbaycan Sambo Federasiyasının prezidenti Ceyhun Məmmədovun rəhbərliyi altında yarışacaq.xeber100.com  

Türkiyə Superliqasının 33-cü turunun sonuncu oyununda

Futbol üzrə Türkiyə Superliqasının 33-cü turunun sonuncu oyununda “Fənərbağça” səfərdə “Karabükspor” ilə qarşılaşıb.Azərtac xəbər verir ki, “Fənərbağça” çempionluq uğrunda mübarizədə böyük əhəmiyyət kəsb edən vacib üç xalı rəqib qapısından keçirdiyi 7 cavabsız qol sayəsində təmin edib. Matç İstanbul təmsilçisinin 7:0 hesablı qələbəsi ilə başa çatıb.“Fənərbağça” matçın ikinci dəqiqəsində hesabı açıb. Meydan sahiblərinin heyətində Anton Kravçenko topu öz qapısına vurub – 1:0. Görüşün 20-ci və 29-cu dəqiqələrində “Fənərbağça”nın futbolçusu Fernandao dubla imza atıb. 38-ci dəqiqədə Aatif Çaheçoue hesab arasındakı fərqi artırıb - 4:0. İlk hissə bu hesabla başa çatıb.Fasilədən sonra “Fənərbağça” daha üç qol vuraraq “Karabükspor”un darmadağınını rəsmiləşdirib. Oyunun 47-ci dəqiqəsində Roberto Soldado, 77-ci dəqiqədə Nabil Dirar, 90-cı dəqiqədə isə Vinsent Yanssen adlarını tabloya yazdırıblar – 7:0.Bu qələbədən sonra “Fənərbağça” xallarının sayını 69-a çatdıraraq ikinci pillədəki yerini qoruyub. Çempionatın lideri “Qalatasaray” ilə “Fənərbağça”nın arasında üç xallıq fərq var. “Fənərbağça” ilə eyni xala malik “Başakşəhər” üçüncü, hesabında 68 xal olan “Beşiktaş” dördüncüdür.Tur çərçivəsində ötən gün keçirilmiş digər görüşdə “Beşiktaş” komandası səfərdə “Osmanlıspor”u 3:2 hesabı ilə məğlub edib.Türkiyə Superliqasının sonuncu - 34-cü turu gələn həftə oynanılacaq və çempion müəyyənləşəcək. “Beşiktaş” komandasının çempion olmaq şansı qalmayıb. Çempionluğun bir addımlığında olan “Qalatasaray”la yanaşı, “Fənərbağça” və “Başakşehir”in də Superliqada ilk sırada olmaq şansları davam edir.Mayın 20-də keçiriləcək və maraqla gözlənilən qarşılaşmalardan “Qalatasaray” səfərdə “Göztəpə”, “Fənərbağça” doğma meydanda “Konyaspor” ilə üz-üzə gələcək. “Başakşəhər” isə “Kasımpaşa”nı qəbul edəcək.xeber100.com

Sambo üzrə Avropa çempionatı keçiriləcək

Mayın 18-20-də Yunanıstanın paytaxtı Afinada sambo üzrə Avropa çempionatı keçiriləcək.Azərtac xəbər verir ki, “Ano Liosiya” idman kompleksində keçiriləcək çempionatda 30 ölkəni təmsil edən 300 idmançı mübarizə aparacaq.Yarışda Azərbaycan milli komandasının da iştirakı nəzərdə tutulur.Yunanıstan bu yarışlarda 15 idmançı ilə təmsil olunacaq.Sambo üzrə Avropa çempionatları 1972-ci ildən keçirilir. Yunanıstan, Çexiya, Belarus, Litva, Bolqarıstan, Rusiya, Serbiya, Böyük Britaniya və Avropanın digər ölkələri mütəmadi olaraq sambo çempionatlarına ev sahibliyi edirlər.xeber100.com

Argentina millisinin ilkin heyəti açıqlanıb

Futbol üzrə Argentina millisinin dünya çempionatı üçün ilkin heyəti açıqlanıb. Baş məşqçi Xorxe Sampaoli 35 oyunçuya dəvət yollayıb.Azərtac xəbər verir ki, heyətdə qapıçılar - Serxio Romero (“Mançester Yunayted”), Nauel Qusman (“Tiqres”), Villi Kabalyero (“Çelsi”), Franko Armani (“River Pleyt”), müdafiəçilər - Markos Roxo (“Mançester Yunayted”), Herman Petselya (“Betis”), Kristian Ansaldi (“Torino”), Ramiro Funes Mori (“Everton”), Federiko Fazio (“Roma”), Nikolas Otamendi (“Mançester Siti”), Markos Akunya (“Sportinq”), Eduardo Salvio (“Benfika”), Nikolas Talyafiko (“Ayaks”), Qabriel Merkado (“Sevilya”), yarımmüdafiəçilər - Pablo Peres (“Boka Xuniors”), Adrian Senturion (“Rasinq”), Maksimiliano Mesa (“İndependiente”), Qido Pisarro (“Sevilya”), Enzo Peres (“River Pleyt”), Rodriqo Battalya (“Sportinq”), Xavier Masçerano (“Xebey Çayna Forçun”), Leandro Parades (“Zenit”), Manuel Lanzini (“Vest Hem”), Covanni Lo Selso, Anxel Di Mariya (hər ikisi PSJ), Lukas Bilya (“Milan”), Ever Baneqa (“Sevilya”), hücumçular - Qonzalo İquayn, Pablo Dibala (hər ikisi “Yuventus”), Lionel Messi (“Barselona”), Serxio Aquero (“Mançester Siti”), Dieqo Perotti (“Roma”), Kristian Pavon (“Boka Xuniors”), Lautaro Martinez (“Rasinq Avelyaneda”) və Mauro İkardi (“İnter”) yer alıblar.Qeyd edək ki, Argentina yığması Rusiyada keçiriləcək dünya çempionatında İslandiya, Nigeriya və Xorvatiya ilə eyni qrupda mübarizə aparacaq.xeber100.com