“Manchester Yunayted” klubunun qapıçısı mükafata layiq görülüb

“Manchester Yunayted” klubunun qapıçısı David De Xeya karyerasında ilk dəfə “Qızıl əlcək” mükafatına layiq görülüb.Azərtac xəbər verir ki, “Qırmızı şeytanlar”ın ispaniyalı qolkiperi mövsüm ərzində 18 oyunda qapısını toxunulmaz saxlamağı bacarıb.Onun ən yaxın izləyicisi “Mançester Siti”nin braziliyalı qapıçısı Edersondur. O, 16 oyunda qoruduğu qapıdan top buraxmayıb.xeber100.com

Həndbol üzrə beynəlxalq turnirə start verilib

Bakıda həndbol üzrə beynəlxalq turnirə start verilib.Azərbaycan Həndbol Federasiyasından Azərtac-a bildiriblər ki, yarışda Azərbaycan və Gürcüstanın kişi həndbol komandaları mübarizə aparırlar. Ölkəmizi turnirdə “Bakı” və “Məhsul” kollektivləri təmsil edir. Həndbolçularımızın rəqibləri isə Gürcüstanın U-20 və “Batumi” komandalarıdır."Bakı" komandası Gürcüstanın U-20 kollektivini 36:34, "Məhsul" isə "Batumi"ni 37:28 hesabı ilə məğlub edib.Bu gün "Batumi" həndbolçuları nominal ev sahibi kimi "Bakı"nı, Gürcüstanın U-20 komandası isə "Məhsul"u qəbul edəcək.Turnirə mayın 11-də yekun vurulacaq.xeber100.com

İspaniya Çempionatında 36-ci turun oyunları keçirilib

Futbol üzrə İspaniya Çempionatının 36-ci turun oyunları keçirilib.Azərtac xəbər verir ki, günün ilk qarşılaşması "Nou Kamp" stadionunda keçirilib. Vaxtından əvvəl çempion olmuş "Barselona" altıncı yerdə qərarlaşan "Villyareal"ı qəbul edib. Hesabı meydan sahibləri erkən qolla açıb. Oyunun 11-ci dəqiqəsində Filip Koutinyo fərqlənib - 1:0. Dörd dəqiqə sonra Paulinyo hesabı artırıb - 2:0. Birinci hissənin axırıncı dəqiqəsində Leo Messi hesab arasındakı fərqi üç topa çatdırıb - 3:0. Birinci hissə bu hesabla başa çatıb.Fasilədən sonra qonaqlar qollardan birinin əvəzin çıxıblar. N.Sansone adını tabloya yazdırıb - 3:1. Oyunda son nöqtəni Osman Dembele (87,90) qoyub - 5:1. Beləliklə "katalonya"lılar 5:1 hesabı ilə qələbə qazanıb.Digər görüşdə "Real Madrid" klubu "Sevilya"nın qonağı olub. Matçın 26-ci dəqiqəsində meydan sahibləri hesabı Ben Yaderin sayəsində açıblar - 1:0. Birinci hissənin əlavə olunmuş birinci dəqiqəsində Latın fərqlənərək hesabı artırıb - 2:0. Birinci hissə bu hesabla başa çatıb.Oyunun əsas vaxtına altı dəqiqə qalmış üç qol vurulub. Meydan sahiblərinin heyətində Serxiyo Ramosun avtoqolu, qonaqların isə heyətində Borja Mayoral və 11 metrlik cərimə zərbəsindən Serxiyo Ramos fərqlənərək oyunda son nöqtəni qoydular - 3:2.Qeyd edək ki, matçın 58-ci dəqiqəsində madridlilərin kapitanı Serxiyo Ramos 11 metrlik cərimə zərbəsini yerinə yetirə bilməyib.xeber100.com

“Yuventus” klubu ilə “Milan” üz-üzə qəliblər

İtaliyanın paytaxtı Romanın "Olimpiko" stadionunda ölkə kubokunun final oyunu keçirilib.Azərtac xəbər verir ki, İtaliyanın iki nəhəng klubu "Yuventus" və "Milan" üz-üzə qəliblər. Qarşılıqlı hücumlar şəraitində keçən birinci hissədə qapılara qol vurulmayıb.İkinci hissənin 56-ci dəqiqəsində üstünlüyü ələ alan "Yuventus" klubu künc zərbəsindən sonra Benatiyanın sayəsində hesabı açıb - 1:0. Bundan beş dəqiqə sonra Duqlas Kosta hesabı artırıb - 2:0. Matçın 64-ci dəqiqəsində Benatiya özünün ikinci komandanın üçüncü qolunu vurub - 3:0. Oyunda son nöqtəni "Yuventus"un künc zərbəsindən sonra avtoqola imza atan Kaliniç qoyub - 4:0. Beləliklə "Yuventus" 4:0 hesabı ilə qələbə qazanaraq tarixində 13-cü kubokuna sahib olub.xeber100.com

Çimərlik voleybolu üzrə turnir keçirilib

Pirşağıdakı “Həyat” İstirahət Mərkəzində çimərlik voleybolu üzrə turnir keçirilib.Azərtac xəbər verir ki, Olimpiya sistemi üzrə keçirilən yarışda 20 kişi, 11 qadın komandası qüvvəsini sınayıb.Xanımların mübarizəsində “İl Azero” çempion tituluna yiyələnib. Kəmalə Əsgərova və Lyubov Qaluşkodan ibarət cütlük həlledici görüşdə Səbinə və Kameyla Mustafayevalardan ibarət “Sofi”yə qalib gəlib. İlk üçlüyü AVF (Dünya Vəliyeva və Fidan Ağaməmmədova) qapayıb.Kişi voleybolçuların oyunu daha gərgin alınıb. Yarışda əsas yığmamızın üzvləri Pərviz Səmədov və Tural Həsənlidən ibarət “Taleh-1” bütün rəqiblərindən güclü olub. İkinci yeri “Sərhədçi” (Cavid Süleymanov və Aqil Ağayev), üçüncü pilləni isə “Taleh-2” (Purya Yazdenpenah və Asif Əliyev) tutub.xeber100.com  

Cüdo üzrə Avropa kuboku yarışları keçiriləcək

Mayın 12-13-də Rusiyanın Orenburq şəhərində cüdo üzrə Avropa kuboku yarışları keçiriləcək.Azərtac xəbər verir ki, yarışda ölkəmizi 10 cüdoçu təmsil edəcək.Millimizin heyətində Mehman Sadıqov, Kəramət Hüseynov, Oruc Vəlizadə, Tofiq Məmmədov (hamısı 60 kq), İlkin Babazadə (66 kq), Telman Vəliyev (73 kq), Fəqan Quluzadə, Naim Hüseynov (hər ikisi 81 kq), Abdulhəqq Rəsullu (90 kq) və Cəlil Şükürov (100 kq-dan yuxarı) birincilik uğrunda mübarizə aparacaqlar.Turnirdə 16 ölkədən 300-dən artıq cüdoçu tatami üzərinə çıxacaq.xeber100.com

İngiltərə Premyer Liqasının 37-ci turunda

“Arsenal” İngiltərə Premyer Liqasının 37-ci turunda səfərdə “Lester Siti”ya 3:1 hesabı ilə məğlub olub.Azərtac xəbər verir ki, oyunda hesab 14-ci dəqiqədə açılıb. İxenaco fərqlənib - 1:0. Qarşılaşmanın 15-ci dəqiqəsində kobud oyuna görə qonaqların heyətində Mavropanos oyundan kənarlaşdırılıb. Birinci hissə bu hesabla başa çatıb.Fasilədən sonra 53-cü dəqiqədə Obameyang hesaba tarazlıq gətirib - 1:1. Matçın 76-ci dəqiqəsində Vardı hakimin təyin etdiyi 11 metirlik cərimə zərbəsini dəqiq yerinə yetirib - 2:1. Oyunda son nöqtəni Riyad Mahrez qoyub - 3:1. Beləliklə “Lester Siti” 3:1 hesabı ilə qələbə qazanıb.Digər oyunlarda "Tottenxem" "Nyukasl"ı 1:0, "Mançester Siti" isə "Brayton"u 3:1 hesabı ilə məğlub edib. "Çelsi" isə "Haddesfild"lə 1:1 heç-heçə edib.xeber100.com

Azərbaycan yığması ilk yoxlama oyununu keçirib

Sloveniyada Qızıl Avropa Liqasına hazırlaşan qadın voleybolçulardan ibarət Azərbaycan yığması ilk yoxlama oyununu keçirib.Azərtac xəbər verir ki, Faiq Qarayevin yetirmələri Avstriya yığması ilə qarşılaşıblar. Görüş Azərbaycan yığmasının 4:1 (25:15, 25:22, 25:20, 25:17, 10:15) hesablı qələbəsi ilə başa çatıb.Qeyd edək ki, mayın 16-dək Mariborda təlim-məşq toplanışında olacaq Azərbaycan millisinin Sloveniya, Slovakiya və Xorvatiya ilə yoxlama oyunları da nəzərdə tutulub.xeber100.com

Argentina çempionatının 26-cı turunda…

Argentinanın “Boka Xuniors” futbol klubu çempionatın başa çatmasına bir tur qalmış 33-cü dəfə ölkə çempionu olub.Azərtac xəbər verir ki, klub ölkə çempionatının 26-cı turunda “Buenos Ayres” - “Ximnasiya” matçının heç-heçə (2:2) yekunlaşmasından sonra rəqibləri üçün əlçatmaz olub və çempionluğunu bayram edib. Bu, “Boka Xuniors”un ardıcıl ikinci, ümumilikdə isə 33-cü çempionluğudur.Qeyd edək ki, Argentina klubları arasında çempion adını ən çox “River Pleyt” komandası (36 dəfə) qazanıb.xeber100.com

Stend atıcılığı üzrə Beynəlxalq Qran-pri yarışları davam edir

Qəbələ rayonunun Bum qəsəbəsindəki Stend və Ox Atıcılığı Kompleksində stend atıcılığı üzrə Beynəlxalq Qran-pri yarışları davam edir.Apa-nın yerli bürosunun xəbərinə görə, mayın 9-da qadın və kişilər arasında səngər stend yarışlarının ilk təsnifat mərhələsi keçirilib.Bu yarışda 8 ölkədən 33 idmançı 125 hədəfdən 75-nə atəş açıb. Dünyanın tanınmış atıcısı olan rusiyalı olimpiya çempionu Aleksey Alipov 75 hədəfin hamısını uğurla vuraraq turnir cədvəlində birinci olub. Hazırda xal hesabına görə öndə olan 6 idmançıdan 3-ü Rusiya, biri İran, ikisi Azərbaycanı təmsil edir. Tamerlan Məmmədov 71 xalla 2-ci, Əli Hüseynli 70 xalla 4-cü sıradadır.Qadınların yarışında isə Ukrayna atıcısı Alyona Axotska 75 hədəfdən 68-ni vuraraq turnir cədvəlində birinci yerdə qərarlaşıb. Bu yarışda Azərbaycan atıcısı Aydan Camalova və rusiyalı Nataliya Zvyaqintseva 67 xalla 2-ci sıradadır.Mayın 10-da bu yarışların ikinci mərhələsi üzrə daha 50 hədəfə atəş açılacaq və finalçılar məlum olacaq. Həmin gün eyni zamanda dairəvi stend atıcılığı üzrə idmançıların məşq prosesi olacaq.Qeyd edək ki, “Qəbələ” Atıcılıq Klubunun təşkilatçılığı, Azərbaycan Atıcılıq Federasiyasının, Gənclər və İdman Nazirliyinin dəstəyi ilə keçirilən yarışlarda Azərbaycan, Türkiyə, Gürcüstan, Ukrayna, Özbəkistan, Rusiya, İran, BƏƏ və Bəhreyndən 70 idmançı iştirak edir. Azərbaycanı bu mötəbər yarışda 26 idmançı təmsil edir. Səngər stend yarışlarında 3, dairəvi stend yarışlarında isə 4 gənc idmançımız iştirak edir. Beynəlxalq Qran-pri yarışlarında dünyanın tanınmış idmançıları ilə birgə bizim gənc atıcıların da yarışması onların yaxşı təcrübə toplamasına imkan yaradır.Mayın 12-dək davam edəcək mötəbər yarışda idmançılar 6 dəst medal uğrunda mübarizə aparacaqlar. Atıcılığın səngər və dairəvi stend növləri üzrə keçirilən bu yarışda gənclər, kişilər və qadınlar mükafatlar uğrunda mübarizə aparır. Yarışın rəsmi açılış mərasimi mayın 10-da olacaq.xeber100.com