BƏƏ çempionatının ikinci divizionunda…

Birləşmiş Ərəb Əmirliklərinin “Əl-Füceyrə” futbol komandasının baş məşqçisi, dünya futbolunun əfsanəsi Dieqo Armando Maradona istefaya getdiyini elan edib.Apa-nın BBC-yə istinadən verdiyi xəbərə görə, buna səbəb argentinalı mütəxəssisin rəhbərliyi altında komandanın uğursuz çıxış etməsi olub.BƏƏ çempionatının ikinci divizionunda çıxış edən “Əl-Füceyrə” yüksək liqaya vəsiqə qazana bilməyib.Qeyd edək ki, Maradona 2017-ci ilin mayında baş məşqçi vəzifəsinə təyin edilmişdi.xeber100.com

UEFA Avropa Liqasının yarımfinal mərhələsinin ilk oyunları keçirilib

Aprelin 26-da UEFA Avropa Liqasının yarımfinal mərhələsinin ilk oyunları keçirilib.Azərtac xəbər verir ki, bu mərhələnin daha maraqla gözlənilən matçı Londonda “Arsenal” ilə “Atletiko” klubları arasında oynanılıb.Oyunun birinci hissəsi gərgin idman mübarizə şəraitində keçsə də, hesab açılmayıb, lakin maraqlı hadisələrlə yadda qalıb. Matçın 10-cu dəqiqəsində isə “Atletiko”nun futbolçusu Vrsaljko meydandan qovulub. Bir qədər sonra isə hakimə kəskin etiraz etdiyinə görə qonaqların baş məşqçisi Simeone texniki zonadan uzaqlaşdırılıb.Oyunda hesab 61-ci dəqiqədə açılıb. “Arsenal”ın fransalı hücumçusu Aleksandr Lakazet başla topu rəqib qapısından keçirib - 1:0. Qoldan sonra meydan sahiblərinin hesabı artırmaq üçün bir sıra imkanları olsa da, bunlardan yararlana bilməyiblər. Əvəzində isə daha çox əks-hücumlara üstünlük verən ispanlar oyunun bitməsinə səkkiz dəqiqə qalmış istəklərinə çatıblar. Antuan Qrizman adını tabloya yazdırıb - 1:1.Beləliklə, görüş heç-heçə başa çatıb.Yarımfinal mərhələsinin digər oyunu isə Fransada keçirilib. “Marsel” klubu Avstriyanın “Zalsburq” kollektivini qəbul edib və 2:0 hesabı ilə qələbə qazanıb. Meydan sahiblərinin heyətində Florian Tauvən və Klinton NJie fərqləniblər.Yarımfinal mərhələsinin cavab oyunları mayın 3-də keçiriləcək.xeber100.com

“Shamkir Chess 2018” də yeddinci turun görüşləri keçirilib

Aprelin 26-da Şəmkirdə V Vüqar Həşimov Memorialında yeddinci turun görüşləri keçirilib.Azərtac xəbər verir ki, bu turda norveçli Maqnus Karlsen Bolqarıstan təmsilçisi Veselin Topalova, çinli Dinq Liren isə Çexiya şahmatçısı David Navaraya qalib gəlib.Turun digər partiyalarında Şəhriyar Məmmədyarov Teymur Rəcəbovla, Rauf Məmmədov hollandiyalı Aniş Giri ilə, polşalı zəka sahibi Radoslav Voytaşek isə rusiyalı Sergey Karyakinlə heç-heçə edib.Bu nəticələrdən sonra hesabında 4,5 xal olan M.Karlsen birinci pilləyə yüksəlib. V.Topalov, L.Dinq və A.Giri 4 xalla 2-4-cü pillələri bölüşürlər. T.Rəcəbov, R.Məmmədov, S.Karyakin 3,5 xalla 5-7-ci, Ş.Məmmədyarov və R.Voytaşek 3 xalla 8-9-cu pillələrdə qərarlaşıblar. D.Navara isə 2 xalla sonuncudur.xeber100.com

Cüdo üzrə Avropa çempionatına start verilib

İsrailin Təl-Əviv şəhərində keçirilən cüdo üzrə Avropa çempionatına start verilib.Azərtac xəbər verir ki, yarışın ilk günü cüdoçularımızdan ən yaxşı nəticəni 66 kq çəki dərəcəsində mübarizə aparan Orxan Səfərov göstərib. Xorvatiya, İsrail, Portuqaliya təmsilçilərinə qalib gələn O.Səfərov yarımfinalda Sloveniya, 3-cü yer uğrunda görüşdə isə Belarus cüdoçusuna uduzaraq 5-ci yeri tutub. Bu çəkidə yarışan digər idmançımız Nicat Şıxəlizadə isə qitə çempionatında 7-ci yerdə qərarlaşıb.Yarışın ilk günündə mübarizə aparan qadın cüdoçularımız isə ilkin mərhələdə rəqiblərinə məğlub olublar.Digər çəki dərəcələrində yarışan idmançılarımız görüşlərini aprelin 27-si və 28-də keçirəcəklər.xeber100.com

Türkiyə kubokunun yarımfinal matçında…

Türkiyə kubokunun yarımfinal matçında düşən dava səbəbindən yarımçıq dayandırılan “Fənərbaxça”-“Beşiktaş” matçının mayın 3-də 57-ci dəqiqədən etibarən davam etdirilməsi planlaşdırılırdı.Azərtac xəbər verir ki, “Beşiktaş” bu qərara etiraz olaraq matça çıxmayacağını açıqlayıb.Qeyd edək ki, həmin matçda tribunadan atılan yad əşya “Beşiktaş”ın baş məşqçisinin başını yarmış və xəstəxanaya yerləşdirilmişdi.xeber100.com

Bədii gimnastika üzrə Dünya Kuboku yarışına start verilib

Aprelin 27-də Bakıda, Milli Gimnastika Arenasında bədii gimnastika üzrə Dünya Kuboku yarışına start verilib.Azərtac xəbər verir ki, Dünya Kuboku yarışında ilk olaraq çoxnövçülük (halqa və top) üzrə fərdi yarışlarda mübarizə aparan gimnastlar məharətlərini göstərirlər. Azərbaycanı fərdi yarışlarda “A” qrupunda Zöhrə Ağamirova və Veronika Hudis təmsil edirlər.Azərbaycan paytaxtında altıncı dəfə təşkil edilən turnirdə 26 ölkədən 127 gimnast mübarizə aparır. Onlardan 44-ü fərdi proqramda, 83-ü isə qrup komandalarının tərkibində çıxış edəcək.Yarışların ilk iki günündə fərdi gimnastlar və qrup hərəkətləri komandaları təsnifat mərhələsində güclərini sınayacaqlar. Bu mərhələnin nəticəsindən asılı olaraq, hər iki proqram üzrə çoxnövçülükdə qaliblərin və ayrı-ayrı alətlər üzrə finala vəsiqə qazanmış gimnastların adları müəyyənləşəcək.Yarışların sonuncu günündə keçiriləcək final mərhələsində isə ən güclü 8 fərdi gimnast və 8 qrup hərəkətləri komandası birincilik uğrunda mübarizə aparacaq.Turnirdə, həmçinin ən yüksək icra xalını toplayan gimnast və qrup komandasına ənənəvi “AGF Trophy” Kuboku təqdim olunacaq.Azərbaycanı turnirdə 7 gimnast - Ayşən Bayramova, Diana Doman, Zeynəb Hümmətova, Aliyə Paşayeva, Siyana Vasileva, Zöhrə Ağamirova, Veronika Hudis təmsil edəcəklər.Yarışın açılış mərasimi saat 17:30-da keçiriləcək.Turnir aprelin 29-dək davam edəcək.xeber100.com

Topaz Premyer Liqasının XXV turuna start veriləcək

Aprelin 27-də futbol üzrə Topaz Premyer Liqasının XXV turuna start veriləcək.Azərtac xəbər verir ki, turun açılış matçında son altı ev oyununda xal qazana bilməyən “Zirə” çempionluğu təmin etmiş “Qarabağ”ı qəbul edəcək. “Zirə” idman kompleksinin stadionunda təşkil ediləcək qarşılaşmanın baş hakimi Rauf Cabbarov olacaq. Oyun saat 19:00-da başlayacaq.Turun digər matçları aprelin 28-də və 29-da oynanılacaq. “Qəbələ” klubu öz meydanında Gəncənin “Kəpəz” kollektivini qəbul edəcək. Digər oyunda paytaxt təmsilçiləri “Keşlə” və “Neftçi üz-üzə gələcəklər. Tura aprelin 29-da “Sumqayıt”-“Səbail” oyunları ilə yekun vurulacaq.xeber100.com

Formula 1 Azərbaycan Qran-Prisinin yürüşü başlayıb

Aprelin 27-də saat 13:00-da Formula 1 Azərbaycan Qran-Prisinin birinci sərbəst yürüşü başlayıb.Azərtac xəbər verir ki, yürüşə hər biri iki pilotdan ibarət 10 komanda qatılıb.“Mercedes” komandasının heyətində Luis Hamilton və Valtteri Bottas, “Ferrari”də Sebastian Fettel, Kimi Raykonnen, “Williams”ın heyətində Sergey Sirotkin və Lans Stroll yarışırlar. “Red Bull Racing” komandasında Daniel Rikkardo, Maks Ferstappen, “Force India”da Eseteban Okon və Serxio Peres, “Renault”da isə Niko Hulkenberq ilə Karlos Sainz mübarizə aparırlar. Bundan başqa, “Toro Rosso”nun heyətində Brendon Hartli və Pyer Qasli, “Sauber”də Markus Eriksson, Çarles Lekler, “McLaren”də Fernando Alonso və Stoffel Vandurn yürüşdə iştirak edirlər. Pilotlar Roman Qrojan və Kevin Maqnussen isə “Haas” komandalarının idman şərəfini qoruyurlar.Yürüş iştirakçıları 1,5 saat ərzində 6 kilometrlik Bakı trekində yarışacaqlar. İkinci sərbəst yürüşə saat 17:00-da start veriləcək.Aprelin 28-də pilotların düzülüşünü müəyyən edəcək yarış keçiriləcək. Aprelin 29-da isə Formula 1 azarkeşləri Azərbaycan Qran-Prisində qalib adı uğrunda mübarizənin şahidi olacaqlar.xeber100.com

“Shamkir Chess 2018” də altıncı turun görüşləri keçirilib

Aprelin 25-də Şəmkirdə V Vüqar Həşimov Memorialında altıncı turun görüşləri keçirilib.Azərtac xəbər verir ki, bu turda Hollandiya təmsilçisi Aniş Giri çexiyalı David Navaraya qalib gəlib.Turun digər partiyalarında Şəhriyar Məmmədyarov çinli Dinq Lirenlə, Teymur Rəcəbov Polşa idmançısı Radoslav Voytaşeklə, Rauf Məmmədov bolqarıstanlı Veselin Topalovla, rusiyalı Sergey Karyakin isə norveçli Maqnus Karlsenlə heç-heçə edib.Hesabında 4 xal olan V.Topalov liderliyini davam etdirir. M.Karlsen və A.Giri 3,5 xalla 2-3-cü yerdə qərarlaşıblar. T.Rəcəbov, R.Məmmədov, D.Liren, S.Karyakin 3 xalla 4-7-ci, Ş.Məmmədyarov və R.Voytaşek 2,5 xalla 8-9-cu pilləni bölüşürlər. D.Navara isə 2 xalla sonuncudur.xeber100.com

Sərbəst güləş üzrə respublika birinciliyi keçirilib

“Təhsil” Respublika İdman Mərkəzi sərbəst güləş üzrə respublika birinciliyi keçirib.Təhsil Nazirliyindən Azərtac-a bildiriblər ki, birinciliyin keçirilməsində məqsəd uşaqlar arasında sərbəst güləş idman növünü təbliğ etmək, perspektivli güləşçiləri üzə çıxarıb yaş qrupları üzrə yığma komandalara cəlb etmək və idmançılar arasında dostluq əlaqələrini yaratmaqdan ibarət olub.Qusar Olimpiya İdman Kompleksində təşkil edilən birinciliyə Təhsil Nazirliyinin tabeliyində olan idman məktəblərindən 40 komanda, 480 idmançı qatılıb.Gərgin mübarizə şəraitində keçən yarışda 9-11 yaşlı güləşçilər arasında birinci yeri “Təhsil” Respublika İdman Mərkəzinin (RİM) 1 nömrəli Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbinin (RİOEUGİM), ikinci yeri “Təhsil” RİM-in Lənkəran Uşaq-Gənclər İdman Məktəbinin, üçüncü yeri “Təhsil” RİM-in 5 nömrəli RİOEUGİM-in komandaları tutub. 12-14 yaşlı idmançılar arasında isə birinci yerə “Təhsil” RİM-in Gəncə şəhər 1 nömrəli UGİM-in, ikinci yerə “Təhsil” RİM-in 5 nömrəli RİOEUGİM-in, üçüncü yerə isə “Təhsil” RİM-in 1 nömrəli RİOEUGİM-in komandaları layiq görülüb.Qaliblər kubok və diplomlarla təltif ediliblər.xeber100.com