Futbolçular arasında yarımfinal oyunları keçirilib

İtaliyada keçirilən 13 yaşadək futbolçular arasında Qallini dünya kubokunda yarımfinal oyunları keçirilib.Azərtac xəbər verir ki, ardıcıl 5 qələbə ilə bu mərhələyə yüksələn “Qəbələ” İngiltərənin “Uimbldon” klubunun müvafiq yaş qrupundan ibarət komandası ilə görüşüb. Qarşılaşma 1:1 hesabı ilə başa çatıb. “Qırmızı-qaralar”ın qoluna Elmir Hüseynli imza atıb. Finalçının adına penaltilər seriyası aydınlıq gətirib. Zərbələri daha dəqiq yerinə yetirən ingiltərəlilər 5:4 hesablı qələbə qazanıblar.“Qəbələ” aprelin 2-də keçiriləcək 3-cü yer uğrunda oyunda Sloveniyanın “Bravo” komandası ilə üz-üzə gələcək. Yarışın qalibi adı uğrunda matçda isə “Uimbldon” və İtaliya “Udineze”si mübarizə aparacaq.xeber100.com

VI Beynəlxalq “Bahar kuboku – 2018” turniri keçirilib

Budapeştdə bədii gimnastika üzrə VI Beynəlxalq “Bahar kuboku - 2018” turniri keçirilib.Turnirdə 17 ölkədən 43 idman klubunun heyətində 380 gimnast mübarizə aparıb.Həmyerlimiz yeddi yaşlı Mina Abbasova çoxnövçülük yarışında yalnız ukraynalı rəqibindən geri qalaraq ikinci yeri tutub. O, həmçinin alətsiz və halqa ilə hərəkətlərdə də ikinci pillədə qərarlaşıb. Beləliklə, Mina Abbasova turnirdə üç gümüş medal qazanmağa müvəffəq olub.Yarışın qalibləri “Rio-2016” Olimpiadasının və birinci Avropa Oyunlarının qalibi, yeddiqat dünya, dördqat Avropa çempionu Marqarita Mamunun və üçqat Asiya çempionu Yelizaveta Nazarenkonun ustad dərslərində iştirak hüququ qazanıblar.Beş yaşından başlayaraq iştirak etdiyi bütün beynəlxalq yarışlarda parlaq çıxışı ilə fərqlənən Mina Abbasova iki ildən çoxdur Budapeştdə fəaliyyət göstərən “Rus RG Sport” klubunda gimnastika ilə məşğul olur. O, Macarıstandan başqa, Almaniya, Serbiya, Xorvatiya, İtaliya və Sloveniyada keçirilən beynəlxalq turnirlərdə də fəxri kürsünün yüksək pillələrinə qalxaraq qızıl və gümüş medallara sahib olub.Həmin yarışlarda Mina ailəsinin hazırda müvəqqəti olaraq yaşadığı ölkəni – Macarıstanı təmsil etsə də, ən böyük arzusu iştirak etdiyi bütün gimnastika turnirlərində Azərbaycan bayrağını dalğalandırmaqdır.xeber100.com

“PSJ” futbol klubu ölkə kubokunun finalında

Fransanın “PSJ” futbol klubunun ölkə kubokunun finalında “Monako”nu (3:0) məğlub edərək bu titula layiq görülməsi parislilərin braziliyalı legioneri Dani Alveş üçün əlamətdar olub.Azərtac xəbər verir ki, 34 yaşlı futbolçu bu qələbə sayəsində karyerasında 36-cı kuboka sahib olub. O, bu göstərici üzrə futbol tarixində yeni rekord müəyyənləşdirib.Braziliya millisinin üzvü bu göstərici üzrə sabiq futbolçular uelsli Rayan Giqqsi və şotlandiyalı Kenni Dalqlişi geridə qoyub. Dani Alveş titullarının 23-nü “Barselona”nın heyətində qazanıb. O, digər kubokları isə “Bahia” (1), “PSJ” (2), “Yuventus” (2), “Sevilla” (5) klublarında forma geydiyi dövrdə aktivinə yazdırıb. Braziliya milli komandasının heyətində isə D.Alves bir dəfə Amerika kubokunu, iki dəfə isə Konfederasiyalar kubokunu başı üzərinə qaldırıb.xeber100.com

“Qarabağ” klubu Çempionlar Liqasının qrup mərhələsində

Bildirilir ki, “Qarabağ” 29 yaşlı mərkəz müdafiəçisinin xidmətində maraqlıdı. Xəbərdə Ağdam təmsilçisinin nümayəndələrinin onunla danışıq aparmaq üçün İsrailə yollanmaq niyyətində olduqları da yazılıb. Cari mövsümü yüksək səviyyədə keçirən Nissonun Azərbaycana köçmək ehtimalı yüksək qiymətləndirilir. Belə ki, “Qarabağ”ın bu mövsüm Çempionlar Liqasının qrup mərhələsində iştirak etməsi və hazırda Premyer Liqaya başçılıq etməsi müdafiəçinin qərarına təsir edə bilər.Qeyd edək ki, karyerası ərzində “Makkabi” (Təl-Əviv), “Hapoel” (Akko), “Aşdod”, “Beytar”, “Alki” (Kipr) və “Sent-Qallen” (İsveçrə) klublarında çıxış etmiş Nisso Kapiloto 2016-cı ildən “Hapoel”in formasını geyinir. İsrailin gənclər millisində çıxış etmiş müdafiəçinin Hayfa təmsilçisi ilə müqavilə müddəti mövsümün sonuna qədərdi.xeber100.com

“Skenderbeu”nin çempionluğu ləğv edilib

UEFA “Skenderbeu”ya tarixin ən ağır cəzasını verib.Apasport.az saytının məlumatına görə, qitənin ali futbol qurumu Albaniya təmsilçisini oyun alqı-satqısı səbəbindən cəzalandırıb.2011-ci ildən bu yana müxtəlif yarışların nəticəsini qanunsuz üsullarla müəyyənləşdirən kluba 10 il Avropa kuboklarından kənarlaşdırılma və 1 milyon avro pul cəriməsi kəsilib.Həmçinin “Skenderbeu”nin 2015/16 mövsümündəki çempionluğu da ləğv edilib.Bu, bir Avropa klubuna verilən ən ağır cəza kimi tarixə düşüb.Qeyd edək ki, klub prezidenti Ardian Takay Avropa Arbitraj Məhkəməsinə (CAS) müraciət edəcəyini bildirib.xeber100.com

Kikboksinq üzrə Azərbaycan birinciliyi keçirilib

İsmayıllı Olimpiya İdman Kompleksində gənclər və yeniyetmələr arasında kikboksinq üzrə Azərbaycan birinciliyi keçirilib.Azərtac xəbər verir ki, 25 komandanı təmsil edən idmançıların qatıldığı yarışda “Neftçi İdman Klubu”nun yeniyetmə kikboksçuları da qüvvələrini sınayıblar. Əzmlə vuruşan klubun idmançıları 5-i qızıl, 4-ü gümüş və 3-ü bürünc olmaqla, ölkə birinciliyinin 12 medalını əldə ediblər. Onlardan Əli Atayev (45 kq), Emin Əliyev (48 kq), Vüsal Kazımov (54 kq), Elşad Şahbazov (67 kq) və Elcan Alkişiyev (75 kq) bütün döyüşləri qələbə ilə başa vuraraq Azərbaycan çempionluğunu bayram ediblər.Qeyd edək ki, klubun yeniyetmə kikboksçuları komanda hesabında birinci yeri tutublar.xeber100.com

XVII Beynəlxalq Şahmat Turnirinə start veriləcək

Aprelin 1-də “Landmark Rotunda” binasında Azərbaycanda Frankofoniya bayramına həsr edilmiş XVII Beynəlxalq Uşaq Şahmat Turnirinə start veriləcək.Yarışda 8 ölkəni – Azərbaycan, Fransa, Rusiya, Türkiyə, Gürcüstan, Serbiya, Şotlandiya və Qazaxıstanı təmsil edən 50-dən çox şahmatçı iştirak edəcək.“Gənclik” şahmat klubunun direktoru , Azərbaycanın Əməkdar məşqçisi Gennadi Gelmanın Azərtac-a verdiyi məlumata görə, turnir İsveçrə sistemi üzrə keçiriləcək və 7 turdan ibarət olacaq.Turnirin əsas mükafatı Fransaya səfər vəsiqəsidir. Yarışların sponsorları “BESTCOMP GROUP”, “Bakcell”, “Softline”, “Kfart Heinz” şirkətləri və “Araz” supermarketlər şəbəkəsidir, turnir iştirakçılarının qidalanmasını “МасDonalds” şirkəti təşkil edəcək.Azərbaycan Şahmat Federasiyasının köməyi ilə təşkil edilən bu yarışlar Azərbaycanda Frankofoniya həftəsi bayramı çərçivəsində keçirilir.xeber100.com

“Shamkir Chess-2018”in iştirakçıları müəyyənləşib

Beynəlxalq qrossmeyster Vüqar Həşimovun xatirəsinə həsr olunan ənənəvi “Shamkir Chess” super turnirinin iştirakçıları müəyyənləşib.Azərtac xəbər verir ki, turnir aprelin 18-dən 28-dək Şəmkirdə keçiriləcək. Ümumilikdə 10 şahmatçının qatılacağı yarış dairəvi sistem üzrə 9 turdan ibarət olacaq. “Shamkir Chess-2018”də hazırkı dünya çempionu norveçli Maqnus Karlsen, eks-dünya çempionu rusiyalı Vladimir Kramnik, güclü hollandiyalı şahmatçı Aniş Giri, çinli Dinq Liren, bolqarıstanlı Veselin Topalov, daha bir rusiyalı Sergey Karyakin mübarizə aparacaqlar. Yarışda Azərbaycanı hazırda dünya reytinqində ikinci olan Şəhriyar Məmmədyarov, beynəlxalq qrossmeysterlər Teymur Rəcəbov və Rauf Məmmədov təmsil edəcəklər.Xatırladaq ki, sonuncu iki “Shamkir Chess” turnirinin qalibi Şəhriyar Məmmədyarov olub.xeber100.com

XXVI Azərbaycan çempionatına start veriləcək

Aprelin 7–də Şağan Olimpiya İdman Kompleksində uşu idman növü üzrə XXVI Azərbaycan çempionatına start veriləcək.Azərtac xəbər verir ki, Gənclər və İdman Nazirliyi və Azərbaycan Uşu Federasiyasının təşkilatçılığı ilə keçiriləcək yarışda əsas məqsəd idmançıların ustalıq dərəcəsinin artırılması, 2018-ci il Avropa çempionatında iştirak edəcək heyətin müəyyənləşdirilməsidir.Kişi idmançılar sanda və çinda növləri üzrə müxtəlif yaş kateqoriyasında və çəki dərəcələrində medallar uğrunda mübarizə aparacaqlar.Qeyd edək ki, çempionata aprelin 8-də yekun vurulacaq.xeber100.com

“Mançester Siti” klubu yeni müqavilə imzalamağı planlaşdırır

“Mançester Siti” klubu yarımmüdafiəçisi Rahim Sterlinqlə yeni uzunmüddətli müqavilə imzalamağı planlaşdırır.Azərtac xəbər verir ki, klub ilə 23 yaşlı futbolçu arasında danışıqlara apreldə start veriləcək.Sterlinqin “Mançester Siti” ilə hazırkı müqaviləsi 2020-ci ilin yayınadək nəzərdə tutulub. İmzalanacaq yeni müqavilədən sonra xavbekin məvacibi həftəyə 220 min funt təşkil edəcək.Qeyd edək ki, daha əvvəl “Mançester Siti” Kevin de Breyyne, David Silva, Fernandino və Nikolas Otamendi ilə müqaviləni yeniləyib.xeber100.com