Formula 1 Azərbaycan Qran-Prisi çərçivəsində

Formula 1 Azərbaycan Qran-Prisi çərçivəsində aprelin 27-də “Jamiroquai”nın iştirakı ilə baş tutacaq axşam konsertinin ardınca məşhur DJ Afrojack idmansevərlərə coşqulu gecə təqdim edəcək. Əvvəlki illərdən fərqli olaraq bu il konsert tədbirləri və ardınca davam edəcək əyləncəli gecə proqramları “Baku Crystal Hall”da keçiriləcək.Azərtac xəbər verir ki, “Grammy” mükafatına sahib Afrojack bəstəkarlığı ilə də məşhurdur. O, elektronik, hip-hop və pop kimi müxtəlif musiqi janrları arasında asanlıqla keçidlər yarada bilən peşəkar sənətçidir. Afrojack yalnız öz treklərinə görə yox, həm də məşhur müğənnilər üçün bəstələdiyi mahnılara görə tanınıb. Onun bəstələdiyi treklər sırasına Beyonsun “Run the world (Girls)”, Madonnanın David Quetta ilə birlikdə ifa etdiyi “Revolver” və Ne-Yo ilə Pitbullun birgə səsləndirdikləri “Give me everything” mahnıları daxildir.Qeyd edək ki, bütün tamaşaçıların Bakı şəhər halqasından “Baku Crystal Hall”a rahat gediş-gəlişini təmin etmək üçün xüsusi avtobuslar xidmət göstərəcək. Yalnız dördgünlük bilet sahibləri aprelin 26-da baş tutacaq Pit-yolu gəzintisində iştirak edə biləcəklər. Bundan başqa, bütün tamaşaçılar gün ərzində pilotların iştirakı ilə keçiriləcək avtoqraf sessiyalarında, həmçinin paytaxt Bakının gözoxşayan mənzərəyə sahib Dənizkənarı Bulvarı boyunca uzanan əyləncə zonasında müxtəlif əyləncəli proqramlarda iştirak edərək yarış həftəsonundan hərtərəfli zövq ala biləcəklər.xeber100.com

Sərbəst güləş üzrə Dünya Kuboku yarışları keçiriləcək

Aprelin 7-8-də ABŞ-ın Ayova ştatında sərbəst güləş üzrə Dünya Kuboku yarışları keçiriləcək.Azərtac xəbər verir ki, aprelin 3-də Azərbaycan Güləş Federasiyasının birinci vitse-prezidenti Firdovsi Umudov yarışda iştirak edəcək sərbəst güləş üzrə milli komandamızın heyətini açıqlayıb.Bildirilib ki, heyətdə Giorgi Edişeraşvili, Əfqan Xalaşov (hər ikisi 57 kq), Əhmədnəbi Qvarzatilov (61 kq), Hacı Əliyev, Ağahüseyn Mustafayev (hər ikisi 65 kq), Coşqun Əzimov (70 kq), Hacımurad Ömərov (74 kq), Cəbrayıl Həsənov (79 kq), Aleksandr Qostiyev (86 kq), Aslanbek Alborov (92 kq), Roman Bəkirov, Nurməhəmməd Hacıyev (hər ikisi 97 kq) və Cəmaləddin Məhəmmədov (125 kq) yer alıb.Eyni zamanda, yığma komandanın baş məşqçisi olan Firdovsi Umudova məşqçi qismində Zəlimxan Hüseynov ilə Arif Abdullayev də kömək edəcəklər.Yığmamız Dünya Kubokunun “B” qrupunda mübarizə aparacaq. Rəqiblərimiz Kuba, Qazaxıstan və Rusiya olacaq. ABŞ, İran, Gürcüstan və Yaponiya komandaları isə “A” qrupunda yarışacaq. Lakin Rusiya millisinə hələlik viza verilmədiyindən, İran isə yarışa qatılmaqdan imtina etdiyindən onları Monqolustan və Hindistan əvəzləyəcək. Şimal qonşularımızla bağlı məsələ tam yekunlaşdıqdan sonra asiyalılar dördüncü komanda kimi püşklə qruplara salınacaq.Ötən il keçirilən analoji yarışı sərbəst güləşçilərimiz üçüncü yerdə başa vurublar. Buna qədər isə sərbəst güləş yığmamız iki dəfə - 2004-cü və 2009-cu illərdə Dünya Kubokunun sahibi olub.xeber100.com

“Bayer” futbol klubu yeni müqavilə imzalayıb

“Bayer” futbol klubu yarımmüdafiəçisi Yulian Brandt ilə yeni müqavilə imzalayıb.Azərtac “Bayer”in rəsmi saytına istinadla xəbər verir ki, klub ilə 21 yaşlı futbolçu arasında yeni müqavilə 2021-ci ilin yayınadək nəzərdə tutulub. Futbolçunun öncəki müqaviləsinin müddəti 2019-cu ildə başa çatacaqdı.Qeyd edək ki, 2014-cü ildən “Bayer”də çıxış edən Brandt cari mövsüm Almaniya çempionatında 6 qol vurub və 3 məhsuldar ötürmə edib.xeber100.com

UEFA Çempionlar Liqası final mərhələsində

Futbol üzrə UEFA Çempionlar Liqasında dörddəbir final mərhələsinin oyunlarına start verilib.Azərtac xəbər verir ki, mərhələnin ilk oyun günündə iki qarşılaşma keçirilib. Günün birinci görüşündə İtaliya təmsilçisi “Yuventus” doğma meydanda İspaniyanın “Real Madrid” klubunu qəbul edib. İlk hissənin əvvəlindən üstünlüyü ələ alan “Real Madrid” komandası ilk dəqiqələrdə Kriştianu Ronaldonun zərbəsi ilə hesabı açıb. Birinci hissə bu hesabla başa çatıb.Qarşılaşmanın 64-ci dəqiqəsində Ronaldo yenidən fərqlənərək komandasını irəli çıxarıb: 0:2. 72-ci dəqiqədə Marselo 3-cü qolu komandasının aktivinə yazıb. Beləliklə, qarşılaşma "Real"in 3:0 hesabı ilə qələbəsi ilə yekunlaşıb.Günün digər oyunu isə İspaniyanın digər klubu “Sevilya” ilə Almaniyanın “Bavariya”-sı arasında baş tutub. Matçın favoriti sayılan "Bavariya" səfərdə minimal hesabla qalib gəlib - 1:2. Oyunun 31-ci dəqiqəsində meydan sahibləri Paulo Sarabiyanın zərbəsi ilə hesabı açsalar da, təşəbbüsü əldə saxlaya bilməyiblər. Seviliyalı Xesus Navas öz qapısına vurduğu topla hesabı bərabərləşdirib. "Bavariya"nın futbolçusu Tiaqo Alikantaranın vurduğu qol isə komandasına qələbə qazandırıb.xeber100.com

İtaliya çempionatının XVIII turunun növbəti oyununda

Aprelin 4-də futbol üzrə İtaliya çempionatının XVIII turunun təxirə salınmış növbəti oyununda “Milan” və “İnter” komandaları qarşılaşacaqlar.Azərtac xəbər verir ki, daim gərgin idman mübarizəsi şəraitində keçən və böyük maraq doğuran Milan derbisi 172-ci dəfə baş tutacaq. Bu matçların 64-də “İnter”, 53-də isə “Milan” qalib gəlib. Bundan başqa, 54 görüş heç-heçə nəticələnib.“Della Madonnina” adlanan Milan derbilərinin sonuncusunda “İnter” klubu qalib gəlmişdi – 3:2.Bu oyun üçün satışa çıxarılan 82 min 995 nəfərlik biletin hamısı artıq satılıb. “Rossonieri”lərin bilet satışından qazandığı məbləğ 4,3 milyon avro təşkil edib ki, bu da İtaliya futbolu üçün rekord göstəricidir. Bundan əvvəlki rekord “İnter”ə məxsus idi. Klub 2017-ci ilin aprelində keçirilmiş Milan derbisi üçün bilet satışından 4 milyon 204 min avro məbləğində gəlir əldə etmişdi. Həmin matç 2:2 hesabı ilə başa çatmışdı.xeber100.com

“İlin idman mükafatları-2017”nin qalibləri müəyyənləşəcək

Aprelin 4-də Türkiyənin məşhur media orqanlarından olan “Milliyet” qəzeti tərəfindən təsis edilən “İlin idman mükafatları-2017”nin qalibləri müəyyənləşəcək.Azərtac xəbər verir ki, tədbirdə “İlin komandası” mükafatına namizədlərdən olan Ağdamın “Qarabağ” futbol klubunun vitse-prezidenti Tahir Gözəl, klubun direktoru Əmrah Çəlikəl və baş məşqçi Qurban Qurbanov iştirak edəcəklər.“İlin komandası” nominasiyasına digər namizədlər əlil futbolçulardan ibarət Türkiyə yığması, “Fənərbağça” kişi basketbol, “Vakıfbank” qadın voleybol, “Beşiktaş” futbol klubları və Türkiyənin əlil arabasında basketbol millisidir.Mərasim Bakı vaxtı ilə saat 20:30-da başlayacaq.

Milli Karate Federasiyasının məlumatı

Karate üzrə Azərbaycan milli komandasının üzvləri aprelin 6-8-də Mərakeş Krallığının paytaxtı Rabatda keçiriləcək Karate-1 Premyer Liqa turnirində mübarizə aparacaqlar.Azərbaycan Milli Karate Federasiyasından Azərtac-a bildiriblər ki, Dünya Karate Federasiyasının (WKF) nüfuzlu yarışlar seriyasından olan Rabat mərhələsində 18 idmançımız gücünü sınayacaq.Federasiyanın prezidenti Yaşar Bəşirovun rəhbərlik etdiyi heyətə milli komandanın baş məşqçisi Şahin Xudaverdiyev, qadınlardan ibarət milli komandanın böyük məşçqisi Anar Allahverdiyev, məşqçilər Rəşad Hüseynov və Denis Morozov, həmçinin beynəlxalq hakimlər Cahangir Babayev və Vüqar Kərimov daxil ediliblər.Məşqçilər heyəti Avropa çempionatından əvvəlki son hazırlıq turnirində fərdi kata və kumite, eləcə də komanda kata yarışlarında 18 idmançıya şans verib. Firdovsi Fərzəliyev (60 kq), Tural Ağalarzadə, Rafiz Həsənov (ikisi də 67 kq), Rafael Ağayev (75 kq), Turqut Həsənov, Pənah Abdulayev (ikisi də 84 kq), Asiman Qurbanlı, Şahin Atamov və Əli Cəfərov (üçü də 84 kq-da yuxarı) fərdi kumite yarışlarında mübarizə aparacaqlar. Qadınların yarışında Nuranə Əliyeva, Fidan Teymurova (ikisi də 50 kq), İlahə Qasımova (55 kq), Fəridə Abiyeva (61 kq) və İrina Zaretska (68 kq) çıxış edəcəklər.Kata turnirində Roman Heydərov fərdi, komanda yarışlarında isə Rövşən Əliyev, Tural Balcanlı və İsmayıl Quliyevdən ibarət heyət medallar uğrunda qüvvələrini sınayacaqlar.Premyer Liqa turnirində 75 ölkədən 545 idmançı mübarizə aparacaq.xeber100.com

UEFA Çempionlar Liqasında final mərhələsinə start veriləcək

Aprelin 3-də UEFA Çempionlar Liqasında dörddəbir final mərhələsinə start veriləcək.Azərtac xəbər verir ki, günün mərkəzi görüşündə İtaliya təmsilçisi “Yuventus” doğma meydanda İspaniyanın “Real” klubunu qəbul edəcək. Komandalar indiyədək 20 dəfə qarşılaşıblar. Komandalar sonuncu dəfə 2017-ci ildə üz-üzə gəliblər. “Millennium” stadionunda Çempionlar Liqasının final mərhələsinə təsadüf edən görüşdə “Real” 4:1 hesabı ilə qalib gəlib. Turinlilərin heyətində cəzalı olan Medhi Benatiya və Miralem Pyaniç bu görüşü buraxacaq. Zədəli Aleks Sandronun da meydana çıxacağı sual altındadır. “Real”da isə kapitan Serxio Ramos zədə səbəbindən oyunu buraxa bilər. Oyun Bakı vaxtı ilə saat 22:45-də başlayacaq. Qarşılaşmanın baş hakimi türkiyəli Cüneyt Çakır olacaq.Günün digər oyununda isə İspaniyanın “Sevilya” klubu öz meydanında Almaniyanın “Bavariya” komandasının qəbul edəcək. İndiyədək avrokuboklarda üz-üzə gəlməyən komandaların ilk qarşılaşmasında Almaniya təmsilçisi favorit hesab olunur. Lakin münxenlilər son beş İspaniya səfərindən əliboş dönüb.“Sevilya”da Ever Baneqa cəzalı, Xesus Navas izə zədəlidir. “Bavariya” isə uzun müddətdir zədəli olan Manuel Noyer və Kinqsli Komanın xidmətindən yararlana bilməyəcək. Oyunu Daniele Orsatonun rəhbərliyi altında italiyalı hakimlər briqadası idarə edəcək. Ona Rikkardo Di Fiore və Lorenzo Manganelli kömək edəcəklər. Davide Massa və Antonio Domato əlavə hakimlər, Alessandro Djalatini isə dördüncü hakim olacaq.Qeyd edək ki, dörddəbir final mərhələsinin digər oyunları aprelin 4-də keçiriləcək. “Liverpul” “Mançester Siti”ni, “Barselona” isə “Roma”nı qəbul edəcək.xeber100.com

Voleybol komandaları arasında Super Liqanın qalibi müəyyənləşib

Qadın voleybol komandaları arasında Azərbaycan Super Liqasının qalibi müəyyənləşib.Azərtac xəbər verir ki, “Azərreyl” komandası mövsümün başa çatmasına 3 tur qalmış çempionluğunu bayram edib. Belə ki, Super Liqanın doqquzuncu turunda “Azərreyl” komandası “Abşeron”a 3:1 hesabı ilə qalib gələrək çempionluğunu rəsmiləşdirib. Hesabındakı xalların sayını 27-yə çatdıran “Azərreyl” rəqibləri üçün əlçatmaz olub.Qeyd edək ki, bu, “Azərreyl”in ikinci ölkə çempionluğudur.xeber100.com

“Gloria Cup” beynəlxalq turnirində

Qadın voleybolçulardan ibarət Azərbaycan millisi Türkiyədə keçiriləcək “Gloria Cup” beynəlxalq turnirində iştirak edəcək.Azərtac xəbər verir ki, Yaponiyada keçiriləcək dünya çempionatına hazırlıq xarakteri daşıyan turnirdə millimiz Türkiyə, İtaliya və Rusiya voleybolçuları ilə qarşılaşacaq.Beynəlxalq turnir avqustun 22-26-da Antalyada təşkil olunacaq.xeber100.com