Atçılıq Mərkəzində ilk konkur yarışı keçirilib

Binə Atçılıq Mərkəzinin qapalı manejində bu ilin ilk konkur yarışı keçirilib.Azərtac federasiyanın saytına istinadən xəbər verir ki, yarış “E”, “M” və “S” kateqoriyaları üzrə təşkil olunub. “Buta Golden” kuboku uğrunda mübarizədə Azərbaycanın müxtəlif atçılıq klublarının yeniyetmə və yetkin yaş qrupları üzrə idmançıları iştirak ediblər.“E” kateqoriyası üzrə maneələrin hündürlüyü 80-85 sm olan yarışda birinci yeri atçılıq məktəbinin idmançısı Səməd Əliverdiyev “Tibet” ləqəbli atla, ikinci yeri isə eyni məktəbin təmsilçisi Ramil İbrahimov “Light Limerick” ləqəbli atla qazanıb. Üçüncü yerə “Sərhədçi” klubunun idmançısı Dünyamalı Qurbanbəyov “David” ləqəbli atla layiq görülüb.“M” kateqoriyası üzrə maneələrin hündürlüyü 120-125 sm olan yarışda ilk pilləyə “Murad” klubunun idmançısı Kərim Abdullayev “Clima” ləqəbli atla yüksəlib. İkinci yerə “Sərhədçi” klubunun idmançısı Sənan Məmmədov “Misir” ləqəbli atla, üçüncü yeri isə “Buta Golden” klubunun idmançısı “Yahor Morotski Astrello” ləqəbli atla qazanıb.Günün sonuncu “S” kateqoriyası üzrə maneələrin hündürlüyü 130-140 sm olan final yarışında birinci yeri və “Buta Golden” Kubokunu “Sərhədçi” klubunun idmançısı Seyid Musayev “Nabab De Belou” ləqəbli atla qazanıb. İkinci pillədə “Murad” klubunun idmançısı Kərim Abdullayev “Clima” ləqəbli atla, üçüncü yerdə isə “Elite Horse and Polo Club”-un idmançısı Elmar Abdullayev “Cera 59” ləqəbli atla qazanıb.Kubokun ikinci mərhələsi komandalararası keçirilib. “Sərhədçi”, “Elite Horse and Polo Club”, “Atçılıq” məktəbi və “Royal Riding” komandaları “Buta Golden” kuboku uğrunda mübarizə aparıblar.“E”, “M” və “S” kateqoriyaları üzrə təşkil olunan oyunda “Buta Golden” kubokunu Sərhədçi Atçılıq klubunun idmançıları qazanıblar. İkinci yer və bürünc medal isə “Elite Horse and Polo Club” tərəfindən qazanılıb.Təkrar sıçrayışda fərdi mübarizə aparan idmançılardan “Murad” Klubunun idmançısı Anar Hümbətov “D’Amour” ləqəbli atla birinci, Sərhədçi Klubunun idmançısı Sənan Məmmədov “Misir” ləqəbli atla ikinci, Murad Klubunun idmançısı Kərim Abdullayev “Clima” ləqəbli atla üçüncü yerə yüksəlib.Qeyd edək ki, turnirin ümumi mükafat fondu 5000 AZN təşkil edib.xeber100.com

Çimərlik futbolu üzrə milli komanda da dəyişiklik olub

Çimərlik futbolu üzrə Azərbaycan milli komandasının baş məşqçisi vəzifəsində dəyişiklik olub.Azərtac AFFA-ya istinadla xəbər verir ki, baş məşqçi İlham Əzizzadənin müqavilə müddəti başa çatıb. Komandanın baş məşqçisi vəzifəsi Zeynal Zeynalova həvalə olunub.xeber100.com

UEFA Çempionlar Liqasının final mərhələsində

Fevralın 13-də futbol üzrə UEFA Çempionlar Liqasında səkkizdəbir final mərhələsinin oyunlarına start veriləcək.Azərtac xəbər verir ki, mərhələnin ilk oyun günündə iki qarşılaşma keçiriləcək. Günün mərkəzi görüşündə İtaliya təmsilçisi “Yuventus” doğma meydanda İngiltərənin “Tottenhem” klubunu qəbul edəcək. Bu komandalar indiyədək cəmi iki dəfə üz-üzə gəliblər. 2016-cı ildə baş tutan qarşılaşmada “Yuventus” 2:1 hesablı qələbə qazandığı halda, ötən il keçirilən görüş “Tottenhem”in qələbəsi ilə yekunlaşıb - 2:0.Günün digər qarşılaşmasında isə daha bir ingilis klubu “Mançester Siti” səfərdə İsveçrə “Bazel”nin qonağı olacaq.Qeyd edək ki, hər iki görüş Bakı vaxtı ilə saat 23:45-də başlayacaq.xeber100.com

İtaliya A seriyasının 24-cü turu çərçivəsində

İtaliya A seriyasının 24-cü turu çərçivəsində keçirilən “Fiorentina” – “Yuventus” matçı Canluici Buffon üçün əlamətdar olub.Apasport.az saytının məlumatına görə, Turin klubunun əfsanəvi qapıçısı doğma komandasında yubiley oyununa çıxıb.Belə ki, “Fiorentina” ilə qarşılaşmada Buffon A seriyasında 500-cü dəfə forma geyinib.Qeyd edək ki, “Yuventus” rəqibini 2:0 hesabı ilə məğlub edib.xeber100.com

Rusiyada keçiriləcək DÇ-2018-in final mərhələsində

Seneqal millisi Rusiyada keçiriləcək DÇ-2018-in final mərhələsinə hazırlıq məqsədilə oynayacağı yoxlama matçları üçün rəqib axtarır. Apasport.az saytının məlumatına görə, “Şirlər”in bu ölkədə Azərbaycanla qarşılaşacağı iddia olunur.Afrikalılar hətta yığmamızla oyunun tarixini də açıqlayıblar. Bu ölkənin mətbuatı Azərbaycan – Seneqal matçının martın 23-də baş tutacağını qeyd ediblər.Hərçənd, həmin gün Qurban Qurbanovun yetirmələri Belarusu qəbul edəcəklər. İstisna olunmur ki, rəqib axtarışında olan AFFA belaruslularla danışıqlardan öncə Afrika təmsilçisi ilə də matçın təşkilini müzakirə ediblər.Böyük ehtimalla, seneqallılarla anlaşma meydan amilinə görə alınmayıb. Çünki afrikalılar matçın Mərakeşdə baş tutacağını qeyd ediblər. Bu isə komandamızın yeni baş məşqçisinin planlarına daxil olmadığından, DÇ-2018-in iştirakçısı ilə duel baş tutmayıb.xeber100.com

Həndbol Federasiyasının məlumatı

Azərbaycanın 2002-2003-cü il təvəllüdlü qızlardan ibarət həndbol yığması Rusiyanın Krasnodar şəhərində keçirilən beynəlxalq turnirdə iştirak edib.Azərbaycan Həndbol Federasiyasından Azərtac-a bildiriblər ki, əvvəlcə fevralın 7-də meydan sahibləri (2002-2003-cü il təvəllüdlü qızlar) ilə üz-üzə gələn təmsilçilərimiz gərgin keçən görüşdən 25:24 hesabı ilə məğlub ayrılıblar. Fevralın 8-də yeniyetmə qızlarımız krasnodarlı həmyaşıdları ilə yenidən qarşılaşıblar. Maraqlı idman mübarizəsi şəraitində keçən bu matçda tərəflərin cəhdlərinə baxmayaraq, qalib müəyyənləşməyib - 22:22.Xatırladaq ki, turnirə fevralın 12-də yekun vurulacaq.xeber100.com

“Barselona” futbol klubu “Sevilya” ilə qarşılaşacaq

“Barselona” futbol klubu İspaniya kubokunun yarımfinal mərhələsinin cavab oyununda səfərdə “Valensiya” klubu ilə qarşılaşıb.Azərtac xəbər verir ki, “Mestalya” stadionunda keçirilən qarşılaşmada kataloniyalılar rəqiblərinə 2:0 hesabı ilə qalib gəliblər. İlk oyunda da rəqibini məğlub edən (1:0) “Barselona” “Kral kuboku”nun finalına yüksəlib.Həlledici qarşılaşmada Ernesto Valverdenin yetirmələrinin rəqibi “Sevilya” klubu olacaq.xeber100.com

“Zirə” futbol klubu yeni müqavilə imzalayıb

“Zirə” klubu heyətini daha bir futbolçu ilə gücləndirib.Azərtac kluba istinadla xəbər verir ki, Bakı təmsilçisi makedoniyalı Yani Urdinovla anlaşıb. Onunla 6 aylıq müqavilə bağlanılıb.İyirmi altı yaşlı müdafiəçi cari mövsümün sonunadək Çexiyanın “Bohemians” klubundan icarəyə götürülüb. Tərəflər arasında anlaşmaya əsasən, mövsümün sonunda futbolçunu birdəfəlik transfer etmək hüququ “Zirə”yə məxsusdur.xeber100.com

Stolüstü tennis üzrə Avropa təsnifat turniri keçiriləcək

Fevralın 12-13-də Çexiyanın Xodonin şəhərində stolüstü tennis üzrə gənclərin Olimpiya Oyunlarının Avropa təsnifat turniri keçiriləcək.Azərtac xəbər verir ki, 33 oğlan və 29 qız tennisçinin qatıldığı turnirdə qalib gələn 4 idmançı cari ildə Argentinanın paytaxtı Buenos-Ayresdə keçiriləcək gənclərin Olimpiya Oyunlarına lisenziya qazanacaq.Qeyd edək ki, artıq 1 idmançımız Olimpiya Oyunlarına lisenziya əldə edib.xeber100.com

“Kəpəz” klubu qış transferi dövründə

“Kəpəz” klubu qış transfer dövründə heyətinə daha iki əcnəbi futbolçu qatıb.Azərtac kluba istinadla xəbər verir ki, “sarı-göylər” Trinidad və Tobaqodan olan hücumçu Şadon Vinçester və ukraynalı müdafiəçi İqor Korotetskiy ilə müqavilə bağlayıblar. Hər iki oyunçu mövsümün sonunadək Gəncə klubunda çıxış edəcək.İ.Korotetskiy azad agent kimi komandaya keçib, Vinçester isə Meksikanın “Murselaqos” klubundan icarəyə götürülüb.xeber100.com