ANSA agentliyinin məlumatı əsasında…

“Roma” klubu İtaliya paytaxtında avtomobil qəzası törədən braziliyalı oyunçu Bruno Peresin adını həftəsonu A seriyasında “Bennevento” futbol klubu ilə keçiriləcək oyuna daxil etməyib.İtaliyanın ANSA agentliyi xəbər verir ki, qəza nəticəsində futbolçunun idarə etdiyi “Lamborghini” markalı avtomobilinə ciddi ziyan dəyib və alkoqol testinin nəticələrinə görə sürücülük vəsiqəsi əlindən alınıb.xeber100.com

Klublararası Avropa çempionatı keçirilir

İstanbulda Türkiyə Taekvondo Federasiyası (TTF) və Avropa Taekvondo İttifaqı (ATİ) tərəfindən təşkil edilən altıncı klublararası Avropa çempionatı keçirilir.Azərtac xəbər verir ki, fevralın 9-da başa çatacaq Avropa çempionatında Azərbaycanın gənclərdən ibarət taekvondo üzrə milli yığma komandası 17 idmançı ilə təmsil olunur.İlin ilk yarışında iştirak edəcək gənclərdən ibarət millimizin baş məşqçisi Məmməd Abdullayev və böyük məşqçi Zahid Məmmədov oğlanlardan İsmayıl İsmayılov və Nihad Abbasov (hər ikisi 45 kq), Xanoğlan Kərimov, Bəhruz Quluzadə və Pərviz İsgəndərov (hər üçü 48 kq), Yaşar Məmmədli, Ayaz Qənbərli (hər ikisi 51 kq), Samir Məhərrəmov (55 kq), Yunis Məmmədzadə (59 kq), Cavad Ağayev (63 kq) və Taleh Süleymanova (73 kq) şans verəcək.Qızlardan isə Ofeliya Allahverdiyeva (42 kq), Minayə Əkbərova və Mirvari Qənbərli (hər ikisi 44 kq), Aylin Eynullayeva (46 kq), Sevda Pirseyidova (49 kq) və İlahə Quluzadə (68 kq) mübarizəyə qoşulacaq. Azərbaycan Taekvondo Federasiyasının vitse-prezidenti Niyaməddin Paşayev də komanda ilə birlikdədir.Respublikamızda fəaliyyət göstərən bir neçə taekvondo klublarının idmançıları da bu yarışda medallar uğrunda mübarizə aparacaqlar.İlk yarış günü artıq bir idmançımız medal qazanıb. “Sumqayıt” klubunun yetirməsi Fatimə Həsənova (33 kq) yeniyetmələr arasında yarışda bürünc mükafata sahib olub.xeber100.com

“Barselona” futbol klubu İspaniya çempionatının 22-ci turunda

“Barselona” futbol üzrə İspaniya çempionatının 22-ci turunun Kataloniya derbisində səfərdə “Espanyol” komandası ilə heç-heçə oynayıb.Azərtac xəbər verir ki, görüş 1:1 hesabı ilə başa çatıb. Meydan sahibləri Jerar Morenonun 66-cı dəqiqədə vurduğu qoldan sonra irəli çıxıblar. 82-ci dəqiqədə isə “Barselona”nı məğlubiyyətdən Jerar Pikenin topu xilas edib.Lionel Messinin komandası yeddi oyun davam edən qələbə seriyasını pozsa da, mövsümün startından ardıcıl olaraq məğlubiyyətsiz oyunun sayını rekord həddə – 22-yədək artırıb.Komanda 2009/2010-cu il mövsümündə Xosep Qvardiolanın rəhbərliyi altında 21 məğlubiyyətsiz oyun nümayiş etdirərək rekord müəyyən etmişdi. Hazırda isə “Barselona” öz rekordunu yeniləyib. Ölkə çempionatında komanda sonuncu dəfə 2017-ci ilin aprelində uduzub.58 xal toplayan “Barselona” Premyer Liqanın turnir cədvəlində ikinci yerdə olan Madridin “Atletiko” komandasını 12 xal üstələyərək, lider olmaqda davam edir.xeber100.com

Futzal üzrə Avropa çempionatında ilk yarımfinalçılar məlum olub

Sloveniyanın Lyublyana şəhərində keçirilən futzal üzrə Avropa çempionatında ilk yarımfinalçılar məlum olub.Azərtac xəbər verir ki, 1/4 finalın ilk oyununda Serbiya ilə Qazaxıstan qarşılaşıb. Qazaxıstan komandası rəqibindən üstün olub - 3:1.Rusiya millisi isə meydan sahibləri Sloveniya yığmasına 2:0 hesabı ilə qalib gəlib.Qitə birinciliyindəki son yarımfinalçılar bu gün müəyyənləşəcək. Azərbaycan millisi Portuqaliya ilə, Ukrayna isə İspaniya ilə qarşılaşacaq.xeber100.com

İngiltərə Premyer Liqasının 26-cı turunda

İngiltərə Premyer Liqasının 26-cı turunda "Çelsi" klubu "Uotford"la qarşılaşıb.Azərtac xəbər verir ki, “Uotford”un "Vikaric Roud" stadionunda keçirilən görüşdə “Çelsi” ağır məğlubiyyətə uğrayıb - 4:1.Oyunun 30-cu dəqiqəsində Tyemue Bakkayoko ikinci sarı vərəqə alaraq “Çelsi”ni azlıqda qoyub.Qeyd edək ki, "Çelsi" 50 xalla İngiltərə çempionatının turnir cədvəlində 4-cü pillədə qərarlaşıb. "Uotford" isə 30 xalla 11-ci yerdədir.xeber100.com

“Neftçi” futbol klubu “Sabah” klubuna 1:0 hesabı ilə qalib gəlib

“Neftçi” futbol klubu yoxlama oyunu keçirib.Azərtac xəbər verir ki, komanda İsmət Qayıbov adına təlim-məşq bazasının meydanında “Sabah” klubuna 1:0 hesabı ilə qalib gəlib.Oyunda yeganə qolu 73-cü dəqiqədə Emin Mahmudov vurub.xeber100.com

UEFA Çempionlar Liqasının səkkizdəbir final mərhələsində

Futbol üzrə UEFA Çempionlar Liqasının səkkizdəbir final mərhələsində İspaniyanın “Real” və Fransanın PSJ klubları arasında keçiriləcək ilk matçın biletləri sərbəst satışda artıq qalmayıb.Azərtac xəbər verir ki, İspaniya klubunun azarkeşlərinə bütün boş yerləri almaq üçün təxminən 37 dəqiqə lazım gəlib. İndi biletlər yalnız müxtəlif proqramlarda ikinci əldən satılır və qiymətlər 300–24 min avro arasında dəyişir.Madridlilər dəfələrlə bu kimi təşəbbüslərə qarşı çıxış ediblər. Çünki əldən bilet alan fanatların stadiona buraxılacağına zəmanət verilmir.Xatırladaq ki, “Real” və PSJ arasında ilk görüş fevralın 14-də Madridin “Santiago Bernabeu” stadionunda baş tutacaq. Cavab görüşü martın 6-na nəzərdə tutulub.xeber100.com

“Atletiko Madrid” futbol klubu yeni müqavilə imzalayıb

“Atletiko Madrid” futbol klubu müdafiəçi Şime Vrsalko ilə müqaviləni yeniləyib.Azərtac klubun rəsmi saytına istinadla xəbər verir ki, 26 yaşlı xorvatiyalı futbolçu ilə 2022-ci ilin yayınadək anlaşma imzalanıb.Qeyd edək ki, qış transferi dövründə “Napoli” futbolçu ilə maraqlanıb.xeber100.com

“Təxti Kuboku” beynəlxalq turniri keçiriləcək

Fevralın 8-dən 9-dək Təbrizdə sərbəst güləş üzrə böyüklər arasında ənənəvi “Təxti Kuboku” beynəlxalq turniri keçiriləcək.Azərbaycan Güləş Federasiyasından Azərtac-a verilən xəbərə görə, 23 ölkədən 190-a yaxın idmançının iştirak edəcəyi turnirdə təmsilçilərimiz də mübarizə aparacaqlar.Məşqçilər Arif Abdullayev və Nazim Əlicanovun rəhbərliyi altında qonşu ölkəyə 10 idmançımız yollanıb.Heyətdə Pərviz İbrahimov, Elçin Vəliyev (hər ikisi 61 kq), Pənah İlyaslı, Coşqun Əzimov (hər ikisi 70 kq), Murad Süleymanov (79 kq), Hacımurad Məhəmmədsəidov, İbrahim Yusubov (hər ikisi 86 kq), Cavid Sadıqov (92 kq), Roman Bəkirov (97 kq) və Umar İsrailov (125 kq) yer alıblar.Görüşlərin idarə edilməsində ölkəmizi beynəlxalq dərəcəli hakim Babək Allahverdiyev təmsil edəcək.xeber100.com

İspaniya çempionatının XXII turu çərçivəsində dörd oyun keçirilib

Fevralın 4-də futbol üzrə İspaniya çempionatının XXII turu çərçivəsində dörd oyun keçirilib.Azərtac xəbər verir ki, günün ilk matçında "Xetafe" doğma meydanda "Leqanes"i qəbul edib. Qarşılıqlı hücumlar şəraitində keçən oyunda hesab açılmayıb.Günün ikinci qarşılaşmasında "Barselona" komandası "Espanyol"un qonağı olub. Birinci hissədə komandalar fərqlənə bilməyiblər. Görüşün 66-cı dəqiqəsində meydan sahiblərinin heyətində Herard Moreno hesabı açıb. Matçın 82-ci dəqiqəsində Jerar Pike hesaba tarazlıq gətirib. Komandaların cəhdlərinə baxmayaraq, görüşdə qalib müəyyənləşməyib – 1:1."Jirona"-"Atletik" oyununda qələbəni meydan sahibləri qeyd ediblər. Belə ki, Kristian Stuaninin görüşün 7-ci və 65-ci dəqiqələrində vurduğu qollar "Jirona"nın qələbəsini rəsmiləşdirib – 2:0.Günün sonuncu qarşılaşmasında isə "Atletiko Madrid" və "Valensiya" komandaları üz-üzə gəliblər. Komandaların cəhdlərinə baxmayaraq, birinci hissədə hesab açılmayıb. İkinci hissəyə daha fəal başlayan Madrid təmsilçisi matçın 59-cu dəqiqəsində istəyinə çatıb. Anxel Korreanın qolu ilə "Atletiko Madrid" 1:0 hesablı qələbə qazanıb.Qeyd edək ki, hesabında 58 xal "Barselona" turnir cədvəlinin birinci pilləsində qərarlaşıb. "Atletiko Madrid" 49 xalla ikinci, "Valensiya" 40 xalla üçüncü, "Real Madrid" 39 xalla dördüncü, "Vilyareal" isə 37 xalla beşinci pillədə yer alıb.xeber100.com