Gimnastika Federasiyasının məlumatına görə…

Azərbaycan Gimnastika Federasiyası ilk dəfə aprelin 12-15-də batut gimnastikası, ikili mini-batut və tamblinq üzrə Avropa çempionatını təşkil edəcək.Apa-nın məlumatına görə, Milli Gimnastika Arenasında keçiriləcək 26-cı Avropa çempionatında böyüklərin proqramında 25, gənclərin yarışında isə 26 ölkənin iştirakı və hər üç növ üzrə idmançıların ümumi sayının 400-dən çox olacağı gözlənilir.Gimnastlar üçün doğma məkana çevrilmiş arenada dörd gün davam edəcək qitə çempionatında gimnastikanın dörd növü - fərdi batut, sinxron batut, tamblinq və ikili mini-batutu üzrə yarışlar təşkil olunacaq. Çempionatın birinci və ikinci günlərində həm gənclər, həm də böyüklər arasında bütün növlər üzrə təsnifat mərhələləri və komandalar arasında final yarışları keçiriləcək.Aprelin 14-də gimnastlar gənc və böyüklər üzrə sinxron və fərdi proqramda təsnifat mərhələlərində çıxış edəcəklər. Avropa və dünya çempionatlarının formatına əsasən, fərdi proqramda təsnifat iki mərhələdən ibarət olduğundan çempionat çərçivəsində batut gimnastikası üzrə fərdi yarışlarda finaldan əvvəl ilk mərhələdə yaxşı nəticə göstərmiş 24 idmançı arasında yarımfinal mərhələsi də təşkil ediləcək. Turnirin sonuncu günündə isə hər dörd növ üzrə finallarda (fərdi batut, sinxron batut, tamblinq və ikili mini-batut) mükafatçıların adları məlum olacaq.Avropa çempionatının əsas xüsusiyyəti odur ki, gənc gimnastlar bu il keçiriləcək gənclər arasında Olimpiya, böyük gimnastlar isə II Avropa Oyunlarına lisenziyanı məhz Bakıda qazanacaqlar.xeber100.com

Milli komandanın heyəti açıqlanıb

Azərbaycan milli komandasının heyəti açıqlanıb.Apasport.az-ın AFFA-nın rəsmi saytına istinadən məlumatına görə, Qurban Qurbanov Türkiyənin Antalya şəhərində keçiriləcək təlim-məşq toplanışında iştirak edəcək oyunçuları müəyyənləşdirib.Yanvarın 30-da Moldova ilə yoxlama oyunu keçirəcək yığmamıza 24 futbolçu dəvət alıb. Bu, Qurbanovun millinin baş məşqçisi postunda açıqladığı ilk heyətdi.Siyahıda “Qarabağ”ın 11 futbolçusu yer alıb. Qurbanov “Neftçi”dən 6, “Qəbələ”dən 3, “Sumqayıt”dan 2, “Keşlə”dən 1 futbolçunu heyətə daxil edib.Ölkə xaricində çıxış edən yeganə oyunçu isə Ukrayna “Aleksandriya”sının üzvü Pavel Paşayevdi.xeber100.com

Boks üzrə Azərbaycan çempionatına start veriləcək

Bu gün böyüklər arasında boks üzrə Azərbaycan çempionatına start veriləcək. Boks Mərkəzində təşkil olunacaq yarışda 10 çəki dərəcəsi üzrə mükafatçılar müəyyənləşəcək.Azərbaycan Boks Federasiyasından Azərtac-a bildiriblər ki, çempionata respublikanın müxtəlif şəhər və rayonlarının klublarını, həmçinin idman cəmiyyətlərini təmsil edən 39 komandanın 203 kişi idmançısı qatılacaq.Qaliblərin adına isə yanvarın 30-da aydınlıq gələcək.Qeyd edək ki, mükafatçılar yığmanın heyətinə cəlb olunacaq və beynəlxalq yarışlarda ölkəmizi təmsil edəcəklər.xeber100.com

Qılıncoynatma Federasiyasının məlumatı

Qılıncoynadanımız Kənan Əliyev Almaniyanın Haydenhaym şəhərində startı verilən və 317 idmançının qatıldığı dünya kuboku yarışlarına uğurlu start verib.Azərbaycan Qılıncoynatma Federasiyasından Azərtac-a bildirilib ki, şpaqa növü üzrə yarışan idmançımız qrup mərhələsində keçirdiyi 6 görüşün hamısını qalib başa vurub. Təmsilçimiz macarıstanlı, belçikalı, isveçrəli, kolumbiyalı, avstriyalı və venesuelalı rəqiblərini məğlub edərək qrupu lider kimi tamamlayıb. Bu nəticə təmsilçimizə birbaşa 1/32 finala vəsiqə qazandırıb.Bu mərhələnin görüşləri yanvarın 26-da keçiriləcək.xeber100.com

“Barselona” futbol klubu “Espanyol” komandasını qəbul edib

“Barselona” futbol klubu İspaniya kubokunun dörddəbir final mərhələsinin cavab oyununda “Espanyol” komandasını qəbul edib.Azərtac xəbər verir ki, “Kamp Nou” stadionunda keçirilən oyunun taleyi ilk hissədə həll olunub. Görüşün 9-cu dəqiqəsində Luis Suarez, 25-ci dəqiqəsində isə Lionel Messi rəqib qapısına yol tapıblar. Oyun meydan sahiblərinin 2:0 qələbəsi ilə başa çatıb.Bununla da “Barselona” iki oyunun nəticəsinə görə “Kral kuboku”nun yarımfinalına çıxıb. İlk oyun “Espanyol”un 1:0 qələbəsi ilə başa çatıb.Bu görüş Lionel Messi üçün əlamətdar olub. Argentinalı hücumçu “Barselona”nın “Kamp Nou”da vurduğu 4000-ci qolun müəllifi olub. Belə ki, Kataloniya təmsilçisi İspaniya çempionatında 2765, ölkə kubokunda 508, Çempionlar Kuboku və Çempionlar Liqasında 368, Kuboklar Kubokunda 107, UEFA Kubokunda 92, İspaniya Super Kubokunda 32, digər turnirlərdə isə 121 qol vurub.xeber100.com

“Neftçi” futbol klubu üçüncü yoxlama oyununu keçirib

Bakının “Neftçi” futbol klubu Türkiyədəki təlim-məşq toplanışı çərçivəsində üçüncü yoxlama oyununu keçirib.Azərtac xəbər verir ki, komandamız Bolqarıstanın “Slaviya” klubu ilə qarşılaşıb və Bakı təmsilçisi 0:1 hesabı ilə məğlub olub.Qeyd edək ki, “Neftçi” Antalya toplanışı çərçivəsində keçirdiyi yoxlama oyunlarında Rusiyanın “SKA-Xabarovsk” klubuna 1:8, Rumıniyanın “Konkordiya” komandasına isə 0:1 hesabı ilə uduzub.xeber100.com

“Mançestr Yunayted” klubunun məlumatına görə…

“Mançestr Yunayted” klubunun baş məşqçisi Joze Mourinyu bu klubla müqaviləsinin müddətini uzadıb.Azərtac “Mançestr Yunayted”in rəsmi saytına istinadla xəbər verir ki, portuqaliyalı mütəxəssislə yeni müqavilə müddətini daha bir il uzatmaq imkanı ilə 2020-ci ilədək nəzərdə tutulub.J.Mourinyu “Mançestr Yunayted”ə 2016-cı ilin yayında başçılıq edib. Onun rəhbərlik etdiyi debüt mövsümdə komanda ölkə çempionatında altıncı yeri tutmaqla bərabər, İngiltərə Liqasının Kubokunu udub, Avropa Liqasının qalibi olub.Qeyd edək ki, cari mövsümdə “Mançestr Yunayted” 24 turdan sonra yalnız “Mançestr Siti”dən 12 xal geri qalaraq, İngiltərə Premyer-Liqasının turnir cədvəlində ikinci yerdə qərarlaşıb.xeber100.com

V Çempionlar Liqasının oyunları keçiriləcək

İspaniyanın Alcalа de Henares şəhərində eşitməqüsurlu əlillərdən ibarət futzal komandaları arasında yanvarın 30-dan fevralın 3-dək V Çempionlar Liqasının oyunları keçiriləcək.Azərtac xəbər verir ki, turnirdə eşitməqüsurlu əlillərdən ibarət komandalar arasında Azərbaycan çempionatının qalibi “Ulduz” futzal klubu iştirak edəcək.Püşkün nəticəsinə görə, “D” qrupunda yer alan təmsilçimizin rəqibləri Belçikanın “Zebre Çarleroi”, Slovakiyanın “Nove Zamky”, İtaliyanın “Real E Non Solo” və İspaniyanın “Alcala De Henares” komandaları olacaq.“Ulduz” yanvarın 30-da “Real E Non Solo”, “Nove Zamky”, bir gün sonra “Alcala De Henares” və “Zebre Çarleroi” komandaları ilə qarşılaşacaq. Fevralın 1-də dörddəbir final, ertəsi gün yarımfinal, fevralın 3-də isə üçüncü yer və final oyunu keçiriləcək.xeber100.com

Futbol üzrə Azərbaycan milli komandasının heyəti açıqlanıb

Yanvarın 27-dən 31-dək Antalyada təlim-məşq toplanışı, hazırlıq prosesi çərçivəsində yanvarın 30-da Moldova yığması ilə yoldaşlıq oyunu keçirəcək futbol üzrə Azərbaycan milli komandasının heyəti açıqlanıb.Azərtac AFFA-ya istinadla xəbər verir ki, millimizin heyətinə Qara Qarayev, Maksim Medvedev, Əfran İsmayılov, Rahid Əmirquliyev, Mahir Mədətov, Ramil Şeydayev, Elvin Yunuszadə, Coşqun Diniyev,Abbas Hüseynov, Şahrudin Məhəmmədəliyev, Riçard Almeyda (hamısı “Qarabağ”), Kamran Ağayev (“Keşlə”), Ruslan Abışov, Rəhman Hacıyev,Məhəmməd Mirzəbəyov, Emin Mahmudov, Rəşad Əzizli, Anton Krivotsyuk (hamısı “Neftçi”), Cavid Hüseynov, Ruslan Qurbanov, Təmkin Xəlilzadə (hər üçü “Qəbələ”), Cavid İmamverdiyev, Bəhlul Mustafazadə(hər ikisi “Sumqayıt”) və Pavel Paşayev (“Oleksandriya”, Ukrayna) dəvət olunublar.xeber100.com

Voleybol üzrə Liqa yarışlarına start verilib

Voleybol üzrə qadınlar və kişilər arasında birinci Liqa yarışlarına start verilib.Azərtac xəbər verir ki, 19 komandanın iştirak etdiyi yarışda 10 kişi, 9 qadın klubu mübarizə aparır.Azərbaycan Voleybol Mərkəzində əvvəlcə meydançaya “Azərreyl-1” və “Xətai” komandaları çıxıblar. “Azərreyl-1” görüşdən 3:0 hesabı ilə qalib ayrılıb.Oyundan sonra birinci Liqanın rəsmi açılış mərasimi olub.Mərasimdə Azərbaycan Voleybol Federasiyasının prezidenti Cavid Qurbanov və qurumun vitse-prezidentləri iştirak ediblər.Komandalar meydançaya dəvət edildikdən sonra 20 Yanvar şəhidlərinin xatirəsi bir dəqiqəlik sükutla yad olunub.Federasiyanın vitse-prezidenti Vaqif Əliyev Azərbaycan voleybolunun uğurlarından danışıb, yarışın iştirakçılarına uğurlar arzulayıb.Sonra birinci Liqa yarışları açıq elan olunub.Açılış mərasimindən sonra Azərbaycan Voleybol Mərkəzində kişi komandalarından “ATU” və “BOS-Şelf” üz-üzə gəliblər. Görüş 3:1 hesabı ilə “BOS-Şelf” komandasının qələbəsi ilə başa çatıb. “Şəki”-“İqtisadçı” komandalarının görüşündə isə ikincilər 3:2 hesabı ilə qələbə qazanıblar.Daha sonra qadın komandaları meydana çıxıblar. “Gəncə” ilə qarşılaşan UNEC komandası rəqibini 3:0 hesabı ilə məğlub edib.Qadınlar və kişilər arasında birinci Liqa yarışları iki dövrədən, pley-off və final mərhələsindən ibarətdir.xeber100.com