Futbol üzrə yeganə üçqat dünya çempionu olan Pele 82 yaşında vəfat edib

İngiltərə Premyer Liqasının üç gün ərzində keçiriləcək bütün oyunlarında Pele yad olunacaq. Bu barədə qərarı İngiltərə Premyer Liqası verib. Dekabrın 30-31-də və yanvarın 1-də keçiriləcək matçlar bir dəqiqəlik sükutla başlayacaq. Bundan başqa, qarşılaşmanın bütün iştirakçıları qollarında qara sarğı ilə meydana çıxacaqlar. Qeyd edək ki, futbol üzrə yeganə üçqat dünya çempionu olan Pele 82 yaşında vəfat edib.xeber100.com

Fransa çempionatının XVI turu çərçivəsində

Fransa çempionatının XVI turu çərçivəsində “Monako” klubu səfərdə “Oster”ə 3:2 hesabı ilə qalib gəlib. “Monako”nun yarımmüdafiəçisi Eless Ben-Seqir Liqa 1-də debüt matçında dubla imza atıb. “Opta” nəşri xəbər verir ki, fransalı futbolçu 17 yaş 315 günlüyündə Fransa çempionatında dubl edən ikinci ən gənc oyunçu adına sahib olub. Qeyd edək ki, rekord Terri Anriyə məxsusdur. O, Fransa çempionatında 17 yaş 255 günlüyündə dubla imza atıb.xeber100.com

PSJ futbolçusu Marko Veratti ilə yeni müqavilə imzalayıb

PSJ futbolçusu Marko Veratti ilə yeni müqavilə imzalayıb. Klubun saytı xəbər verir ki, 30 yaşlı yarımmüdafiəçi ilə müqavilənin müddəti 2026-cı ilin iyununa kimi uzadılıb. Qeyd edək ki, Veratti 2012-ci ildən Paris təmsilçisində oynayır.xeber100.com

“Liverpul” klubu niderlandlı yarımmüdafiəçini transfer edib

İngiltərənin “Liverpul” klubu niderlandlı yarımmüdafiəçi Kodi Qakponu transfer edib. Bu barədə klubun rəsmi instaqram səhifəsi məlumat yayıb. Futbolçu qış transfer pəncərəsinin açılış günündə “Liverpul”un heyətinə qoşulacaq. Tibbi müayinədən uğurla keçən PSV-nin sabiq futbolçusu 18 nömrəli formada çıxış edəcək.xeber100.com

İngiltərənin “Çelsi” klubu yeni transferini açıqlayıb

İngiltərənin “Çelsi” klubu yeni transferini açıqlayıb. Premyer Liqa təmsilçisi Norveçin “Molde” və Fil Dişi Sahili yığmasının hücumçusu David Fofan ilə müqavilə imzalayıb. İyirmi yaşlı futbolçu yanvarın 1-dən yeni komandasına qoşulacaq. Hücumçu cari mövsüm Norveç klubunun heyətində 29 matça çıxıb, 17 qol və 6 məhsuldar ötürmə ilə yadda qalıb.xeber100.com

Azərbaycan Basketbol Liqasında 11-ci tura yekun vurulub

Dekabrın 25-də Azərbaycan Basketbol Liqasında (ABL) 11-ci tura yekun vurulub. Şəki Olimpiya İdman Kompleksində 11-ci turun və 2022-ci ilin sonuncu oyunu keçirilib. “Olimpik Şəki” komandası doğma azarkeşlər önündə paytaxt klubu "Neftçi"ni qəbul edib. Qarşılaşmada üstünlüyü ilk dövrədən ələ keçirən paytaxt basketbolçuları oyunun yekununda rəqib üzərində 83:67 hesablı qələbə qazanıblar. Ən məhsuldar basketbolçular "Olimpik Şəki"dən Ceyson Brauer (24 xal, 7 ribaund ), "Neftçi"dən isə Davit Lomidze (18 xal, 5 ribaund) olublar. Qeyd edək ki, 12-ci turun oyunları hələn il yanvarın 4-də və 7-8-də keçiriləcək.xeber100.com

“Qarabağ” klubu Azərbaycan çempionatlarında 500-cü qələbəsini qazanıb

“Qarabağ” klubu Azərbaycan çempionatlarında 500-cü qələbəsini qazanıb. Bu, Azərbaycan Premyer Liqasının XVIII turuna təsadüf edib. Peşəkar Futbol Liqası xəbər verir ki, baş məşqçi Qurban Qurbanovun yetirmələri səfərdə “Səbail”ə qalib gəliblər – 3:0. Ağdam klubu 1992-ci ildən keçirilən yarışın tarixinə 500 qələbə qazanan ilk komanda kimi düşüb. Bu yubiley 871-ci oyunda qeydə alınıb. “Qarabağ”ın ilk qələbəsi 1992-ci il mövsümünə təsadüf edib. Mayın 6-da Kürdəmirin “Şirvan” komandasını qəbul edən Ağdam təmsilçisi 6:0 hesabı ilə qalib gəlib.xeber100.com

Braziliyalı hücumçu “Atletiko” klubundan ayrılıb

Braziliyalı hücumçu Mateus Kunya “Atletiko”dan ayrılıb. “Vulverhempton” 23 yaşlı futbolçunun transferini açıqlayıb. Braziliyalı hücumçu mövsümün sonunadək icarədə olacaq. Əgər mövsümün sonunda onunla müqavilə bağlansa, bu müddət 2027-ci ilə kimi hesablanacaq. Kunyanın alınmasının “Vulverhempton”a 40-50 milyon avroya başa gəldiyi bildirilir. Futbolçu bu mövsüm La Liqada 11 matçda yalnız 2 məhsuldar ötürmə edib. Qeyd edək ki, Mateus Kunyanın transferi ilə “Arsenal” da maraqlanırdı.xeber100.com

Azərbaycan Premyer Liqasının XVIII turunda

Rahid Əmirquliyev Azərbaycan çempionatlarında 450-ci oyununu keçirib. “Səbail”in kapitanının yubileyi Azərbaycan Premyer Liqasının XVIII turuna təsadüf edib. Peşəkar Futbol Liqasına istinadla xəbər verir ki, o, Bakı klubuna qədər şərəfini qoruduğu “Qarabağ”la görüşdə yubileyini rəsmiləşdirib. Bu matçda onun komandası məğlub olub - 0:3. Azərbaycan çempionatlarında ən çox oyun keçirən futbolçu olan 33 yaşlı yarımmüdafiəçi yarışda 2003-2004-cü il mövsümündə debüt edib. O, 2003-cü il iyulun 12-də səfərdə keçirilən “Şəfa” – “Şahdağ” matçında (1:0) meydana çıxıb. 450 oyunda 34 qol vuran R.Əmirquliyev ölkə çempionatlarında 4 klubun formasını geyinib. O, “Şahdağ”da 57 (7 qol), “Xəzər Lənkəran”da 254 (23 qol), “Qarabağ”da 37 (3 oyun), “Səbail”də 102 (1 qol) dəfə şans qazanıb.xeber100.com

2022-ci ilin komandalar üzrə ən yaxşı baş məşqçi adına namizədləri açıqlanıb

Beynəlxalq Futbol Tarixi və Statistikaları Federasiyası (IFFHS) 2022-ci il üçün milli komandalar üzrə ən yaxşı baş məşqçi adına namizədləri açıqlayıb. Qurumun rəsmi saytına istinadən xəbər verir ki, siyahıda 20 mütəxəssis yer alıb. Qalibin adına 2023-cü ilin yanvarında səsvermə nəticəsində aydınlıq gələcək. Zlatko Daliç (Xorvatiya), Didye Deşam (Fransa), Fernandu Santuş (Portuqaliya, istefa verib), Lui van Qal (Niderland, istefa verib), Qaret Sautqeyt (İngiltərə), Çeslav Mixneviç (Polşa, istefa verib), Murat Yakın (İsveçrə), Lionel Skaloni (Argentina), Tite (Braziliya, istefa verib), Qustavo Alfaro (Ekvador), Valid Reqraqi (Mərakeş), Aliu Sisse (Seneqal), Otto Addo (Qana), Riqobert Sonq (Kamerun), Jalel Kadri (Tunis), Qreq Berhalter (ABŞ), Qraham Arnold (Avstraliya), Moriyasu Hadzime (Yaponiya), Paulu Bentu (Cənubi Koreya) və Herve Renard (Səudiyyə Ərəbistanı) namizədlər sırasında yer alıblar.xeber100.com