“Liverpul” klubu futbol tarixinin ən bahalı transferini reallaşdırıb

İngiltərə Premyer Liqasının güclü klublarından olan “Liverpul” hollandiyalı müdafiəçi Virgil Van Diyki heyətinə qatmaq üçün 75 milyon funt sterlinq (85 milyon avro) ödəməklə klub tarixinin ən bahalı transferini reallaşdırıb.Azərtac Britaniyanın “Teleqraf” nəşrinə istinadla xəbər verir ki, bu, həm də futbol tarixində bir müdafiəçinin transferi üçün ödənilən ən yüksək məbləğdir. İyirmi altı yaşlı mərkəz müdafiəçisinin həftəlik maaşının 180 min funt sterlinq (202 min avro) olacağı bildirilir.Futbolçu ara transfer dönəminin başlayacağı 2018-ci il yanvarın 1-dən yeni klubunun formasını geyəcək.Van Diyk 2015-ci ilin yayında 15,7 milyon avro müqabilində “Seltik”dən “Sauthampton”a transfer olunmuşdu.xeber100.com

Basketbol Federasiyasının dəstəyi ilə…

Təhsil Nazirliyi və Azərbaycan Basketbol Federasiyasının dəstəyi, “Təhsil” Respublika İdman Mərkəzinin təşkilatçılığı ilə Azərbaycan Texniki Universitetinin İdman Kompleksində basketbolçulardan ibarət komandalar arasında 2017-2018-ci il üzrə “Təhsil liqaları”na start verilib.Nazirlikdən Azərtac-a bildiriblər ki, 13 (U-13) və 15 yaşadək (U-15) komandalar arasında təşkil edilən “Təhsil liqaları”nın keçirilməsinin məqsədi yaş qrupları üzrə ən yaxşı basketbolçuların aşkarlanması, onların oyun təcrübəsinin artırılması və yığma komandaların müəyyənləşdirilməsidir.Təhsil Nazirliyi, Azərbaycan Basketbol Federasiyası və idman ictimaiyyəti nümayəndələrinin iştirak etdikləri açılış mərasimində basketbol idman növünə uşaq və yeniyetmələrin cəlb edilmələri, istedadlı idmançıların aşkara çıxarılmaları baxımından liqaların əhəmiyyətindən danışılıb. Həmçinin belə uşaq-gənclərin idmana maraqlarının artmasında tədbirlərin müsbət rolu vurğulanıb.Tədbirin bədii hissəsində 3 nömrəli Uşaq-Gənclər İnkişaf Mərkəzinin rəqs qrupu və solistlər çıxış ediblər.Qeyd edək ki, hər iki yaş qrupu üzrə liqalarda idman məktəblərinin, müxtəlif idman təşkilatlarının 24 komandası mübarizə aparır.İki dövrədən ibarət olan liqaların oyunları 2018-ci ilin iyununda başa çatacaq.xeber100.com

“Grand slam” seriyalarına dekabrın 30-da start veriləcək

Dünya Taekvondo Federasiyası tərəfindən Çin Xalq Respublikasında təşkil olunan “Grand slam” seriyalarına dekabrın 30-da start veriləcək. Olimpiya çəki dərəcələrində keçiriləcək taekvondo üzrə turnir 2018-ci il yanvarın 30-dək davam edəcək.Azərtac  xəbər verir ki, bir ay ərzində keçiriləcək yarışın ilk günü komandamızın üzvü, dünya və Avropa çempionu, “Rio-2016” Yay Olimpiya Oyunlarının bürünc mükafatçısı, IV İslam Həmrəyliyi Oyunlarının qalibi Milad Beigi Hərçəqani (80 kq) mübarizə aparacaq. İdmançımız baş məşqçi Reza Mehmandoustun rəhbərliyi ilə Çinə yollanıb.Turnirdə mübarizə aparacaq digər taekvondoçumuz IV İslam Həmrəyliyi Oyunlarının qalibi Ayxan Tağızadə (68 kq) 2018-ci il yanvarın 6-da, eləcə də dünya və Avropa çempionu, “Rio-2016” Yay Olimpiya Oyunlarının qızıl medalının sahibi, IV İslam Həmrəyliyi Oyunlarının qalibi Radik İsayev isə yanvarın 13-də döyüşlərə qatılacaq. Hər çəki dərəcəsində 12 idmançının mübarizə aparacağı yarışlar ay ərzində həftə sonları keçiriləcək.Qeyd edək ki, yarışın “Facebook” (WT Grand-Slam) və “Instagram” (wtgrandslam) sosial şəbəkələrindəki səhifələrinə daxil olub, idmançılarımızın şəkillərini bəyənməklə onlara xüsusi mükafat qazandırmaq mümkündür.xeber100.com

Cüdo üzrə Azərbaycan çempionatı davam edir

Bakı İdman Sarayında kişilər, qadınlar və usta cüdoçular arasında təşkil olunan Azərbaycan çempionatı davam edir.Azərtac xəbər verir ki, yarışın ikinci günündə kişilər arasında üç çəki dərəcəsində qaliblərin adlarına aydınlıq gəlib. Kənan Quluzadə (73 kq), Fəqan Quluzadə (81 kq) və Əbdülhəqq Rəsullu (90 kq) öz çəki dərəcələrində Azərbaycan çempionu adına layiq görülüblər.Xatırladaq ki, dekabrın 28-də 100 kiloqram və 100 kiloqramdan yuxarı çəki dərəcələrində, eləcə də usta cüdoçuların bütün yaş qruplar və çəki dərəcələrində qalibləri bilinəcək.Qeyd edək ki, dekabrın 28-də yekun vurulacaq respublika çempionatında 55 klubdan 497 cüdoçu mübarizə aparır.xeber100.com

“Xəzər” klubu yoxlama oyunu keçirəcək

Birinci Divizion təmsilçisi “Xəzər” futbol klubu 2017/2018-ci il mövsümünün ikinci yarısına hazırlığa yanvarın 4-də start verəcək.Azərtac kluba istinadla xəbər verir ki, hazırlığın ilk mərhələsi Bakıda keçiriləcək. Futbolçular əvvəlcə tibbi müayinədən keçəcəklər.Yanvarın 16-dan fevralın 3-dək hazırlığın əsas mərhələsi Antalyada olacaq. Hazırlıq çərçivəsində “Xəzər” beş yoldaşlıq görüşündə qüvvəsini sınayacaq.xeber100.com

“Səbail” klubu “Neftçi”nin yarımmüdafiəçisini heyətinə cəlb edib

Dövrələrarası fasilə zamanı “Səbail” futbol klubu növbəti transferini reallaşdırıb.Azərtac kluba istinadla xəbər verir ki, “Səbail” klubu “Neftçi”nin yarımmüdafiəçisi Aqşın Qurbanlını heyətinə cəlb edib.Qeyd edək ki, “Səbail” bu transferdən əvvəl Rahil Məmmədovu transfer edib, Fəhmin Muradbəylini isə icarəyə götürüb.xeber100.com

“Mançester Siti” futbol klubunun qərarına əsasən…

“Mançester Siti” futbol klubunun yarımmüdafiəçisi Yaya Ture Kot-Divuar yığmasına qayıtmaq qərarına gəlib.Azərtac xəbər verir ki, bu barədə Yaya Turenin meneceri Dmitri Selyuk məlumat yayıb. O bildirib ki, Yaya Ture Kot-Divuar yığmasının futbolçuları ilə birlikdə daha bir mükafat qazanmaq istəyir.Yarımmüdafiəçi daha əvvəl Afrika Millətləri Kubokuna sahib olub. Kot-Divuar yığması “DÇ-2018”dən kənarda qalıb.xeber100.com

MDB ölkələrinin komandaları arasında idman festivalı keçirilib

Rusiyanın Ximki şəhərində MDB ölkələrinin ailə komandaları arasında idman festivalı keçirilib.Bakı Şəhər Gənclər və İdman Baş İdarəsindən Azərtac-a bildiriblər ki, tədbir Rusiya Federasiyasının İdman Nazirliyi, Ümumrusiya Məktəb İdman Federasiyası və Moskva Vilayəti Hökuməti tərəfindən təşkil olunub.Festivalda Azərbaycan ilə yanaşı, Rusiya, Ukrayna, Moldova, Qırğızıstan, Türkmənistan, Tacikistan, Ermənistan və Qazaxıstanı təmsil edən 250 iştirakçı mübarizə aparıb.Qeyd edək ki, Azərbaycan komandasını təmsil etmiş ailə komandası festivala Baş İdarə tərəfindən ezam olunub.xeber100.com

Gimnastika Federasiyasının VIII ümumi yığıncağı keçirilib

Dekabrın 26-da Milli Gimnastika Arenasında Azərbaycan Gimnastika Federasiyasının (AGF) VIII ümumi yığıncağı keçirilib.Azərtac xəbər verir ki, tədbirdə federasiyanın vitse-prezidenti Altay Həsənov 2002-ci ildən fəaliyyətə başlayan AGF-in 15 illik yubileyinə dair hesabat məruzəsi ilə çıxış edib.Ölkəmizdə idmanın inkişafına göstərilən dövlət qayğısından danışan vitse-prezident 15 il ərzində gimnastlarımızın beynəlxalq arenada qazandıqları nailiyyətləri və Azərbaycanda gimnastika növləri üzrə irimiqyaslı yarışların yüksək səviyyədə təşkil olunduğunu diqqətə çatdırıb.xeber100.com

Şahmat üzrə dünya çempionatlarında 200 şahmatçı iştirak edəcək

Bu gün Səudiyyə Ərəbistanının paytaxtı Ər-Riyadda başlayan şahmat və blits üzrə dünya çempionatlarında 55 ölkədən 200 şahmatçı iştirak edəcək.Azərtac xəbər verir ki, Azərbaycan yarışlarda 11 idmançı (6 kişi və 5 qadın) ilə təmsil olunur. Kişilərin çempionatında qrossmeysterlər Şəhriyar Məmmədov, Qadir Hüseynov, Rauf Məmmədov, Eltac Səfərli, Arkadi Naydiç və Rəsul İbrahimov iştirak edəcək. Qadın çempionatında ölkəmizin idman şərəfini beynəlxalq usta Gülnar Məmmədova, qrossmeysterlər Zeynəb və Türkan Məmmədyarovalar, Günay Məmmədzadə və Ülviyyə Fətəliyeva qoruyacaq.Çempionatların təşkilatçılarının nümayəndələri təbrik nitqlərində bildirmişlər ki, Səudiyyə Ərəbistanında idman sahəsində yeni dövr başlayır. FİDE-nin vitse-prezidenti Georgios Makropulos təşkilatın “Biz bir ailəyik” devizini xatırlatmışdır. O, həmçinin əmin olduğunu bildirmişdir ki, bu çempionatlar böyük uğur qazanacaq.Kişilərin turnirində rapid üzrə start siyahısına norveçli Maqnus Karlsen (2908) , qadınlar üzrə isə rusiyalı Yekaterina Laqno (2590) başçılıq edir. Bu gün sürətli şahmat yarışları üzrə 1-5-ci turlar oynanılacaq.Turnirin mükafat fondu 2 milyon dollardır. Bu məbləğin 1,25 milyon dolları kişi, 750 min dolları qadın şahmatçıların yarışına aiddir. Səudiyyə Ərəbistanı kralı Salman bin Əbdüləziz Əl Səudun adını daşıyan dünya çempionatında rapid üzrə yarışlar dekabrın 26-dan 28-dək və on beş turdan ibarət olmaqla İsveçrə sistemi üzrə keçiriləcək. Blits üzrə çempionat dekabrın 29-30-da keçiriləcək və 11 qoşa turdan ibarət olacaq.xeber100.com