“Kəpəz” klubunun yoxlama oyunlarında qarşılaşacağı rəqiblər müəyyənləşib

Qış təlim-məşq toplanışını Antalyada keçirəcək “Kəpəz” futbol klubunun yoxlama oyunlarında qarşılaşacağı rəqiblər müəyyənləşib. Yanvarın 14-də keçiriləcək ilk görüşdə Gəncə təmsilçisi Macarıstanın “MTK Budapeşt” kollektivi ilə üz-üzə gələcək. Baş məşqçi Tərlan Əhmədovun komandası yanvarın 16-da Serbiyanın “Novi Pazar” klubu ilə qarşılaşacaq. Ayın 18-də oynanılacaq sonuncu matçda isə rəqib Qazaxıstanın “Kaysar” komandası olacaq.xeber100.com

İngiltərə Premyer Liqasında növbəti turunun bir oyunu keçirilib

Yanvarın 2-də futbol üzrə İngiltərə Premyer Liqasında növbəti turunun bir oyunu keçirilib. "Liverpul” klubu səfərdə “Brentford”la qarşılaşıb. Oyunun favoriti “Liverpul” olsa da, Yürgen Kloppun yetirmələri ümidləri doğrultmayıb. Meydan sahibləri görüşdən 3:1 hesablı qələbə ilə ayrılıblar. “Brentford”un qollarına Konate (öz qapısına), Vissa və Mbeumo imza atıblar. “Liverpul”un yeganə qolunu isə Aleks Oksleyd Çemberleyn vurub. Beləliklə, bu mövsüm 17 oyunda 5-ci məğlubiyyətini alan “Liverpul” turnir cədvəlinin 6-cı pilləsində qərarlaşıb. Mersisaydlıların hesabında 28 xal var.xeber100.com

Azərbaycan Şahmat Federasiyası: Şahmat üzrə festival keçirilib

İsveçrənin Bazel şəhərində şahmat üzrə Milad bayramına həsr olunan festival keçirilib. İlin sonuncu şahmat yarışında Azərbaycanı Read Səmədov təmsil edib. Azərbaycan Şahmat Federasiyasından bildiriblər ki, turnirin sonuncu turunda R.Səmədov Almaniya şahmatçısı Morits Veyshauterlə heç-heçə oynayıb. Yekunda üç şahmatçı 7 xal toplayıb. Əlavə göstəricilərə görə, rəqiblərini qabaqlayan şahmatçımız Bazel turnirinin qalibi olub. Qeyd edək ki, yarışda 16 ölkədən 73 şahmatçı iştirak edib.xeber100.com

“Brügge” klubu UEFA Çempionlar Liqasının səkkizdəbir final mərhələsində

Skott Parker Belçikanın “Brügge” futbol klubuna baş məşqçi təyin olunub. Klubun rəsmi saytına istinadla xəbər verir ki, 42 yaşlı britaniyalı mütəxəssis bir neçə gün öncə istefaya göndərilmiş Karl Höfkensi əvəz edib. Baş məşqçi son olaraq "Bornmut"a rəhbərlik edib. “Brügge” klubu UEFA Çempionlar Liqasının səkkizdəbir final mərhələsində "Benfika" (Portuqaliya) ilə qarşılaşacaq.xeber100.com

“Mançester Siti”nin hücumçusu bu mövsüm 21 qol vurub

“Mançester Siti”nin hücumçusu Erlinq Holann İngiltərə Premyer Liqasında bu mövsüm 21 qol vurub.  Norveçli forvard 18 matçda bu saya çatıb. O, bu göstəricidə turnir tarixində yeni rekord müəyyənləşdirib. İyirmi iki yaşlı hücumçu Premyer Liqada bir mövsümdə təqvim ilinin sonunadək 21 qol vurmağı bacaran ilk oyunçu olub.xeber100.com

“Əl-Nəsr” futbol klubu Kriştiano Ronaldo ilə müqavilə imzalayıb

Səudiyyə Ərəbistanının “Əl-Nəsr” futbol klubu “Qızıl top”un beşqat qalibi Kriştiano Ronaldo ilə müqavilə imzalayıb. Bu barədə klubun mətbuat xidməti məlumat yayıb. Müqavilə 2025-ci ilə qədər qüvvədədir. Qeyd edək ki, Kriştiano Ronaldonun Səudiyyə Ərəbistanının “Əl Nəsr” futbol klubuna keçidi ilə bağlı “Əl-Ərəbiyyə” telekanalı məlumat yaymışdı. İspaniyanın “Marca” qəzeti isə müqavilənin ümumi məbləğinin təxminən 100 milyon avro qiymətləndirildiyini bildirmişdi. Nəşrin yazdığına görə, Ronaldo daha 100 milyon avronu reklam müqavilələrindən alacaq ki, bu da onu dünyanın ən çox maaş alan idmançısı edəcək.xeber100.com

Azərbaycan Güləş Federasiyasının məlumatı əsasında…

2022-ci il güləş hakimlərimiz üçün də uğurlu olub. Azərbaycan Güləş Federasiyası xəbər verir ki, bir neçə referimiz beynəlxalq dərəcəsini yüksəldib. Cari il ərzində keçirilən yarışların, seminarların və imtahanların nəticələrinə əsasən, 4 referimiz beynəlxalq dərəcəsini artırıb. Vüqar Şükürov və Kamran Əliyev I kateqoriyaya yüksəliblər. Bununla da bu dərəcəyə sahib hakimlərimizin sayı 6-ya çatıb. Əli Babayev və Xəzər Allahverdiyev isə II kateqoriyaya sahib çıxıblar. Hazırda bu dərəcədə olan ədalət təmsilçilərimizin sayı 7-yə bərabərdir. Bundan başqa, daha iki hakimimiz beynəlxalq dərəcəli referi statusu alıb. İyulda Xorvatiyanın paytaxtı Zaqrebdə keçirilən U-15 Avropa çempionatında ədaləti qoruyan Sevinc Yusibova ilə Firqət İbrahimov III kateqoriyalı beynəlxalq hakim ünvanına yiyələniblər. Qeyd edək ki, S.Yusibova Azərbaycan güləş tarixinin ilk beynəlxalq dərəcəli qadın referisidir.xeber100.com

Futbol üzrə yeganə üçqat dünya çempionu olan Pele 82 yaşında vəfat edib

İngiltərə Premyer Liqasının üç gün ərzində keçiriləcək bütün oyunlarında Pele yad olunacaq. Bu barədə qərarı İngiltərə Premyer Liqası verib. Dekabrın 30-31-də və yanvarın 1-də keçiriləcək matçlar bir dəqiqəlik sükutla başlayacaq. Bundan başqa, qarşılaşmanın bütün iştirakçıları qollarında qara sarğı ilə meydana çıxacaqlar. Qeyd edək ki, futbol üzrə yeganə üçqat dünya çempionu olan Pele 82 yaşında vəfat edib.xeber100.com

Fransa çempionatının XVI turu çərçivəsində

Fransa çempionatının XVI turu çərçivəsində “Monako” klubu səfərdə “Oster”ə 3:2 hesabı ilə qalib gəlib. “Monako”nun yarımmüdafiəçisi Eless Ben-Seqir Liqa 1-də debüt matçında dubla imza atıb. “Opta” nəşri xəbər verir ki, fransalı futbolçu 17 yaş 315 günlüyündə Fransa çempionatında dubl edən ikinci ən gənc oyunçu adına sahib olub. Qeyd edək ki, rekord Terri Anriyə məxsusdur. O, Fransa çempionatında 17 yaş 255 günlüyündə dubla imza atıb.xeber100.com

PSJ futbolçusu Marko Veratti ilə yeni müqavilə imzalayıb

PSJ futbolçusu Marko Veratti ilə yeni müqavilə imzalayıb. Klubun saytı xəbər verir ki, 30 yaşlı yarımmüdafiəçi ilə müqavilənin müddəti 2026-cı ilin iyununa kimi uzadılıb. Qeyd edək ki, Veratti 2012-ci ildən Paris təmsilçisində oynayır.xeber100.com