“Mançester Siti” klubu yarımmüdafiəçisi ilə yeni müqavilə imzalayıb

“Mançester Siti”nin yarımmüdafiəçisi David Silva klub ilə yeni müqavilə imzalayıb.Azərtac klubun rəsmi saytına istinadla xəbər verir ki, yeni müqavilənin müddəti 2020-ci ilin yayınadək nəzərdə tutulub. Silva 2010-cu ilin yayında İngiltərə klubuna transfer olunub.Futbolçunun klub ilə öncəki müqaviləsi 2018-2019-cu il mövsümündə başa çatırdı.Qeyd edək ki, cari mövsüm İngiltərə Premyer Liqasında 14 oyun keçirən Silva 1 qol vurub və 8 məhsuldar ötürmə edib.xeber100.com

Futbol üzrə dünya çempionatının iştirakçıları müəyyənləşib

Dekabrda Birləşmiş Ərəb Əmirliklərində keçiriləcək futbol üzrə klublararası dünya çempionatının bütün iştirakçıları müəyyənləşib.Azərtac xəbər verir ki, çempionatın sonuncu iştirakçısı Cənubi Amerika kuboku turnirinin (Copa Libertadores) finalında Argentinanın “Lanus” klubuna qalib gələn “Qremio” (Braziliya) komandası olub.Beləliklə, klublararası dünya çempionatında “Real Madrid” (İspaniya), “Qremio” (Braziliya), “Urava Red Daymonds” (Yaponiya), “Vidad” (Mərakeş), “Paçuka” (Meksika), “Oklend Siti” (Yeni Zelandiya), “Əl-Cəzirə” (BƏƏ) komandaları mübarizə aparacaqlar.Dekabrın 6-da start götürəcək çempionatın yarımfinal matçları dekabrın 12-13-də, üçüncü yer uğrunda görüş və final qarşılaşması isə dekabrın 16-da keçiriləcək.xeber100.com

Güləş üzrə dünya kuboku yarışları keçiriləcək

Rusiya Federasiyasının Çeboksarı şəhərində böyüklər arasında qadın güləşi üzrə dünya kuboku yarışları keçiriləcək.Azərtac xəbər verir ki, yarışda Azərbaycanla yanaşı, ABŞ, Rusiya, Monqolustan, Ukrayna, Çin, İsveç və Yaponiya güləşçiləri iştirak edəcəklər.Dünya kuboku yarışlarına dekabrın 1-də start veriləcək və 2 gün davam edəcək.Püşkatmanın nəticəsinə əsasən, Azərbaycan güləşçiləri Çin, Ukrayna və Monqolustan komandaları ilə “B” qrupunda mübarizə aparacaq. “A” qrupunda isə Rusiya, ABŞ, Yaponiya və İsveç komandaları qüvvələrini sınayacaqlar.Yarışda yığma komandamızın böyük məşqçisi Aslan Ağayev və məşqçi Rövşən Umudovun rəhbərliyi altında 7 güləşçimiz iştirak edəcək. Heyətdə Türkan Nəsirova (48 kq), Səbinə Həmzəlzadə (53 kq), Solmaz Həşimzadə (55 kq), Alyona Kolesnik (58 kq), Tatyana Omelçenko (60 kq), Elmira Qəmbərova (63 kq) və Elis Manolova (69 kq) yer alıblar.Yarışın proqramına əsasən, dekabrın 1-də qrup görüşləri keçiriləcək. Qrup liderləri finalda, qrup ikinciləri isə üçüncülük uğrunda görüşəcəklər.Görüşlərin idarə edilməsində ölkəmizi beynəlxalq dərəcəli hakim İntiqam Alıyev təmsil edəcək.xeber100.com

Futbol üzrə final mərhələsinin növbəti oyunları keçirilib

Futbol üzrə Azərbaycan kubokunun səkkizdəbir final mərhələsinin növbəti oyunları keçirilib.Azərtac xəbər verir ki, oyunlarda aşağıdakı hesablar qeydə alınıb: “Qəbələ” – “Mil-Muğan” - 8:0, “Şüvəlan” – “Səbail” - 1:2, “Zirə” – “Xəzər” - 3:0, MOİK – “Keşlə” - 0:3, “Kəpəz” – “Binə” - 3:0 və “Sumqayıt” – “Sabah” - 3:0.Beləliklə, “Qarabağ”, “Neftçi”, “Qəbələ”, “Səbail”, “Keşlə”, “Kəpəz”, “Zirə” və “Sumqayıt” komandaları Azərbaycan kubokunun dörddəbir final mərhələsinə vəsiqə qazanıblar.xeber100.com  

“Mançester Yunayted”in baş məşqçisi müdafiə xəttini gücləndirməyi planlaşdırır

“Mançester Yunayted” futbol klubunun baş məşqçisi Joze Mourinyu müdafiə xəttini gücləndirməyi planlaşdırır.Azərtac xəbər verir ki, portuqaliyalı baş məşqçi qış transfer dövründə üç futbolçunu - Lyuk Şou, Deyli Blind və Matteo Darmianı satışa çıxaracaq. Hər üç müdafiəçinin oyunu baş məşqçini qane etmir.Qeyd edək ki, gedəcək futbolçuların yerinə “Mançester Yunayted” uzunmüddətli perspektiv vəd edən oyunçuları cəlb etmək istəyir.xeber100.com

Cüdo üzrə XI respublika oyunlarına yekun vurulub

Tovuzda yeniyetmələrin cüdo üzrə XI respublika oyunlarına yekun vurulub.Azərtac xəbər verir ki, yarışın sonuncu günündə 6 çəki dərəcəsində qaliblər müəyyənləşib.Gənclər və İdman Nazirliyi, Azərbaycan Cüdo Federasiyasının təşkilatçılığı ilə keçirilən turnirdə İlkin Yusifov (50 kq), Rəşad Abdullayev (55 kq), İsmayıl Zamanov (60 kq), Ərəstun Həsənov (66 kq), İlham Mollayev (73 kq) və İbrahim Kərimov (73 kq-dan yuxarı) fəxri kürsünün ən yüksək pilləsinə qalxıblar.Ümumilikdə 171 yeniyetmə cüdoçunun mübarizə apardığı XI respublika oyunlarının qalib və mükafatçılarına medallar, diplomlar təqdim olunub.xeber100.com

“Neftçi” komandası “Zaqatala” klubunu qəbul edib

Futbol üzrə Azərbaycan kuboku yarışlarının səkkizdəbir final mərhələsinin növbəti görüşündə “Neftçi” doğma meydanda “Zaqatala” klubunu qəbul edib.Azərtac xəbər verir ki, baş hakim Rəşad Əhmədovun idarə etdiyi matçın ilk hissəsinin əvvəlində meydan sahibləri erkən qola seviniblər. Matçın səkkizinci dəqiqəsində Daniel Seqovia hesabı açıb. Görüşün 35-ci dəqiqəsində Daniel Seqovia dubl edib – 2:0. İlk hissə bu hesabla başa çatıb.Fasilədən sonra paytaxt təmsilçiləri qonaqları üçüncü dəfə oyuna meydanın mərkəzindən başlamağa dəvət ediblər. Görüşün 50-ci dəqiqəsində Uqo Barqas 11 metrlik cərimə zərbəsindən qayıdan topu rəqibin qapısından keçirib. Oyunun 54-cü dəqiqədə Daniel Seqovia het-trikə imza atıb. Matçın 59-cu dəqiqəsində Emin Mahmudov diqqət mərkəzində olub - 5:0.Beləliklə, oyun “Neftçi”nin 5:0 hesablı qələbəsi ilə yekunlaşıb və komanda dörddəbir finala yüksəlib.xeber100.com

Ağır atletika üzrə turnir keçiriləcək

Dekabrın 2-3-də ağır atletika üzrə Azərbaycan kuboku turniri keçiriləcək.Azərbaycan Ağır Atletika Federasiyasından Azərtac–a bildiriblər ki, yarışda şəhər və rayonlardan, idman klub, cəmiyyət və mərkəzlərindən, UGİM-lərdən hazırkı əsasnamə üzrə təyin olunmuş dərəcə normalarını yerinə yetirən və tibbi müayinədən keçən yüzə yaxın atlet qüvvəsini sınayacaq.Azərbaycan kubokunun keçirilməsində məqsəd atletlərin hazırlıq vəziyyətinin yoxlanılması, ehtiyat qüvvənin nəzərdən keçirilməsi, güclü idmançıların seçilməsidir.Turnir Şüvəlan qəsəbəsindəki Ağır Atletika Akademiyasının yarış zalında keçiriləcək.

Futbol üzrə səkkizdəbir final mərhələsinə yekun vurulacaq

Bu gün futbol üzrə Azərbaycan kubokunun səkkizdə bir final mərhələsinin növbəti oyunları keçiriləcək.Azərtac xəbər verir ki, “Qəbələ” – “Mil-Muğan”, “Şüvəlan” – “Səbail”, “Zirə” – “Xəzər”, “MOİK” – “Keşlə”, “Kəpəz” – “Binə” və “Sumqayıt” – “Sabah” klubları üz üzə gələcəklər.Bu görüşlərdə qalib gələn komandalar dörddəbir final mərhələsinə vəsiqə qazanacaqlar.xeber100.com

Dünya Taekvando Federasiyasının reytinq cədvəlində

Dekabrın 2-də Kot-Divuarın paytaxtı Abidcan şəhərində taekvando üzrə Qran-Pri yarışlarının final mərhələsi keçiriləcək.Azərtac xəbər verir ki, iki gün davam edəcək yarışda mübarizə aparmaq üçün kişilərdən ibarət Azərbaycan milli komandasının dörd üzvü noyabrın 29-da Abidcan şəhərinə yollanıb.Dünya Taekvando Federasiyasının Olimpiya reytinq cədvəlində ilk pillədə yer alan idmançılarımızdan Radik İsayev (80 kq-dan yuxarı) və Milad Beigi Herçəqani (80 kq), eləcə də reytinqdə yeddinci pillədə qərarlaşan Ayxan Tağızadə, 15-ci olan Məhəmməd Məmmədov (hər ikisi 68 kq) mükafatlar uğrunda döyüşlərə qatılacaqlar.Turnirdə qalib idmançı aktivinə 80, ikinci yerin sahibi 48, üçüncü yeri tutan idmançılar isə 28,8 reytinq xalı əlavə edəcəklər.Baş məşqçilər Reza Mehmandoust, Elnur Amanov və böyük məşqçi Rəşad Əhmədovun rəhbərliyi ilə turnirə yollanan taekvandoçularımız dekabrın 5-də Vətənə qayıdacaqlar.Xatırladaq ki, Rusiyada start götürən Qran-Pri turnirinin sonrakı mərhələləri Mərakeşdə və Böyük Britaniyada keçirilib.xeber100.com