XI respublika oyunlarının ilk gününün qalibləri müəyyənləşib

Tovuzda yeniyetmələrin cüdo üzrə XI respublika oyunlarının ilk gününün qalibləri müəyyənləşib.Bu barədə Azərtac-a Azərbaycan Cüdo Federasiyasından məlumat verilib.Qızların yarışında Züleyxa Nağıyeva (28 kq), Təranə Quliyeva (32 kq), Fidan Qasımova (36 kq), Könül Əliyeva (40 kq), Zeynəb Əhmədova (44 kq), Pərvanə Abdullayeva (48 kq) və Rita Əliyeva (52 kq) fəxri kürsünün ən yüksək pilləsinə yüksəliblər.Oğlanların mübarizəsində isə Murad Balacayev (34 kq), Süleyman Şükürov (38 kq), Eltac Yusifli (42 kq) və Ərəbxan Ramazanov (46 kq) çempion olublar.xeber100.com

Yunan-Roma güləşi üzrə növbəti Azərbaycan çempionatı keçiriləcək

Dekabrın 14-dən 18-dək Bakı İdman Sarayında böyüklər arasında sərbəst və yunan-Roma güləşi üzrə növbəti Azərbaycan çempionatı keçiriləcək.Azərtac xəbər verir ki, Gənclər və İdman Nazirliyi və Azərbaycan Güləş Federasiyasının (AGF) birgə təşkilatçılığı ilə keçiriləcək yarışda 18 yaşı tamamlamış, 1999-cu il və yuxarı təvəllüdlü idmançılar iştirak edə bilərlər. Şəxsi xarakter daşıyan yarışda idman cəmiyyətləri, idman klubları, idman təşkilatları, şəhər və rayon yığma komandalarının tərkibinə daxil olan idmançılar mübarizə aparacaqlar.Dünya Güləş Birliyinin qaydalarına əsasən keçiriləcək yarış Azərbaycan Güləş Federasiyası Hakimlər Kollegiyasının təyin etdiyi hakimlər tərəfindən idarə olunacaq. Sərbəst güləşçilər 57, 61, 65, 70, 74, 79, 86, 92, 97 və 125 kiloqram, yunan-Roma güləşçiləri isə 55, 60, 63, 67, 72, 77, 82, 87, 97 və 130 kiloqram çəki dərəcələrində qüvvələrini sınayacaqlar.Azərbaycan çempionatı bu il yeniyetmə güləşçilərin qitə və dünya birinciliklərində sınaqdan keçirilən və 2 günlük yarış proqramı üzrə təklif olunan yeni qaydalara uyğun təşkil olunacaq. Belə ki, yarışlardan bir gün öncə püşkatma mərasimi, ilk yarış günündə ilkin və təsəlliverici görüşlər, ikinci yarış günündə isə final görüşləri keçiriləcək. Əvvəllər bir gün öncə baş tutan çəki mərasimi bundan sonra yarış günləri keçiriləcək və finala vəsiqə qazanmış idmançılar iki dəfə çəki prosesinə cəlb olunacaq. İkinci dəfə tərəziyə çıxan idmançılara normadan 2 kiloqramadək artıq çəkidə güləşməyə icazə veriləcək.Çəki dərəcələri üzrə ilk 3 yeri tutmuş idmançılar AGF tərəfindən müvafiq diplom, medal və pul mükafatı ilə mükafatlandırılacaq, onlar ölkə yığma komandasının heyətinə cəlb ediləcək və il ərzində komandanın iştirak edəcəyi beynəlxalq yarışlarda ölkəmizi təmsil etmək imkanı qazanacaqlar.xeber100.com

Voleybol Zonaları Assosiasiyalarının çempionatına yekun vurulub

On səkkiz yaşadək oğlanlar arasında Şərqi Avropa Voleybol Zonaları Assosiasiyalarının (EEVZA) çempionatına yekun vurulub.Azərtac xəbər verir ki, Minskdə keçirilən yarış Azərbaycan millisi üçün uğursuz olub.Millimiz Belarus, Estoniya, Latviya və Ukrayna yığmaları ilə keçirdiyi oyunları 0:3 hesablı məğlubiyyətlə başa vurub və turniri dördüncü pillədə tamamlayıb.xeber100.com

“Azəryol” klubu “Kristiansiad” komandası ilə qarşılaşacaq

Azərbaycanın qadın həndbolçulardan ibarət “Azəryol” klubunun “Çağırış Kuboku” uğrunda yarışların səkkizdəbir final mərhələsindəki rəqibi məlum olub.Azərbaycan Həndbol Federasiyasından Azərtac-a bildiriblər ki, təmsilçimiz dörddəbir final mərhələsi uğrunda İsveçin “Kristiansiad” kollektivi ilə qarşılaşacaq.Komandalar arasında görüşlərin fevralın ilk ongünlüyündə keçirilməsi nəzərdə tutulub.xeber100.com

“Sabahın ulduzları” turnirinə yekun vurulub

2009-cu il təvəllüdlü futbolçular arasında keçirilən “Sabahın ulduzları” turnirinə yekun vurulub.Azərtac xəbər verir ki, baş məşqçi İslam Kərimovun rəhbərlik etdiyi “Neftçi” sona bir tur qalmış “Yasamal”ı 7:0 hesabı ilə məğlubiyyətə uğradaraq çempionluğu vaxtından əvvəl təmin edib. “Neftçi”nin heyətində Rüstəm Hüseynli het-trikə, Ramin Əbiyev isə dubla imza atıb. Digər qolları Mircavad Həsənov və Yusif Əliyev vurublar.Sonuncu turda isə “Neftçi” “Amasiya”ya 6:2 hesabı ilə qalib gəlib. Qolları Rüstəm Hüseynli (3 top), Ramin Əbiyev (2) və Sərxan Əbilov vurublar.Keçirdiyi 10 oyunun hamısında qələbə qazanan “Neftçi”nin U-9 komandasına Azərbaycan kuboku yarışlarının noyabrın 28-də keçiriləcək “Neftçi”–“Zaqatala” matçının fasiləsində qızıl medallar təqdim ediləcək. Otuz üç qolla sayca 15-ci “Sabahın ulduzları” çempionatının bombardiri olan və turnirin ən yaxşı futbolçusu seçilən “Neftçi”nin yetirməsi Rüstəm Hüseynli xüsusi mükafata layiq görüləcək.xeber100.com

Yunan-Roma güləşi üzrə beynəlxalq turniri start götürüb

Bu gün Tehranda gənclər arasında sərbəst və yunan-Roma güləşi üzrə “Şəhidlər kuboku” beynəlxalq turniri start götürüb.Azərtac xəbər verir ki, dekabrın 2-dək davam edəcək komanda xarakterli turnirdə gənclərdən ibarət ölkə yığma komandamızın üzvləri də iştirak edəcəklər.Yarışlar Dünya Güləş Birliyinin qəbul etdiyi yeni çəki dərəcələri ilə keçirilir.İlk iki yarış günündə yunan-Roma güləşi yarışlarında məşqçilər Zöhrab Abbasov və Turac Hüseynlinin rəhbərliyi altında Zaur Əliyev (55 kq), Zaur Nuriyev (60 kq), Həsən Məmmədli (63 kq), Namaz Rüstəmov (67 kq), Ülvü Qənizadə (72 kq), Nəsir Həsənov (77 kq), Aslan Məmmədov (82 kq), Arif Niftullayev (87 kq), Tehran Əminzadə (97 kq) və Cavid Feyziyev (130 kq) mübarizə aparacaqlar.Sərbəst güləş yarışları isə dekabrın 1-2-də baş tutacaq. Böyük məşqçi Saypulla Absaidov və məşqçi Rövşən Hacıyevin rəhbərliyi altında Əsgər Məmmədəliyev (57 kq), İntiqam Vəlizadə (61 kq), Mahal Novruzov (65 kq), Davud İbrahimov (70 kq), Qurban Qurbanov (74 kq), Rəşad Yusifli (79 kq), İslam İlyasov (86 kq), Asxab Həmzətov (92 kq), Cavid Sadıqov (97 kq) və Umar İsrailov (125 kq) güləşəcəklər.Görüşlərin idarə edilməsində ölkəmizi beynəlxalq dərəcəli hakim Natiq Hacıyev təmsil edir.xeber100.com

“Barselona” klubu rəqib qapısına yol tapa bilmir

“Barselona” klubunun hücumçusu Lionel Messi ardıcıl 6 oyundur rəqib qapısına yol tapa bilmir.Azərtac xarici KİV-lərə istinadla xəbər verir ki, argentinalı futbolçu İspaniya çempionatının sonuncu turunda “Valensiya” ilə matçda da fərqlənə bilməyib.Messi sonuncu dəfə 2010-cu ilin yayında ardıcıl 7 oyunda qol vura bilməyib.Qeyd edək ki, Messi İspaniya çempionatında 13 turdan sonra 12 topla bombardirlər siyahısına başçılıq edir. Argentinalı futbolçu “Valensiya”nın oyunçusu Simone Dzadzanı 3 top hesabı ilə qabaqlayır.xeber100.com

Tamblinq üzrə respublika çempionatına yekun vurulub

Milli Gimnastika Arenasında bədii gimnastika üzrə Bakı çempionatı və birinciliyi, aerobika gimnastikası üzrə açıq ölkə və paytaxt çempionatı, batut gimnastikası və tamblinq üzrə respublika çempionatı və Bakı birinciliyinə yekun vurulub.Azərtac xəbər verir ki, yarışın sonuncu günündə bədii gimnastlar və batutçular çıxış ediblər.Bədii gimnastikada çoxnövçülük yarışlarında 2007-ci il təvəllüdlü uşaqlar arasında Azərbaycan çempionatının və Bakı birinciliyinin qalibi Kamilla Seyidzadə olub. İkinci yerdə Mədinə Dəmirova, üçüncü yerdə isə Mehriban Abdullayeva qərarlaşıblar.2008-ci il təvəllüdlü uşaqlar arasında Nərmin Bayramova fəxri kürsünün ən yüksək pilləsinə qalxıb. Məryəm İonis yarışı ikinci, Leyli İsmayılova isə üçüncü pillədə başa vurublar.2009-cu il təvəllüdlü gimnastların çıxışları Məryəm Əliyevanın qələbəsi isə yekunlaşıb. Gümüş medalı Ayan Sadıqova, bürünc medalı isə Gövhər İbrahimova qazanıblar.Yuniorlar arasında qələbəni Arzu Cəlilova bayram edib. Gümüş medala Ləman Əlimuradova, bürünc medala isə Darya Farşbafşəhriyari layiq görülüblər.Batut gimnastikası üzrə yarışlarda körpələr yaş kateqoriyasında oğlanlar arasında qızıl medalı Ammar Bəxşəliyev qazanıb. İkinci yerə Rauf Mikayıllı, üçüncü yerə isə Fürqan Musayev layiq görülüblər. Körpələr yaş kateqoriyasında qızlar arasında qələbəni Kseniya Kuznetsova bayram edib. Gümüş medalı Nuriyyə Əliyeva, bürünc medalı isə Məryəm Mehrəliyeva qazanıblar.Uşaqlar yaş kateqoriyasında oğlanlar arasında qızıl medala İbrahim Mustafazadə, gümüş medala Əli Niftəliyev, bürünc medala isə Polad Xasbilatov sahib olublar. Uşaqlar yaş kateqoriyasında qızlar arasında isə Mariya Koleva birinci olub. Ləman Rzayeva gümüş, Aylin Nəzərova isə bürünc medal əldə ediblər.xeber100.com

Üzgüçülük üzrə açıq ölkə çempionatı keçirilib

Noyabrın 24-26-da Azərbaycanda üzgüçülük üzrə açıq ölkə çempionatı keçirilib. Turnirdə 120 üzgüçü iştirak edib.Üzgüçülük üzrə milli komandamızın baş məşqçisi Rəşad Əbdürrəhmanov Azərtac-a müsahibəsində deyib: “Bu yarışın təşkil edilməsindən əvvəl planlarımız var idi və sevinirəm ki, onları həyata keçirə bildik. Turnirin keçirilməsində əsas məqsəd Azərbaycanda üzgüçülüyü xüsusən uşaqlar arasında təbliğ etmək, ölkədə bu idman növünün inkişafını dünya səviyyəsinə çatdırmaqdır. Bunun üçün məşqçilərin də peşəkar olması vacibdir. Bütün bunları nəzərə alaraq yarışlar çərçivəsində üzgüçülük üzrə məşqçilər üçün ikinci beynəlxalq seminar da təşkil olunub. Hər yarış günü məşqçilər üçün seminarlar keçirilir”.R.Əbdürəhmanov açıq Azərbaycan çempionatı haqqında məlumat verərək bildirib ki, yarışa yerli idmançılarla yanaşı, Qazaxıstandan 4, Gürcüstandan 35 atlet qatılıb. Baş məşqçi yarışın təşkilində verilən dəstəyə görə Gənclər və İdman Nazirliyinə, Azərbaycan Üzgüçülük Federasiyasına və Bakı Su İdmanı Sarayının rəhbərliyinə minnətdarlığını bildirib.xeber100.com

Futbol üzrə Premyer Liqasının XIII turuna yekun vurulub

Noyabrın 26-da futbol üzrə Azərbaycan Premyer Liqasının XIII turuna yekun vurulub.Azərtac xəbər verir ki, turun son gününün ilk qarşılaşmasında “Sumqayıt” komandası “Səbail” klubunu qəbul edib. Matçda hesab açılmayıb-0:0.Günün son qarşılaşmasında isə “Qarabağ” səfərdə “Zirə”nin qonağı olub. Görüşdə hesabı Ağdam təmsilçiləri açıblar. Oyunun 21-ci dəqiqəsində Riçard Almeyda rəqib qapısına yol tapıb. Bu qoldan beş dəqiqə sonra Dino Ndlovu ev sahiblərini yenidən meydanın mərkəzinə dəvət edib-0:2. İlk hissədə qapılara başqa qol vurulmayıb.Fasilədən sonra meydan sahibləri buraxılan qollardan birinin əvəzini çıxa biliblər. Matçın 51-ci dəqiqəsində Vüsal İsgəndərli fərqlənib. Görüşün 62-ci dəqiqəsində Mahir Mədətov yenidən hesab arasındakı fərqi iki topa çatdırıb-1:3. Oyunun 67-ci dəqiqəsində Riçard Qadze hesab arasındakı fərqi minimuma endirib-2:3. Matç bu hesablada başa çatıb.Qeyd edək ki, turnir cədvəlinə 31 xalla “Qarabağ” başçılıq edir. “Qəbələ” klubu 28 xalla ikinci pillədədir. İlk üçlükdə isə 27 xalla “Zirə” qərarlaşıb. Digər pillələrdə müvafiq olaraq “Sumqayıt” (17), “Neftçi” (16 xal), “Səbail” (13), “Keşlə” (8) və “Kəpəz” (7) yer alıblar.xeber100.com