Futbol üzrə XIII turun oyun cədvəli müəyyənləşib

Futbol üzrə Azərbaycan Premyer Liqasının XIII turunun oyun cədvəli müəyyənləşib.Azərtac xəbər verir ki, iki günü əhatə edəcək turun açılış matçında – noyabrın 26-də “Kəpəz” klubu “Qəbələ”ni qəbul edəcək. Günün ikinci görüşündə “Neftçi” klubu “Keşlə” ilə qarşılaşacaq.Turun ikinci günündə isə “Sumqayıt” və “Səbail” klubları üz-üzə gələcəklər. Turun sonuncu qarşılaşmasında “Qarabağ” səfərdə “Zirə”nin qonağı olacaq.Qeyd edək ki, turnir cədvəlinə 28 xalla “Qarabağ” başçılıq edir. “Zirə” klubu 27 xalla ikinci pillədədir. İlk üçlükdə isə 25 xalla “Qəbələ” qərarlaşıb. Digər pillələrdə müvafiq olaraq “Sumqayıt” (16), “Neftçi” (13 xal), “Səbail” (12), “Keşlə” (8) və “Kəpəz” (7) yer alıblar.xeber100.com

FIFA növbəti reytinq siyahısını açıqlayıb

FIFA futbol üzrə yığma komandaların növbəti reytinq siyahısını açıqlayıb.Azərtac xəbər verir ki, Azərbaycan milli komandası ötən ayla müqayisədə iki pillə geriləyib. Aktivində 281 xalı olan Azərbaycan millisi 115-ci pillədən 117-ci sıraya enib.Qeyd edək ki, yeni reytinqdə lider dəyişib. Xalını 1602-yə çatdıran Almaniya birinci yerdədir. Hesabında 1483 xal olan Braziliya ikinci sıraya enib. Portuqaliya isə 1358 xalla üçüncü pillədə qərarlaşıb.xeber100.com

PSJ klubu “Seltik”i 7:1 hesabı ilə məğlub edib

PSJ klubu futbol üzrə UEFA Çempionlar Liqasının qrup mərhələsinin V turu çərçivəsində “Seltik”i 7:1 hesabı ilə məğlub edərək yeni rekord müəyyənləşdirib.Azərtac xəbər verir ki, PSJ-nin yarımmüdafiəçisi Marko Verrattinin oyunda vurduğu qol komandasının beşinci, qrup mərhələsində isə 22-ci top olub. Daha sonra isə Edinson Kavani və Dani Alves komandanın, müvafiq olaraq 23-cü və 24-cü qollarını vurublar.Beləliklə, PSJ turnirin qrup mərhələsində qolların sayına görə, yeni rekord müəyyənləşdirib. Bu nəticəyədək ən yaxşı göstərici “Borussiya”ya aid idi – 21 qol.Həmçinin Paris təmsilçisi məğlubiyyətsizlik seriyasını da 23-ə çatdırıb. Sonuncu dəfə baş məşqçi Unai Emerinin komandası cari il aprelin 30-da Fransa çempionatında “Nitsa”ya 1:3 hesabı ilə məğlub olub.PSJ cari mövsümdə Çempionlar Liqası yarışlarında məhz “Seltik”lə oyunda qapısında qol görüb. Hazırda komandanın turnirdə top fərqi 24:1-ə bərabərdir.xeber100.com

UEFA Çempionlar Liqasının qrup mərhələsinin ikinci günündə

UEFA Çempionlar Liqasının qrup mərhələsinin beşinci turunun ikinci günündə keçirilən qarşılaşmalardan sonra “Çelsi” və “Barselona” komandaları səkkizdəbir finala vəsiqəni artıq təmin ediblər.Azərtac xəbər verir ki, “C” qrupunda yer alan İngiltərə çempionu “Çelsi” ötən gün Bakı Olimpiya Stadionunda Ağdamın “Qarabağ” komandasını 4:0 hesabı ilə məğlub edərək xallarının sayını 10 çatdırıb. Bununla da londonlular növbəti mərhələyə adlayıblar. Qrupda “Roma”nın 8, “Atletiko Madrid”in 6, “Qarabağ”ın 2 xalı var.“D” qrupunda isə “Barselona” səfərdə “Yuventus” ilə 0:0 hesablı heç-heçə edərək 11 xalla növbəti mərhələyə yüksəlib. “Yuventus” 8 xalla ikinci, “Sportinq” 7 xalla üçüncü, “Olimpiakos” isə 1 xalla sonuncu pillədə qərarlaşıb.Qeyd edək ki, daha əvvəl PSJ, “Bavariya”, “Mançester Siti”, “Beşiktaş”, “Tottenhem” və “Real” pley-off mərhələsinə vəsiqəni təmin ediblər.xeber100.com

Fransa mətbuatı yazır…

Fransanın “Lill” futbol klubunun rəhbərliyi baş məşqçi Marselo Belsanı müvəqqəti olaraq vəzifəsindən kənarlaşdırıb.Azərtac komandanın “Twitter” səhifəsinə istinadla xəbər verir ki, klub rəhbərliyinin bu addımı atmasının səbəbi açıqlanmayıb.Daha öncə Fransa mətbuatında Belsanın “Lill”in baş məşqçi postundan gedəcəyi haqda məlumat yayılmışdı.Qeyd edək ki, “Lill” komandası 14 turdan sonra birinci Liqada 19 -cu pillədə qərarlaşıb.xeber100.com

2017-2018-ci il mövsümünün beşinci turuna start veriləcək

Noyabrın 23-də futbol üzrə UEFA Avropa Liqasının 2017-2018-ci il mövsümünün qrup mərhələsinin beşinci turuna start veriləcək.Azərtac xəbər verir ki, turun ilk günündə 8 qrupda ümumilikdə 14 matç oynanılacaq.Türkiyə təmsilçilərindən “Konyaspor” komandası doğma meydanda “Olimpik”i qəbul edəcək. Maraqla gözlənilən qarşılaşmalardan biri isə “Köln” və “Arsenal” klubları arasında oynanılacaq.Ümumiyyətlə, gün ərzində aşağıdakı oyunlar keçiriləcək: “A” qrupu “Astana” (Qazaxıstan) - “Vilyarreal” (İspaniya) “F” qrupu “Lokomotiv” (Moskva, Rusiya) - “Kopenhagen” (Danimarka) “G” qrupu “Luqano” (İsveçrə) - “Hapoel” (Beer-Şeva, İsrail) “Viktoriya” (Plzen, Çexiya) - “Styaua” (Rumıniya) “H” qrupu “Köln” (Almaniya) - “Arsenal” (İngiltərə) BATE (Belarus) - “Srvena Zvezda” (Serbiya) “I” qrupu “Konyaspor” (Türkiyə) - “Olimpik” (Ukrayna) “Zalsburq” (Avstriya) - “Gimaraeş” (Portuqaliya) “J” qrupu “Ostersun” (İsveç) - “Zarya” (Ukrayna) “Atletik” (İspaniya) - “Herta” (Almaniya) “Ostersun” (İsveç) “K” qrupu “Latsio” (İtaliya) - “Vitess” (Hollandiya) “Nitsa” (Fransa) “Nitsa” (Fransa) - “Zülte-Varegem” (Belçika) “L” qrupu “Zenit” (Rusiya) - “Vardar” (Makedoniya) “Real Sosyedad” (İspaniya) - “Rusenborq” (Norveç).xeber100.com

UEFA Çempionlar Liqasının V turuna yekun vurulacaq

Noyabrın 22-də gün futbol üzrə UEFA Çempionlar Liqasının qrup mərhələsinin V turuna yekun vurulacaq.Azərtac xəbər verir ki, turun ikinci günündə “A”, “B”, “C” və “D” qruplarında yer alan komandalar üz-üzə gələcəklər.“C” qrupunda yer alan Azərbaycan təmsilçisi “Qarabağ” klubu Bakı Olimpiya Stadionunda “Çelsi”ni qəbul edəcək. Bu qrupun digər matçında isə “Roma” səfərdə “Atletiko Madrid”in qonağı olacaq. Turun maraqla gözlənilən görüşlərindən biri də “D” qrupunda mübarizə aparan “Yuventus” və “Barselona” klublarının qarşılaşması olacaq.Ümumiyyətlə, gün ərzində aşağıdakı qarşılaşmalar keçiriləcək: “A” qrupu MOİK (Rusiya) – “Benfika” (Portuqaliya)) “Bazel” (İsveçrə) – “Mançester Yunayted” (İngiltərə) “B” qrupu “Anderlext” (Belçika) – “Bavariya” (Almaniya) PSJ (Fransa) – “Seltik” (Şotlandiya) “C” qrupu” “Qarabağ” (Azərbaycan) – “Çelsi” (İngiltərə) “Atletiko Madrid” (İspaniya) - “Roma” (İtaliya) “D” qrupu “Yuventus” (İtaliya) – “Barselona (İspaniya) “Sportinq” (Portuqaliya) - “Olimpiakos” (Yunanıstan).xeber100.com

FIFA İcraedici Futbol Sammiti keçirilib

Bakıda FIFA İcraedici Futbol Sammiti keçirilib.Azərtac AFFA-nın saytına istinadla xəbər verir ki, tədbirdə FIFA-nın prezidenti Canni İnfantino, baş katibi Fatma Samoura, Azərbaycanın yerləşdiyi regiondakı ölkələrin futbol federasiyalarının, həmçinin FIFA üzvü olan müxtəlif konfederasiyaların tərkibindəki milli assosiasiyaların rəhbərləri iştirak ediblər.Əfqanıstan, Tacikistan, Türkmənistan, Benin, Çad, Cibuti, Özbəkistan, Belarus, Gürcüstan, Qazaxıstan, Latviya, Moldova, Ukrayna və Rusiya futbol federasiyalarının nümayəndələri də sammitə qatılıblar.xeber100.com

Qılıncoynatma Federasiyasının ümumi yığıncağı keçirilib

Azərbaycan Qılıncoynatma Federasiyasının ümumi yığıncağı keçirilib. Azərtac xəbər verir ki, federasiyanın prezidenti Mikayıl Cabbarovun sədrliyi ilə keçirilən tədbirdə gündəlikdə duran əsas məsələ Azərbaycanda qılıncoynatmanın inkişafında gələcək fəaliyyət planının müzakirəsi olub.Bildirilib ki, bu idman növünün inkişafı üçün bir sıra addımlar atılıb. Ötən həftə Azərbaycan Texniki Universitetinin idman sarayında yeni qılıncoynatma zalı idmançıların istifadəsinə verilib.Yığıncaqda idman məktəblərində qılıncoynatma idman növünün yeni bölməsinin açılması, ümumtəhsil məktəblərində dərsdənkənar vaxtlarda qılıncoynatma qruplarının təşkilinə dair şəraitin yaradılması, yığma komandanın və kütləvi idman üçün müvafiq ləvazimatların sifariş olunması və digər məsələlər müzakirə olunub.Daha sonra federasiyanın yeni vitse-prezidentlərinin və baş katibinin seçkisi keçirilib.Fikrət Zeynalov, Fərhad Kasimov vitse-prezident, Vasif Məmmədov baş katib seçiliblər.Eyni zamanda, federasiyanın İcraiyyə Komitəsinin yeni tərkibi yığıncaq tərəfindən təsdiqlənib. Mikayıl Cabbarov, Fikrət Zeynalov, Fərhad Kasimov, Vasif Məmmədov, Sadiq Sadiqov, Yusif Hüseynov və Balaş Qasımov komitənin tərkibində yer alıblar.Azərbaycan Qılıncoynatma Federasiyası İcraiyyə Komitəsinin iclası keçirilib. Komitənin qərarı ilə Çingiz Mustafayev baş məşqçi təyin edilib.xeber100.com

“Qarabağ” komandası Londonun “Çelsi” klubu ilə qarşılaşır

Noyabrın 22-də UEFA Çempionlar Liqasının qrup mərhələsinin beşinci turu çərçivəsində Ağdamın “Qarabağ” komandası Bakı Olimpiya Stadionunda Londonun “Çelsi” klubu ilə qarşılaşır.Azərtac xəbər verir ki, “Qarabağ”ın start heyətində İbrahim Şehiç, Qara Qarayev, Dmitri Medvedev, Miçel, Dino Ndlovu, Mahir Mədətov, Rəşad Sadıqov, Riçard Almeyda, Ansi Aqolli, Yakub Rzezniçak, Donald Gerye yer alıblar.London təmsilçisinin ilk on birliyində isə meydana Tibo Kurtua, Anton Rüdiger, Markos Alonso, Sesk Fabreqas, Nqolo Kante, Eden Azar, Pedro Rodrigez, Davide Zappakosta, Villian, Sezar Azpiliketa və David Luiz çıxacaqlar.Oyunu portuqaliyalı referi Manuel De Sousa idarə edir.UEFA Çempionlar Liqasının “C” qrupunda yer alan “Qarabağ” əvvəlki oyunlarda səfərdə “Çelsi”yə 0:6, doğma meydanda isə “Roma”ya 1:2 hesabı ilə məğlub olub. Ağdam təmsilçisinin “Atletiko Madrid” ilə hər iki görüşü heç-heçə başa çatıb – (0:0, 1:1).Hazırda hesabında 8 xal olan “Roma” qrupda birinci pillədə qərarlaşıb. “Çelsi” 7 xalla ikinci, “Atletiko Madrid” 3 xalla üçüncü, hesabında 2 xalı olan “Qarabağ” isə sonuncudur.xeber100.com