Tamblinq üzrə respublika çempionatına yekun vurulub

Milli Gimnastika Arenasında bədii gimnastika üzrə Bakı çempionatı və birinciliyi, aerobika gimnastikası üzrə açıq ölkə və paytaxt çempionatı, batut gimnastikası və tamblinq üzrə respublika çempionatı və Bakı birinciliyinə yekun vurulub.Azərtac xəbər verir ki, yarışın sonuncu günündə bədii gimnastlar və batutçular çıxış ediblər.Bədii gimnastikada çoxnövçülük yarışlarında 2007-ci il təvəllüdlü uşaqlar arasında Azərbaycan çempionatının və Bakı birinciliyinin qalibi Kamilla Seyidzadə olub. İkinci yerdə Mədinə Dəmirova, üçüncü yerdə isə Mehriban Abdullayeva qərarlaşıblar.2008-ci il təvəllüdlü uşaqlar arasında Nərmin Bayramova fəxri kürsünün ən yüksək pilləsinə qalxıb. Məryəm İonis yarışı ikinci, Leyli İsmayılova isə üçüncü pillədə başa vurublar.2009-cu il təvəllüdlü gimnastların çıxışları Məryəm Əliyevanın qələbəsi isə yekunlaşıb. Gümüş medalı Ayan Sadıqova, bürünc medalı isə Gövhər İbrahimova qazanıblar.Yuniorlar arasında qələbəni Arzu Cəlilova bayram edib. Gümüş medala Ləman Əlimuradova, bürünc medala isə Darya Farşbafşəhriyari layiq görülüblər.Batut gimnastikası üzrə yarışlarda körpələr yaş kateqoriyasında oğlanlar arasında qızıl medalı Ammar Bəxşəliyev qazanıb. İkinci yerə Rauf Mikayıllı, üçüncü yerə isə Fürqan Musayev layiq görülüblər. Körpələr yaş kateqoriyasında qızlar arasında qələbəni Kseniya Kuznetsova bayram edib. Gümüş medalı Nuriyyə Əliyeva, bürünc medalı isə Məryəm Mehrəliyeva qazanıblar.Uşaqlar yaş kateqoriyasında oğlanlar arasında qızıl medala İbrahim Mustafazadə, gümüş medala Əli Niftəliyev, bürünc medala isə Polad Xasbilatov sahib olublar. Uşaqlar yaş kateqoriyasında qızlar arasında isə Mariya Koleva birinci olub. Ləman Rzayeva gümüş, Aylin Nəzərova isə bürünc medal əldə ediblər.xeber100.com

Üzgüçülük üzrə açıq ölkə çempionatı keçirilib

Noyabrın 24-26-da Azərbaycanda üzgüçülük üzrə açıq ölkə çempionatı keçirilib. Turnirdə 120 üzgüçü iştirak edib.Üzgüçülük üzrə milli komandamızın baş məşqçisi Rəşad Əbdürrəhmanov Azərtac-a müsahibəsində deyib: “Bu yarışın təşkil edilməsindən əvvəl planlarımız var idi və sevinirəm ki, onları həyata keçirə bildik. Turnirin keçirilməsində əsas məqsəd Azərbaycanda üzgüçülüyü xüsusən uşaqlar arasında təbliğ etmək, ölkədə bu idman növünün inkişafını dünya səviyyəsinə çatdırmaqdır. Bunun üçün məşqçilərin də peşəkar olması vacibdir. Bütün bunları nəzərə alaraq yarışlar çərçivəsində üzgüçülük üzrə məşqçilər üçün ikinci beynəlxalq seminar da təşkil olunub. Hər yarış günü məşqçilər üçün seminarlar keçirilir”.R.Əbdürəhmanov açıq Azərbaycan çempionatı haqqında məlumat verərək bildirib ki, yarışa yerli idmançılarla yanaşı, Qazaxıstandan 4, Gürcüstandan 35 atlet qatılıb. Baş məşqçi yarışın təşkilində verilən dəstəyə görə Gənclər və İdman Nazirliyinə, Azərbaycan Üzgüçülük Federasiyasına və Bakı Su İdmanı Sarayının rəhbərliyinə minnətdarlığını bildirib.xeber100.com

Futbol üzrə Premyer Liqasının XIII turuna yekun vurulub

Noyabrın 26-da futbol üzrə Azərbaycan Premyer Liqasının XIII turuna yekun vurulub.Azərtac xəbər verir ki, turun son gününün ilk qarşılaşmasında “Sumqayıt” komandası “Səbail” klubunu qəbul edib. Matçda hesab açılmayıb-0:0.Günün son qarşılaşmasında isə “Qarabağ” səfərdə “Zirə”nin qonağı olub. Görüşdə hesabı Ağdam təmsilçiləri açıblar. Oyunun 21-ci dəqiqəsində Riçard Almeyda rəqib qapısına yol tapıb. Bu qoldan beş dəqiqə sonra Dino Ndlovu ev sahiblərini yenidən meydanın mərkəzinə dəvət edib-0:2. İlk hissədə qapılara başqa qol vurulmayıb.Fasilədən sonra meydan sahibləri buraxılan qollardan birinin əvəzini çıxa biliblər. Matçın 51-ci dəqiqəsində Vüsal İsgəndərli fərqlənib. Görüşün 62-ci dəqiqəsində Mahir Mədətov yenidən hesab arasındakı fərqi iki topa çatdırıb-1:3. Oyunun 67-ci dəqiqəsində Riçard Qadze hesab arasındakı fərqi minimuma endirib-2:3. Matç bu hesablada başa çatıb.Qeyd edək ki, turnir cədvəlinə 31 xalla “Qarabağ” başçılıq edir. “Qəbələ” klubu 28 xalla ikinci pillədədir. İlk üçlükdə isə 27 xalla “Zirə” qərarlaşıb. Digər pillələrdə müvafiq olaraq “Sumqayıt” (17), “Neftçi” (16 xal), “Səbail” (13), “Keşlə” (8) və “Kəpəz” (7) yer alıblar.xeber100.com

Turan döyüş sənəti üzrə dünya kuboku yarışları başa çatıb

Noyabrın 26-da “Sərhədçi” İdman Olimpiya Mərkəzində alpaqut Turan döyüş sənəti üzrə dünya kuboku yarışları başa çatıb.Azərtac xəbər verir ki, yarışlarda komanda hesabında Azərbaycan birinci yerə çıxıb. İran komandası ikinci, Türkiyə yığması üçüncü olub.Xatırladaq ki, 15 ölkədən 300-ə yaxın idmançının iştirak etdiyi yarış alpaqutun aypara, batur, caymaz və gureş versiyaları üzrə keçirilib.xeber100.com

Döyüş növləri üzrə növbəti yarış keçirilib

Rusiyada MMA üzrə “M-1 Challenge 86” qarışıq təkbətək döyüş növləri üzrə növbəti mötəbər yarış keçirilib.Azərtac xəbər verir ki, Nazran şəhərində keçirilən turnirdə Azərbaycanı Avropa, Asiya çempionu, ikiqat dünya çempionu, Dünya Kubokunun qalibi Zaur Hacıbabayev təmsil edib. İdmançımız Rusiya təmsilçisi Nikolay Savilovla qarşılaşıb və inamlı qələbə qazanıb.Qeyd edək ki, Azərbaycanın ən titullu MMA döyüşçüsü Zaur Hacıbabayev zədə səbəbindən uzun müddət idmandan kənarda qalmışdı. Rusiyadakı yarış idmançının il yarımdan sonra qatıldığı ilk turnir olub.xeber100.com

Olimpiya Oyunları Mərkəzi açılıb

Tokionun yaxınlığında yerləşən Tofu şəhərində 2020-ci ildə keçiriləcək Olimpiya və Paralimpiya Oyunları üçün nəzərdə tutulan yeni idman obyektinin açılışı keçirilib.Azərtac xəbər verir ki, mərasimdə iştirak edən Tokionun qubernatoru Yurike Koike bu mərkəzin 2020-ci il Oyunlarına hazırlıq çərçivəsində açılan ilk yeni idman obyekti olduğunu deyib.Yeni mərkəzdə Olimpiya Oyunları zamanı badminton, qılıncoynatma, müasir beşnövçülük, Paralimpiya oyunları zamanı isə təkərli kürsüdə basketbol yarışlarının keçirilməsi nəzərdə tutulur. İdman kompleksinin ümumi tamaşaçı tutumu 10 min nəfərə bərabərdir. Burada, həmçinin, daxili hovuz və döyüş idman növləri üçün kiçik ölçülü manej də var. Mərkəzdən, eyni zamanda, müxtəlif sərgilərin və konsertlərin keçirilməsi üçün də istifadə ediləcək.xeber100.com

Formula-1 ilə əlaqədar ikigünlük praktik təlim keçiriləcək

“Bakı Şəhər Halqası” Əməliyyat Şirkəti (BŞH) yerli idman jurnalistləri üçün Formula-1 ilə əlaqədar “Sürətin nəbzini tut-2” adlı ikigünlük praktik təlim keçirəcək.BŞH-dən Azərtac-a bildiriblər ki, dekabrın 13-14-də təşkil ediləcək təlim Formula-1 yarışlarını “Sky Sports” və “BeIN Sports” kanallarında işıqlandırmış britaniyalı jurnalist və peşəkar avtoidman şərhçisi Kristofer Medland və beynəlxalq təcrübəyə malik multimedia mütəxəssisi, Azərbaycan Dövlət Bədən Tərbiyəsi və İdman Akademiyasının (ADBTİA) “İdman jurnalistikası” proqramının rəhbəri Dan Mason tərəfindən tədris olunacaq.Təlimin keçirilməsində məqsəd yerli idman jurnalistlərinin avtoidman sahəsində ixtisaslaşmış peşəkar xarici mütəxəssislərin təcrübəsindən faydalanmasını təmin etməkdir. Təlim zamanı iştirakçılar Formula-1 aləmi və onun ətrafında baş verənlər haqqında müxtəlif istiqamətlər üzrə xəbər hazırlamağa dair praktik biliklər alacaq və qazanılmış yeni biliklər multimedia layihəsi çərçivəsində fərdi şəkildə sınaqdan keçiriləcək.Təlimdə iştirak etmək üçün müraciətlər dekabrın 6-dək davam edəcək.xeber100.com

Turan döyüş sənəti üzrə dünya kuboku yarışlarına start verilib

“Sərhədçi” İdman Olimpiya Mərkəzində alpaqut Turan döyüş sənəti üzrə dünya kuboku yarışlarına start verilib.Azərtac xəbər verir ki, yarış Gənclər və İdman Nazirliyi, Döyüş Növləri Federasiyaları Assosiasiyasının dəstəyi, Dünya və Azərbaycan Alpaqut federasiyaları tərəfindən təşkil edilir.Dünya kubokunda Azərbaycan, Türkiyə, Almaniya, Qazaxıstan, Türkmənistan, İran, Qırğızıstan, Gürcüstan, Rusiya, Macarıstan, Nepal, Hindistan, Banqladeş Pakistan və Ukraynadan, ümumilikdə 300-dən çox idmançı birincilik uğrunda mübarizə aparır.Yarışlar alpaqutun aypara, batur, caymaz və gureş versiyaları üzrə keçirilir.xeber100.com

Həndbol üzrə növbəti qarşılaşmalar keçirilib

Noyabrın 25-də həndbol üzrə Azərbaycan çempionatında altıncı turun oyunları çərçivəsində növbəti qarşılaşmalar keçirilib.Azərbaycan Həndbol Federasiyasından Azərtac-a bildirilib ki, qadın həndbolçuların yarışında “İdman Akademiyası” kollektivi ilə üz-üzə gələn “Gənclərbirliyi” komandası matçdan 33:30 hesabı ilə qalib ayrılıb. “Azəryol”-“Qarabağ” görüşü isə gərgin idman mübarizəsi ilə yadda qalıb. Oyun 28:27 hesabı ilə “Azəryol” həndbolçularının xeyrinə başa çatıb.Noyabrın 26-da kişilər arasında yarış çərçivəsində “Məhsul” komandası Respublika İxtisaslaşdırılmış Olimpiya Ehtiyatları Uşaq Gənclər İdman Məktəbinin (RİOEUGİM) təmsilçiləri ilə, “Təhsil” həndbolçuları isə “Bakı” kollektivi ilə qarşılaşacaq.xeber100.com

Azərbaycan Premyer Liqasının XIII turuna start verilib

Noyabrın 25-də futbol üzrə Azərbaycan Premyer Liqasının XIII turuna start verilib.Azərtac xəbər verir ki, iki günü əhatə edəcək turun açılış matçında “Qəbələ” komandası Gəncənin “Kəpəz” klubunu səfərdə böyük hesabla məğlub edib - 6:1.Gəncə şəhər stadionunda keçirilən oyunda “Qəbələ”dən Baqali Dabo və Famussa Kone dubl ediblər. Digər iki qolun müəllifləri isə Stiven Jozef-Monroz və Ruslan Qurbanov olublar. Meydan sahiblərinin yeganə qolunu Kərim Diniyev 11 metrlik cərimə zərbəsindən vurub.Bununla da “Kəpəz” yeni baş məşqçi Yunis Hüseynovun rəhbərliyi altında debüt matçında ağır məğlubiyyətə uğrayıb. Bu oyun Roman Qriqorçukun baş məşqçi olduğu komandanın cari mövsümdə ən böyük hesablı qələbəsidir. Baqali Dabo 26-cı saniyədə fərqlənməklə Azərbaycan Premyer Liqasında 2017-2018-ci il mövsümünün ən erkən qoluna imza atıb.Bu qələbədən sonra xallarının sayını 28-ə çatdıran qəbələlilər çempionatda ikinci pilləyə yüksəlib. Gəncə təmsilçisi yeddi xalla sonuncu yerdədir.Günün ikinci görüşündə paytaxtın “Neftçi” və “Keşlə” klubları “Bakcell Arenada” qarşılaşıblar. Tərlan Əhmədovun baş məşqçisi olduğu “Neftçi” qələbə qazanıb – 3:1. Bununla da xallarının sayını 16-ya çatdıran “Neftçi” dördüncü pilləyə yüksəlib. “Keşlə” isə çempionatda onuncu dəfə məğlub olub.Turun ikinci günündə noyabrın 26-da “Sumqayıt” və “Səbail” klubları üz-üzə gələcəklər. Həmin turun sonuncu qarşılaşmasında “Qarabağ” səfərdə “Zirə”nin qonağı olacaq.Qeyd edək ki, turnir cədvəlinə 28 xalla “Qarabağ” başçılıq edir. Eyni xala malik “Qəbələ” klubu ikinci pillədədir. İlk üçlükdə isə 27 xalla “Zirə” qərarlaşıb. Digər pillələrdə müvafiq olaraq “Neftçi” (16 xal), “Sumqayıt” (16), “Səbail” (12), “Keşlə” (8) və “Kəpəz” (7) yer alıblar.xeber100.com