Azərbaycan kuboku yarışında dörddəbir final mərhələsinə start verilib

Bu gün futbol üzrə Azərbaycan kuboku yarışında dörddəbir final mərhələsinə start verilib.Günün ilk oyununda “Zirə” klubu “Neftçi”ni qəbul edib.Qarşılıqlı hücumlar şəraitində keçən oyunda “Zirə” minimal hesablı qələbə qazanıb – 1:0. “Zirə”nin heyətində 54-cü dəqiqədə Rəhim Sadıxov fərqlənib.Komandalar arasında cavab matçı dekabrın 20-sində olacaq.xeber100.com

“Azərreyl” klubunun “Thüringen”ə qarşı keçirəcəyi oyunların vaxtı dəqiqləşib

Çağırış kuboku yarışında mübarizə aparan qadın voleybolçulardan ibarət “Azərreyl” klubunun 1/16 final mərhələsində Almaniyanın “Thüringen” komandasına qarşı keçirəcəyi oyunların yeri və vaxtı dəqiqləşib.Azərbaycan Voleybol Federasiyası xəbər verir ki, klublar arasında əldə olunan qarşılıqlı razılaşmaya əsasən, hər iki matç Almaniyada baş tutacaq.Dekabrın 14-də və 15-də keçiriləcək görüşlərdə ilk gün təmsilçimiz, ertəsi gün isə rəqib meydan sahibi sayılacaq.Qeyd edək ki, “Azərreyl” 1/32 finalda Slovakiya təmsilçisi “Slaviya”nı mübarizədən kənarlaşdırıb.xeber100.com

Portuqaliya və İsveçrə yığmalarının start heyətləri açıqlanıb

Qətərdə keçirilən futbol üzrə dünya çempionatının pley-off mərhələsi çərçivəsində üz-üzə gələcək Portuqaliya və İsveçrə yığmalarının start heyətləri açıqlanıb.Portuqaliya millisinin start heyətində Dioqu Koşta, Pepe, Dioqu Dalot, Ruben Diaş, Rafael Gerreyru, Vilyam Karvalyu, Bernardu Silva, Otavio Monteyro, Brunu Fernandeş, Qonsalu Ramuş və Joau Feliks yer alıblar.İsveçrə yığmasının heyətində meydana Qreqor Kobel, Manuel Akanci, Fabian Şer, Rikardo Rodriges, Edimilson Fernandeş, Qranit Caka, Remo Froyler, Cerdan Şakiri, Cibril So, Brel Embolo və Ruben Varqas çıxacaqlar.Oyunun baş hakimi meksikalı Sesar Arturo Ramos olacaq. Görüş Bakı vaxtı ilə saat 23:00-da başlayacaq. Cütün qalibi dörddəbir finalda Mərakeş seçməsi ilə qarşılaşacaq.Qeyd edək ki, artıq dörddəbir final mərhələsinin üç cütü müəyyənləşib. Belə ki, Niderland millisi Argentina, İngiltərə isə Fransa, Xorvatiya seçməsi Braziliya ilə qarşılaşacaq.xeber100.com

Dünya çempionatının final mərhələsinin bütün cütlükləri müəyyənləşib

Qətərdə keçirilən futbol üzrə dünya çempionatının dörddəbir final mərhələsinin bütün cütlükləri müəyyənləşib.Turnirin dörddəbir final mərhələsinin təqvimini təqdim edir: 9 dekabr Xorvatiya – Braziliya (Bakı vaxtı ilə saat 19:00) Niderland - Argentina (23:00) 10 dekabr Mərakeş – Portuqaliya (19:00) İngiltərə - Fransa (23:00) Qeyd edək ki, dekabrın 13-14-də yarımfinal, ayın 18-də isə final oyunu keçiriləcək.xeber100.com  

Futbol üzrə dünya çempionatının pley-off mərhələsi çərçivəsində

Qətərdə təşkil olunan futbol üzrə dünya çempionatının pley-off mərhələsi çərçivəsində bu gün daha iki oyun keçiriləcək.Günün ilk matçında Yaponiya millisi Xorvatiya ilə üz-üzə gələcək. ABŞ-dan olan FIFA referisi İsmail Elfatın idarə edəcəyi görüş Bakı vaxtı ilə saat 19:00-da başlayacaq.Günün sonuncu qarşılaşmasında isə Braziliya seçməsi Koreya Respublikası millisi ilə qarşılaşacaq. Oyunun baş hakimi fransalı Kleman Türpen olacaq. Görüş Bakı vaxtı ilə saat 23:00-da start götürəcək. Bu cütlərin qalibi dörddəbir finalda bir-birinə rəqib olacaq.Qeyd edək ki, artıq dörddəbir final mərhələsinin iki cütü müəyyənləşib. Belə ki, Niderland millisi Argentina, İngiltərə isə Fransa ilə qarşılaşacaq.xeber100.com

Bakı Şəhər Halqası Əməliyyat Şirkəti: Formula 1 üçün könüllülərin qeydiyyatı başlayıb

Bakı Şəhər Halqası Əməliyyat Şirkəti (BŞH) aprelin 28-30-da keçiriləcək növbəti Formula 1 Azərbaycan Qran-Prisi üçün könüllülərin qeydiyyatına başlayıb.BŞH-dən bildiriblər ki, yeddinci dəfə keçiriləcək Azərbaycan Qran-Prisinin təşkilatçılıq işlərinə ümumilikdə 1500 könüllünün cəlb olunması planlaşdırılır. Bir sıra yeniliklərin nəzərdə tutulduğu könüllülük proqramına seçilmək üçün namizədlərin xarici dil biliyi arzu olunandır. Müraciət edənlərin sayı çox olduğuna görə seçim zamanı ən yaxşı namizədlərə üstünlük veriləcək. Müsahibə mərhələsindən uğurla keçən hər bir könüllü insan resursları, işçi qüvvəsi, media əməliyyatları, tamaşaçı xidmətləri, şəhər əməliyyatları, ofis əməliyyatları, hava limanı əməliyyatları və digər istiqamətlərdən birinə yönləndiriləcək.2023-cü il Azərbaycan Qran-Prisi Könüllülər Proqramının elan olunması ilə bağlı BŞH-nin İnsan resursları və işçi qüvvəsi şöbəsinin rəhbəri İranə Əhmədova bildirib ki, Bakı Şəhər Halqası Akademiyası könüllülərin yarışlara yüksək səviyyədə hazırlanması ilə yanaşı, hər il olduğu kimi onların peşəkar inkişafına da xüsusi diqqət göstərir. Belə ki, onların fərdi və peşəkar inkişafı üçün müxtəlif istiqamətlərdə təlimlər, fərqli mövzularda seminarlar və danışıq klubları keçiriləcək. Burada onlar müxtəlif sahələri əhatə edən təlimlərdə iştirak edərək, yeni biliklər qazana və fikir mübadiləsi apara biləcəklər. Könüllülərdə komanda ruhunu artırmaq və kollektivlə işləmək bacarığını inkişaf etdirmək məqsədi ilə müxtəlif tədbirlərin təşkili də nəzərdə tutulub.xeber100.com  

Stolüstü tennisçilərin ölkə kubokuna yekun vurulub

Yeniyetmə və gənc stolüstü tennisçilərin ölkə kubokuna yekun vurulub.“Şüa” İdman Kompleksində keçirilən yarışın nəticələrinə əsasən, 2004-2007-ci il təvəllüdlü qızların şəxsi mübarizəsindən Ləman Abdulhəmidova, oğlanların yarışından isə Kənan Pənahov qalib ayrılıb.2008-ci il və kiçik yaşlılar arasında keçirilən yarışda Arzu Aslanova bütün rəqiblərinə qalib gəlib. Oğlanlardan Adil Əhmədzadə fəxri kürsünün ən yüksək pilləsinə qalxıb.2004-2007-ci il təvəllüdlü idmançıların qoşa yarışında Zemfira Mikayılova – Ləman Abdulhəmidova dueti ilə Hacımurad Məmmədbəyov – Tahir Qubadov tandemi qələbə qazanıb.2008-ci il və kiçik təvəllüdlü tennisçilərin qoşa turnirində qızlardan Arzu Aslanova ilə Mərziyyə Nurmətova, oğlanlardan Adil Əhmədzadə ilə Rüstəm Hacılı ölkə kubokuna sahib çıxıblar.Qarışıq-qoşa turnirdə 2004-2007-ci il təvəllüdlü idmançıların mübarizəsində Kənan Pənahovla Ləman Abdulhəmidova, 2008-ci il və kiçik təvəllüdlülərdən isə Adil Əhmədzadə ilə Mərziyyə Nurmətova qələbə qazanıblar.Xatırladaq ki, 2004-2007-ci il yaş qrupu üzrə komanda mübarizəsində həm oğlanların, həm də qızların yarışından “Təhsil” RİM qalib ayrılıb. 2008-ci il və kiçik təvəllüdlülərdən isə qızlardan ibarət Sumqayıt 1 saylı İOEUGİM, oğlanlardan ibarət “Təhsil” RİM birinci yeri tutublar.xeber100.com

Argentina millisinin kapitanı karyerasında ilkə imza atıb

Qətərdə keçirilən dünya çempionatının pley-off mərhələsində Avstraliya millisi ilə qarşılaşmada Argentina millisinin kapitanı Lionel Messi fərqlənməklə karyerasında ilkə imza atıb.Matçın 35-ci dəqiqəsində Avstraliya millisinin qapısına yol tapmağı bacaran Messi iştirak etdiyi dünya çempionatları tarixində ilk dəfə pley-off mərhələsində qol vurub. Bu, 35 yaşlı futbolçunun mundiallarda iştirak etdiyi 22-ci oyununda 9-cu qol olub. Messi bu göstərici ilə Dieqo Maradona (21 oyun, 8 qol) və Kriştiano Ronaldonu (18 matç, 8 qol) qabağlamağı bacarıb.Uve Zeeler, Karl-Hayants Rummeniqqe (Almaniya), Roberto Baco, Paolo Rossi, Kristian Vyeri (İtaliya), Jairzino, Vava (Braziliya), David Vilya (İspaniya) və Eysebio (Portuqaliya) da dünya çempionatlarında 9 qol vurublar.Argentina-Avstraliya matçı Messinin peşəkar karyerasında 1000-ci oyun olub. Forvard İspaniyanın "Barselona" klubunda 778, hazırkı klubu Fransa PSJ-sində 53, yığmada isə 169 dəfə meydana çıxıb.xeber100.com

Azərbaycan çempionatında rapid yarışının qalibləri müəyyənləşib

Kişilər və qadınlar arasında Azərbaycan çempionatında rapid yarışının qalibləri müəyyənləşib.Qrossmeyster, ölkə, eləcə də Avropa çempionatlarının dəfələrlə qalibi və mükafatçısı olmuş Rauf Məmmədov 9 turdan 7 xal toplayaraq, əlavə göstəricilərə görə fəxri kürsünün ən yüksək pilləsində qərarlaşıb. Onunla eyni xalı yığan Vüqar Əsədli ikinci, yarım xal az toplayan Məhəmməd Muradlı isə üçüncü yerləri tutublar.Qadınlar arasında isə 7 turdan 5 xal yığan Ləman Hacıyeva əlavə göstəricilərə görə birinci yerə sahib olub. İkinci pillədə onunla eyni xala malik olan Ayan Allahverdiyeva qərarlaşıb. Üçüncü yeri isə Ülviyyə Fətəliyeva qazanıb.Şahmatçılarımız Azərbaycan çempionatında blits yarışında isə mübarizəni davam etdirirlər.Qeyd edək ki, çempionatların təşkilində əsas məqsəd dekabrın 25-30-da Qazaxıstanın Almatı şəhərinin ev sahibliyi edəcəyi rapid və blits üzrə dünya çempionatına gedəcək şahmatçıların müəyyən edilməsidir.xeber100.com

Fransa millisi dünya çempionatının dörddəbir final mərhələsinə yüksəlib

Futbol üzrə Fransa millisi Qətərdə keçirilən dünya çempionatının dörddəbir final mərhələsinə yüksəlib. Turnirin pley-off mərhələsində Polşa milli komandası ilə qarşılaşan Fransa yığması 44-cü dəqiqədə hesabı açıb. Olivye Jiru fərqlənməklə komandasını hesabda önə keçirib. Fransa seçməsi fasiləyə minimal üstünlüklə yollanıb.“Al Tumama” stadionunda oynanılan matçın 74-cü dəqiqəsində fransalı hücumçu Kilian Mbappe ikinci topu Polşa millisinin qapısından keçirib. Görüşün 91-ci dəqiqəsində K.Mbappe dubl edib. İkinci hissəyə əlavə edilmiş vaxtın sonuncu dəqiqəsində Fransa millisinin qapısına təyin olunmuş penalti zərbəsini Robert Levandovski dəqiq yerinə yetirərək Polşa millisinin təsəlli qolunu vurub. Beləliklə, Fransa millisi 3:1 hesablı qələbə qazanaraq növbəti mərhələyə vəsiqəni təmin edib.Fransa komandası dörddəbir final mərhələsində İngiltərə - Seneqal matçının qalibi ilə qarşılaşacaq. İngiltərə - Seneqal oyunu bu gün Bakı vaxtı ilə saat 23:00-da başlayacaq.Qeyd edək ki, artıq Niderland və Argentina seçmələri dörddəbir finala vəsiqə qazanıb və bir-birinə rəqib olublar.xeber100.com