Niderland və ABŞ milli komandalarının start heyətləri açıqlanıb

Qətərdə keçirilən dünya çempionatının pley-off mərhələsində qarşılaşacaq Niderland və ABŞ milli komandalarının start heyətləri açıqlanıb.Niderland millisinin start heyətində Andries Noppert, Yurien Timber, Vircil Van Dayk, Natan Ake, Denzel Dümfriz, Marten De Run, Frenki De Yonq, Deyli Blind, Deyvi Klaassen, Memfis Depay və Kodi Qakpo yer alıblar.ABŞ yığmasının heyətində isə meydana Met Törnr, Sejinyo Dest, Tim Rim, Uolker Zimmerman, Entoni Robinson, Tayler Adams, Yunus Musa, Ueston Makkeni, Timoti Vea, Kristian Pulişi və Xesus Ferreyra çıxacaqlar.“Xəlifə” stadionunda keçiriləcək görüş Bakı vaxtı ilə saat 19:00-da başlayacaq. Oyunu braziliyalı FIFA referisi Vilton Sampayo idarə edəcək.xeber100.com

“Qəbələ” futbol klubu turnir cədvəlində dördüncü pilləyə yüksəlib

Azərbaycan Premyer Liqasının XVI turu çərçivəsində keçirilən görüşün 5-ci dəqiqəsində paytaxt klubunun futbolçusu Kizito Luvaqa hesabı açıb. Matçın 35-ci dəqiqəsində “Qəbələ”nin yarımmüdafiəçisi Feras Abu Akal hesaba tarazlıq gətirib. Qarşılaşmanın ilk hissəsi 1:1 hesablı heç-heçə ilə yekunlaşıb.İkinci hissəyə daha fəal başlayan “Qəbələ” oyunun 65-ci dəqiqəsində hesabda önə keçib. Belə ki, Ülvi İsgəndərovun vurduğu qol matçın taleyini həll edib.Beləliklə, görüş “Qəbələ”nin 2:1 hesablı qələbəsi ilə yekunlaşıb.xeber100.com

Azərbaycan Premyer Liqasında bu gün XVI turun daha bir oyunu keçirilib

Futbol üzrə Azərbaycan Premyer Liqasında bu gün XVI turun daha bir oyunu keçirilib.Günün ikinci matçında “Sabah” komandası “Şamaxı” ilə qarşılaşıb.Matçda hesabı paytaxt komandası açıb. Görüşün ikinci dəqiqəsində Kristian Sebalyos meydan sahiblərini hesabda önə çıxarıb. Lakin bu futbolçu 24-cü dəqiqədə birbaşa qırmızı vərəqə alaraq meydandan qovulub.Qarşılaşmanın 75-ci dəqiqəsində isə “Şamaxı” komandasının futbolçusu Elçin Mustafayev qırmızı vərəqə ilə cəzalandırılıb. 88-ci dəqiqədə “Şamaxı”nın heyətində Fuad Bayramov bərabərlik qolunu vurub. Beləliklə, oyun 1:1 hesabı ilə heç-heçə yekunlaşıb.Bu nəticə ilə “Sabah” xallarının sayını 39-a çatdırıb. “Şamaxı” isə 12 xalla yeddinci pillədədir.Tura dekabrın 4-də “Kəpəz” – “Sumqayıt” və “Zirə” – “Turan Tovuz” matçları ilə yekun vurulacaq.xeber100.com

Futbol üzrə dünya çempionatında qrup mərhələsinə yekun vurulacaq

Bu gün Qətərdə futbol üzrə dünya çempionatında qrup mərhələsinə yekun vurulacaq.G qrupu çərçivəsində Kamerun – Braziliya və Serbiya-İsveçrə oyunları keçiriləcək. “Lusail” stadionunda oynanılacaq Kamerun–Braziliya matçını ABŞ-dan olan FIFA referisi İsmail Elfat idarə edəcək. “Stadium 974”də keçiriləcək digər matç isə Fernando Rapalliniyə (Argentina) həvalə olunub. Hər iki oyun Bakı vaxtı ilə saat 23:00-da başlayacaq.Hesabında 6 xal olan Braziliya millisi qrupa liderlik edir. İsveçrə 3 xalla ikincidir. Kamerun və Serbiya seçmələri 1 xalla üçüncü-dördüncü pillədə yer alıblar.H qrupu çərçivəsində isə Qana - Uruqvay və Koreya Respublikası - Portuqaliya matçları oynanılacaq. Hər iki oyuna saat 19:00-da start veriləcək. “Əl Canub” stadionunda keçiriləcək Qana - Uruqvay matçı almaniyalı hakim Daniel Zibert idarə edəcək. “Edukeyşın Siti” stadionunda təşkil olunacaq digər oyun isə Argentinadan olan hakim Fakundo Teloya tapşırılıb.Portuqaliya millisi 6 xalla qrupun lideridir. Qana 3 xalla ikinci, hesabında 1 xal olan Koreya Respublikası və Uruqvay üçüncü-dördüncü pillədə qərarlaşıblar.Qeyd edək ki, Portuqaliya, Braziliya, Niderland, Seneqal, İngiltərə, ABŞ, Fransa, Avstraliya, Argentina, Polşa, Mərakeş, Xorvatiya, Yaponiya və İspaniya yığmaları səkkizdəbir finala vəsiqəni təmin ediblər.xeber100.com

Azərbaycan Şahmat Federasiyası ölkə çempionatlarına start verib

Azərbaycan Şahmat Federasiyasının mənzil qərargahında rapid və blits üzrə ölkə çempionatlarına start verilib.Çempionatda 36 şahmatçı iştirak edir. Onlardan 22-si kişi, 14-ü isə qadınların turnirində gücünü sınayacaq.Ölkə birinciliyi dekabrın 25-30-da Qazaxıstanda təşkil olunacaq rapid və blits üzrə dünya çempionatlarına seçim xarakteri daşıyır.Yarışda Rauf Məmmədov, Nicat Abbasov, Vasif Durarbəyli, Vüqar Əsədli, Aydın Süleymanlı, Məhəmməd Muradlı, Ülviyyə Fətəliyeva, Gülnar Məmmədova, Xanım Balacayeva, bu il 20 yaşadək şahmatçılar arasında dünya çempionu adını qazanmış Abdulla Qədimbəyli və Gövhər Beydullayeva kimi ölkənin aparıcı şahmatçıları iştirak edirlər.İki gün davam edəcək 9 turluq rapid yarışından sonra şahmatçılar daha bir gün blits oynayacaq və sonda iki turnirin nəticələrinə uyğun olaraq Azərbaycan çempionlarının adları müəyyən olunacaq.Qeyd edək ki, hər iki turnirin ümumi mükafat fondu 8 min manat təşkil edir.xeber100.com

Atletika Şurası dünya çempionatının tarixini dəyişdirib

Dünya Atletika Şurası 2025-ci ildə Tokioda keçiriləcək dünya çempionatının tarixinin isti hava şəraitinə görə sentyabra dəyişdirilməsi barədə qərar qəbul edib. Bu barədə dekabrın 1-də NHK telekanalı məlumat yayıb. Məlumata əsasən, həmin qərar Romada keçiriləcək görüşdə təsdiq edildikdən sonra yarışlar sentyabrın 13-dən 21-dək təşkil olunacaq.Qeyd edilir ki, bu, 2019-cu il sentyabrın sonu oktyabrın əvvəllərində Dohada keçirilmiş çempionatdan sonra ikinci ən uzun müddətli yarış olacaq.Yaponiya Atletika Federasiyasının yaydığı məlumata görə, dünya çempionatları adətən iyul və ya avqust aylarında keçirilir. Lakin həmin aylarda Yaponiyada havalar çox isti keçdiyinə görə Tokioda keçiriləcək yarışların tarixi sentyabra dəyişdirilib.Bildirilir ki, Atletika üzrə Dünya Çempionatı 2025-ci ildə Tokioda yerləşən Milli stadionda təşkil ediləcək. Bu yarışlarda dünyanın 210 ölkəsindən və regionundan 2000-dək idmançının iştirakı gözlənilir.Xatırladaq ki, ötən il Tokioda keçirilən Olimpiya Oyunları zamanı iyulun sonu avqustun əvvəllərində nəzərə tutulan marafon və idman yerişi yarışlarının məkanı məhz isti havaya görə Hokkaydo adasında yerləşən Sapporo şəhərinə dəyişdirilmişdi.

Azərbaycan Voleybol Federasiyasının məlumatı əsasında

Dekabrın 2-6-da Gürcüstanın Qori şəhərində 17 yaşadək oğlan voleybolçular arasında Şərqi Avropa Zonal Assosiasiyasının (EEVZA) çempionatı keçiriləcək.Azərbaycan Voleybol Federasiyası xəbər verir ki, turnirdə Azərbaycan millisi də gücünü sınayacaq. Baş məşqçi Cəlil Baxtiozinin rəhbərlik etdiyi yığmamız Gürcüstan, Latviya, Ukrayna, Estoniya və Polşa ilə birgə yarışacaq.“Avro-2023”ə seçmə xarakteri daşıyan yarışın reqlamentinə əsasən, çempion Avropa çempionatının finalına vəsiqə əldə edəcək.xeber100.com

Azərbaycan Premyer Liqasında XV tura yekun vurulub

Azərbaycan Premyer Liqasında XV tura yekun vurulub. “Sabah” klubu bu turda səfərdə “Turan Tovuz”la qarşılaşıb. Matç Bakı təmsilçisinin 1:0 hesablı qələbəsi ilə nəticələnib. Tovuz şəhər stadionunda oynanılan görüş müdafiəçi Amin Seydiyev üçün əlamətdar olub.Bakı klubuna istinadla xəbər verir ki, “Sabah”ın heyətində 68-ci oyununu keçirən müdafiəçi bu göstərici ilə klubun tarixində mütləq rekordçu olub. Bundan əvvəl futbolçu “Sabah”ın sabiq qolkiperi Saşa Stamenkoviç (67) ilə şərikli lider idi.Qeyd edək ki, A.Seydiyev “Sabah”ın heyətində yüksək liqada 64, ölkə kuboku yarışında isə 4 matç keçirib.xeber100.com

Futbol üzrə dünya çempionatının qrup mərhələsində

Qətərdə futbol üzrə dünya çempionatının qrup mərhələsində üçüncü turun növbəti oyunları keçiriləcək.Oyun günündə C və D qruplarında mübarizəyə yekun vurulacaq.C qrupu çərçivəsində Polşa - Argentina və Səudiyyə Ərəbistanı - Meksika oyunları keçiriləcək. “Stadium 974”də oynanılacaq Polşa - Argentina matçını niderlandlı hakim Danni Desmond Makkeli idarə edəcək. "Lusail" stadionunda keçiriləcək digər matç isə Maykl Oliverə (İngiltərə) həvalə olunub. Hər iki oyun Bakı vaxtı ilə saat 23:00-da başlayacaq.Hesabında 4 xal olan Polşa millisi qrupa liderlik edir. Argentina və Səudiyyə Ərəbistanı milliləri 3 xalla ikinci-üçüncü pillədə yer alıblar. Meksikanın isə aktivində 1 xal var.D qrupu çərçivəsində isə Avstraliya-Danimarka və Tunis-Fransa matçları oynanılacaq. Hər iki oyuna saat 19:00-da start veriləcək. “Əl Canub” stadionunda keçiriləcək Avstraliya-Danimarka matçı əlcəzairli hakim Mustafa Qorbal idarə edəcək. “Edukeyşn Siti” stadionunda təşkil olunacaq digər oyun isə ABŞ-dan olan hakim Mettyu Konqerə tapşırılıb.Fransa millisi 6 xalla pley-off mərhələsinə vəsiqəni təmin edib. Avstraliya 3 xalla ikinci, Danimarka və Tunis isə 1 xalla üçüncü-dördüncü yerdədirlər.Qeyd edək ki, Fransa, Portuqaliya, Braziliya, Niderland, Seneqal, İngiltərə və ABŞ səkkizdəbir final mərhələsinə yüksəliblər.xeber100.com

“Sabah”ın futbolçusu Azərbaycan çempionatlarında 100-cü oyununu keçirib

“Sabah”ın futbolçusu Davit Volkov Azərbaycan çempionatlarında 100-cü oyununu keçirib. Gürcüstanlı hücumçunun yubileyi Azərbaycan Premyer Liqasının XV turuna təsadüf edib. “Turan Tovuz”la səfər görüşündə sonradan meydana çıxan legioner 100-cü qarşılaşmasını keçirib. Onun hesabında 30 qol var.D.Volkov Premyer Liqada 2019-cu ilin əvvəlində debüt edib. O, “Qəbələ”də 27 (7 qol), “Zirə”də 58 (20 qol) və “Sabah”da 15 (3 qol) oyun keçirib.Qeyd edək ki, “Sabah” səfər matçında 1:0 hesablı qələbə qazanıb.xeber100.com