Cüdo üzrə dünya çempionatı keçiriləcək

Xəbər verildiyi kimi, avqustun 28-dən sentyabrın 3-dək Macarıstanın paytaxtı Budapeştdə cüdo üzrə dünya çempionatı keçiriləcək.Azərtac xəbər verir ki, Azərbaycan milli komandası bu mötəbər yarışda 17 nəfərlik (9 kişi, 8 qadın) geniş heyətlə təmsil olunacaq.Azərbaycan Cüdo Federasiyasında (ACF) dünya çempionatında ölkəmizin idman şərəfini qoruyacaq cüdoçular və məşqçilərlə görüş keçirilib. Görüşdə həm kişilərdən, həm də qadınlardan ibarət milli komandalarımızın məşqçiləri mötəbər çempionatla bağlı keçirilmiş təlim-məşq toplanışları, eləcə də ümumi hazırlıqla bağlı məlumat veriblər.Cüdoçularımız yaradılan şəraitə görə, ACF-nin prezidenti Rövnəq Abdullayevə təşəkkürlərini bildirərək, göstərilən bu etimadı dünya çempionatında da doğruldacaqlarına inandıqlarını qeyd ediblər.ACF-nin vitse-prezidenti Sadıq Sadıqov milli komandamızın üzvlərinə beynəlxalq yarışlarda göstərdikləri əzmkarlığa görə öz minnətdarlığını bildirib və bu uğurların davamı üçün federasiya tərəfindən daim qayğı göstəriləcəyini idmançıların diqqətinə çatdırıb.xeber100.com

Güləş üzrə dünya çempionatı davam edir

Fransanın paytaxtı Parisdə güləş üzrə dünya çempionatı davam edir.Azərtac xəbər verir ki, ikinci yarış günündə 59, 66, 80 və 130 kiloqram çəki dərəcəsində yunan-Roma güləşçiləri mübarizə aparırlar.Bu gün xalça üzərinə Taleh Məmmədov (59 kq), Kamran Məmmədov (66 kq), Elvin Mürsəliyev (80 kq) və Sabah Şəriəti (130 kq) çıxacaqlar.Yığmamız baş məşqçi Şaban Donat, böyük məşqçi Akif Əliyev, məşqçilər Nurəddin Rəcəbovun rəhbərliyi altında mübarizə aparır.1/16 finalda Taleh Məmmədov belaruslu Maksim Kazarski, Kamran Məmmədov koreyalı Hansu Ryu, Elvin Mürsəliyev rusiyalı Roman Vlasov, Sabah Şəriəti isə 1/8 finalda M.Kuçmu (Ukrayna)-M.Knistautsa (Litva) qarşılaşmasının qalibi ilə görüşəcəklər.xeber100.com

“Qəbələ”-“Sumqayıt” görüşü başa çatıb

Futbol üzrə Azərbaycan Premyer Liqasının ikinci turunun növbəti günü “Qəbələ”-“Sumqayıt” görüşü ilə başa çatıb.Azərtac xəbər verir ki, Qəbələdə keçirilən matç meydan sahiblərinin minimal üstünlüyü ilə başa çatıb – 1:0. Matçda yeganə qolu “Qəbələ”nin futbolçusu Tellur Mütəllimov vurub. Bununla da “Qəbələ” ikinci oyununda ikinci qələbəsini qazanıb. Xallarının sayını 6-ya çatdıran “Qəbələ” “Qarabağ” və “Zirə” ilə birlikdə turnir cədvəlinin zirvəsində yer alır.xeber100.com

“Antalyaspor” – “Mançester Siti”nin futbolçusunu transfer edib

Türkiyənin “Antalyaspor” klubu İngiltərənin “Mançester Siti” komandasının yarımmüdafiəçisi Samir Nəsrini transfer edib.Türkiyə mətbuatı xəbər verir ki, artıq Antalyaya gələn Fransa yığmasının üzvü ilə iki illik razılıq əldə olunub. Son mövsümü icarə əsasında “Sevilya”da keçirən otuz yaşlı yarımmüdafiəçi Türkiyə Super Liqası klubunda ilinə dörd milyon avro maaş alacaq. Təcrübəli futbolçunun transferi üçün İngiltərə klubuna təxminən 14-15 milyon avro ödənəcəyi gözlənilir.Türkiyə klubu yeni transferini ictimaiyyətə bu gün təqdim edəcək.Qeyd edək ki, Fransanın “Marsel” komandasında karyerasına başlayan futbolçunu sonralar İngiltərənin “Arsenal” komandası heyətinə cəlb edib. Yarımmüdafiəçi ötən ildən “Sevilya” klubunun heyətində oynayır və meydana çıxdığı 23 qarşılaşmada iki qol vurub. O, 2007-ci ildən oynadığı Fransa millisinin heyətində 41 matçda 5 dəfə fərqlənib.xeber100.com

“Tottenhem” klubu “Çelsi”ni qəbul edib

İngiltərə Premyer Liqasının ikinci turunun mərkəzi matçında “Tottenhem” klubu öz meydanında son çempion “Çelsi”ni qəbul edib.Azərtac xəbər verir ki, “Uembli” sadionunda baş tutan London derbisi qonaq komandanın 2:1 hesablı qalibiyyəti ilə yekunlaşıb. Matçda hər üç qolu qonaq komandanın futbolçuları vurublar. Belə ki, Markos Alonso 24 və 88-ci dəqiqələrdə dubl etdiyi halda, Miçi Batşuayi 82-ci dəqiqədə avtoqola imza atıb.“Çelsi” iki turdan sonra aktivinə 3 xal yazdıra bilib. “Totenhem” isə ötən turda qazandığı qələbədən sonra meydanı bu dəfə xalsız tərk edib.xeber100.com

Taekvandoçuların dünya birinciliyi keçiriləcək

Misir Ərəb Respublikasının Şarm Əl-Şeyx şəhərində yeniyetmə taekvandoçuların dünya birinciliyi keçiriləcək.Azərtac xəbər verir ki, sayca üçüncü olan birincilikdə Azərbaycan komandası da iştirak edəcək. Bu məqsədlə yeniyetmələrdən ibarət milli yığma komandamız Misirə yollanıb. Avqustun 24-də başlayacaq yarış dörd gün davam edəcək.Doqquz idmançı ilə mundialda təmsil olunacaq komandamızın heyətində oğlanlardan Nihad Əlizadə (33 kq), Riyad Şirəliyev (37 kq), İsmayıl İsmayılov (41 kq), Yaşar Məmmədli (45 kq), Nihad Abbasov (49 kq) və Pərviz İskəndərov (53 kq) yer alıb.Qızlardan isə Aydan Əliyeva (44 kq), Aylin Eynullayeva (47 kq) və İlahə Quluzadə (59 kq) mübarizəyə qatılacaq.Baş məşqçi Səbuhi Zülfüqarov və böyük məşqçi Sənan Həşimovun rəhbərliyi ilə dünya birinciliyində iştirak edəcək komandamız avqustun 29-da vətənə qayıdacaq.Yarışda hakimlər qismində ölkəmizi beynəlxalq dərəcəli hakim Elşad Məmmədov təmsil edəcək.xeber100.com

“Kopenhagen” – “Qarabağ” matçının təyinatları açıqlanıb

Futbol üzrə UEFA Çempionlar Liqasının pley-off mərhələsinin cavab oyunları çərçivəsində keçiriləcək “Kopenhagen” (Danimarka)–“Qarabağ” (Ağdam) matçının təyinatları açıqlanıb.Azərtac xəbər verir ki, avqustun 23-də keçiriləcək görüşü ispaniyalı hakimlər briqadası idarə edəcək.Matçın baş hakimi məşhur Alberto Undiano Mallenko olacaq. Ona həmyerliləri Roberto Alonso Fernandes və Raul Kabanyero Martines kömək edəcəklər. Əlavə hakim köməkçiləri Alexandro Xose Enandes və Xose Mariya Sançes Martines olacaqlar. Dördüncü hakim funksiyasını Dieqo Barbero Sevilya yerinə yetirəcək.Matçın hakim-isnpektoru italiyalı Alfredo Trentalanqe, UEFA nümayəndəsi şotlandiyalı Alan Makridir.xeber100.com

Çimərlik həndbolu üzrə çempionat keçirilir

Artıq ikinci dəfədir ki, Azərbaycanda çimərlik həndbolu üzrə çempionat keçirilir. İlk dəfə 2007-ci ildə baş tutan yarışda cəmi dörd komanda iştirak edib. Hazırda isə qadınlardan ibarət 6, kişilərdən ibarət isə 4 komanda qalib adı uğrunda yarışır.Bu sözləri Azərtac-a beynəlxalq dərəcəli azərbaycanlı hakim İskəndər Əsgərov deyib.İ.Əsgərov qeyd edib: “Çimərlik həndbolu həm Avropada, həm də dünyada populyar idman növlərindən biridir. Yayda keçirilməsinə baxmayaraq, bəzi ölkələrdə ilboyu həmin idman növü üzrə yarışlar təşkil edilir. Bu idman növü üzrə qitə və dünyamiqyaslı müxtəlif yarışlar keçirilir. Çimərlik həndbolu 2018-ci ildə Argentinada təşkil olunacaq yeniyetmələr arasında Olimpiya Oyunlarının proqramına da salınıb. 2024-cü və 2028-ci illərdə Olimpiya Oyunlarının proqramına daxil olması da gözlənilir”.Beynəlxalq dərəcəli hakim sentyabrın sonlarından başlayaraq mayadək davam edəcək həndbol üzrə XXV Azərbaycan çempionatına xüsusi hazırlıqların görüldüyünü, oyunların böyük zallarda keçirilməsinin nəzərdə tutulduğunu və yarışda güclü idmançıların iştirak edəcəyini də əlavə edib.xeber100.com

“Qarabağ” komandası “İnter”i qəbul edib

Futbol üzrə Azərbaycan Premyer Liqasının ikinci turunda günün növbəti oyununda “Qarabağ” komandası “İnter”i qəbul edib.Azərtac xəbər verir ki, “Azersun Arena”da Rauf Cabbarovun idarə etdiyi matçın ilk hissəsində hesab açılmayıb.Görüşün ikinci hissəsinin son dəqiqələrində hesab açılıb. Oyunun 89-cu dəqiqəsində Əfran İsmayılov "Qarabağ"ı hesabda irəli çıxarıb.Oyun bu hesablada sona çatıb.xeber100.com

Cüdo üzrə dünya çempionatı keçiriləcək

Avqustun 28-dən sentyabrın 3-dək Macarıstanın paytaxtı Budapeştdə cüdo üzrə dünya çempionatı keçiriləcək. Azərbaycan milli komandası bu mötəbər yarışda geniş heyətlə təmsil olunacaq.Azərtac xəbər verir ki, Budapeştdə ölkəmizi kişi cüdoçularımızdan Orxan Səfərov (60 kq), Nicat Şıxəlizadə, (66 kq), Rüstəm Orucov, Hidayət Heydərov (hər ikisi 73 kq), Məmmədəli Mehdiyev, Tural Səfquliyev (hər ikisi 90 kq), Elmar Qasımov, Elxan Məmmədov (hər ikisi 100 kq), Uşanqi Kokauri (100 kq-dan yuxarı), qadınlarda isə Leyla Əliyeva, Erdenabat Bazarraqça (hər iksi 48 kq), Nəzakət Əzizova, Purevsuren Buyankişinq (hər ikisi 52 kq), Səkinə Zayırova, Munktsedev İçinkolo (hər ikisi 57 kq), Gülsədəf Kərimova (63 kq) və İrina Kindzerska (78 kq-dan yuxarı) təmsil edəcəklər.Macarıstandakı dünya çempionatında 134 ölkədən 794 cüdoçu (482 kişi, 312 qadın) mübarizə aparacaq.xeber100.com