“Qəbələ” yeni mövsümün hazırlıqlarını davam etdirir

“Qəbələ” futbol akademiyasının komandaları yeni mövsümün hazırlıqlarını davam etdirir. Akademiya 2017/18-ci il mövsümündə U-19, U-17, U-16, U-15 və U-14 liqalarında bir, U-13, U-12, U-11, U-10 liqalarında iki komanda ilə təmsil olunacaq. Həmçinin U-9 və U-7 komandaları da yay fasiləsinə son verib. Qəbələ şəhərinin təmsilçiləri məşqlərə avqustun 2-də start verib.Azərtac xəbər verir ki, akademiyada beş yeni məşqçi də fəaliyyətə başlayıb. Onlardan biri “Qəbələ”nin sabiq futbolçusu Əli İsmayılovdur. O, U-15-də baş məşqçi Rakif Əliyevin köməkçisi kimi çalışacaq. Futbolçu karyeralarını bir müddət əvvəl başa vuran Rüstəm Məmmədov U-11, Elnur İmanquliyev U-10 yaş qrupunda 1-ci komandaya baş məşqçi təyin edilib. Həmin yaş qrupları üzrə ikinci komandalarda da yeni məşqçilər çalışacaq. Gənc çalışdırıcılardan Azad Kərimov U-11, Teymur Həbibov U-10-da məşqçilik edəcək.“Qəbələ”nin iki komanda ilə təmsil olunduğu yaş qruplarında U-13-də Namiq Əliyevlə Rafael Cəbrayılov, U-12-də Şəhruz Mustafayevlə Aqil Mirzəyev çalışacaq. Əvəzedici komandanın baş məşqçisi Elmar Baxşıyevə Azər Həşimov kömək edəcəksə, U-19-da Emin İmaməliyevə Şəhriyar Kərimli, U-17-də Famil Xəlilova Turxan Ümüdlü yardımçı olacaq. U-16-da Zaur Hacıyevin köməkçisi Rəvan Rəcəblidirsə, U-14-də Ülfət Mədətovla Sahil Nəcməddinov çalışacaq. Kiçik yaş qruplarından U-9 Anar Surxayevin, U-7 Fərid Məmmədlinin rəhbərliyi ilə məşqlərini gerçəkləşdirir. Akademiyanın komandalarının hazırlıqlarında qapıçı məşqçiləri Sahil Kərimov, Teymur Musayev, Elçin Rzazadə və Oruc Quliyev, həmçinin videotəhlil üzrə mütəxəssis Sərdər Qafarov da iştirak edir.xeber100.com

XXIX Ümumdünya Yay Universiadası keçiriləcək

Avqustun 19-dan 30-dək Tayvanın paytaxtı Taypey şəhərində XXIX Ümumdünya Yay Universiadası keçiriləcək.Azərbaycan Ağır Atletika Federasiyasından Azərtac-a bildirilib ki, yarışda 52 ölkədən 300-ə yaxın ağır atlet iştirak edəcək.Atletika yığmamızın iki üzvü də onların arasındadır. Universiadada millimizin şərəfini 69 kiloqram çəki dərəcəsində Məhəmməd Məmmədli, 105 kiloqramdan artıq çəki dərəcəsində isə Azər Məmmədli qoruyacaq.xeber100.com

Güləş Federasiyasının məlumatına görə…

Avqustun 21-dən 26-dək Parisdə güləş üzrə dünya çempionatı keçiriləcək.Azərbaycan Güləş Federasiyasından Azərtac-a verilən xəbərə görə, mundialda iştirak edəcək sərbəst və yunan-Roma güləşi üzrə yığma komandaların heyəti ötən gün açıqlanıb.Qadın güləşi yarışlarında isə ölkəmizi Türkan Nəsirova (48 kq), Leyla Qurbanova (53 kq), Nataliya Sinişin (55 kq), İrina Netreba (58 kq), Tatyana Omelçenko (60 kq), Elmira Qəmbərova (63 kq) və Elis Manolova (69 kq) təmsil edəcəklər. Güləşçilərimiz çempionatda böyük məşqçi Aslan Ağayev və məşqçi Rövşən Umudovun rəhbərliyi altında yarışacaqlar.Məlumat üçün bildirək ki, qadın güləşçilərimiz avqustun 7-dən Ukraynanın Kiyev şəhərində Konça Zaspa təlim-məşq bazasında bu ölkənin yığma komandası ilə birgə hazırlıqları davam etdirirlər. Təlim-məşq toplanışı avqustun 21-dək davam edəcək.Çempionatın proqramına əsasən, ilk olaraq 71, 75, 85 və 98 kiloqram çəkidə yunan-Roma güləşçiləri mübarizəyə başlayacaqlar. Avqustun 22-də 59, 66, 80 və 130 kiloqram çəkidə yunan-Roma güləşçiləri, bir gün sonra isə 55, 58, 63 və 75 kiloqramda qadın güləşçilər yarışacaqlar. Yarışların dördüncü günündə 48, 53, 60 və 69 kiloqram çəkidə qadın güləşçilər mübarizə aparacaqlar. 57, 61, 86 və 125 kiloqram çəkidə sərbəst güləşçilər avqustun 25-də xalça üzərinə çıxacaqlar. Çempionatın sonuncu günündə isə sərbəst güləş üzrə 65, 70, 74 və 97 kiloqram çəki dərəcəsində pəhləvanlar yarışacaqlar.Görüşlərin idarə edilməsində ölkəmizi I-S kateqoriyalı beynəlxalq dərəcəli hakim Hicran Şərifov təmsil edəcək.xeber100.com

Cüdo üzrə dünya çempionatı keçiriləcək

Avqustun 28-dən sentyabrın 3-dək Macarıstanın paytaxtı Budapeştdə cüdo üzrə dünya çempionatı keçiriləcək.Azərtac xəbər verir ki, mundialda iştirak edəcək Azərbaycan millisinin heyəti açıqlanıb. Yığmamız dünya çempionatına 17 idmançı ilə yollanacaq.Məşqçilər korpusu mundialda Orxan Səfərov (60 kq), Nicat Şıxəlizadə (66 kq), Rüstəm Orucov, Hidayət Heydərov (hər ikisi 73 kq), Tural Səfquliyev, Məmmədəli Mehdiyev (hər ikisi 90 kq), Elxan Məmmədov, Elmar Qasımov (hər ikisi 100 kq), Uşanqi Kokauri (100 kq-dan yuxarı), qadın cüdoçuların yarışında isə Leyla Əliyeva, Erdenebat Bazarraqça (hər ikisi 48 kq), Nəzakət Əzizova, Purevsuren Buyanxişiq (hər ikisi 52 kq), Səkinə Zayırova, İçinxorlu Munxtsedev (hər ikisi 57 kq), Gülsədəf Kərimova (63 kq) və İrina Kindzerska (78 kq-dan yuxarı) şans verəcək.Yarışda 134 ölkədən 794 cüdoçunun (482 kişi, 312 qadın) iştirakı gözlənilir.xeber100.com

MDB ölkələri milli idman növlərinin birinci festivalı keçirilib

Rusiyanın Ulyanovsk vilayətində MDB ölkələri milli idman növlərinin və oyunlarının birinci festivalı keçirilib.Azərtac xəbər verir ki, mindən çox idmançının yarışdığı mötəbər turnirin proqramına Olimpiya və qeyri-Olimpiya idman növləri daxil edilib. İdmançılar festivalda 70 dəst medal uğrunda mübarizə aparıblar.“Neftçi İdman Klubu”nun samboçusu Cavidan Qarayev (62 kq) festivalda uğura imza atıb. Səhliman Ağayevin yetirməsi bütün görüşlərdən qalib ayrılıb və mötəbər yarışın qızıl medalına sahib olub.xeber100.com

UEFA Avropa Liqasında pley-off mərhələsinə start veriləcək

Bu gün futbol üzrə UEFA Avropa Liqasında pley-off mərhələsinə start veriləcək.Azərtac xəbər verir ki, Avropa Liqasının pley-off mərhələsinin ilk oyunları çərçivəsində 22 qarşılaşma oynanılacaq. İki gün davam edəcək oyunların ilk günündə bir, avqustun 17-də isə 21 matç baş tutacaq.Qrup mərhələsinə vəsiqələr uğrunda mübarizəyə Hollandiyada start veriləcək. “Utrext” öz meydanında “Zenit”i sınağa çəkəcək. Türkiyə təmsilçisi “Fənərbaxça” da meydana çıxacaq. İstanbul klubu Makedoniyada “Vardar”ın qonağı olacaq.xeber100.com

“Qarabağ” klubu növbəti qələbəsini qazanıb

Avqustun 15-də Ağdamın “Qarabağ” klubu futbol üzrə UEFA Çempionlar Liqasında növbəti qələbəsini qazanıb.Azərtac xəbər verir ki, Ağdam təmsilçisi turnirin pley-off mərhələsinin ilk oyunları çərçivəsində Tofiq Bəhramov adına Respublika Stadionunda Danimarkanın “Kopenhagen” klubunu qəbul edib.Otuz beş minə yaxın azarkeşin izlədiyi matç Çempionlar Liqasının himninin səslənməsi ilə başlayıb.İtaliyalı baş hakim Paolo Tagliaventonun idarə etdiyi oyunun birinci hissəsinə Ağdam təmsilçisi daha fəal başlayıb. Qarşılaşmanın 13-cü dəqiqəsində “Qarabağ”ın oyunçusu Miçel hesabı açmağa yaxın olsa da, zərbəsi dəqiq olmayıb. Futbolçularımızın əzmkar çıxışı oyunun 25-ci dəqiqəsində “Qarabağ”ın hesabda önə çıxması ilə nəticələnib. Belə ki, Dino Ndlovunun “Kopenhagen”in qapısına vurduğu top tirə dəyib qayıtsa da, Mahir Mədətov hücumu qolla tamamlamağı bacarıb. Bu, Mahir Mədətovun avrokuboklarda ilk qoludur. Çempionlar Liqasının pley-off mərhələsinin “Kopenhagen”lə görüşündə hesabı açan futbolçu indiyədək qitə miqyaslı turnirlərdə fərqlənməmişdi. Bu görüş futbolçunun 11-ci avrokubok matçı olub. İlk qolunu 11-ci oyununda vuran M.Mədətov Azərbaycan klublarının heyətində avrokuboklarda qol vuran 128-ci oyunçu olub.Komandaların cəhdlərinə baxmayaraq matçın birinci hissəsi “Qarabağ”ın üstünlüyü ilə yekunlaşıb – 1:0.Görüşün ikinci hissəsi də futbolçularımızın üstünlüyü şəraitində keçib. Matçın 52-ci dəqiqəsində Ansi Aqoli, bir dəqiqə sonra isə Donald Gerrye Danimarka təmsilçisinin qapısına zərbələr endirsələr də, top qapı tirinə dəyib. Komandaların cəhdlərinə baxmayaraq oyunun sonunadək hesab dəyişməyib.Beləliklə, görüş 1:0 hesabı ilə “Qarabağ”ın xeyrinə başa çatıb. Komandalar arasında cavab oyunu bir həftə sonra Danimarkada keçiriləcək.Xatırladaq ki, pley-off mərhələsinədək “Qarabağ” klubu Gürcüstanın “Samtredia” və Moldovanın “Şerif” komandalarını mübarizədən kənarlaşdırıb.xeber100.com

UEFA Çempionlar Liqasının ilk oyunları çərçivəsində

Futbol üzrə UEFA Çempionlar Liqasının play-off mərhələsinin ilk oyunları çərçivəsində bu gün Tofiq Bəhramov adına Respublika stadionunda “Qarabağ” Danimarkanın “Kopenhagen” klubunu qəbul edəcək.Azərtac xəbər verir ki, saat 20:00-da başlayacaq qarşılaşmanı italiyalı hakimlər briqadası idarə edəcək. Matçın baş hakimi Paolo Tagliavento olacaq. Ona həmyerliləri Alessandro Giallatini və Alessandro Costanzo kömək edəcəklər. Dördüncü hakim funksiyasını Filippo Meli yerinə yetirəcək.Oyunda əlavə köməkçi hakimlər isə Massimiliano Irrati və Antonio Damato olacaqlar.Qarşılaşmanın UEFA nümayəndəsi bolqarıstanlı Andrey Medintsev (Bolqarıstan), hakim-inspektoru isə avstriyalı Fritz Stuçlikdir.Play-off mərhələsinədək “Qarabağ” klubu Gürcüstanın “Samtredia” və Moldovanın “Şerif” komandalarını mübarizədən kənarlaşdırıb.xeber100.com

Albaniya klubu ilə müqavilə imzalanıb

Azərbaycan futbolçusu Rauf Əliyev karyerasını Albaniyada davam etdirəcək.Azərtac xəbər verir ki, hücumçu “Kukesi” klubu ilə müqavilə imzalayıb.Yay fasiləsində fəal olan Albaniya təmsilçisi daha iki oyunçusununun təqdimat mərasimini keçirib. Onlardan biri Azərbaycan millisinin sabiq hücumçusu olub.Qeyd edək ki, R.Əliyev Albaniyada çıxış edən ilk futbolçumuz olacaq.xeber100.com

“Vest Hem”in futbolçusunun “Qalatasaray”a keçidi rəsmiləşib

“Vest Hem”in futbolçusu Sofian Fequlinin “Qalatasaray”a keçidi rəsmiləşib.Azərtac xəbər verir ki, 27 yaşlı yarımmüdafiəçi ilə 5 illik müqavilə imzalanıb. Bu transfer üçün İstanbul təmsilçisi İngiltərə klubuna 4 milyon 250 min avro ödəyəcək.Qeyd edək ki, Əlcəzair millisinin üzvü olan Fequli yeni klubunda hər mövsüm üçün 3 milyon 850 min avro maaş alacaq.xeber100.com