Azərbaycan kuboku yarışları keçirilib

Çimərlik voleybolu üzrə ilk açıq Azərbaycan kuboku yarışları keçirilib.Azərtac xəbər verir ki, kişilərin yarışında 22, qadınların turnirində isə 14 komanda mübarizə aparıb. Kişilər arasında Vüqar Bayramov və Ülvi Rəcəblidən ibarət cütlük qalib olub. Yaroslav Rudıx – Adriano Aurrero cütlüyü gümüş, Vüsal Qurbanovdan və Aqil Ağazadədən ibarət cütlük bürünc medal qazanıb.Qadınların mübarizəsində kuboku Viktoriya Ağakişiyeva və Zinaida Lyubimovadan ibarət duet başı üzərinə qaldırıb. İrina Abbaszadə - Yuliya Kərimova cütlüyü ikinci, Nazilə Səlimova və İlhamə Əliyevadan ibarət duet üçüncü yeri tutub.Avqustun sonunda həm yeniyetmələr, həm də böyüklər arasında ölkə çempionatının final mərhələsi keçiriləcək.xeber100.com

“Kəpəz”ə daha üç futbolçu qoşulub

Türkiyədə hazırlığını davam etdirən “Kəpəz”ə daha üç futbolçu qoşulub.Azərtac kluba istinadla xəbər verir ki, komandanın Ərzurumdakı hazırlıq prosesində Nigeriyadan olan Oseqheyl Laki Victor, malili Dialo Samba və braziliyalı Ferreyra Das Çaqas Dedimar iştirak edirlər.Dedimar müdafiəçi, Laki hücumçu və Samba isə yarımmüdafiəçi mövqeyində çıxış edir.“Kəpəz”ə menecerlər tərəfindən təklif olunan hər üç futbolçunu komandanın baş məşqçisi Şahin Diniyev iki ay müddətində yaxından izləyib və onlar haqda müsbət qərar verib.xeber100.com

Boks Federasiyasının məlumatına əsasən…

Kişi boksçulardan ibarət Azərbaycan millisinin növbəti təlim-məşq toplanışına start verilib.Azərbaycan Boks Federasiyasından Azərtac-a verilən xəbər görə, Avropa çempionatından sonra istirahətdə olan komandamız Bakıda bir araya gəlib.Avqustun 25-dən sentyabrın 3-dək Almaniyanın Hamburq şəhərində baş tutacaq dünya çempionatına hesablanan hazırlığın ilk mərhələsi iyulun 23-də başa çatacaq. Boks Mərkəzində təşkil olunan ilkin mərhələdə əsasən fiziki məşqlərə üstünlük veriləcək.Təlim-məşq toplanışına 5-i mundiala qatılacaq boksçu olmaqla 10 idmançı cəlb edilib.Qeyd edək ki, dünya çempionatında yığmamızın şərəfini Lorenzo Sotomayor (64 kq), Pərviz Bağırov (69 kq), Kamran Şahsuvarlı (75 kq), Abdulqadir Abdullayev (91 kq) və Məhəmmədrəsul Məcidov (91 kq-dan yuxarı) qoruyacaqlar.xeber100.com

“Qarabağ” klubu “Samtredia” komandası ilə qarşılaşacaq

Bu gün Ağdamın “Qarabağ” klubu futbol üzrə UEFA Çempionlar Liqasının ikinci təsnifat mərhələsinin cavab matçları çərçivəsində səfərdə Gürcüstanın “Samtredia” komandası ilə qarşılaşacaq.Azərtac xəbər verir ki, qarşılaşmanı Serbiyadan olan hakimlər briqadası idarə edəcək. Görüşün baş hakimi Srcan Yovanoviç olacaq. Ona həmyerliləri Uroş Stoykoviç və Milan Mixayloviç kömək edəcəklər. Dördüncü hakim funksiyasını Marko Popoviç yerinə yetirəcək.Hakimlərin işinə Macarıstandan olan Laslo Vaqner qiymət verəcək. Matçın UEFA nümayəndəsi rumıniyalı Pol Daniel Zaharya olacaq.Komandalar arasında Bakıda təşkil olunan ilk oyunda “Qarabağ” 5:0 hesabı ilə qalib gəlib.Qeyd edək ki, bu gün Boris Payçadze adına stadionda keçiriləcək oyun saat 21:00-da başlayacaq.xeber100.com

Voleybol yığması yoxlama oyunu keçirməyi planlaşdırır

Qətərin gənc oğlanlardan ibarət voleybol yığması Azərbaycanda səfərdədir.Azərtac xəbər verir ki, komandanın səfərinin məqsədi Azərbaycan millisi ilə birlikdə təlim-məşq toplanışı keçməkdir.Azərbaycan Voleybol Mərkəzində məşq edəcək komandaların bir neçə yoxlama oyunu keçirməsi də planlaşdırılır.Qeyd edək ki, IV İslam Həmrəyliyi Oyunları ərəfəsində Qətər və Azərbaycan voleybol federasiyaları arasında qarşılıqlı əməkdaşlıqla bağlı müqavilə imzalanıb. Yaxın gələcəkdə Azərbaycan yığmalarının da Qətərə yollanması nəzərdə tutulub.xeber100.com

UEFA Çempionlar Liqasının cavab matçları çərçivəsində…

Futbol üzrə UEFA Çempionlar Liqasının II təsnifat mərhələsinin cavab matçları çərçivəsində keçiriləcək “Samtredia” (Gürcüstan)–“Qarabağ” (Ağdam) oyununun təyinatları açıqlanıb.Azərtac xəbər verir ki, qarşılaşmanı Serbiyadan olan hakimlər briqadası idarə edəcək. Görüşün baş hakimi Srcan Yovanoviç olacaq. Ona həmyerliləri Uroş Stoykoviç və Milan Mixayloviç kömək edəcəklər. Dördüncü hakim funksiyasını Marko Popoviç yerinə yetirəcək.Hakimlərin işinə Macarıstandan olan Laslo Vaqner qiymət verəcək. Matçın UEFA nümayəndəsi rumıniyalı Pol Daniel Zaharya olacaq.Komandalar arasında Bakıda təşkil olunan ilk oyunda “Qarabağ” 5:0 hesabı ilə qalib gəlib.Qeyd edək ki, iyulun 18-də Boris Payçadze adına stadionda keçiriləcək oyun saat 21:00-da başlayacaq.xeber100.com

“Kəpəz” klubu transfer çalışmalarını davam etdirir

Ərzurumda təlim-məşq toplanışında olan “Kəpəz” klubu Türkiyəyə yollanmamışdan öncə iki futbolçu ilə anlaşıb.Azərtac kluba istinadla xəbər verir ki, hazırlığın Bakı mərhələsinin sonunda Aydın Qasımov və Serqey Çernışev ilə birillik müqavilə bağlanıb.A.Qasımov hücumçu, S.Çernışev yarımmüdafiəçi mövqeyində çıxış edir.xeber100.com

“Qəbələ” futbol klubu Polşaya yollanıb

UEFA Avropa Liqasının ikinci təsnifat mərhələsinin “Yagelloniya” ilə iyulun 20-də keçiriləcək cavab oyununa hazırlaşan “Qəbələ” futbol klubu Polşaya yollanıb.Azərtac xəbər verir ki, “qırmızı-qaralar” Varşavada ilk məşqə çıxıblar. “Regent” otelində məskunlaşan “qırmızı-qaralar” məşqini “Drukarz” klubunun stadionunda gerçəkləşdirirlər. Futbolçular toplu və topsuz təmrinləri icra ediblər. “Qəbələ” iyulun 17-18-də də Varşavadakı bu arenada hazırlıq keçdikdən sonra oyunun baş tutacağı Belostok şəhərinə yollanacaq.Komandalar arasında Bakıda təşkil olunan ilk oyun 1:1 hesablı heç-heçə ilə yekunlaşıb.Xatırladaq ki, iyulun 20-də baş tutacaq “Yagelloniya”–“Qəbələ” qarşılaşması Belostok şəhər stadionunda keçiriləcək. Oyun Bakı vaxtı ilə saat 22:30-da başlayacaq.xeber100.com

Dünya Güləş Birliyi yeni reytinq siyahısını açıqlayıb

Dünya Güləş Birliyi (DGB) 2017-ci ilin iyun ayında keçirilən yarışların nəticəsinə əsasən, güləş üzrə yeni reytinq siyahısını açıqlayıb.Azərbaycan Güləş Federasiyasından Azərtac-a verilən xəbərə görə, ilk onluqda ümumilikdə 20 təmsilçimizin adı var.Sərbəst güləşçilərin siyahısında Georgi Edişeraşvili, Mahir Əmiraslanov, Hacı Əliyev, Məhəmməd Müslümov, Cəbrayıl Həsənov, Murad Süleymanov, Aleksandr Qostiyev, Aslanbek Alborov və Cəmaləddin Məhəmmədovun adı ilk onluğa daxil edilib.Qadın güləşçilərdən Mariya Stadnik, Nataliya Sinişin, Alyona Kolesnik və Tatyana Omelçenko onluqda yer alıb.Yunan-Roma güləşçilərinin onluğunda isə Murad Məmmədov, Rəsul Çunayev, Həsən Əliyev, Rafiq Hüseynov, İslam Abbasov, Orxan Nuriyev və Sabah Şəriətinin adlarını görmək mümkündür.xeber100.com

Stolüstü Tennis Federasiyasının məlumatı

Xaçmazda Gənclər və İdman Nazirliyinin və Stolüstü Tennis Federasiyasının birgə təşkil etdiyi yeniyetmələrin stolüstü tennis üzrə ölkə birinciliyinin zona yarışlarının final mərhələsi keçirilir.Azərbaycan Stolüstü Tennis Federasiyasından Azərtac-a bildirilib ki, oğlanların və qızların mübarizə apardığı final mərhələsində, ümumilikdə 22 komanda iştirak edir.Qeyd edək ki, yarışlara iyulun 17-də yekun vurulacaq.xeber100.com