Velosiped idmanı üzrə Azərbaycan birinciliyinə yekun vurulub

İsmayıllıda velosiped idmanının şose növü üzrə yeniyetmə və gənclər arasında Azərbaycan birinciliyinə yekun vurulub. Gənclər və İdman Nazirliyi ilə birgə təşkil edilən və 100-ə yaxın idmançının iştirak etdiyi yarışın sonuncu günündə qrup ötüşməsi üzrə qaliblər müəyyənləşib.Azərtac xəbər verir ki, yağışlı hava şəraitində mübarizə aparan velosipedçilər 90 kilometr məsafə qət ediblər. Finişi hamıdan tez Respublika Olimpiya Ehtiyatları İxtisaslaşdırılmış Velosiped məktəbinin nümayəndəsi İvan Orlov keçib. 8 saylı Olimpiya Məktəbinin üzvləri Mikayıl Səfərli və Xankişi İsgəndərov isə 2-3-cü yerləri tutublar.Qaliblərin mükafatlandırılması mərasimi İsmayıllı Olimpiya İdman Kompleksində baş tutub. Fərqlənən idmançılara medal və diplom, 1-ci yerin sahiblərinə isə xüsusi çempion köynəyi hədiyyə edilib.Azərbaycan birinciliyinin nəticələri Beynəlxalq Velosipedçilər İttifaqına (UCI) da göndəriləcək və idmançıların reytinq cədvəlində əksini tapacaq.xeber100.com

Formula-2 üzrə birinci yarışa start verilib

İyunun 24-də saat 12-də Bakıda Formula-2 üzrə birinci yarışa (7-ci mərhələ) start verilib.Qeyd ed'k ki, Formula-1 Azərbaycan Qran-Prisi çərçivəsində keçirilən Formula-2 yarışında 10 komanda birincilik uğrunda mübarizə aparır. Hər komandanı iki pilot təmsil edir.Dünənki sıralanma turundan sonra bolidlərin düzülüşü müəyyənləşib. İlk yerlərdə müvafiq olaraq “PREMA Racing” komandanın pilotu Şarl Lekler, “ART Grand Prix” komandasının pilotu Nobuharu Matsuşita və “DAMS” komandasının pilotu Nikolas Latifinin bolidləri dayanıblar.Birinci yarış 29 dövrə və ya 60 dəqiqə davam edəcək.Qeyd edək ki, Formula-2-nin ikinci yarışı (8-ci mərhələ) sabah saat 14:00-da başlayacaq. Sonuncu yarış 12 dövrə və ya 45 dəqiqə davam edəcək.Xatırladaq ki, bu həftəsonu yarışda bir sürücü dəyişikliyi olub. Sergey Sirotkin 7 nömrəli bolidin sürücüsü Aleksandr Albonu əvəzləyib.“DAMS” komandası bu mövsüm ən çox podyum sayına sahibdir. Bu komanda 5 dəfə fəxri kürsüyə çıxıb. “Russian Time” 4, “PREMA Racing” 3, “ART Grand Prix” komandası isə 2 dəfə birinci olub.Formula-2 üzrə ilk 6 yarışın qalibləri Şarl Lekler, Oliver Rouland, Artem Markelov, Nobuharu Matsuşita və Nik Vriesdir. O.Rouland 6 yarış ərzində 4 dəfə podyuma çıxıb. Çempionatın lideri Ş.Lekler və O.Rouland arasında 3 xal fərq var. Komandalararası çempionatda “Russian Time” və “DAMS” komandaları arasında 14 xal fərq mövcuddur.xeber100.com

Konfederasiyalar Kuboku turnirinin qrup mərhələsində növbəti oyun…

İyunun 22-də Rusiyada keçirilən FIFA Konfederasiyalar Kuboku turnirinin qrup mərhələsinin ikinci turu çərçivəsində növbəti oyun Almaniya ilə Çili yığmaları arasında keçirilib.Azərtac xəbər verir ki, bu gün keçirilən “B” qrupunun ikinci görüşü də heç-heçə yekunlaşıb. Əvvəlcə Çili yığması Aleksis Sançeslə hesabı açıb. Birinci hissənin sonuna yaxın isə dünya çempionlarının heyətində Stindl bərabərlik qolunu vurub. Bundan sonra oyunda başqa qol olmayıb və komandalar bir xalla kifayətləniblər.xeber100.com

Futbol üzrə 2017/2018-ci illər mövsümü üçün hazırlığa start verilib

“Sumqayıt” futbol klubu 2017/2018-ci illər mövsümü üçün hazırlığa start verib. Komandanın baş məşqçi Samir Abasovun rəhbərliyi ilə “Kapital Bank Arena”da ilk məşqi keçirilib.“Sumqayıt” FK–nın mətbuat xidmətindən Azərtac–a bildirilib ki, komanda yeni transferlər də daxil olmaqla, tam heyətlə hazırlaşır. Yalnız bərpa prosesi keçən müdafiəçi Vaqif Güləliyev fərdi məşqlərlə kifayətlənib.Qeyd edək ki, “Sumqayıt” FK hazırlıq mərhələsi çərçivəsində ilk yoxlama oyununu iyulun 2-də “Səbail”ə qarşı keçirəcək.xeber100.com

Formula-1 Azərbaycan Qran-Prisinin birinci sərbəst yürüşü başlayıb

İyunun 23-də saat 13:00-da Formula-1 Azərbaycan Qran-Prisinin birinci sərbəst yürüşü başlayıb.Azərtac xəbər verir ki, yürüşə hər biri iki pilotdan ibarət 10 komanda qatılıb."Mercedes" komandasının heyətində Luis Hamilton və Valtteri Bottas, "Ferrari"də Sebastian Fettel, Kimi Raykonnen, "Williams"ın heyətində Felipe Massa və Lans Stroll yarışırlar. "Red Bull Racing" komandasında Daniel Rikkiardo, Maks Ferstappen, "Force India"da Eseteban Okon və Serxio Peres, "Renault"da isə Niko Hulkenberq ilə Colion Palmer mübarizə aparırlar. Bundan başqa, "Toro Rosso"nun heyətində Daniil Kvayt və Karlos Sainz, "Sauber"də Markus Erikson, Antonio Giovinnazzi, Paskal Verleyn, "McLaren"də Fernando Alonso və Stoffel Vandurn yürüşdə iştirak edirlər. Pilotlar Roman Qrojan və Kevin Maqnussen isə "Haas" komandalarının idman şərəfini qoruyurlar.Yürüş iştirakçıları 1,5 saat ərzində 6 kilometrlik Bakı trekində yarışacaqlar. İkinci sərbəst yürüşə saat 17:00-da start veriləcək.İyunun 24-də pilotların düzülüşünü müəyyən edəcək yarış keçiriləcək. İyunun 25-da isə Formula-1 azarkeşləri Azərbaycan Qran-Prisində qalib adı uğrunda mübarizənin şahidi olacaqlar.xeber100.com

Güləş üzrə Avropa çempionatı keçiriləcək

İyunun 27-dən iyulun 2-dək Almaniyanın Dortmund şəhərində güləş üzrə gənclər arasında Avropa çempionatı keçiriləcək.Azərbaycan Güləş Federasiyasından Azərtac-a bildiriblər ki, yarışın ilk iki günündə sərbəst güləşçilər mübarizə aparacaqlar. Böyük məşqçi Saypulla Absadiovun və məşqi Rövşən Hacıyevin rəhbərliyi ilə çempionatda ölkəmizi Şahin Muxtarov (50 kq), Əfqan Xaşalov (55 kq), Əli Rəhimzadə (60 kq), Mahal Novruzov (66 kq), Abubakr Abakarov (74 kq), Hacımurad Məhəmmədsəidov (84 kq), Məhəmmədrəsul Qazıməhəmmədov (96 kq) və Umar İsrailov (120 kq) təmsil edəcəklər.Çempionatın üçüncü və dördüncü günlərində gənc qızlar arasında qaliblər müəyyənləşəcək. Yığma komandanın böyük məşqçisi Nazim Əlicanovun və məşqçi İsaməddin Hüseynovun rəhbərliyi altında yığma komandanın altı üzvü Dortmunda yollanacaq. Çempionatda ölkəmizi Zenfira Ələkbərli (44 kq), Türkan Nəsirova (48 kq), Tatyana Vorontsova (51 kq), Leyla Qurbanova (55 kq), Ləman Qurbanova (59 kq) və Ceyla Nağızadə (63 kq) təmsil edəcəklər.Yarışın sonuncu günlərində xalçaya yunan-Roma güləşçiləri çıxacaqlar. Böyük məşqçi İlqar Abdulovun və məşqçi Zöhrab Abbasovun rəhbərlik etdiyi yığmanın heyətində Zülfüqar Əliyev (50 kq), Elşad Məmmədov (55 kq), Kamran Mirzəliyev (60 kq), Namaz Rüstəmov (66 kq), Ülvi Qənizadə (74 kq), Tuncay Vəzirzadə (84 kq), Seyidməhəmməd Ömərov (96 kq) və Tehran Əminzadə (120 kq) Almaniyaya yollanacaqlar.Görüşlərin idarə olunmasında Azərbaycanı beynəlxalq dərəcəli hakimlər Sədi Quliyev və İntiqam Alıyev təmsil edəcək.Ötən il keçirilən Avropa çempionatında gənclərimiz 5 qızıl, 2 gümüş, 5 bürünc medal qazanmışdılar.xeber100.com  

Şahmat üzrə dünya çempionatının altıncı turunda…

Xantı-Mansiyskdə komandalar arasında şahmat üzrə dünya çempionatının altıncı turunda Azərbaycanın qadınlardan ibarət yığma komandası Ukrayna yığması ilə görüşəcək.Azərtac xəbər verir ki, bizim komandanın aktivində 4 komanda xalı, onların bugünkü rəqiblərinin hesabında isə 8 komanda xalı var.Beş turdan sonra vəziyyət belədir: 1-2-ci yerlər - Ukrayna və Rusiya (hərəyə 8 xal), 3-cü yer - Hindistan (7 xal), 4-5-ci yerlər - Polşa və Çin (hərəyə 6 xal), 6-9-cu yerlər - ABŞ, Azərbaycan, Gürcüstan, Vyetnam (hərəyə 4 xal), 10-cu yer - Misir (0 xal).Dünən çempionatın iştirakçıları dincəlirdilər. Bu gün aşağıda sadalanan matçlar keçiriləcək:Kişilər: Polşa-Rusiya, Belarus-Norveç, Çin-Ukrayna, Hindistan-Türkiyə, ABŞ-Misir.Qadınlar: Hindistan-Rusiya, Ukrayna-Azərbaycan, Gürcüstan-Vyetnam, ABŞ-Çin, Polşa-Misir.Ukrayna və Azərbaycanın qadınlardan ibarət komandalarının matçlarında aşağıdakı cütlüklər qarşılaşacaqlar: Natalya Jukova – Zeynəb Məmmədyarova, İnna Qaponenko – Günay Məmmədzadə, Lulıja Osmak - Ülviyyə Fətəliyeva, Natalya Buksa – Xanım Balacayeva.Xatırladaq ki, qadınların çempionatında 10 komanda və kişilərin çempionatında 10 komanda çıxış edir.xeber100.com

Komandaların pilotları ilə avtoqraf sessiyaları təşkil olunacaq

İyunun 23-də Azərbaycan Qran-Prisinin Formula-1 Şəhərciyi ndə idmansevərlər azarkeşi olduqları pilotlarla görüşərək onlardan avtoqraflar alıblar.Azərtac xəbər verir ki, azarkeşlər avtoqraf sessiyasının ilk günündə “McLaren”, “Haas” və “Williams” komandalarının pilotları ilə görüşüblər.İyunun 24-də “Red Bull Racing”, “Ferrari”, “Mercedes”, “Renault”, bir gün sonra isə “Toro Rosso”, “Sauber” və “Force India” komandalarının pilotları ilə avtoqraf sessiyaları təşkil olunacaq.xeber100.com

Formula-1 Azərbaycan Qran-Prisində

Formula-1 Azərbaycan Qran-Prisinin həftəsonu üçün hava proqnozu açıqlanıb.Azərtac xəbər verir ki, yarış həftəsonu günəşli və sərt küləyin müşayiəti ilə keçəcək.İyunun 23-də buludsuz hava şəraitində pilotlar 28 dərəcə istilikdə sərt küləyə qarşı yarışacaqlar. Bir gün sonra havanın temperaturu dəyişməsə də, cənub-şərq küləyi əsəcək. Bu havada komandalar trekə adaptasiya olmağa çalışacaqlar. İyunun 25-də havanın hərarəti artacaq və külək bir az səngiyəcək.Yarış həftəsonunda yağış yağacağı gözlənilmir.xeber100.com

Şahmat üzrə dünya komanda çempionatının beşinci turunda…

Xantı-Mansiyskdə qadınlar arasında şahmat üzrə dünya komanda çempionatının beşinci turunda Azərbaycan və Vyetnam komandalarının görüşündə hansı şahmatçıların qarşılaşacağı məlum olub.Azərtac xəbər verir ki, 9 turdan ibarət turnir dairəvi sistem üzrə keçirilir.Vyetnam və Azərbaycan komandalarının yarışında Zeynəb Məmmədyarova - Ti Bao Tram Xoanq, Günay Məmmədzadə - Ti Kim Punq Vo, Gülnar Məmmədova - Ti Mai Xunq və Ülviyyə Fətəliyeva – Pyonq Xan Luonq görüşləri keçiriləcək.Dörd turdan sonra turnir cədvəlində vəziyyət: 1-2. Rusiya, Ukrayna (hər biri 7 xal), 3.Hindistan (5 xal), 4-7. Polşa, Çin, Gürcüstan, Azərbaycan ( hər biri 4 xal), 8. ABŞ (3), 9. Vyetnam (2), 10.Misir (0).Vaxta nəzarət: ilk 40 gedişə 90 dəqiqə + birinci gedişdən başlayaraq oyunun sonuna qədər hər bir gediş üçün əlavə 30 saniyə.İyunun 21-də birinciliyin beşinci turunda kişilərdən ibarət komandaların yarışında Rusiya-Norveç, ABŞ-Belarus, Misir-Hindistan, Türkiyə-Çin, Ukrayna-Polşa, qadınlardan ibarət komandaların yarışında Rusiya–ABŞ, Polşa-Ukrayna, Misir-Hindistan, Çin-Gürcüstan, Vyetnam-Azərbaycan komandaları qarşılaşacaqlar.xeber100.com