Futbol üzrə dünya çempionatının qrup mərhələsində

Qətərdə təşkil olunan futbol üzrə dünya çempionatının qrup mərhələsində bu gün üçüncü tura start veriləcək.İlk olaraq A və B qruplarında mübarizə baş tutacaq.A qrupu çərçivəsində Ekvador-Seneqal və Niderland-Qətər oyunları keçiriləcək. “Xəlifə” stadionunda oynanılacaq Ekvador-Seneqal matçını fransalı Kleman Türpen idarə edəcək. "Əl Beyt" stadionunda keçiriləcək digər matç isə Bakari Qassamaya (Qambiya) həvalə olunub. Hər iki oyun Bakı vaxtı ilə saat 19:00-da başlayacaq.Hesabında 4 xal olan Niderland və Ekvador yığmaları qrupda ilk iki pillədə yer alıblar. Seneqal seçməsi 3 xalla üçüncü, hələ xal qazana bilməyən Qətər isə sonuncudur.B qrupu çərçivəsində isə İran-ABŞ və Uels-İngiltərə matçları oynanılacaq. Hər iki oyuna saat 23:00-da start veriləcək. İran-ABŞ qarşılaşması “Al Tumama”, Uels-İngiltərə görüşü isə “Əhməd ibn Əli” stadionunda keçiriləcək.Qrupa 4 xalla İngiltərə millisi başçılıq edir. Hesabında 3 xal olan İran ikinci, 2 xalla ABŞ üçüncü, 1 xalı olan Uels isə sonuncudur.Qeyd edək ki, daha əvvəl Fransa, Braziliya və Portuqaliya yığmaları pley-off mərhələsinə vəsiqəni təmin ediblər.xeber100.com

“Vugar Gashimov Memorial-2022” superturniri keçiriləcək

Dekabrın 17-dən 24-dək Bakıda görkəmli şahmatçı, Avropa çempionu, beynəlxalq qrosmeyster Vüqar Həşimovun xatirəsinə həsr olunan “Vugar Gashimov Memorial-2022” superturniri keçiriləcək. Superturnir çərçivəsində media nümayəndələri arasında şahmat yarışı keçiriləcək.Turnirin mətbuat xidmətindən bildiriblər ki, “Vugar Gashimov Memorial-2022”nin “Sponsor gününə” - dekabrın 21-nə təsadüf edəcək yarış Vüqar Həşimov Şahmat Akademiyasında təşkil olunacaq. Yarış İsveçrə sistemi üzrə 9 turdan ibarət olacaq. Hər iştirakçıya görüşün sonunadək 10 dəqiqə və birinci gedişdən başlayaraq hər gediş üçün əlavə 3 saniyə vaxt veriləcək.Yarışda ilk üç pilləni tutan media nümayəndələrinə, müvafiq olaraq 500, 400, 300 manat pul mükafatı, qalibə kubok, bütün iştirakçılara isə xatirə hədiyyələri təqdim olunacaq.Turnirdə iştirak etmək istəyənlər dekabrın 20-si saat 12:00-dək [email protected] e-mail ünvanına ad, soyad və təmsil etdikləri qurumu göndərə bilərlər.xeber100.com

Futbol üzrə Azərbaycan Premyer Liqasında XV tura start verilib

Noyabrın 27-də futbol üzrə Azərbaycan Premyer Liqasında XV tura start verilib.İlk oyun günündə bir qarşılaşma oynanılıb.“Bakcell Arena”da "Neftçi" klubu “Səbail”i qəbul edib. Meydan sahiblərinin üstünlüyü şəraitində keçən oyunda “Neftçi” rəqibini 3:1 hesabı ilə məğlub edib. “Neftçi”nin heyətində Emin Mahmudov het-trik edib. Yarımmüdafiəçi qollardan ikisini penaltidən vurub. Oyunda digər qolun müəllifi Rafael Məhərrəmli olub.Hesabında xalların sayını 32-yə çatdıran “Neftçi” üçüncü pillədəki mövqeyini möhkəmləndirib. “Səbail” 10 xalla yeddinci pillədə qərarlaşıb.Qeyd edək ki, XV turun "Şamaxı" - "Kəpəz" və "Qarabağ" - "Zirə" matçları noyabrın 28-də, "Turan Tovuz" - "Sabah", "Sumqayıt" - "Qəbələ" görüşləri isə noyabrın 29-da oynanılacaq.xeber100.com

Xorvatiya millisi futbol üzrə dünya çempionatında ilk qələbəsini qazanıb

Xorvatiya millisi Qətərdə keçirilən futbol üzrə dünya çempionatında ilk qələbəsini qazanıb.Turnirin F qrupu çərçivəsində Xorvatiya millisi Kanada yığması ilə qarşılaşıb. "Xəlifə" stadionunda oynanılan matçda Xorvatiya futbolçuları 4:1 hesablı qələbə qazanıblar. Xorvatiya komandasının heyətində Andrey Kramariç dubl edib, digər qolları Marko Livaya və Lovro Mayer vurublar. Kanada yığmasının heyətində isə Alfonso Deyvis fərqlənib.Hesabında 4 xal olan Xorvatiya və Mərakeş milliləri F qrupunda ilk iki pillədə yer alıblar. Belçika 3 xalla üçüncü, hələ xal qazana bilməyən Kanada isə sonuncudur.Oyun gününə E qrupu çərçivəsində keçiriləcək İspaniya - Almaniya (Bakı vaxtı ilə saat 23:00) matçı ilə yekun vurulacaq.Dünya çempionatı ilk dəfədir Yaxın Şərqdə keçirilir. Qətər yarışa ev sahibliyi edən 18-ci ölkə kimi tarixə düşüb. Bu, həm də 32 komandanın iştirakı ilə baş tutan sonuncu çempionat olacaq. 2026-cı ildə ABŞ, Meksika və Kanadanın birgə təşkil edəcəyi mundialda isə 48 yığma mübarizə aparacaq.Qətərin ev sahibliyi etdiyi mundial 29 gün davam edəcək. Dünya çempionatında ümumilikdə 64 qarşılaşma keçiriləcək. 32 komanda hərəsində 4 yığma olmaqla səkkiz qrupda mübarizə aparır.Çempionluq uğrunda mübarizədə əvvəllər qalib olmuş 8 komandadan yeddisi iştirak edir. Braziliya, Almaniya, Argentina, Uruqvay, Fransa, İngiltərə və İspaniya yenə titul qazanmaq arzusundadır. Elə mundialın əsas favoritləri də onlardır. Uruqvay istisna olmaqla, digərləri qızıl medala namizədlər hesab olunur.xeber100.com

Azərbaycan Şahmat Federasiyasının məlumatına görə…

Birləşmiş Ərəb Əmirliklərinin Fujairah şəhərində 64-cü şahmat bəstəçiliyi konqresi keçirilib.Azərbaycan Şahmat Federasiyasından  bildiriblər ki, gündəlikdə 45-ci şahmat həlletməsi üzrə dünya çempionatı, çoxsaylı həlletmə və tərtib yarışları, Beynəlxalq Şahmat Bəstəçiliyi Federasiyasının (WFCC World Federation for Chess Composition) iclasları və təşkilata yeni prezident seçkiləri baş tutub.WFCC-nin qərarı ilə ölkəmizin nümayəndəsi Elmar Abdullayevə şahmat bəstəçiliyinin üçgedişli bölməsi üzrə beynəlxalq hakim titulu verilib.Qeyd edək ki, 36 yaşı olan E.Abdullayev Şirvan şahmat məktəbinin yetirməsidir. O, Azərbaycanla yanaşı, Gürcüstan, Mərakeş və Rumıniyada ümumilikdə 7 yarışda hakimlik edib. E.Abdullayev bu adı qazanan üçüncü nümayəndəmizdir.Xatırladaq ki, bu titula 2009-cu ildə İlham Əliyev (etüd bölməsində), 2016-cı ildə isə Kənan Vəlixanov (yardımmat bölməsində) layiq görülüblər.xeber100.com

Cüdo üzrə Azərbaycan çempionatı keçiriləcək

Dekabrın 2-5-də Bakı İdman Sarayında cüdo üzrə qadınlar və kişilər arasında Azərbaycan çempionatı keçiriləcək.Yarışda 400-ə yaxın cüdoçu mübarizə aparacaq. Çempionatın fərdi yarışları dekabrın 2-4-də, komanda yarışları isə dekabrın 5-də baş tutacaq.Yarış hər gün saat 10:00-da başlayacaq, final görüşləri isə saat 16:30-da keçiriləcək.xeber100.com

Badmintonla bağlı “Shuttle Time Azerbaijan 2022” layihəsinə start verilib

Badmintonla bağlı “Shuttle Time Azerbaijan 2022” layihəsinə start verilib.Azərbaycan Badminton Federasiyasının mətbuat xidmətindən bildiriblər ki, layihənin ilk ünvanı Naxçıvan Muxtar Respublikası olub.İki gün ərzində keçirilən layihədə 80 nəfər məktəbli həyatında ilk dəfə badmintonla tanış olub. Beynəlxalq sertifikatlı məşqçilər heyəti tərəfindən iştirakçılara badminton haqqında məlumat verilib, praktiki məşğələlər keçirilib.İnteraktiv və əyləncəli badminton oyunları şagirdlər tərəfindən böyük maraqla qarşılanıb.Tədbirin sonunda iştirakçılara badminton ləvazimatları hədiyyə olunub.Qax, Şamaxı, Tovuz və Sabirabad rayonlarında da reallaşdırılacaq layihə Dünya Badminton Federasiyası, Avropa Badminton Konfederasiyası, Azərbaycan Milli Olimpiya Komitəsi, Gənclər və İdman Nazirliyi, Elm və Təhsil Nazirliyinin dəstəyi ilə icra edilir.Qeyd edək ki, bu günədək layihə Bakı, Sumqayıt, Qusar, Lənkəran və Gəncə şəhərlərində 400-dən çox müəllim və 400-dən çox şagirdin iştirakı ilə həyata keçirilib.xeber100.com

Qətərdəki futbol üzrə dünya çempionatında daha bir oyun keçirilib

Qətərdəki futbol üzrə dünya çempionatında daha bir oyun keçirilib.AZƏRTAC xəbər verir ki, C qrupunda Polşa yığması Səudiyyə Ərəbistanı komandası ilə üz-üzə gəlib. Görüş Polşa seçməsinin 2:0 hesablı qələbəsi ilə başa çatıb. Belə ki, qarşılaşmada ilk qolu 39-cu dəqiqədə Pyotr Zelinski vurub. Avropa təmsilçisinin kapitanı Robert Levandovski 82-ci dəqiqədə ikinci qolu rəqibin qapısından keçirib.Bu qrupun digər oyunu saat 23:00-da Argentina və Meksika yığmaları arasında olacaq.Qeyd edək ki, günün ilk oyununda - D qrupunda Avstraliya yığması Tunis komandasını 1:0 hesabı ilə məğlub edib. D qrupundakı digər oyunda Fransa və Danimarka komandaları qarşılaşacaqlar. Matç saat 20:00-da başlayacaq.xeber100.com

Qətərdə keçirilən dünya çempionatında daha bir qarşılaşma keçirilib

Qətərdə keçirilən dünya çempionatında daha bir qarşılaşma keçirilib.G qrupunun ikinci matçında Braziliya millisi Serbiya seçməsi ilə qarşılaşıb. Görüşdə Braziliya komandası rəqibini iki cavabsız qolla məğlub edib. Matçda hər iki qolu Riçarlison vurub. Futbolçu 62-ci və 73-cü dəqiqələrdə fərqlənərək komandası üçün 2:0 hesablı qələbəni təmin edib.Qeyd edək ki, noyabrın 24-də keçirilmiş qrupun ilk oyununda İsveçrə millisi Kamerun yığması üzərində minimal hesablı qələbə qazanıb – 1:0.Futbol üzrə dünya çempionatı ilk dəfədir Yaxın Şərqdə keçirilir. Qətər yarışa ev sahibliyi edən 18-ci ölkə kimi tarixə düşüb. Bu, həm də 32 komandanın iştirakı ilə baş tutan sonuncu çempionat olacaq. 2026-cı ildə ABŞ, Meksika və Kanadanın birgə təşkil edəcəyi mundialda isə 48 yığma mübarizə aparacaq.Qətərin ev sahibliyi etdiyi mundial 29 gün davam edəcək. 31 komanda və meydan sahiblərinin iştirakı ilə dünyanın ən güclüsü müəyyən olunacaq.Dünya çempionatında ümumilikdə 64 qarşılaşma keçiriləcək. 32 komanda hərəsində 4 yığma olmaqla səkkiz qrupda mübarizə aparır.Çempionluq uğrunda mübarizədə əvvəllər qalib olmuş 8 komandadan yeddisi iştirak edir. Braziliya, Almaniya, Argentina, Uruqvay, Fransa, İngiltərə və İspaniya yenə titul qazanmaq arzusundadır. Elə mundialın əsas favoritləri də onlardır. Uruqvay istisna olmaqla, digərləri qızıl medala namizədlər hesab olunur.xeber100.com

Azərbaycan Basketbol Federasiyasının məlumatı əsasında

“Sərhədçi” İdman Mərkəzinin idman zalında, “AAAF Xırdalan BK” və “Zirvə Astara BK” basketbolçuları arasında keçirilən qarşılaşma ilə Azərbaycan Basketbol Liqasının (ABL) 7-ci turu start götürüb.Azərbaycan Basketbol Federasiyasından (ABF) bildiriblər ki, turun açılış oyununda “AAAF Xırdalan BK” basketbolçuları rəqibinə 98-94 hesabı ilə qalib gələrək çempionatda 4-cü qələbəni qazanıblar. Oyunun nəticəsinə görə, ən məhsuldar basketbolçular Devin Pullum (26 xal, 3 ribaund, “AAAF Xırdalan BK”) və Rasshard Kruikşenk (23 xal, 7 ribaund, “Zirvə Astara BK”) seçiliblər.Qeyd edək ki, turun növbəti oyunları (“Gəncə BK” – “Sərhədçi PİK”, “Neftçi İK” – “NTD BK”, “Sabah BK” – “Olimpik Şəki BK”) noyabrın 26-27 –də keçiriləcək.xeber100.com