Azərbaycan Cüdo Federasiyasının məlumatına görə…

Bakıda keçiriləcək “Böyük dəbilqə” turnirinin medalları hazırdır.Azərbaycan Cüdo Federasiyasından bildiriblər ki, medalların ön tərəfində yarışın loqosu, Azərbaycan Respublikasının xəritəsi, yarışın tarixi və adı həkk olunub. Medalın arxa hissəsində isə Beynəlxalq Cüdo Federasiyasının (BCF) loqosu yer alıb.Qeyd edək ki, noyabrın 4-6-da Heydər Əliyev adına İdman Arenasında keçiriləcək yarışda cüdoçular 14 dəst medal uğrunda mübarizə aparacaqlar.xeber100.com

“Qarabağ” klubu qrup mərhələsində sonuncu oyununa çıxacaq

Ağdamın "Qarabağ" klubu bu gün UEFA Avropa Liqasının qrup mərhələsində sonuncu oyununa çıxacaq.Ağdam təmsilçisi G qrupunun altıncı turu çərçivəsində Almaniyanın "Frayburq" klubunu qəbul edəcək.Tofiq Bəhramov adına Respublika Stadionunda keçiriləcək matçı Aleksey Kulbakovun başçılıq etdiyi belaruslu hakimlər briqadası idarə edəcək."Qarabağ"ın heyətində Filip Ozobiç zədə səbəbindən görüşü buraxacaq. Qara Qarayevin qarşılaşmada iştirakı sual altındadır. Qonaqlarda zədəli Manuel Qulde, Merlin Röl və Jonatan Şmid Bakıya gətirilməyib.Qrupun digər oyununda "Olimpiakos" Yunanıstanda Fransa "Nant"ını qəbul edəcək. Hazırda 7 xalla ikinci sırada qərarlaşan Azərbaycan təmsilçisi qələbə qazanacağı təqdirdə digər matçın nəticəsindən asılı olmayaraq pley-offa yüksələcək.G qrupunda 13 xala malik "Frayburq" liderliyini təmin edib. "Qarabağ"la yanaşı 6 xalı olan "Nant"ın da növbəti mərhələyə yüksəlmək şansı davam edir. Fransalılar Afinada qalib gəlməyə çalışacaq, həmçinin Bakıda "Qarabağ"ın xal itirməsini gözləyəcək.xeber100.com

“Meltwater Champions Chess” turnirinin final mərhələsi start götürəcək

Noyabrın 14-də San-Fransiskoda şahmat üzrə “Meltwater Champions Chess” turnirinin final mərhələsi start götürəcək.Turnirdə azərbaycanlı qrosmeyster Şəhriyar Məmmədovla yanaşı, hazırkı dünya çempionu, norveçli Maqnus Karlsen, Uelsli So (ABŞ), Aniş Giri (Niderland), hindistanlı şahmatçılar Rameşbabu Praqnanandha, Arjun Eriqaisi, polşalı Yan-Kşiştov Duda, vyetnamlı Le Quanq Liem mübarizə aparacaqlar.Hibrit formatda və dairəvi sistem üzrə təşkil ediləcək yarış noyabrın 20-dək davam edəcək.xeber100.com

UEFA Konfrans Liqasında qrup mərhələsinə yekun vurulacaq

Bu gün UEFA Konfrans Liqasında qrup mərhələsinə yekun vurulacaq.Altıncı turun oyunlarından sonra növbəti mərhələyə vəsiqə qazanan bütün komandalar bəlli olacaq.Pley-offa adlayacaq digər 8 kollektivin adına isə son turdan sonra aydınlıq gələcək.Günün oyunları aşağıdakılardır: A qrupu 19:30 - RFŞ (Latviya) - "Fiorentina" (İtaliya) 19:30 - "Başakşehir" (Türkiyə) - "Harts" (Şotlandiya) Xal durumu: "Başakşehir" - 10, "Fiorentina" - 10, "Harts" - 6, RFŞ - 2 B qrupu 00:00 - "Styaua" (Rumıniya) - "Vest Hem" (İngiltərə) 00:00 - "Silkeborq" (Danimarka) - "Anderlext" (Belçika) Xal durumu: "Vest Hem" - 15, "Silkeborq" - 6, "Anderlext" – 5, "Styaua" - 2 C qrupu 23:00 – “Lex" (Polşa) - "Vilyarreal" (İspaniya) 23:00 - "Hapoel" (Ber-Şeva, İsrail) - "Austriya" (Vyana, Avstriya) Xal durumu: "Vilyarreal" - 13, "Lex" - 6, "Hapoel" - 4, "Austriya" - 2 D qrupu 00:00 - "Partizan" (Serbiya) - "Slovaçko" (Çexiya) 00:00 - "Köln" (Almaniya) - "Nitsa" (Fransa) Xal durumu: "Nitsa" - 8, "Partizan" - 8, "Köln" - 7, "Slovaçko" - 4 E qrupu 21:45 - "Apollon" (Limassol, Kipr) - "Vaduts" (Lixtenşteyn) 21:45 - "AZ Alkmaar" (Niderland) - "Dnepr-1" (Ukrayna) Xal durumu: "AZ Alkmaar" - 12, "Dnepr-1" - 10, "Apollon" - 4, "Vaduts" - 2 F qrupu 21:45 - "Yurqorden" (İsveç) - "Şemrok Rovers" (İrlandiya) 21:45 - "Gent" (Belçika) - "Molde" (Norveç) Xal durumu: "Yurqorden" - 13, "Molde" - 7, "Gent" - 5, "Şemrok Rovers" - 2 G qrupu 21:45 - "Slaviya" (Praqa, Çexiya) - "Sivasspor" (Türkiyə) 21:45 - ÇFR (Rumıniya) - "Balkani" (Kosovo) Xal durumu: "Sivasspor" - 10, ÇFR - 7, "Slaviya" - 7, "Balkani" - 4 H qrupu 21:45 - "Jalgiris" (Litva) - "Slovan" (Bratislava, Slovakiya) 21:45 - "Pünik" (Ermənistan) - "Bazel" (İsveçrə) Xal durumu: "Bazel" - 8, "Slovan" - 8, "Pünik" - 6, "Jalgiris" – 5.xeber100.com    

“Atletiko Madrid” futbol klubu avrokuboklarla vidalaşıb

UEFA Çempionlar Liqasının qrup mərhələsində sonuncu - VI tura start verilib.Artıq B qrupunda mübarizəyə yekun vurulub.Portuqaliyada İspaniyanın "Atletiko Madrid” komandasına 2:1 hesabı ilə qalib gələn "Portu" 1/8 finala qrup lideri kimi adlayıb. Madrid təmsilçisi sonuncu yeri tutaraq avrokuboklarla vidalaşıb.Almaniyada “Bayer Leverkuzen”lə qolsuz heç-heçə edən Belçika "Brügge"si pley-offa ikinci yerin sahibi kimi yüksəlib. Qrup 3-cüsü olan “Bayer Leverkuzen” isə mübarizəni Avropa Liqasının pley-off mərhələsində davam etdirəcək. Çempionlar Liqası Qrup mərhələsi, VI tur 1 noyabr B qrupu 21:45. "Portu" (Portuqaliya) - "Atletiko" (Madrid, İspaniya) - 2:1 Qollar: Mehdi Taremi, 5. Stiven Euştakiu, 24 - İvan Markano, 90+5 (avtoqol)xeber100.com

UEFA Avropa Liqasının qrup mərhələsinin altıncı turu çərçivəsində

Qarşılaşmaya ciddi yanaşacağıq. Bakıdakı matçda qələbə qazanmaq istəyirik.Bunu UEFA Avropa Liqasının qrup mərhələsinin altıncı turu çərçivəsində Bakıda Ağdamın “Qarabağ” klubunun qonağı olacaq Almaniyanın "Frayburq" komandasının futbolçusu Yannik Kaytel oyundan əvvəl təşkil olunan mətbuat konfransında deyib.Futbolçu bildirib ki, heyətdə kimin yer almasından, hansı ölkədə çıxış etməyimizdən asılı olmayaraq, yüz faiz gücümüzü ortaya qoyacağıq. “Qarabağ” ilə görüş çox gərgin keçmişdi. Onların yaxşı hücumçuları var. Sabahkı qarşılaşmanı da səbirsizliklə gözləyirəm.Qeyd edək ki, noyabrın 3-də Tofiq Bəhramov adına Respublika Stadionunda keçiriləcək matç saat 21:45-də başlayacaq.xeber100.com

Azərbaycan idmançılarının noyabr ayı üçün reytinq cədvəli açıqlanıb

Gənclər və İdman Nazirliyi Olimpiya növləri üzrə milli komandaların idmançılarının noyabr ayı üçün reytinq cədvəlini açıqlayıb.Nazirliyin rəsmi saytı xəbər verir ki, bədii gimnastika üzrə qrup hərəkətləri komandamız 685 xalla siyahıya başçılıq edir.Bədii gimnast Zöhrə Ağamirova 640 xalla ikinci, idman gimnastı İvan Tixonov isə 390 xalla üçüncü pillədə yer alıb.Qeyd edək ki, reytinq xallarının hesablanması Gənclər və İdman Nazirliyinin müəyyənləşdirdiyi qaydalara uyğun aparılır.Növlər üzrə beynəlxalq yarışlar öz reytinqinə əsasən 5 kateqoriyaya bölünür və həmin yarışlarda tutulan yerlərə uyğun xallar hesablanır.xeber100.com

“Selta” komandasının baş məşqçisi istefaya göndərilib

İspaniyanın “Selta” komandasının baş məşqçisi Eduardo Koudet istefaya göndərilib.Argentinalı mütəxəssislə müqaviləyə uğursuz nəticələr səbəbindən xitam verilib.O, 2020-ci ilin noyabrından La Liqa təmsilçisinə rəhbərlik edirdi.Qeyd edək ki, "Selta" hazırda turnir cədvəlinin 16-cı pilləsində qərarlaşıb.xeber100.com

Futbol üzrə İsveç çempionatında mövsümün qalibi müəyyənləşib

Futbol üzrə İsveç çempionatında mövsümün qalibi müəyyənləşib.“Hakken” sona bir tur qalmış “Höteborq”u 4:0 hesabı ilə məğlub edərək çempionluğu rəsmiləşdirib.Komanda 29 turdan sonra 63 xal toplayıb. "Hakken"i 57 xalla “Yurqorden” izləyir. Üçüncü pillədə isə 53 xalı olan “Hammarbü” qərarlaşıb.Bu, “Hakken”in tarixində ilk çempionluğudur. 1940-cı ildə yaranmış klubun bundan əvvəl ən yaxşı nəticəsi 2012-ci ildə gümüş mükafat qazanması olub.xeber100.com

Futbol üzrə dünya çempionatı üçün genişləndirilmiş heyət açıqlanıb

Futbol üzrə Xorvatiya millisinin dünya çempionatı üçün genişləndirilmiş heyəti açıqlanıb.Xorvatiya Futbol Federasiyasının saytına xəbər verir ki, baş məşqçi Zlatko Daliç ilkin siyahıya 34 futbolçunun adını daxil edib.Heyətdə qapıçılar - Dominik Livakoviç ("Dinamo" Zaqreb), İvitsa İvuşiç ("Osiyek"), İvo Qrbiç ("Atletiko" Madrid)), Dominik Kotarski (PAOK), Nedilko Labroviç ("Riyeka"), müdafiəçilər - Domaqoy Vida (AEK), Deyan Lovren ("Zenit"), Borna Barişiç ("Reyncers"), Due Çaleta-Çar ("Sauthempton"), Yosip Yuranoviç ("Seltik"), Yoşko Qvardiol ("Leyptsiq"), Borna Sosa ("Ştutqart"), Yosip Stanişiç ("Bavariya"), Marin Ponqraçiç ("Leççe"), Martin Erliç ("Sassuolo"), Yosip Şutalo ("Dinamo" Zaqreb), yarımmüdafiəçilər - Luka Modriç ("Real"), Mateo Kovaçiç ("Çelsi"), Marselo Brozoviç ("İnter"), Mario Paşaliç ("Atalanta"), Nikola Vlaşiç ("Torino"), Luka İvanuşets, Yosip Mişiç (hər ikisi "Dinamo" Zaqreb), Lovro Mayer ("Renn"), Kristian Yakiç ("Ayntraxt"), Luka Suçiç ("Zalsburq"), hücumçular - İvan Perişiç ("Tottenhem"), Andre Kramariç ("Hoffenhaym"), Yosip Brekalo ("Volfsburq"), Bruno Petkoviç, Mislav Orşiç (hər ikisi "Dinamo" Zaqreb), Ante Budimir ("Osasuna"), Marko Livaya ("Hayduk") və Antonio Çolak ("Reyncers") yer alıblar.Qeyd edək ki, mundial noyabrın 20-dən dekabrın 18-dək Qətərdə keçiriləcək. Xorvatiya millisi çempionatda Belçika, Kanada və Mərakeşlə birlikdə F qrupunda mübarizə aparacaq.xeber100.com