“Zirə” futbol klubu son yoxlama oyununu keçirib

“Zirə” futbol klubu Türkiyə toplanışı çərçivəsində son yoxlama oyununu keçirib.Azərtac xəbər verir ki, komandamız Rumıniya çempionu “Vitorul”la üz-üzə gəlib.Oyuna yaxşı başlayan “Zirə” artıq üçüncü dəqiqədə hesabı açıb. Pressinq nəticəsində Viktor İqbekoyi topu rəqibdən alıb Orxan Əliyevə ötürüb. O.Əliyev isə 3-cü yoxlama oyununda da fərqlənməyi bacarıb. Fasiləyə qədər “qartallar” rəqib qapısına daha bir dəfə yol tapıblar. “Zirə”nin heyətində ilk oyununu keçirən David Manqanın yerinə yetirdiyi cərimə zərbəsindən sonra qapı tirinə dəyən top çərçivəni keçsə də, baş hakim mərkəzi göstərməyib.Fasilədən sonra hər iki komandanın baş məşqçisi əsas heyətin əksər üzvlərini dəyişiblər. Nəticəyə gəlincə 2 qol vuran “Vitorul” qələbə qazanıb. Bir epizodda isə Kamal Bayramov rəqibin 11 metrlik cərimə zərbəsindən fərqlənməsinə imkan verməyib.Beləliklə, qarşılaşma “Vitorul”un 2:1 hesablı qələbəsi ilə başa çatıb.xeber100.com

Boksçular arasında Avropa çempionatında 1/8 finala yekun vurulub

Ukraynanın Xarkov şəhərində keçirilən kişi boksçular arasında Avropa çempionatında 1/8 finala yekun vurulub. Bu mərhələnin ikinci günündə Azərbaycan yığmasının 4 üzvü gücünü yoxlayıb.Azərtac xəbər verir ki, millimizin heyətində ilk olaraq rinqə Tayfur Əliyev çıxıb. Turnirdə 56 kiloqram çəki dərəcəsində mübarizə aparan təmsilçimiz irlandiyalı Antoni Ceyms Uolkerlə üz-üzə gəlib. Görüş rəqibin 4:1 hesablı qələbəsi ilə yekunlaşıb.Ardınca 75 kiloqram çəki dərəcəsində mübarizə aparan Kamran Şahsuvarlı gücünü yoxlayıb. Olimpiya mükafatçımız digər İrlandiya boksçusu Emmet Brennan ilə döyüşüb və 5:0 hesabı ilə qalib gəlib. O, növbəti qarşılaşmasında almaniyalı Silvio Şyerle ilə qüvvəsini sınayacaq.Abdulqadir Abdullayev də Kamran Şahsuvarlı kimi həm mərhələ adlayıb, həm də dünya çempionatına lisenziyaya yiyələnib. Avropa çempionatında 91 kiloqram çəki dərəcəsində yarışan boksçumuz 1/4 finala gedən yolda Şotlandiya idmançısı Şott Antoni Forresti mübarizədən kənarlaşdırıb – 3:2. O, çempionatda ikinci görüşünü ingiltərəli Çeavan Klarka qarşı keçirəcək.Səkkizdəbir finalda son təmsilçimiz Cavid Çələbiyev (60 kq) isə fransalı Sofian Oumihaya məğlub olub. Rəqib 3:2 hesablı qələbə sayəsində mərhələ adlayıb.Beləliklə, yığmamızın 5 üzvü mübarizəni iyunun 21-də baş tutacaq 1/4 finalda davam etdirəcək. Onlar, həmçinin dünya çempionatında iştirak hüquna da yiyələniblər.Qeyd edək ki, K.Şahsuvarlı və A.Abdullayevədək Lorenzo Sotomayor (64 kq), Pərviz Bağırov (69 kq) və Məhəmmədrəsul Məcidov (91 kq-dan yuxarı) da 1/8 final görüşünü qələbə ilə başa vurmuşdular. Onlar 1/4 finalda müvafiq olaraq, polşalı Mateuş Polski, ukraynalı Yevgeni Barabanov və fransalı Camili-Dini Aboudo-Moindze ilə üz-üzə gələcəklər.xeber100.com  

“Zirə” futbol klubu ikinci yoxlama oyununu keçirib

Türkiyənin Bolu şəhərində təlim-məşq toplanışında olan “Zirə” futbol klubu ikinci yoxlama oyununu keçirib.Azərtac xəbər verir ki, komandamız Kamerunun “Kolumbe Sportivo” klubu ilə üz-üzə gəlib.Oyuna sürətli başlayan “qartallar” erkən qollarla rəqibi sarsıdıblar. “Zirə”nin yeni transferi Kervens Belfor ilk 5 dəqiqədə dublunu rəsmiləşdirib. Fasiləyə qədər Riçard Qadze 2, Təmkin Xəlilzadə və Orxan Əliyev isə bir qola imza atıblar. İlk yarı “Zirə”nin 6:0 hesablı qələbəsi ilə başa çatıb.İkinci hissədə isə Sadiq Quliyev və Müşfiq İlyasov rəqib qapısına yol tapıblar. “Zirə” kamerunlular üzərində 8:0 hesablı qələbə qazanıb.İlk yoxlama oyununda Bakı “İnter”ini 2:0 hesabı ilə məğlub edən “Zirə” iyunun 20-də keçiriləcək sonuncu yoxlama oyununda Rumıniyanın “Vitorul” klubu ilə üz-üzə gələcək. Həmin qarşılaşma Bakı vaxtı ilə saat 18:00-da başlayacaq.xeber100.com

2017/2018-ci il mövsümünün təsnifat mərhələsinin püşkü atılıb

İyunun 19-da İsveçrənin Nyon şəhərində, UEFA-nın mənzil-qərargahında futbol üzrə Avropa Liqasının 2017/2018-ci il mövsümünün birinci və ikinci təsnifat mərhələsinin püşkü atılıb. Avroliqanın ilk təsnifat mərhələsində 100 klub mübarizəyə başlayacaq. Daha yüksək reytinqli 16 komanda isə ikinci təsnifat mərhələsində yarışa qoşulacaq.İlk təsnifat mərhələsində “İnter” Serbiyanın “Mladost Luçani”, “Zirə” isə Lüksemburqun “Differdanj 03” klubu ilə qarşılaşacaq. Azərbaycan Premyer Liqasının gümüş medalçısı “Qəbələ” isə ikinci təsnifat mərhələsindən mübarizəyə başlayacaq 16 komandadan biridir. Güclülərin arasında olan “Qəbələ” nisbətən zəif rəqiblə – ilk təsnifat mərhələsində qarşılaşacaq “Yaqiellonia Bialistok” (Polşa) və “Dinamo Batumi” (Gürcüstan) cütlüyünün qalibi ilə görüşəcək. “Qəbələ” ilk oyunu iyulun 13-də evdə, iyulun 20-də isə səfərdə keçirəcək.xeber100.com

Şahmat üzrə beynəlxalq festival başa çatıb

Türkiyənin Çeşmə şəhərində şahmat üzrə beynəlxalq festival başa çatıb. Azərbaycan nümayəndəsi Vüqar Rəsulov festivalın gümüş medalını qazanıb.Azərtac xəbər verir ki, “A” turnirində 9 mümkün xaldan 7 xal toplamış Ukrayna nümayəndəsi Andrey Sumets qalib gəlib. Vüqar Rəsulov, Yuri Solodovniçenko (Ukrayna), Gürcüstan nümayəndələri Konstantin Şanava və Qiqi Kuparadze, habelə rusiyalı Yevgeni Qleyzerovun da aktivində bu qədər xal var. Əlavə göstəricilər nəzərə alınmaqla gümüş medal Azərbaycan qrossmeysterinə, bürünc medal isə Ukrayna şahmatçısına təqdim edilib.Azərbaycanın digər nümayəndələri: Ülvi Sadıqov (6,5 xal) 8-ci, Şəhriyar Rəhmanov (6 xal) 17-ci, hərəsinin aktivində 5,5 xal olan Nail Bəşirli və Bəhruz Rzayev, müvafiq surətdə, 24-cü və 28-ci yerləri tutublar. Cəmi 5 xal toplamış Azər Abdullayev isə 41-ci yerlə kifayətlənməli olub.Turnirdə 10-dan çox ölkədən 128 şahmatçı, o cümlədən 14 qrossmeyster iştirak edirdi.xeber100.com

“Neftçi” futbol klubunun hazırlıq planı müəyyənləşib

Bakının “Neftçi” futbol klubunun hazırlıq planı müəyyənləşib.Azərtac kluba istinadla xəbər verir ki, iyunun 26-da Bakıda təlim-məşq toplanışına başlayacaq komanda iyulun 24-də ölkə xaricinə çıxacaq. Hazırlıq prosesi avqustun 3-dək Avstriyanın Kirxdorf bölgəsində təşkil olunacaq.Toplanış çərçivəsində ilk yoxlama oyunu iyulun 26-da Bakı vaxtı ilə saat 20:00-da Almaniyanın “Şalke” klubuna qarşı olacaq. Digər yoxlama görüşləri iyulun 30-da və avqustun 2-3-də baş tutacaq.xeber100.com

Futbol matçlarının qaydalarında bir neçə dəyişiklik hazırlanıb

Beynəlxalq Futbol Assosiasiyaları Şurası (İFAB) futbol matçlarının qaydalarında novator xarakterli bir neçə dəyişiklik hazırlayıb.“Sports.ru” saytı xəbər verir ki, “Play Fair!” (“Vicdanla oyna!”) strategiyası çərçivəsində oyun müddətini 90 dəqiqə “çirkli” vaxtdan 60 dəqiqə “təmiz” vaxta qədər azaltmaq təklif olunur. Bu halda xokkeydə və basketbolda olduğu kimi, pauzalar müddətində saniyəölçəni saxlamaq nəzərdə tutulur. Bu tədbir oyunların daha baxımlı olmasına yönəldilib.Bundan əlavə, İFAB təklif edir ki, qapıçının öz oyunçusu cərimə meydançasında ayağı ilə pas verəndən sonra qapıçı topu əlinə götürdüyü hallarda sərbəst zərbə əvəzinə cərimə zərbəsi təyin edilsin.Daha bir ideya irəli sürülüb: futbolçu bilərəkdən əli ilə qol vurubsa və ya topu qapı xəttinə əli ilə yönəldibsə həmin futbolçu meydandan çıxarılsın. Əgər oyunçu topu boş qapıdan əli ilə çıxararsa, bu halda qol sayılması təklif olunur.Xatırladaq ki, İFAB futbol oyunu qaydalarının hazırlanması və tənzimlənməsi ilə məşğul olan beynəlxalq təşkilatdır. İFAB çərçivəsində hazırlanan dəyişikliklərin qüvvəyə minməsi üçün həmin dəyişikliklər Beynəlxalq Futbol Federasiyası (FİFA), habelə İngiltərə, Şotlandiya, Uels və Şimali İrlandiya futbol federasiyaları tərəfindən bəyənilməlidir.xeber100.com

Konfederasiyalar Kuboku turnirində “B” qrupunun ikinci matçında…

İyunun 19-da futbol üzrə Konfederasiyalar Kuboku turnirində “B” qrupunun ikinci matçında Almaniya və Avstraliya milli komandaları qarşılaşıb.Azərtac xəbər verir ki, Soçi şəhərində keçirilən oyun Almaniya yığmasının 3:2 hesablı qələbəsi ilə başa çatıb. Almaniya yığmasının heyətində qolları oyunun 5-ci dəqiqəsində Lars Stindl, 45-ci dəqiqədə Yulian Draksler (penaltidən) və 48-ci dəqiqədə Leon Goreçka vurub. Avstraliya komandasının heyətində 41-ci dəqiqədə Tom Rogik, 56-cı dəqiqədə Tomi Juric fərqləniblər.Xatırladaq ki, iyunun 18-də Konfederasiyalar Kubokunun “B” qrupunun birinci oyununda Çili millisi Kamerun komandasına 2:0 hesabı ilə qalib gəlmişdi. Beləliklə, bu qrupda ilk turdan sonra hər birinin hesabında 3 xal olan Çili və Almaniya yığmaları birinci və ikinci yerləri bölüşürlər.İyunun 21-də “A” qrupunda növbəti oyun Moskvada Rusiya və Portuqaliya komandaları arasında olacaq. Görüş saat 19:00-da başlayacaq. Həmin qrupun digər matçında Meksika millisi Yeni Zelandiya ilə qarşılaşacaq. Soçidə keçiriləcək bu görüşə saat 22:00-da start veriləcək.Turnirə iyulun 2-də yekun vurulacaq.xeber100.com

Formula-1 Azərbaycan Qran-Prisi çərçivəsində

Yerli kosmetik vasitələrinin istehsalçısı “Gazelli Group” şirkəti bu il Bakıda keçiriləcək Formula-1 Azərbaycan Qran-Prisi çərçivəsində Bakı Marşal Klubuna dəstək göstərəcək.Azərtac xəbər verir ki, əldə olunan razılığa əsasən, “Gazelli Group” iyunun 23-25-də Bakıda baş tutacaq Azərbaycan Qran-Prisində fəaliyyət göstərəcək marşalları öz məhsulları ilə təmin edəcək.“Gazelli Group” şirkətinin ictimaiyyətlə əlaqələr şöbəsinin müdiri Yelena Eyvazlı ölkəmizdə keçirilən yarışa dəstək göstərməkdən böyük məmnunluq duyduqlarını bildirərək deyib: “Şirkətimiz Azərbaycanda keçirilən əksər ictimai, mədəni və idman tədbirlərinə hər zaman öz dəstəyini göstərir. Azərbaycan Qran-Prisinə də istehsal etdiyimiz məhsullarla töhfə verəcəyimizə görə olduqca şadıq. Biz növbəti illərdə də oxşar tədbirlərə dəstək verməkdə davam edəcəyik”.“Bakı Şəhər Halqası” Əməliyyat Şirkətinin idman əməliyyatları şöbəsinin direktoru və qurumun tərkibində fəaliyyət göstərən Bakı Marşal Klubunun rəhbəri Çingiz Mehdiyev göstərilən əməkdaşlığa görə təşəkkürünü bildirib: “Marşallar müxtəlif hava şəraitində təlim keçirək yarışa hazırlaşırlar. Xüsusən də uzun çəkən yarış sessiyaları zamanı əksər hallarda günəşdən qorunma vasitələrinə ehtiyac duyurlar. İnsan amili Bakı Marşal Klubunun başlıca dəyərlərindəndir. Biz bunu rəhbər tutaraq marşallarımız üçün hər zaman ən keyfiyyətli vasitələri seçirik. Bu il yarış zamanı marşallarımız “Gazelli Group” şirkətinin bizə təqdim etdiyi xüsusi kosmetik vasitələri istifadə edəcəklər. Biz də öz növbəmizdə göstərilən diqqətə və dəstəyə görə “Gazelli Group” şirkətinə dərin minnətdarlığımızı bildiririk”.xeber100.com

Konfederasiyalar Kubokunun ikinci günündə…

İyunun 18-də Rusiyada keçirilən Konfederasiyalar Kubokunun ikinci gününün son qarşılaşmasında Çili millisi Kamerun komandası ilə qarşılaşıb.Azərtac xəbər verir ki, Cənubi Amerika çempionunun üstünlüyü ilə keçən matçın birinci hissəsində hesab açılmayıb. İkinci hissədə də təşəbbüsü əldən verməyən Çili komandası görüşün sonlarında vurduğu qollarla rəqibini 2:0 hesabı ilə məğlubiyyətə uğradıb. Cənubi amerikalıların heyətində 81-ci dəqiqədə Arturo Vidal və 91-ci dəqiqədə Eduardo Varqas fərqləniblər.xeber100.com